الصفحات

▼

السبت، 5 أكتوبر 2013

خذ الحكمة من افواه الصيادلة


ابدى بعض اصدقائى المساطيل اندهاشهم من انهم فقط الذين يقولون حكم
فقررت ان اكتب حكم عن جميع المهن
و احترت بمن ابدء
طلبت دعاء العطار ان ابدء بالصحفيين
و طلبت نور ريماس ان ابدء بالصيادلة
و بما ان دعاء قد تنازلت لنور ان ابدء بالصيادلة
اهدى هذا البوست لنور و دعاء العطار 
و كل الصيادلة مثل مصطفى سيف و شرين سامى و نوران سراج و سهاد و غيرهم كثرين


فى احيان كثيرة تصير المادة هى لبوس الحب الخافض لحرارته

وضعك للبلاستر لتدارى جروح الوجه لا يجمله و لكن يزيده تشوها عالج الجروح اولا

 استخدام الدين كمضاد حيوى لحل المشاكل السياسية ينفع فى البداية و لكن بتكراره يفقد تأثيره 

تحتاج الزوجة المصرية الى تناول انتوسيد  لكى تعالج احاديثها


لو تم اختراع فوار للمشاعر سيتم اخمادها بعد قليل اما فوار المشاعر الدائم فهو العطاء

الصراحة مثل الحقن فى العضل احيانا مؤلمة و لكن تصل لاهدافها بسرعة

 الفرق بين المراة الحامل الغربية و المراة الحامل المصرية  كالفرق بين الفولتارين و الاسبرين

المراة المصرية خدمة ليلية لابنائها فقط اما زوجها فبارت تايم

يقال ان الرجل المصرى مرهم خارج المنزل صبغة يوت داخل المنزل

الكذب هو ترامدول الساسة لا يستطيعون الاستغناء عنه

 قطرة المحب خروف

الحب الحقيقى ان تصرف لمن تحب الدواء الذى يحتاجه بدون روشتة

هناك 14 تعليقًا:

  1. هههههههههههههه
    متفقة مع الحكم دى جدا
    خصوصا يقال ان الرجل المصرى مرهم خارج المنزل صبغة يوت داخل المنزل
    :))

    ردحذف
  2. اهو اخر سطر ده ولا الزولام اللي بيهدي الاعصاب

    رااااااااائع

    :))

    التدوينة كلها رائعة

    ربنا يكرمك ياابراهيم
    ويديم عليك الموهبة:)

    ردحذف
  3. هههههههههههههههههههههههههه
    بداية قوية جدا

    حركة البلاستر دى عجبانى اخر حاجة

    ردحذف
  4. حلو البوست :)
    جمعته إزاي كده
    الحكم كلها فظييييعه
    باللذات الأخيرة :)

    تشكرات على الإهداء

    ردحذف
  5. هي ام زياد شافت الحتة دي؟ و فهمت معناها؟

    تحتاج الزوجة المصرية الى تناول انتوسيد لكى تعالج احاديثها

    ههههههههههههههههه
    بوست هايل

    ردحذف
  6. هي ام زياد شافت الحتة دي؟ و فهمت معناها؟

    تحتاج الزوجة المصرية الى تناول انتوسيد لكى تعالج احاديثها

    ههههههههههههههههه
    بوست هايل

    ردحذف
  7. تحففففففففة

    طب بجد بقى فيها حكم عايزة تتكتب وتتعلق :)

    "وضعك للبلاستر لتدارى جروح الوجه لا يجمله و لكن يزيده تشوها عالج الجروح اولا"

    عجبتني أوي :)

    "يقال ان الرجل المصرى مرهم خارج المنزل صبغة يوت داخل المنزل"

    هههههههههههههه

    استمر بقى وفي انتظار البقية :)

    ردحذف
  8. Aya Mohamed

    ههههههههههه
    اشمعنى دى اللى لفتت نظرك

    تحياتى

    ردحذف
  9. شمس النهار

    بجد الرائع تعليقك يا شمس الشموس

    تحياتى

    ردحذف
  10. reemaas

    ههههههههههههههههه
    اى خدمة

    تحياتى

    ردحذف
  11. Shereen Samy

    مبسوط جدا ان الحكم عجبتك
    ههههههههههههههه

    تحياتى

    ردحذف
  12. مصطفى سيف

    هو احنا بيهمنا احنا رجالة و بنقف وقفة رجالى

    تحياتى

    ردحذف
  13. doaa elattar

    ههههههههههههههه
    اى خدمة

    اكتبيهم و علقيهم

    دورك جاى

    تحياتى

    ردحذف
  14. ههههههههههه
    لا بتهرج والله :)
    تحفة الحكم دي
    عجبتني دي اووي "لو تم اختراع فوار للمشاعر سيتم اخمادها بعد قليل اما فوار المشاعر الدائم فهو العطاء"
    :)

    ردحذف