بناء على طلب الجماهير اقدم الجزء الثانى من اصل وصورة فى التقليد
حبيبى و روح قلبى
الاستاذ فاروق فهمى
ملك الزهرات
وابن بطوطة المدونين
ملك الزهرات
وابن بطوطة المدونين
احب اقوله وحشتنى جدا جدا جدا
وحشتنى بروحك فى بلوجر
وياريت ترجع بسرعة
ترحالى الى ايطاليا
اول ما لفت نظرى فى ايطاليا هو البيتزا والبيتزا فى ايطاليا مختلفة عن البيتزا والفطير فى باب الشعرية عند الامور فالبيتزا فى ايطاليا بالجبنة الموتزريلا اما عند الامور فبالجبنة القديمة والقريش اما اوجه التشابه ففى عربات الفول نعم عربات الفول ففى ايطاليا توجد عربات فول و لكن عربات فول سودانى تملى بطنك بالفول المدمس فى مصر وتأكل وتتسلى بالفول السودانى فى ايطاليا ايضا من مظاهر التشابه بين مصر وايطاليا صناعة القبقاب لكن يختلف القبقاب الايطالى عن القبقاب المصرى انه فى مصر يصنع من الجلد البقرى والخشب الموسكى اما فى ايطاليا فيتم صناعته من جلد الثعبان والخشب الارو اما البنات الايطاليات اللى يحلوا من على حبل المشنقة فعشان محدش يزعل منى من بنات مصر همشيها متشابهات مع بنات مصر وانا ربنا يسامحنى
مذكرات psycho
فافى
هلاوس ليلية
قلت وبقولها ان لكل قاعدة شواذ و الشواذ دى عشان دماغكم متروحش بعيد غير الشواذ اللى بيشتمهم خالد عبد الله وكمان غير الشواذ اللى بيتكلم عنهم عبدالله بدر و كمان غير الشواذ اللى شبه بهم ابو اسلام باسم يوسف شواذ دى مصطلح مقتبس من الكلمة الانجليزية شوذ وشوذ دى الجزمة لامؤخذة يصبح الجواز مجموعة من الجزم التى تتطاير بين اثنين ليلا ونهارا ومجموعة من الاصوات العالية وعشان كده بقول ان اللى بيحقق السعادة الزوجية هو
الرضا
و طبعا الرضا ده مالوش علاقة بفرقة رضا الرضا ده لما يعجبك فستان بالف جنيه مفيش مانع انك ترضى تتنازلى وترضى بالفستان اللى جنبه ب 999 جنيه فقط وبذلك تتحقق السعادة الزوجية ولازم الرضا ينبع من جوانا مش نروح نشتريه من الصيدلية لان اللى موجود فى الصيدليات اغلبه صينى يخرب بيت الصين بوظت كل حاجة حتى الرضا
ذكريات
ازهرى
ازهرى
نسيت ان انسى نسيان من نسيونى ونسوا ان ينسوا نسيانى ونسونى فى نسيانهم
بالحب اتجمعنا
لولا وزهراء
ا ب حب
هو انتى اجمل شىء فى حياتى
هى طبعا اصل انا باذهب الى الكوافير قبل ان اقابلك
سالوها عن حبه فاخبرتهم
اعشقه كالشامبو
كيف مالشامبو يغسل الشعر ممن فيه
غسلنى برغوته
كيف ما بيزيد للشعر بريقه
زاد ببلسمه حياتى
كيف ما للاطفال تفرح به ولكنه يدمع عينيها
انه شامبو جونسون
لا دموع بعد اليوم
لولا
الدكتورة ستيتة
احب اقولها
وحشتينى فى بلوجر
وياريت تفتحى المدونة مرة اخرى
لانك ببساطة وحشتينا
تفيق و هى تتحسس شفتيها املة الا يخرج الروج فى يديها املة ان ترى شفتاها صغيرة قليلا اليوم تستبدل فستانها الطويل باخر قصير لتظهر ساقها النحيل ربما هو اليوم ستهاتف كل من خاصمهم هاتفها فعرض التليفون مجانى ستركب ارجوحة الحياة ثم تنزل لتركب ارجوحة اخرى وتسأل نفسها هل ستعود مرة اخرى لمدينة الملاهى ام انها لن تجد دوبى ينتظرها على الباب بالترحاب
اخوتى المدونين
احب اعرفكم انكم لم تنفدوا بعد
كلكم دوركم جاى
هههههههههههههه
فعلا الاستاذ فاروق وحشنا جدا ، و بنسبه لشبه بين البنات في ايطاليا و بنات مصر فعلا ربنا يسامحه ايش جاب القرد للغزال دا بنات مصر عسولات :D
ردحذفاستمر :)
ههههههههههه
ردحذفجميلة أووي ومعبرة ^_^
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ردحذفعارف بكتبلك الكومنت وانا بضحك
حلوه كتير
ميرسى انك استجبت لطلبى
مبدع يا أستاذ ابراهيم
ردحذفاستمر :)
هههههههههههههههههههههههههههههههههه
ردحذففظيييييعه بجد
تعريف كلمة شواذ معبر جدا الحقيقة هههههه
والا رحلة ايطاليا
يا سلام على رحلاتك يا سلام :D
فى انتظار باقى الصور :)))
بس انا كنت بفتكر انك هاتعلق على ستايل المدونه ككل لكن ليه اخترت الهلاوس ؟ :)
ردحذفالسلام عليكم
ردحذفتعرف استاذ ابراهيم كلنا نفسنا فى شوية ضحك ومرح قلوبنا تعبت من حاجات كتير اوى شخصية وعامة
لكن كلما دخلت مدونتك اتمنى لك السعادة دائما والفرح
نعمة عظيمة من الله سبحانه وتعالى ان يكون الانسان دمه خفيف وله كريزما مثلك :)
فى انتظار دورى :) وربنا يستر
تحياتى لك اخى العزيز بحجم السماء
ههههههههههههههههههههههههههههههههههههههههههههههههههههههههههههههههههههههههههههههههههههههههههههههه احيه ممكن سؤال بس هو نع الصنف العالى دا ايه بالظبط يا ابراهيم هههههههههههههههههههههههههههههههههههههههههههههههههههههههه انت مشكله
ردحذفأستاذ ابراهيم
ردحذفأمتعتنا بأسلوبك الهزلي المرح
الذي يعطينا معاني عميقة وتورية خالصة
تحيتي أخي العزيز
:)) أعجبني ما قرأت أ/ إبراهيم
ردحذفشكرا جزيلا لك .
لذيذة جداااااااااااااا
ردحذفربنا يكرمك يا ابراهيم
ضحكتني
واكتر ضحكي على أزهري
ربنا يسعد قلبك
وان شاء الله افتح المحل تاني
بس النفس وربنا ما يحرمني من صحبة حلوة عرفتها هنا
تحياتي
هههههههههههههههههههههههههههههههههههههههههههههههههههههههههههههههههه
ردحذفههههههههههههههههههههههههههه
ردحذفيخرب بيت كده انت محصلتش
بس أنا هعمل نفسي مش أخدت بالي من آخر جملة في البوست ... أستاذ إبراهيم مش بيقلد ده بيشرد :D :D
بالفعل تدوينات بابا وحشتنا ووحشنا وجوده بينا فى عالم المدونات اناشدك يا ابى العزيز ان ترجع فورا لكتابه تدوينه تحكى لنا فيها عن رحلاتك وذكرياتك الجميله
ردحذفالتدوينه روووعه وضحكت من قلبى
دمت لترسم الضحكه والبسمه على وجوهنا
الوجيه ابراهيم خلقة وخلقا كما راته عينى عن قرب فى ميدان تحريرنا قبل عدة اشهر من يومى هذا
ردحذفاقولهاصادقة من قلب قلبى لم تجد ولن تجود مدوناتنابشخصية مشحونة بحشر وفير من النقاء والصفاء والوفاء والجلاء حتى انك حينما تعيش فيها ومعها تتوه بين الفاضل والافضل والكارم والاكرم والوافى والاوفى والخالص والاخلص والصادق والاصدق والجامل والاجمل والقارب والاقرب فتنسى مكانك وزمانك ولا تكون انت الا وانت معه فى هذا الكل الجليل
وحتى لا اطيل فان كان هناك فضل على شخصي قى الرجوع الى احضان احبتى فالفضل كل الفضل يرجع اليك حبيبى ابراهيم
الفاروق
مساء الغاردينيا استاذ ابراهيم
ردحذفههههههعهععهع
هههههههههههعه
والله جميلة واجمل حاجة بتاعت الازهري حرام والله حسيت بيها اووي
ومن هنا بردو بضم صوتي لصوتك بجد بابا فاروق وحشنا
ماتنساش توصله سلامي "
؛؛
؛
كل سنة وانت واولادك الحلوين وام زياد طبعاً بالف خير
ويارب سنة سعيدة عليك وعلى حبايبك "
؛؛
؛
لروحك عبق الغاردينيا
كانت هنا
Reemaas
كل سنة وانت طيب كل اسرتك بالف خير يا ابراهيم يارب سنة جديدة سعيدة عليك
ردحذف:)))))
ردحذفمش ممكن ياابراهيم
وكله كووووووووم وازهري كوم
:)))
تحية طيبة
ردحذفكنت قرأت لك الجزء الأول، وقد أعجبتني طريقتك المرحة الممزوجة ببعض المحبة لهؤلاء المدونين..
مرح أنت أخي ابراهيم.
مودتي
ردحذفهو انتى اجمل شىء فى حياتى
هى طبعا اصل انا باذهب الى الكوافير قبل ان اقابلك
.................................
ههههه عرفت منين بقى !!!
سالوها عن حبه فاخبرتهم
اعشقه كالشامبو
كيف مالشامبو يغسل الشعر ممن فيه
غسلنى برغوته
كيف ما بيزيد للشعر بريقه
زاد ببلسمه حياتى
كيف ما للاطفال تفرح به ولكنه يدمع عينيها
انه شامبو جونسون
لا دموع بعد اليوم
...................................
فاست كير شامبو ميمشيش يعني :P ..... ربي يسعدك ويهنيك استاذي طبعاً عجبني كتيييييييييييييييييير
ومبسوطة اني شوفت ا ب حب بشكل جديد (:
لـــولا
حنين نضال
ردحذفالاستاذ فاروق وعدنى ان راجع وانا فى انتظاره
عشان خاطرك بنات مصر والعرب عسولات
هنمشيها
ههههههههههههههه
تحياتى
ياسمين
ردحذفالاجمل مرور و تعليقك
سعيد انها عجبتك
تحياتى
فافى
ردحذفاولا سعيد انها عجبتك
ثانيا صعب جد اعلق على المدونة كلها
علم التقليد بيقوم على الامساك بجزئية صغيرة بها تميز وشخصية المقلد ووضع سبوت عليها
وانا من وجهة نظرى ان الهلاويس اكثر شىء به شخصيتك الحقيقية بعيدا عن الكلام فى السياسة
تحياتى
موناليزا
ردحذفمن بعض ما عندكم يا افندم
سعيد جدا بمرورك و تعليقك
تحياتى
ليلى الصباحى
ردحذفاختى العزيزة
سعيد جدا انك ابتسمتى ولو محصلش حاجة غير كده ابقى سعيد جدا
دورك جاى متقلقيش بس متبقيش تزعلى ساعتها
هههههههههههههههههه
تحياتى
مارو
ردحذفهههههههههههههههههههههههههه
الصنف حبوب النهضة على تعميرتين حازمون
سعيد جدا وضحكت لتعليقك
تحياتى
هبة فارورق
ردحذفهبة الفاروق
بابا وحشنا كلنا وانا جاتلى تعليقات على الفيس بتطالب بعودة بابا
عودة بابا مطلب الجميع
سعيد ان التدوينة عجبتك
تحياتى
استاذى فاروق فهمى
ردحذفملك الزهرات
وابن بطوطة المدونين
الوجيه ابراهيم خلقة وخلقا كما راته عينى عن قرب فى ميدان تحريرنا قبل عدة اشهر من يومى هذا
اقولهاصادقة من قلب قلبى لم تجد ولن تجود مدوناتنابشخصية مشحونة بحشر وفير من النقاء والصفاء والوفاء والجلاء حتى انك حينما تعيش فيها ومعها تتوه بين الفاضل والافضل والكارم والاكرم والوافى والاوفى والخالص والاخلص والصادق والاصدق والجامل والاجمل والقارب والاقرب فتنسى مكانك وزمانك ولا تكون انت الا وانت معه فى هذا الكل الجليل
وحتى لا اطيل فان كان هناك فضل على شخصي قى الرجوع الى احضان احبتى فالفضل كل الفضل يرجع اليك حبيبى ابراهيم
ها هو تعليقك اضعه وسام فوق صدرى وعاجز عن الرد عليه
عودتك يا استاذ فاروق اصبحت مطلب شعبى
انت وعدتنى فى التليفون
لو اتاخرت سنأخذ المدونين ونذهب لقصر الاتحادية نطال بعودتك
هههههههههههههه
تحياتى
ريماس
ردحذفسعيد جدا انها عجبتك
ازهرى هو انا خلفت الا ازهرى
ههههههههههههههههههههههه
استاذ فاروق وحشنا كلنا
يارب يرجع بسرعة
تحيات معطرة بعطر ابداعك
ريتشارد
ردحذفكل سنة وانتى طيبة
انتى و زوجك واولادك
يا قطة اسكندرية المبدعة
تحياتى
منجى بكير
ردحذفكل سنة وانتى طيب استاذى
عام سعيد عليك يارب
تحياتى
شمس النهار
ردحذفشمس الشموس
الروعة فى مرورك
ازهرى هو انا خلفت غير ازهرى
هههههههههههههههه
تحياتى
شمس النهار
ردحذفشمس الشموس
الروعة فى مرورك
ازهرى هو انا خلفت غير ازهرى
هههههههههههههههه
تحياتى
اعتذر عن الخطأ فى ترتيب التعليقات
ردحذفبكتب من اللاب والنت بطىء فاخطات فى الترتيب
اعتذر
زينة زيدان
ردحذفاخت الشهيد
المتعة فى كتابتك وابداعك
سعيد جدا بمرورك
تحياتى
ريهام المرشدى
ردحذفسعيد جدا باعجابك ومرورك
تحياتى
د ستيتة
ردحذفسعيد جدا بتعليقك
و سعيد جدا جدا انها عجبتك
وسعيد جداااااااااااااااااااااااااا
انك فتحتى المحل تانى لانه من اجمل المحلات
اما ازهرى فده حبيبى من ايام الجيزة
تحياتى
اميرة على
ردحذفههههههههههههههههههههههه
مش عارف اقول ايه
نورتينى
تحياتى
دعاء العطار
ردحذفهههههههههههههههههه
محدش هيعدى كله بالدور
انا مستنى بس لما تسخنى فى المدونة الجديدة
على فكرة انا مش عارف اشترك فيها ياريت تقوليلى ازاى
تحياتى
ابو حسام
ردحذفسعيد مرتين
سعيد انها اعجبتك
وسعيد بمتابعتك
نورتنى وشرفتنى يا افندم
تحياتى
لولا و زهراء
ردحذفلولا
سعيد انها عجبتك
فاست كير
ماشى عشان خاطرك انتى هنمشيها فاست كير
هههههههههههههههههههه
تحياتى
بنت من الزمن ده
ردحذفمعلش والنبى سامحينى على الخطأ فى الترتيب
العتب على اللاب
هههههههههههههههه
سعيد انها عجبتك
استنى دورك فى المرات القادمة
هههههههههههههههه
تحياتى
اتفضل ياأستاذ إبراهيم
ردحذفhttp://klmti.blogspot.com/
أنا زودت أداة المتابعة زي ماحضرتك قولتلي .. المدونة مش ليها طعم من غير وجود حضرتك :)
يا راجل هو انت مش سايب حد في حاله ولاايه
ردحذفبس بجد ما شاء الله عليك جميلة بجد
مستنية الباقي :)