مازالت النفسنة مستمرة تجاه شرين سامى
و بعد النجاح الساحق باستقطاب مؤيدين
امثال شمس النهار و الفاروق و محمد الشاذلى
فقد نزلت بكارت عمرو دياب
لذا اجد نفسى مضطرا للنزول
بجمالات شيحة برائعتها
على ورق الفل دلعنى
و للسادة الفرافير
امثال افكار مبعثرة و نووووور و زيزى
اليهم هذا الفيديو
على ورق الفل دلعنى
محملش الظلم ده لوحدى
انا لا حيلتى و لا بيدى
الا الغويشة الا بيدى
ما قلتلك تطلب يدى
على ورق الفل دلعنى
على ورق الفل دلعنى لماذا اتحمل كل هذا الظلم انا لا بحيلتى و لا بيدى غير هذه الغويشة قشرة عيار 13 اذهب واطلب يدى و ان رفض ربى اطلب رجلى او انفى المهم تطلب حاجة حتى لو فنجان قهوة
على ورق الفل دلعنى
انا لا حيلتى وفى ودنى
ما قلتلك يالله نبيعه
و اسهر انا وياك تدلعنى
انا لا املك الا هذا الحلق اقول لك بيعه و نذهب للملاهى نركب الصاروخ لكى تدلعنى فى الهواء
على ورق الفل دلعنى
انا لا حيلتى و لا فى صدرى
الا العقد الا فى صدرى
ما قلتلك يالله نبيعه
و اسهر انا وياك تدلعنى
لا احمل لكى فى صدرى الا هذا العقد واعرف انك مفلس لا تملك شيئا لا تخجل يا حبيبى بيعه و احضر لى وجبة كومبو كنتاكى او حتى سندوتش بانيه مؤمن الجديد و دلعنى
على ورق الفل دلعنى
انا لا حيلتى و لا فى صبعى
الا الخاتم الا فى صبعى
ما قلتلك يالله نبيعه
و اسهر انا وياك تدلعنى
انا لا املك باصبعى الا هذا الخاتم نعم هو فالصو و لكن يمكن ان نتدلع بثمنه على الكورنيش على ورق الفل دلعنى
انا لا حيلتى و لا فى رجلى
الا الخلخال الا فى رجلى
ما قلتلك يالله نبيعه
و اسهر انا وياك تدلعنى
دقة خلخالى و انا ماشية فى الشارع الكل قال اسم الله سابيع هذا الخلخال الذى يجذب الجميع حولى من اجل ان تدلعنى
وجدتها فرصة لكى اعرف البعض بتراث شعبى يكاد ان يندثر و اليكم هذا الفيديو الذى تم تصويره لجمالات شيحة فى بيت الهراوى و نلاحظ كيف يتابعها الاجانب بكل انبهار اليكم جمالات شيحة فى رائعتها على بلد المحبوب
انت بتجيب الأغاني دي منين يا حاج؟
ردحذفرهيبة رهيبة يعني
هههههههه و انا بلا فخر من السادة الفرافير :))))
ردحذفانا اصلا مكنتش اعرف الست جمالات شيحة جمالات الوحيدة اللي اعرفها هي جمالات كفتة :))))))
وقعت من الضحك بجد الست الغلبانة عاوزة تتدلع و هو البعيد معندوش دم خالص ميدلعها يعني ده ايه ده ههههههه
مش عاوزة التحدي ده يخلص بجد مستمتعة اروح عند شيرين ابقى ف مود و اجي هنا الاقي مووووود تاني خالص :)
تحياتي
قالها مصطفى من قبل ما اقولها ههههه
ردحذفانت بتجيب الحاجات الاثرية دى منييييين ؟؟؟؟
انت موسوعة فى الاثريات والمخطوطات ههههه
صباحك ياسمين على عيونك
تحياتى بحجم السماء
اول مرة اسمع عنها هههههههههه
ردحذفانا اخرى فاطمه عيد فى الشعبى :)
انما ايه الكلام الجامد ده
:)
كده شيرين المفروض تخاف
دمت بخير استاذ ابراهيم
لالالالالالالالالا بجد مش معقول
ردحذفيعني انا مش كفاية عليا الست خضرة محمد خضر
براحة شوية عليا كدا مش هستحمل
ودي مستعدة تبيع اي حاجة بس تتدلع
متدلعها يا استاذ وخلصنا
ههههههههههههههههههه
تحياتي
جميلة جدا بس واضح انها متصيغة جامد و داخلها بدهبها كله بس المهم تدلع
ردحذفبس المنافسة حامية الوطيس اينعم لا مقارنة بين تريقت حضرتك و احاسيس شيرين
لااعلم اذا كان تعليقى قد قام بلوجر بتسجيله ام خاب كعادته
ردحذفهههههههههههههههه
ردحذفيخربيت كدة
انت بتجيب الحاجات دي منين ؟؟
تحفة بجد
هههههههههههههه
ردحذفإيه ده :)
بص هو حلو إن الواحد يشوف حاجات جديده من التراث..بس صعبه أوي بصراحه :)
هتعمل إيه بقى مع نجاة الصغيره :)
التحدي مستمر
تحياتي
حبيبى ابراهيم لما عجز بلوجر عن نشر تعليقى فتعمدت باصرار نشره فى بوست مستقل تستحقه رجائى الرجوع اليه مع شكرى
ردحذفمصطفى سيف
ردحذفههههههههههههههه
اى خدمة يا معلم
و لسه لما اخش على الصعيد
هاسمعك حاجات مسمعتهاش قبل كده
تحياتى
افكار مبعثرة
ردحذفهههههههههههههههه
هنا محو امية السادة الفرافير
مستمر فى التحدى طالما بتتحدى
تحياتى
ليلى الصباحى
ردحذفاختى العزيزة
ههههههههههههه
اللى يحب البلد دى لازم يعشق ترابها
موسوعة دى ذم و لا مدح
هههههههههههههه
صباحك فل و ياسمين
رؤى عليوة
ردحذفاى خدمة
بنعملكوا محو امية اهو بالمجان
ههههههههههههه
طبعا لازك تخاف
ههههههههههههه
لكنها مستمرة فى التحدى
تحياتى
zeze
ردحذفاصل البعيد مش بيفهم و عايز يدلعها
هههههههههههههههههههه
نورتينى
تحياتى
Mahmoud Bahgat
ردحذفانتى يا محمود من الجواسيس
انت طابور تالت منحاز لشرين
هههههههههههههههههههههه
نورتنى يا محمود
تحياتى
الفاروق ملكا
ردحذفمجتش حاجة و الله العظيم
نورتنى
تحياتى
رحاب صالح
ردحذفاى خدمة بنعمل الخير ونرميه فى البحر
ههههههههههههههههه
تحياتى
شرين سامى
ردحذفشفتى مش حارمينك من حاجة
من الدقى لمدينة نصر
هتشوفى الحاجات دى فين
ههههههههههههههههه
نجاة مين
انتظرى القادم ؟؟؟؟؟؟؟؟؟
ههههههههههه
تحياتى
عااااااااااااااااااااااااا تعليقى فيننننننننننننننننننننننن
ردحذفمارو
ردحذفصباح الفل و القشطة
مش عارف تعليقك راح فين يا مارو
بلوجر بيخرف
ياريت تبعتيه تانى
تحياتى