فرخة بركة فرخة عتاقى لكن ورور
فرخة عتاقى لكن بيضها زى المرمر
فرخة بركة . بركة رزقه و زى السكر
جاله حرامى فى السرقة و لا شاهبندر
استولى على كل الخير اللى بالبيت
حط فى كرشه كل البيض و الكتاكيت
يعمل عجة و كيكة لذيذة و بيض اومليت
كرشه بيكبر اكبر و اكبر و لا العفريت
بركة يدور علشان ياكل فى الفتافيت
فرخة بركة بركت بركة بركة كبيرة
و صحة بركة علت علة علة عليلة
و المنصر زاد من غله لكل كليلة
بركة بص لابنه و قاله بص يا حيلة
كانت الفرخة هى الفرحة و الهليلة
كانت القمحة و كانت السترة لكل العيلة
زاد المنصر زاد من ظلمه على المظلوم
و ولاد بركه هبوا و ثاروا و بعدوا النوم
وقع المنصر مسكوه العسكر راح ملموم
لكن بركة عينه مش شايفة و فيها غيوم
اصل المنصر ساب فى بيته خروم و خروم
يدخل منها اتباعه يسيبه شوك و سموم
مش مكتبلك مرة يا بركة تفرح يوم
يبقى خيرك قدام عينك وبيه محروم
ابراهيم العزيز ..هي دي زي بقرة حاحا النواحة ..هي تقريباً نفس المعاني ..حلوة يا ابراهيم ..الله ينور عليك ..يا بركة ..
ردحذفصباحك غاردينيا استاذ ابراهيم
ردحذفولا نقول صباحك بركة
ههههههههه
عارف كنت فاكرة حتقول يلا قولوها عشر مرات
فرخة بركة بركت بركة بركة كبيرة
و صحة بركة علت علة علة عليلة
قعدت بكررها وبنت اختي جنبي واقولها يلا قولي معايا ..
استولى على كل الخير اللى بالبيت
حط فى كرشه كل البيض و الكتاكيت
يعمل عجة و كيكة لذيذة و بيض اومليت
البنت جاعت ههههههه عجبك اما اقوم اعملها بيض اومليت :)
بجد جميلة بس اكيد وراها حاجة الا فين بلد مجانين صحيح ماشفتهاش
؛؛
؛
لروحك عبق الغاردينيا
reemaas
لزيزة كتييييييييير و مليانه معاني . . . تسلم ايدك ^___^
ردحذفمساء الورد ابراهيم
ردحذفلا أعلم قد تكون أغنية تراثيه
وقرأتها أكثر من مرة ووجدت بين
السطور سطور ...
جميل جداً
تحياتي وإحترامي
جميل اسلوب الشعر الحلمنتيشي
ردحذفوالمعاني المختبئة بين السطور
معبرة ومفسرة لواقع نحياه
لكن إن شاء الله ييجي اليوم اللي يفرح فيه بركة وأولاده
والفرخة ترجع لصحابها ويرجع معاها كل الخير.
تحية وتقدير
ربما كانت فرخة ولكنها تحولت لصقر اطاح بكل من ظلمها وطمع في بيضها
ردحذفكلمات جميلة اوي تسلم ايدك يا ابراهيم
لسه لبركة ايدين طايله
ردحذفتشترى ناس و ضماير خاينه
الله يرحمه يوسف وهبى
و ما الدنيا إلا مسرح كبييييييييير
تحفة و عميقة جداااااااا
ردحذفتسلم المعاني اللي بين السطور
تحياتي ليك :)
شعر رائع
ردحذفالفرخة دى مصر شكلها
وصف للحالة التي نحياها
ردحذفسرقة الرزق والفرخة
وبركة شخص في كل بيت يسكن
وللحرية واللقمة الحلال يحن
ومن بعده أولاده هزموا الظلم
والبركة لسا بيدور على حرية
ولقمة... وفرخة وقمحة
كلمات قريبة للعقل وللقلب تمتاز بالزجل المصري الشعبي... وروح المصريين الخفيفة
تحيتي
جميل كلماتك اخى والاجمل انها ممكن ان تؤلف الى اغنيه للاطفال كمان
ردحذفسعيد بتواجدى دائما واستمتع بكلماتك دائما
تحياتى ابواود
حلوه اوووووووى
ردحذفبتقول كلام كبير بطريقه بسيطه جدا
تسلم ايدك
الكلام المتواري
ردحذفوالمعني البعيد وليس القريب
مساء الورود والا نقول صباح بقي الساعة اتنين ونص بعد نص الليل
ههههههههه
عجبتني اووي علي فكرة
اهي بتحكي حالتنا دلوقت بالضبط
ايه ده جيت اعلق بالجملة لاقيت خمس بوستات
ردحذف:)))
لا كده مش هينفع خالص
قريتهم لاقيتهم كل واحد عايز تعليق لوحدة
:))
طيب انا قريتهم في الاوام اوام وهرجع اعلق علي كل بوست لوحدة في مكاااانة
كل سنة وانت طيب
زى زيزى افتكرت بقرة حاحا نفس الوتيرة
ردحذفحلوة كتير يا استاذ ابو خليل
ـهههههههههههههههـ
ردحذفحلوة ومعبرة وبطريقة مميززززززززة جدااا
يعنى ايه سالزياد ؟؟
تسلم استاذ ابراهيم :)
الله الله كلماتك الساخرة دايما راقية الاحاسيس
ردحذفسلمت يمينك وسلم ابداعك الجميل
مودتى اخى
جميلة جدا اخي ابراهيم..
ردحذفخفيفة الظل.. كما هي كل كتاباتك..
تقبل مروري اخي الفاضل..