الصفحات

▼

الأحد، 13 مايو 2012

اعلى الاصوات عددا لا اعلو الاصوات صخبا

دخلت انتخابات الرئاسة مرحلة لا تطاق من المنافسة الشرسة و للاسف ان هذه المنافسة ليست فى عرض البرامج و الرؤية للمرشح و لكن المنافسة فى تجريح الخصوم و البحث فى تاريخهم وكأن مرشحهم ملاك من السماء و بدء البحث عن صورة او فيديو او مقالة او كتاب و قد وجدنا احد مرشحى الرئاسة عمرو موسى يجتر جزء من كتاب لمنافسه و يهاجمه من خلاله

احد اصدقائى المدونين من مؤيدى ابو الفتوح و من حملته كنت اتناقش معه فى برنامج ابو الفتوح و اقارن مجرد مقارنة بين تصرفات مرشحه وتصرفات البرادعى وجدته انتفض و يهاجم البرادعى و يقول اين كان البرادعى من احداث العراق و عندما لمح ميلى تجاه مرشح اخر وجدته يهاجمه لمجرد صورة له مع احد الرؤساء السابقين و لكن لم يحدثنى عن مرشحه او برنامجه بل هو يحفظ كيف يهاجم المنافسين فقط

كاتب اسمه بلال فضل كان من المؤيدين للمجلس العسكرى ثم انقلب عليهم اصبح من المؤيدين لابو الفتوح تفرغ فجاة لمهاجمة حمدين صباحى و نشر صوره و كأن معركته مع حمدين لا معركته لاثبات جدارة مرشحه و تحول من مؤيد لا بو الفتوح الى مهاجم لحمدين

مالك عدلى واحد من النشطاء السياسين المؤيد لخالد على تحول الى سب و شتائم بذيئة لكل من ينتقد خالد على او برنامجه و قرات له ان الممثلة فلانة الفلانى تؤيد خالد على تكبير اى تكبير و ما علاقة ان يؤيد س او ص مرشح بالمرشح نفسه هل تفترض ان الشعب المصرى امعة يؤيد هذا المرشح لمجرد ان س او ص ايده

فمن غيرالمعقول ان نقول عندما يؤيد س او ص مرشح ان هذا فوز للمرشح او ان المرشح مسئول عن اخطاء س او ص

خلاصة القول ان معركة الرئاسة فى مصر اصبحت سمك لبن تمر هندى و انى سافرح جدا لو فاز خالد على او ابو الفتوح او حمدين صباحى او هشام البسطويسى و لكنى لا اريد ان يخرجوا من منافسة الانتخابات و هم منهكين من الجروح و التشويه و ليكن فى معلوم الجميع ان من يفوز فى الانتخابات هو من يحصل على اعلى الاصوات لا من يعلو بصوته فوق الاصوات  

هناك 18 تعليقًا:

  1. من المعلوم فى كل كتب التاريخ ان كرسى الحكم يغير النفس البشرية إما لاكثر صلاحا او العكس
    فلننتظر ونرى مايأتى به الغد

    سمك لبن تمر هندى ( هذا رأيى ايضاً )

    مع انى من مؤيدى ابو الفتوح لكنا نعبد الله لا الاشخاص وكل ما اتمناه ان يكون الغد اجمل لبلدى كلها الحبيبة الغالية مصر لا للحاكم والرئيس فهو بالنهاية مجرد خادم لشعبه ويجب ان يتحلى بالتقوى والصلاح والعدل

    تحياتى لك اخى العزيز
    دمت بكل بخير

    ردحذف
  2. ان شاء الله تعدّي على خير وتتم الانتخابات بنجاح و ان يكون الرئيس المنتظر على قد المسؤوليه والمهمه الصعبه التي تنتظره.

    اما الصوت العالي فللاسف...هذه ثقافة الحوار عندنا بشكل عام وان شاء الله نخلص منها بعد ما نتعود على الكلام الموزون ونفهم معنى الحريه ايه .

    ردحذف
  3. مساء الغاردينيا أستاذ ابراهيم
    للأسف من سيحصل على أصوات أعلى سيعلو صوته في حين نبحث عن من يعلو صوته ليسكت أصوات أخرى طال نباحها لن أقول سوى ربنا يحفظ مصر وأن يكون رئيسها القادم ينظر لترابها وليس لكرسيها"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  4. أزيك يا أستاذ ابراهيم

    طب ما دى طبيعتنا مش هينفع نغيرها بين يوم و ليلة

    أحنا ندعى بس أن اللى ينجح اكتر الأصوات بالحق

    مش اعلى الأصوات فى الباطل

    ان شاء الله

    ردحذف
  5. تويتر منبر المزايدات يا ريس
    و فلسفة الاغلب الاعلي صوتا هو من يربح
    لذلك الاهتمام بالمهاجمة اكثر
    علشان كده مش بدخل تويتر كتير
    نسبة قليلة جدا هم من يهتمون بالموضوعية
    و اغلب النشطاء يتعصبون
    و التعصب الاعمى هو اكبر داء في مصر في وقتنا الحالي

    ردحذف
  6. دي مشكلة كبيرة
    مش عارفين لحد دلوقتي نستوعب البرامج بسبب الكلام ده
    انا مالي المرشح كان ايه
    تقولش الشعب كلنا ملايكة
    :))

    ردحذف
  7. السلام عليكم

    وحشتنى كتير ووحشتنى المدونه

    لا يسعنا سوى الدعاء فى هذه الحاله

    ردحذف
  8. الله ينور عليك يااستاذ ابراهيم

    والله كان ف دماغى اكتب كل الحاجات اللى منرفزانى دى وخاصة دعاية هؤلاء يؤيدوا كذا

    طب مش فاهمه يعنى وانا هايد كذا عشان هؤلاء ايدوه ؟!!

    وقولت زى حضرتك كده انا لو فاز ابو الفتوح او صباحى او خالد على بجد هفرح جدا ولو كانت الاعاده بين مرسى وحد من الفلول انا هتقهر قهره مابعدها قهره ع حاجه ف يوم من الايام كان اسمها ثوره

    الغريب انهم سابوا الفلول وقعدوا يهاجموا ف بعض يانهار واااااايت

    بس اللى عايزه اسالحضرتك فيه النقطه دى : بلال فضل كان بيايد المجلس العسكرى !!!

    اممممممممم ازاى ده ؟

    ف مواقف انا كنت بختلف فيها مع بلال فضل ومش بايد كل مواقفه لكن انه يايد حكم العسكر لا غريبه دى

    ردحذف
  9. اخي ابراهيم

    لازلت حتي الآن في حيرة

    من اؤيد او من اعطيه صوتي

    ولكني لست ممن يقرأون البرامج وينتخبون الاشخاص علي اساسها

    فكل المرشحين ان قرأت برامجهم

    ستجده ممتاز

    ولو عدت بالتاريخ الي برنامج الحزب الوطني

    السابق علي الورق

    ستجده برنامج جيد ولكنه مكتوب مجرد

    حبر علي ورق

    لذلك اجد ان علي ان ادرس تاريخ كل

    المرشحين

    ومصداقيتهم في عملهم السابق

    تحيتي اخي

    ردحذف
  10. ليلى الصباحى

    اختى العزيزة

    معكى كل الحق
    من كان يعبد محمد فان محمد قد مات
    ومن كان يعبد الله فأن الله حى لا يموت

    نورتينى
    تحياتى

    ردحذف
  11. نيسان
    اختى العزيزة

    معكى كل الحق
    متشكر على شعورك الجميل

    نورتينى
    تحياتى

    ردحذف
  12. ريماس

    ريمسوالجميلة

    سيبكانتى من اى حاجة نورتى المدونة
    متشكر على شعورك الطيب
    ويارب اشوفك بالفستان الابيض

    نورتينى
    تحياتى

    ردحذف
  13. رامى

    حمد الله على سلامة نتك

    معاك حق ربنا يوفق الاصلح

    نورتنى
    تحياتى

    ردحذف
  14. مصطفى سيف

    و الله مش تويتر بس
    ده الموضوع اتنقل للتلفزيون ومقالات الصحف و نداوتهم

    نورتنى
    تحياتى

    ردحذف
  15. شمس الشموس

    دايما بتجيبى الخلاصة

    نورتينى
    تحياتى

    ردحذف
  16. نبع الغرام

    بجدبجد بجد
    وحشتينا جدا
    و الله العظيم ليكى وحشة
    حمد الله على السلامة
    و اوعى تغيبى كده تانى

    نورتينى
    تحياتى

    ردحذف
  17. دعاء العطار

    اولا انا لا اشكك فى احد
    لكنكل واحد فى مرحلة معينة يجوز يكون له قناعات و يغيرها
    بلال فضل فى بداية الثورة كان مؤيدا للمجلس العسكرى وكان بيجتمع معه
    كون انه غير رايه و اصبح يهاجمه هو حر فى رايه
    سابحث عن لينكات هذه الاجتماعات و ارسلها لكى

    بجد منورانى
    تحياتى

    ردحذف
  18. سواح فى ملك الله

    اخى خالد

    اثق فى صدق و صحة اختيارك

    ربنا يوفق الاصلح

    نورتنى
    تحياتى

    ردحذف