الصفحات

▼

السبت، 20 أغسطس 2011

انى صائم

لا ينافس عمرو مصطفى فى البلاهة الا عفاف شعيب و من لا يصدقنى فليشاهد برنامج فاصل على الهواء بقناة المحور ليتها سكتت

اعتقد ان خريطة نجوم الدراما فى رمضان ستتغير و سيحتلها نجوم جديدة مثل خالد الصاوى و عمرو سعد و احمد مكى و المفاجاة احمد شاكر بمسلسله الجميل رجل لهذا الزمان اعتقد ان نجوم كثيرين سيتختفون  باستثناء النجمة اللامعة فيفى عبدة لانها لزقة من نوع خاص لزقة امريكانى

من معرفتى بشخصية فيفى عبده و بقربى من كواليس من يعملون معها بدات اشك فى ان زيادة وزن سمية الخشاب فى مسلسل كيد النساء بتعليمات من فيفى عبدة حتى يتساوى الرؤوس اقصد يتساوى الوزن

بعد برنامج رامز قلب الاسد و بين السماء و الارض و الاسانسير و هو فيه كده و تدور الاحداث جميعها داخل اسانسير هل هو افلاس افكار او توارد خواطر اقترح ان يتم الاستغناء عن الانتاج و ان يستبدل المنتج برئيس اتحاد ملاك

ثلاث برامج تتفق فى الفكرة الواحدة  ارجوك متفتيش و توك شو زى العسل و مذيعة بس فظيعة و تتفق ايضا فى ثقل الظل و محاولة السخرية من الناس البسيطة التوك شو اللى زى العسل مش معناه السخرية من الناس بطريقة فظيعة ارجوكوا متفتوش على حساب الناس البسيطة   

عندما نتكلم عن الافلاس و الجمود الفكرى نتكلم عن تونى خليفة و برنامج  الشعب يريد و عندما نتكلم عن الاستظراف و التصنع حسين الامام و برنامج ما تيجى اقولك و عندما نتكلم عن التمثيل الاعلامى داليا ابو عمر و برنامج العصابة و عندما نتكلم عن التفاهة برنامج  بين السماء و الارض لكن عندما نتكلم عن الافلاس و الجمود الفكرى و الاستظراف و التصنع و التمثيل الاعلامى و التفاهة لا نجد الا برنامج مكانش يومك

كل ما يكسبه ابراهيم عيسى من مساحة و مكانة اعلامية طوال العام يخسرها ببرنامج تلفزيونى رمضانى هى ايه اللى حمرا يا دكتاتور
 بلد مجانيين صحيح 
 
 

هناك 25 تعليقًا:

  1. مساء الورد ابراهيم

    بكل صراحة البرنامج الوحيد الذي

    أتابعه بضمير هو برنامج عمرو خالد و

    كنت أتابع خواطر بعدها فقط ولكن ألغيت

    هذا البرنامج من يومياتي حتى لا أصاب

    بأزمة ثقة ببلداننا العربية فلا أستطيع

    أستردادها بعد ذلك ...

    أما المسلسلات فعند النوم فقط أفتح

    الشاشة حتى أنام وأكرم عيني وسمعي من

    بعض المشاهد فوالله أنهم سبب مباشر

    لإفطارنا والعياذ بالله لذلك أبحث قدر

    المستطاع عن مسلسل نظيف بالمعنى

    الحرفي ...

    صدقني برامجنا لم ترقى أبداً في يوم

    لذائقتنا فما بين أستخفاف وتهريج

    ورقص وغناء ضاعت محاطاتنا العربي ولكن

    هذا لا يمنع أن هناك صيد نستطيع

    إقتناصه من هنا وهناك ...

    نقدك جميل لكل عمل فني

    تحياتي وإحترامي

    ردحذف
  2. انت عارف لما تعمل حاجة عظيم . . و يجي حد مكانش عوزهالك . . يحاول ينسيك الي انت عملتو و يستخف بيك و يحولك لمهرج و يضحك عليك . . و هدول البرامج كلها مدفوعة و دعوعه على الناس محاولة للاستخفاف بيهم و اعادة بذور الياس . . و كانو عاوز يقلك انتو فرحانين بي ايه دنتم متخلفين . . و عمال يستخفوا بعقول الناس على حساب الشهر الكريم و تفاهة و كمان بيسرقوا وقتنا على و لا حاجة و بيضيعوا بعمر الامة على و لا حاجة !!

    الله يرأف بحالنا و يعدلها يارب

    ردحذف
  3. مع إني مش متابعه كويس بس الحاجات اللي وفتها بتتطابق مع وجهة نظر حضرتك خصوصاً (مكانش يومك) و (أرجوك متفتيش)
    بس اللي بحبه جداً (رامز قلب الأسد) جميل أوي بيضحكني مهما كنت متضايقه.

    تحياتي لحضرتك
    و على فكرة أبياتك الشعريه حلوه أوي متكرر التجربه و تنشرها في المدونه عندك

    ردحذف
  4. مساؤك ورد وهنا اخى الفاضل

    مع انى موش متابعه خالص لاى مما ذكرت ,, الا انى اتفق اكيد مع كلامك لانى عارفه نوعيه اعمال رمضان واستهتارها بالعقول ,,
    وبرضو لا املك غير انى اقول ربك يرحمنا منهم اهم فلول رمضان هههههههه

    احترامى لرايك دائما

    ردحذف
  5. فعلاً ... أرددها معك وبأعلى صوت : اللهم إنى صائم

    ردحذف
  6. في الحقيقة لا اتابع اي برنامج من البرامج التي ذكرتها.. كي اقول رأيي.. لكني مدركة تماما مدى الاسفاف الذي وصلت اليه اغلب البرامج العربية..(كان الله في عوننا!)
    تقبل مروري اخي..

    ردحذف
  7. مش عارفه هو انا اللى بحب النقد فعلشان كده بحب طريقه نقدك ولا انت اللى طريقه نقدك تحبب اى حد فى النقد
    فهمت حاجة؟
    ههههههههههههههههههه

    انا مافيش حد بيحسسنى بانى لامؤاخذة غبيه الا حسن الامام ده

    ردحذف
  8. مساء الغاردينيا أستاذ براهيم
    ولازلنا في دائرة التلفزيون والمسلسلات لانها تعرض علينارغماً عنا لنتقبل مالا نود قبوله بذلك الحشو المستهلك والإستخفاف بعقولنا كـ مشاهدين ولكن كما ذكر ريبال الغالي لابد هناك صيد قد نقتنصه من هنا او هناك "
    ؛؛
    ؛
    دراسة السينما متعبه ولا ايه رايك :)
    لروحك عبق الغاردينيا
    كانت هنا
    reemaas

    ردحذف
  9. انا الحمد لله مش بشوف ايوتها حاجه من التى فى هى الحكايه ناقصه هبل D:

    كان نفسى اكون متابعه عشان اتريق معاك

    بس اعصابى ماتستحملش الهبل بتاعهم ده

    كل رمضان وانت طيب يااستاذ ابراهيم

    (:

    ردحذف
  10. ههههههههه ....اتفق معاك بذات فى ثقل دم برنامج رامز فهو كبشه من خلطه الاستهبال و الاستعباط و الخفافه ....

    ضيف على اللى بتقوله ده كله رخامه و غلاسه برنامج"كش ملك...و نونه الملعونه

    ردحذف
  11. التلفزيون السنادى يجيب جنان للواحد
    احلى حاجه فيه
    الاعلانات :D

    ردحذف
  12. ريبال بيهس
    اخى العزيز

    يوجد كثير من البرامج الجيدة سأتى اليها فى حينها لكن طبيعتى كناقد قديم ابدء بالسىء

    نورتنى
    تحياتى و تقديرى

    ردحذف
  13. haneen adam

    متفق معكى تماما فى كل كلمة كتبتيها

    نورتينى
    تحياتى

    ردحذف
  14. شرين سامى

    كويس اننا متفقين
    هههههه

    رامز رغم سخافة الفكرة لكن طالما تثير الابتسامة فلا مانع

    بالنسبة للشعر التجربة موجودة منزمان

    نورتينى
    خالص

    ردحذف
  15. بسمة الورد

    كويس انك مش متابعة

    فعلا ربنا يرحمنا من فللول رمضان
    ههههههه
    نورتينى
    تحياتى

    ردحذف
  16. محمد الجرايحى
    استاذى الفاضل

    اللهم انى صائم

    نورتنى
    خالص تحياتى

    ردحذف
  17. منيرة سوار
    اختى العزيزة

    كفاكى الله شر البرامج
    هههههههه

    نورتينى
    خالص تحياتى

    ردحذف
  18. reemaas

    مش عارف يا نور
    ههههههههههه

    اصلى انا درست شوية نقد و عملت فترة بالنقد و قلت اطلعه عليكوا شوية و بينى و بينك متقوليش لحد انا مبطبقش حاجة من اللى درستها
    اصل اغلب اللى دراسولى فشلة فى النقد و مبحبش كتابتهم

    نورتينى
    خالص تحياتى

    ردحذف
  19. ريماس
    اختى الغالية

    انا زعلان منك و مش هارد عليكى
    لا على فكرة مقدرش ازعل منك
    هو فيه حد يزعل من اخته الصغيرة

    دراسة السينما يا ريماس غير متعبة هى ممتعة بالذات لمن يحبها و للموهوبين و للمبدعين امثالك
    و على فكرة اغلب مبدعى السينما المصرية درسوا سينما بجوار دراستهم العادية

    نورتينى يا ريمسو

    ردحذف
  20. دعاء العطار

    تابعى يا دعاء اشمعنى انا
    ههههههههههه

    انا باتابعها بعين ناقد يجب ان يرى الجميع فقط

    نورتينى
    تحياتى

    ردحذف
  21. د دودى


    متفق معكى تماما
    حنان ترك خسرت كثيرا بنونة المجنونة

    نورتينى
    تحياتى

    ردحذف
  22. Bent Men ALZaman Da

    حتى الاعلانات بها كثير مستفز زى البوكسر و استرجل
    هههههههههه

    نورتينى
    خالص تحياتى

    ردحذف
  23. اسمها سميه الخشاب مش سميه الالفى:)

    ردحذف
  24. فافى

    غلطة مطبعية يا افندم
    ههههههههه

    علم و نفذ

    نورتينى
    خالص تحياتى

    ردحذف
  25. عايزين البوست الجاى عن الحاجات المفيده بقى فى برامج رمضان
    يعنى عندك مع التابعين للدكتور عمرو خالد
    وثوره على النفس لمعز مسعود
    والرائع احمد الشقيرى بخواطر 7
    وسيبك من الكلام التعبان الباقى

    ردحذف