مرة واحد جى يشكل وزارة اتشكل عليه و لقاها منتهية الصلاحية
_____________
مرة واحد شحات سقط فى الانتخابات
__________________
مرة واحد كان بكار صدق و افتكر نفسه امير الشطار
________________________
واحد اخرس راح يصوت صوتوله
_____________________
مرة واحد بتاع ربنا اتهم واحد بتاع ربنا بالكذب و التزوير
ام بتاع ربنا التانى اتهم بتاع ربنا الاولانانى بالكذب و التزوير
ام الناس احتارت فى البتوع
____________________
مرة واحد صبحى الصبح لقى نفسه صالح مصدقش نفسه راح مرشح نفسه فى الانتخابات و نجح
______________________
مرة واحد عامل نفسه بيفهم فى كل حاجة بيفتى و يقول فى كل حاجة ادب تلاقيه نجيب سياحة ماشى دين مفيش مانع تاريخ علامة كبير تفتح التلفزيون تلاقيه تفتح البوتجاز ماشى الثلاجة محفوظ فى الفريزر تحت الطلب من ساعة ما خد على قفاه فى اسكندرية من حبايبه الحلوين و هو مبقاش يظهر بوشه السمح بقى يظهر من وراء ستارة
______________________
مرة واحد ملازم فينا
اصله كان ملازم اول يقعد معانا
قاله نقيب واحد يحكم فينا
هو كان مقدم على دستور طلع اعلان دستورى
عشان كان رائد فى الحكم
و منهجه هو تعقيد الامور
اصله كان فاكر الشعب عميد فى نظره
و لما الشعب فهم و ثار قام لوا بوزه
قالهم انا فريق وانتم فريق
راح مشير عليهم باستفتاء و جنزرهم
و مسك فانوس و ضحك بيه على الشعب مع ان رمضان فات
و قالهم كل حاجة عندى بميزان
البلد على وشك الانهيار و مديونة و سلفيين من طوب الارض
فلازم نبقى اخوان مع بعض و نقعد ساكتين
فالشعب سكت بس خلاص
بلد مجانيين صحيح
صباح الخيييير
ردحذف" فالشعب سكت بس خلاص "
اهى دى المشكله ... هو احنا لسه محتاجين نحكى حكاية الثعلب المكار مش للاطفال لاءه لينا وللى اكبر مننا عشان يفهموا اللعبه
عجبنى اوى اسلوبك فى وضع الاسماء بين السطور بجد مبدع :)
المصريين بس هم الي رح يفهوا هاي النكت
ردحذف:(
اجدع ناس
هى بايخة لدرجة تحزن بجد
ردحذفوربنا يسترها
لانها قلبت غم خالص بجد
عارف النكت مش هى اللى بايخه...ابطالها هى اللى بايييخيييين و الابوخ من البواخه اللى هى بايخه انهم مش عارفيين مدى بواخه بواختهم
ردحذفنكتك ياابراهيم نكتت عليا على الآخر
ردحذفوسيبى اعلق على كل واحده اوعى تمسكنى براحتى
-مره واحد كانوا هيختاروه وزير ..زور مات من الجنزره
-شحات شحت صوت طرش
- بكار صحى وخرى عشان ينتخب افتكروه عشان دايما بكار لسه نايم
-الاخرس من كتر الزعيق فى الانتخابات سمع خروشه
-اصل البتاع باع صوته بلاليم زهيده
-عشان كده تليفزيزنى دايما بيبوظو التلاجه عاوزه تتصلح
الفاروق
صباح السخرية الجميله من قلمك ابراهيم
ردحذفيروق لى دايما تشغيل دماغى مع الغازك هههههه
لكنى بعترف ساعات دماغى بتهنج منى ومش بتفهم خالص وبيبقى احسن ساعتها علشان مش تتعب
كل التحايا والتقدير لما تقدم
السلام عليكم
ردحذفيقولوا شر البلية مايضحك
الشعب المصرى معروف من زمن قديم انه بيقدر يحول المصيبة لنكتة علشان يقدر يواصل حياته
يمكن كنا بنقدر نكتم غيظنا و مشاعرنا ضد القهر والظلم والافتراء قبل كده
لكن
(((فالشعب سكت بس خلاص )))
ما افتكرش ابدا ان الشعب المصرى هيقدر يسكت تانى او على الاقل يمكن يسكت وقت قليل لكن مش هيدوم سكاته كتير زى زمان ابدا ابدا
خلاص فاض بينا وماعاد عندنا قدرة للصمت تانى
يمكن الشعب مستنى ومنتظر تعدى الازمات دى لكن سكات تانى على طووووووووول ....لااظن ابدا
والله لو سكتنا تانى نبقى فعلا بلد مجانين :)
تحياتى وتقديرى لك
_____________________
ردحذفمرة واحد بتاع ربنا اتهم واحد بتاع ربنا بالكذب و التزوير
ام بتاع ربنا التانى اتهم بتاع ربنا الاولانانى بالكذب و التزوير
ام الناس احتارت فى البتوع
____________________
هههههههههههههههههههههههه قوم ايه الناس احتارت في البتوع (:
مرة واحد ملازم فينا
اصله كان ملازم اول يقعد معانا
قاله نقيب واحد يحكم فينا
هو كان مقدم على دستور طلع اعلان دستورى
عشان كان رائد فى الحكم
اصله كان فاكر الشعب عميد فى نظره
و لما الشعب فهم و ثار قام لوا بوزه
قالهم انا فريق وانتم فريق
راح مشير عليهم باستفتاء و جنزرهم
و مسك فانوس و ضحك بيه على الشعب مع ان رمضان فات
و قالهم كل حاجة عندى بميزان
البلد على وشك الانهيار و مديونة و سلفيين من طوب الارض
فلازم نبقى اخوان مع بعض و نقعد ساكتين
فالشعب سكت بس خلاص
>>>>>>>>>>>>>>>>>>>>>>>>>>>>>>>>>>>
ماشي يا ابو زياد وساليناز حلوة قوووي ومش هتناقر معاك المرة دي (:
بس خلي بالك شكل شهر العسل بين المشير والاخوان هينتهي
( دا على اساس ان المجلس هوه اللي نجح الاخوان في المرحلحة الاولى مش الشعب (:)
اسلوبك رااااااااااائع
لولا
نكت اخر حاجة
ردحذفهههههه دايما منكت علينا كدة؟ حلويين بس نسيت المقدم بعد الرائد.....
ردحذفملك السخريه
ردحذفتحياتى
نكت دي يا مرسي؟؟؟
ردحذفشكرا لك ... تحياتى
ردحذفنور
يا خطيـر !
ردحذفمؤلمة لكن مش بايخة
ردحذفنكت جامده جداااا
ردحذفوفى الصميم
انت ختمتها صح
ردحذف(فالشعب سكت بس خلاص)
فعلا شر البلية ما يضحك
تحياتي لسخريتك التي تبكينا من كثرة الضحك و تضحكنا من كثرة البكاء
:)
طيب كويس انه الشعب سكت في النهاية .. لكن هي دي نكت بجد ؟؟
ردحذفربنا يصلح الاحوال يارب .
مرة واحد بتاع ربنا اتهم واحد بتاع ربنا بالكذب و التزوير
ردحذفام بتاع ربنا التانى اتهم بتاع ربنا الاولانانى بالكذب و التزوير
ام الناس احتارت فى البتوع
شر البلية ما يضحك
معلش انا لقيت دي كمان فاتتني ايام العيا قلت لازم اعلق عليها ..حاجة حلوة قوي يا ابراهيم ..ومتضبطة ..الله يفتح عليك ..
ردحذفاكثر من رائعة .. روعتها بلغت حد الوجع
ردحذفدمت بارعاً .. تحياتي