الاثنين، 13 فبراير 2012

ايها المرضى افكر فى الرحيل

هناك نكتة شهيرة عن كلب كان متغاظ من الاسود فذهب الى بار و احتسى الخمر ثم وقف فى الغابة يسب الاسود و هو لا يعرف انه يثير سخرية و غضب الغابة عليه لان كل من فى الغابة يعرف من هو الكلب و من هم الاسود تلك مقدمة لابد منها

دائما ما احب الظل و من يعرفونى يعرفون انى كنت رافض انشاء مدونة اما ما حدث و دخلت فى اللعبة فانا اعرف ان ما اكتب لا يرضى عنه الجميع و ان كتابتى تسبب حساسية للبعض و لا اعرف لماذا فانا اتعامل مع جميع البشر و اتناقش معهم و لا اغضب ابدا ممن ينتقدنى فيما اكتب و لعل من شاهد لقائى مع الاستاذ المحترم ماجد القاضى فى معرض الكتاب قد شاهد كيف يتعامل الاشخاص المحترمين رغم اختلافهم فى الفكر فانا فى نهاية المطاف لا يهمنى سوى الانسان و لو مالوش عنوان لذا تعودت على تعليقات تأتى الى من اشخاص مفروض انهم متدنيون تصل الى السب بالام و الاب و اتهامى بالالحاد تعودت على هذا و لا مانع عندى من نشر تعليقاتهم و سبهم لى اذا كانت لا تؤذى مشاعركم تعودت على هذا و تعودت على نوعية اكثر مرضا تضعنى تحت الميكرسكوب كل حرف كل كلمة تخضعها لعقولهم المريضة و ترسل تعليقات مريضة مثلهم لا انكر ان هذه التعليقات كانت تضايقنى لانها ليست لى وحدى بل لاناس اخوة افاضل اقسم بجلال الله الذى تهتز له سبع سموات انهم البراءة و الطهر تمشى على قدمين

هذه مقدمة ثانية و لكن بعد المقدمة الثانية اشكر كل التعليقات التى جاءت لى من اخوة افاضل يعرفوننى و منهم لم يزور مدونتى من مدة و بعضهم اول مرة يزور مدونتى و لم اكن اعرف انهم يتابعوننى و طلبوا عدم نشر اسمائهم اما الاخوة الغير معرفين الذين ارسلوا لى تعليقات يستفسرون فيها طبعا ما تفتشون عنه لا يخصكم و لكن طالما دخلتم فى منطقة اخرى تهم ناس اعزاء على اقول لكم

اسمى ابراهيم رزق متزوج من اية يوسف و اعول عندى زياد و ساليناز و الثالث فى الطريق احب اولادى جدا جدا و احب زوجتى جدا جدا جدا زوجتى تتابع المدونة و تتابع جميع المدونات و تثق فى ثقة عمياء فمن يعرفنى على المستوى الشخصى يعرف انى كتاب مفتوح فانا لا اخفى شيئا عنها و لكن من كتب هذه التعليقات لم يحسب ما قد تفعله هذه التعليقات قد تجرح اشخاص و تسىء الى اشخاص و قد تهدم منازل رغم تفاهتها و تفاهة من يكتبها 

هذه التعليقات التافهة لا اخفيكم سرا انها اصابتنى بالاكتئاب اكثر من مرة و لكنى كنت اتراجع و اتغلب على شعورى اما و قد طالت هذه التعليقات اشخاص و اخوات اعزهم و اجلهم و احترمهم فانى افكر فى الرحيل عن المدونة لعل المرضى يشفيهم الله  

هناك 26 تعليقًا:

Mona Abo - Elso3od يقول...

لا حول و لا قوة الا بالله مين ده اللي يرحل يعني الكلاب تفضل قاعدة لنا في التدوين و المحترمين الافاضل يمشوا و الله مايحصل حضرتك تحت تأثير الاحداث بس و الغير معرف ده حسابه عند اللي خلقه لكن يحرمنا منك يبقي انت خليته ينتصر عليك و يحقق هدفه و انت اكبر من كده انت بس مسموح لك و علي مضض انك ترتاح مننا شويه لو عاوز مع انك مش هاتقدر لعلمك علشان احنا بقينا عيلة واحدة و محدش يقدر يبعد عن عيلته و افتكر لمتنا سوا لما ريماس تعبت فرحتنا بمصطفي و شيرين اه انا مقدرتش اجي لهم لكن شفت الفرحة في الصور و سمعتها في صوت مصطفي و شيرين لما كلمتهم اعتقد ده و حاجات تانية كتير تخليك ماسك فينا اكتر من كده مش علشان المرضي النفسيين احنا نمشي و نبعد
مش عارفة اقولك ايه تاني اكيد اللي هايقولولك كتير وحد الله و كبر دماغك و الحل بسيط اقفلوا التعليقات لغير المعرف كلكوا و هو يتفلق و يبقي يورينا بقي هايبعت كلامه الحقير ده ازاي و فين
و في النهاية بوسة كبيرة لساليناز و اخوها و تحية للفاضلة زوجتك و البيبي اللي جاي كمان

أم هريرة.. lolocat يقول...

السلام عليكم
اخى ابراهيم اولا اقول لك رغم ان بين الناس اختلافات فكرية كثيرة
فى المعتقد.... فى الفكر الثقافى ....فى الموروثات الاجتماعية ..إلخ
لكن يجب ان يتحلى ((( الإنسان )) بالادب والخلق الطيب واعتقد ان كل الاديان السماوية امرتنا بهذا

ولو كنت فظا غليظ القلب لأنفضوا من حولك


عندما اجد منك وجهة نظر مخالفة لرأيى اما ان اعلق بأدب أو أعتزل النقاش لو لم استطع التحكم فى كلامى هذا افضل من افتعال أزمة أو ان ابدى رأيى وأنا أمر على سيرة البعض بقدمى ولسانى السليط

الاسلام لم يأمرنا بأن ندافع عنه بالخلق الغير مهذب او ندافع عن فكرة ووجهة نظر بان نكيل السب والشتم للاخرين ورسولنا لم يفعل هذا ابدا مع كافر فما بال مع بعضنا !!!!

ويجب ان يكون كلامى قائم ليس على اساس الثأر الشخصى بقدر ان تكون نياتنا خالصة لرفعة شأن الحق مهما كان عنوانه وتحت اى شأن سواء دينى او دنيوى

وكم ابغض هذه التعليقات السخيفة وقد أتتنى بعضها فى اول رحلتى مع التدوين وكنت فعلا قد قررت الابتعاد لكن نصحنى بعض الاصدقاء بالصمود والصبر

اخى ابراهيم ارجو اعادة التفكير و التريث والصبر ...

دمت اخى بخير وسلام
تحياتى وتقديرى لك ولساليناز وزياد وام زياد :)

وفى انتظار جدييييييييييييييدك

دعاء العطار يقول...

مع حضرتك انها حاجه مستفزه جداً وتحرق الدم لكن زى ماحضرتك قلت دول مرررررررررررررضى .. يبقى ازاى اخللى مريض ياثر ع حاجه انا بحبها ويبعدنى عنها

انا مقتنعه جدا ان الانسان الوحش بيفتكر ان كل الناس بنفس السوء اللى هو فيه فعشان كده الناس دى دايما تفكيرها مريض

لكن حضرتك عزيز علينا كلنا واخ لينا وكلنا هنا بنتعامل كاننا اسره واحده يبقى ازاى بقى تسيب عيلتك واخواتك وتبعد عنهم ؟!

اتمنى بجد _ لا هو مش تمنى هو انا مش هتنااازل _ ان البوست ده يكون مجرد لحظة اكتئاب وراحت لحالها وترجعلنا تانى ترسم الباسمه ع وشوشنا :)

أمة الرحمن يقول...

السلام عليكم ورحمة الله

اولا انا معرفش اللى حضرتك بتتكلم عنهم بالذات
لكن اكيد اعرف هذه النوعيه من المرضى كما سميتهم لكن فى رأيى دول مش مرضى اصل المريض ليس عليه حرج وله عذر أما هؤلاء ليس لهم أعذار دى طباع يا أستاذى والطبع غلاب وحضرتك ابدا مش المقصود هما اصلا كده مع اى حد بيشفوه مأثر وماشى فى طريقه

وبعدين حضرتك القرار ده اسمحلى هيإذى الناس اللى بيحبو كتاباتك واكيد دول اكتر كتير من اللى هيفرحوا من توقفها وبكده اختار بقى هترضى مين ؟؟

انا عارفه ان الموضوع فعلا ممكن يوصل لاكتآب بس متأكده ان ده بيجى للانسان بس مش اى حد تانى وبقصد بكلمة الانسان معناها الحقيقى اللى ربنا اراده

ليتنا نستطيع ان نتعامل مع من نريد فقط لكنها الحياه تأتينا بالطيب والخبيث وعلى العاقل التعامل مع كافة الانواع كل بما يستحق

أعرض عن الجاهلين

ورجاءا لا تتخذ هذا القرار من أجل هؤلاء

تحياتى
وانتظر بوستات كثيرة قادمة اكثر تفاؤلا واستمرارا لنفس النهج
وحضرتك قلت ان الاختلاف لا يفسد للود بين المحترمين قضية

اما السباب فهو حجة الضعفااااااء فقط


دمت بخير

هبة فاروق يقول...

لا حول ولا قوه الا بالله
من المفترض ان عالم التدوين هو العالم الذى نلجأ اليه لتفريغ طاقتنا وهمومنا واحزاننا فنشعر بالراحه وقتها عندما نجد كثيرا من التفاعل والحب والصداقه ولكن حين يتحول الى كره وبغض وقله احترام فهذا ما نرفضه فهو ليس ساحه للمعارك والخراب
اخى ابراهيم الكلاب تعوى والقافله تسير لا تجعل تلك النفوس المريضه تتغلب عليك وتشعر بالنجاح والانتصار فى الوصول الى مبتغاها
فكر كثيرا قبل عزمك فى الرحيل فلتجعل رحيلك بيدك انت ورغبتك وليس برغبه او ضغط نفسى من احد
مدونتك بيتك الثانى فلا تترك بيتك من اجل احد
اتمنى لك الهدوء النفسى والاستقرار
تحياتى

فاتيما يقول...

نعمممممممم

ايه يا سى هيمة

يا ابو سالينازة القمر

يا أبو العيال

بقى انا اشتكى واعمل زعلانة
وتقولى ولا يهمك
الاقيك بتقول انا طالع م البلد ؟!!!

ايه ؟

فيه حد لا ينضرب ف الموضوع دا
ومش انا ولا انتا ولا خيخة
وانتا عارف كويس ...
ايه بقى ؟!!!

ايه ؟

Tears يقول...

اشعر بضيقك و لسه الصبح قاريه اللى كاتباه فاطيما بس ماعرفتش اعلق لانى كنت بتصفح من الموبايل بس رغم انى مش فاهمه ايه اللى حصل بالضبط بس عموما موضوع الغير معرف اللى بيشتم ده قديم اوى و مستمر من ساعه ما عملنا المدونات و ح تلاقيه معلق عندى و نشرتله احدى تعليقاته على اخر تدوينة عادى دول عالم فاضية و لما تقفل مدونتك تبقى بتديهم حجم و اهمية و بتنصرهم

الحل التجاهل

مصطفى سيف الدين يقول...

كن كالنخيل يا صديقي و تعالى عن تفاهات و غباء الجهلاء
كلنا نعرفك جيدا و نحفظك جيدا
اما التافهون فهم بلا دين
لو كان هذا ال (غير معروف) محقا لكان اشجع من ان يكون غير معروفا
في الحكومة يسمون مثل تلك التفاهات شكاوى كيدية مادامت بلا توقيع
لذا اعتبره توقيع كيدي و دعه يكيد في نفسه حتى يعلم حقيقة انه كائن متبلد جاهل و في الآخرة سيصير مصيره الى سقر ان شاء الله غير مأسوف عليه
فقذف المحصنات كبيرة و من السبع الموبقات
كل ما عليك يا صديقي ان تردد حسبنا الله و نعم الوكيل و اعلم ان الله لن يخذلك
تحياتي لك و دعك منه

ظلالي البيضاء يقول...

أستاذ إبراهيم ..
يسرني أن أعلن أنني أختلف معكم في الكثير من الأفكار فالأستاذ ماجد القاضي أقرب إلى منهجية تفكيري .. ولكن هذا لا يدفعنا في لحظة من اللحظات إلى كيل الشتائم أو تبادل الاتهامات .. بل على العكس الاختلاف يثري عقولنا وأرواحنا ..
وقد شعرت بعظم إساءة من كتب تعليقات مسيئة عندكم أو عند فاتيما .. ونأبى هذا الأسلوب في الاختلاف ..
ومن الحكم التي أؤمن بها : أن الله تعالى خلق الناس مختلفين .. فمن حاول جهده في جرهم للاتفاق على كل شيء فهو غبي أو متغابي .. ولولا الاختلاف لكانت الحياة جد مملة ..
أتقدم من هنا بالتقدير والاحترام لكم ولشخصكم الكريمة وحقيقةً أتابع مدونتكم .. فما وافقتكم فيه علقت عليه .. وما لم أوافقكم عليه تركته دون تعليق .. ولا ينقص الاختلاف من تقدري لكم ..
مع التحية الطيبة ..
ملاحظة : أرسلت إلى فاتيما بطريقة تتجنب بها التعليقات مجهولة الهوية .. يمكنكم سؤالها عنها لئلا أطيل الحديث هنا ..

نيسان يقول...

اخي ابراهيم

لم نر منك الا الخير ولم نقرأ لك الا الرأي الصريح الذي تطرحه باحترام بغض النظر عن مكنوناته.

مقابل واحد مريض ينغص عليك بتعليقاته هناك العشرات من المحبين الذي يحملون لك كل الاحترام والتقدير....فقرر انت من الاهم بالنسبه لك؟
هؤلاء المرضى في منهم في كل مكان مدونات وخارج المدونات
فلا تهتم الا بمن يحترمونك ويقدرونك.
ادعوا لك ولعائلتك بكل الخير

والامان والسعاده وان شاء الله بنفرح معك بقدوم المولود الجديد.

faroukfahmy58 يقول...

انت با ابراهيم اول من عارضنى فى قفل باب التعليقات عنما وصلتى ما وصلتى وانا ليس لى فى السياسة ولا غير السياسة الا خواطر رايت تسجيلها لاحبائى المدونين ولاولادى واحفادى فيما بعد
تيجى انت النهاردة وتقول هقفل المدونه لو فيه غيرك يا ابراهيم يسد مفيش مانع اما سدك العالى الجامع المانع العالى الغادى الرفيع البديع الساخر الباهر الباحر لا تستطيع الامواج الغادرة الفاسدة الحاقدة ان تطاوله او تتجاوزه
دايما يا ابراهيم تفاجئنا بامور تنخلع لها انفسنا
وروق بقى واسمع غنوة ورده انا ليه مين غيرك وهعيش لمين غيرك
ومنتظر ردك المطمئن اللى بقيت تبخل علينا بيه مش هيه دى عوايدك يا ابراهيم
واتا نازل دلوقت اركب النرمواى ابو سنجه وجيلك يا حبيبى بس ما تقفلشى المدونه عبال ما آجى

;كارولين فاروق يقول...

فاكر يا ابراهيم عندما
قلت لك اين مدونتك عندما
كنت تعلق فقط للمدونين
وبعدين عندما كتبت انهالت
عليك التعليقات واصبحت
من احسن المدونين كتابتا
والان تقول اقفل مدونتي لماذا؟
من الوارد الاختلاف ومن الوارد الكره
ايضا نحن جئنا الدنيا وبيننا الفه وبيننا كره ايضا
اذا قارنت بما قابلته بمايقابله المشاهير
من انتقادات وشتايم واهانات
لكنت راجعت نفسك كثيرا
ولو كل واحد ينسحب من مزاوله ما يحبه
من كتابه من غناء من تمثيل لهذا السبب
لضاع الفن معهم
واخيرا احترم جدا جدا جدا الرجل الذي يذكر محبته لامرأته ربنا يخليهالك
وتدوم المحبه بينكما
تحياتي وتقديري

وصف الاحساس يقول...

السلام عليكم
الحقيقه مش عارفه ايه ابعاد الموضوع بالكامل
بس طالما تعليقات خبيثه كامراض خبيثه
عرفتنا بنفسك ولكن لم تذكر مهنتك هل طبيب ام غير ذلك
اقول لك كن كالطبيب الذي يتعامل مع مرض خبيث والعياذ بالله
تدخل جراحي " الغاء الغير معروف "
او ابدا بالعلاج وجادلهم بالتي هي احسن
لو مفيش امل يبقي هنشتغل مسكنات
اي تعليق ييجي احذفه وخلاص
انما تقفل المدونه زي الدكتور ال فشل في علاج مريض فاعتزل الطب لا صعب
الحلول كتير والله الموفق والله المستعان
تحياتي

wagdy El-Komy يقول...

سلامتك قبل الرحيل
وبعد
انا احد سكان المطرية
اسكن فى منطقة تقسيم ثروت
وأول مرة أعرف أن النجومى باشا كان يسكن فى هذه المنطقة
كما كنت اعرف أن أحمد شوقى يسكن أيضا فى المطرية
لكننى شعرت أنه قريب جدا
هل تقصد أن الشارع الذى كان يسكن فيه الرجلان بالقرب من منطقة النعام حيث أسكن
هذه المعلومات قرأتها من تديونتك
اغلبية الهنود الحمر
انا مهتم بهذه المعلومات
أرجو أن تراسلنى وتخبرنى أين كان يسكن أمير الشعراء
والنجومى باشا
wagdykomy@hotmai.com

ستيتة يقول...

اسمح لي
ورغم اننا لا نعرف بعض إلا تدوينيا ولكن الأرواح جنود مجندة
وانا سعيدة جدا إني أقرا لك
وبكده قلت بؤين حلوين ليتسع صدرك لما بعدها
هذا هراء
انا لا اتفهم الإنسحاب
ولا يخصني دوافعه
ولا ابرر له مهما كانت الأسباب التي لا اعرفها

امال ثورة وكوزين اسمنت ومايوه بفتة إيه يا سادة؟
انتوا صدقتوا ان المدونات عالم موازي خيالي؟
لأ طبعا
عالم عادي جدا
فيه ناس وناس
وشبه طبيعين ومرضى
وشبه حيادين ومتطرفين
وفيه حرامية ومفسدين في الأرض
وفيه كل شيء ولكن بحروف غير مدفوعة الثمن
وابو بلاش كتر منه

هذا هراء
وحتى تبرير الإنسان لنفسه!!! حضرتك اقوى منه
يعني ايه اضطر اقول للناس عن بيتي واسرتي علشان يقتنعوا؟
عبوهم كلهم
عبوهم عبوا اللي يتشدد لهم
طب حضرتك مش متجوز
ومش مخلف
ده يعني قذفك وقذف غيرك؟

ويفضلوا وراء الأفاضل حتى يكتئب بعضهم ويتحور بعضهم ليشبه نموذج مريض متطرف ليرضيهم
ويعتزل بعضهم

مدونتك بيتك
وحتة من الفضفضة في حياتك
وحتة من المعرفة المتلقاة والمرسلة
وحتة من تواصل اجتماعي لطيف لمن يحب الإجتماعيات
بصراحة
المدونات من ألطف الأشياء اللي عرفتها بحياتي

اعتذر ان كانت لغتي غير مقبولة
ولكن هكذا انا
انا زي ما انا
اللي عاوز يعرفني بيدوس زرار مدونتي في ليست عنده
واللي مش عجباه عند امه يا ادهم
واللي يكرهني عندي كون عبارة عن 5 مليار بني آدم..فلم أخسر شيء
بيدخل يقرأ ويمكن يشتم ويمكن يعمل نفسه ولا يعرفني
لكن آخر كلمة يا سيدي

نحن غير مسئولين عن المرضى النفسيين
يا يتعالجوا على حسابهم
يا يندقوا على دماغهم

اسمح لي انا احدثك كأخت
حزينة جدا انك بررت نفسك-وكتاباتك-ويقينك-ونفسك
انت اكبر من هذا
كل الناس اكبر من هذا

تحياتي واحترامي حتى وان اختلفنا في الرأي

ستيتة يقول...

اسمح لي
ورغم اننا لا نعرف بعض إلا تدوينيا ولكن الأرواح جنود مجندة
وانا سعيدة جدا إني أقرا لك
وبكده قلت بؤين حلوين ليتسع صدرك لما بعدها
هذا هراء
انا لا اتفهم الإنسحاب
ولا يخصني دوافعه
ولا ابرر له مهما كانت الأسباب التي لا اعرفها

امال ثورة وكوزين اسمنت ومايوه بفتة إيه يا سادة؟
انتوا صدقتوا ان المدونات عالم موازي خيالي؟
لأ طبعا
عالم عادي جدا
فيه ناس وناس
وشبه طبيعين ومرضى
وشبه حيادين ومتطرفين
وفيه حرامية ومفسدين في الأرض
وفيه كل شيء ولكن بحروف غير مدفوعة الثمن
وابو بلاش كتر منه

هذا هراء
وحتى تبرير الإنسان لنفسه!!! حضرتك اقوى منه
يعني ايه اضطر اقول للناس عن بيتي واسرتي علشان يقتنعوا؟
عبوهم كلهم
عبوهم عبوا اللي يتشدد لهم
طب حضرتك مش متجوز
ومش مخلف
ده يعني قذفك وقذف غيرك؟

ويفضلوا وراء الأفاضل حتى يكتئب بعضهم ويتحور بعضهم ليشبه نموذج مريض متطرف ليرضيهم
ويعتزل بعضهم

مدونتك بيتك
وحتة من الفضفضة في حياتك
وحتة من المعرفة المتلقاة والمرسلة
وحتة من تواصل اجتماعي لطيف لمن يحب الإجتماعيات
بصراحة
المدونات من ألطف الأشياء اللي عرفتها بحياتي

اعتذر ان كانت لغتي غير مقبولة
ولكن هكذا انا
انا زي ما انا
اللي عاوز يعرفني بيدوس زرار مدونتي في ليست عنده
واللي مش عجباه عند امه يا ادهم
واللي يكرهني عندي كون عبارة عن 5 مليار بني آدم..فلم أخسر شيء
بيدخل يقرأ ويمكن يشتم ويمكن يعمل نفسه ولا يعرفني
لكن آخر كلمة يا سيدي

نحن غير مسئولين عن المرضى النفسيين
يا يتعالجوا على حسابهم
يا يندقوا على دماغهم

اسمح لي انا احدثك كأخت
حزينة جدا انك بررت نفسك-وكتاباتك-ويقينك-ونفسك
انت اكبر من هذا
كل الناس اكبر من هذا

تحياتي واحترامي حتى وان اختلفنا في الرأي

افكار مبعثرة يقول...

انا طبعا معرفش تفاصيل اللي انت بتتكلم عنه بس كلامك هنا و كلام تاني منشور في مدونة تانية بيقول ان فيه حد زي ما انت قلت مرييييييييييض لا يفقه شيئا بيقول كلام ملوش لازمة فطبعا طبعا الكلاب تعوي و القافلة تسير انما تقول ارحل و الكلام ده فانا اعترض و بشدة بجد لان ان كل واحد شريف قرر انه يخلي الساحة للناس المريضة المصابة في عقلها يبقى كده خلاص الساحة هتفضى
كل واحد بيدخل هنا بيبقى عارف الشخص ده من خلال كلامه مش لازم اشوفه وجها لوجه و يحلفلي انه كويس عشان اصدقه الكلام و التدوين بيكشف جانب كبير اوي من شخصية المدون و كلنا عارفين ابراهيم رزق و دماغ ابراهيم رزق و يعلم الله انا اعتبرك اخ اكبر لي من غير ما اشوفك اصلا فارجوك تمسك بنا و ابقى معنا و لا تستمع لمثل هؤلاء المرضى
بس خلاص :)
تحياتي

haneen nidal يقول...

السلام عليكم

على فكه انا مش موةافقه شو يعني تسكر المدونه و نحن من ادمنا على حرفك يا ابو ساليناز :(

على فكره نباح الكلاب لا يضر السحاب و الكلاب تعوي و القافله تسير

يعني التربصون فينا في كل مكان حتى في الاحلام و لانهم ناس مرضه و ناس تسري في دمائهم شرنقه التربص نسمحلهم يحققوا الي بدهم ياه منا و نعمل الهم الي بدهم ياه و نخليهم ينتصروا

و على فكره هون نحنا كلنا بس كرمال ننفض عن ارواحنا غبا ايامنا و نغسلها و نرجع بنفسيه جديده نحن بنكتب لانفسيا قبل ان نكتب لاحد و المكان مكانا و الي داخل عندنا حيكون ضيف وجبله حق الضيافه ما دام اديب و الا كان متطفل يخرج بره و نقفل خلفه الباب و لا كانه حصلت حاجه

يمكن تكون هسا زعلان من الي حصل و متأثر بس ما تتخ قرارك هسا خد اجازه و نحنا رح ننطرك لكن لا تقفل المدونه و تحرمنا من حرفك و اعتبره رجاء خاص

ريبال بيهس يقول...

مساء الورد ابراهيم

التعليقات ستطال كل من تحب وقد تصل

لعرضك أيضاً وهذا دليل كبير على أن هناك

من تثير غيضهم بسبب كلماتك ولكن أن

تترك مدونتك فهذا بارقة نصر لمن

تقصدك بالتعليقات فلماذا تتيح لهم

مثل هذه الفرصة في ترك صفحتك وكسر

قلمك ؟؟؟

أتمنى أن تعيد النظر في قرارك

وتذكر الجبل لا يهزه ريح ..

تحياتي وإحترامي

Noha Saleh يقول...

حضرتك مش لازم ترحل ولا حاجة
اعظم الكتاب فى العالم عليهم خلاف وناس بتهاجمهم
استمر فى التدوين

ريـــمـــاس يقول...

صباح الغاردينيا أستاذ ابراهيم
صباحك ابتسامة اتمناها لك الان وخاصة وأنا أدرك حجم ألمك لما يحدث أستاذي التعليقات المزعجة لاتترك أحد منا وأنا والله تعرضت للكثير من التعليقات المزعجة ولو كنت تركت نفسي في أحد المرات للغضب لما عدت لتدوين ولكن هناك الكثير ممكن يقرأ لريماس من أخوة وأخوات أشتاقهم وأحتاج وجودهم وأنت من أعز الأخوة ورب العالمين يشهد كنت لي أخ في أزمتي التي مضت ومرضي لم ولن أنسى ياأبو زياد تلك الدعوات الطيبة التي أمتلئت بها مدونتك وأنعزالك عن الكتابة أكراماً لحالة ريماس التي كانت حينها على شفير الموت احمد الله رب العالمين أن حفتني دعواتك ودعوات اخوتي هنا ولكن أستحلفك بالله وحياة الغالية ام زياد وزياد وساليناز وحياة أحبائك هنا أن تعود لنا من جديد لأنك وربي أخ وصديق حرف غالي كنت ترسم على شفاهنا أبتسامة محبة كلما دخلنا مدونتك ومن الصعب جداً أن نفقدها ابو زياد بخروجك من التدوين ستعطي المجال لمروجي الإشاعات ومن تعرضوا لك بـ الشتم فرصة لنيل مرادهم ولكن يهمني أكثر أن تبقى من أجل ريماس ومنى ومصطفى وماما زيزي ودعاء وشيرين وسواح ووووو والكثيرين ممن ينتظرونك ويحملون لك المحبة في قلوبهم ..
ابو زياد نحن في أنتظارك "
؛؛
؛
لروحك عبق الغاردينيا
كانت هنا
reemaas

نسرين شرباتي "أم سما" يقول...

لا اعرف ما الموضوع ولماذا كل هذا وليس عندي الوقت حالياً لأفتش وأرجع
لكن أقول كلمة واحدة:
أعد التفكير،، أعد التفكير،، أعد التفكير
فقلمك مميز
ومدونتك من المدونات القليقلة التي احرص على متابعتها
لي عودة أكيدة

Casper يقول...

انا برضه معرفش اللى حصل
لكن عاوز اقولك يا ابراهيم
كمل في طريقك واكتب اللى انت مقتنع بيه
وكده كده لن يرضى عنك كل الناس
فارضاء كل الناس رهان على مستحيل

بالتوفيق دائما
خالص التقدير لفكرك وقلمك

rona ali يقول...

السلام عليكم
لاااااااااااااااااااااا
مين دة اللي ينتقد حضرتك طب دة حتى انا بقعد اتكلم عن حضرتك كتير وعن اسلوب الساخر في توصيل فكرة البوست وبجد انا بحترم الاسلوب وبفضله جدآ

وبعدين حضرتك قولت الناس دى اشخاص مريضه وانا اضيف واقول ك وكمان عندهم عقده نقص
طالما كدة وليس علي المريض حرج يبقي حضرتك اعلى منهم بكتير بعقلك وباسلوبك وبوعيك :)

اتمنى من الله ان يزيل هذه الغمه وتنكشح قريبآ باذن الله :))

ابراهيم رزق يقول...

اخوتى و احبتى الاعزاء

تعليقاتكم التى نشرت و التى لم تنشر طوق احمله فى عنقى
و اصدقائى الذين اتصلوا بى تليفونيا ليحدثونى لهم منى كل الشكر
هل يقابل الحب الا بالحب و ليكن معلوما للجميع ان الموقف الذى عزمت ان اخذه ليس بسبب الاساءة لى فالاساءة لى اتحملها و اتحمل اكثر منها و لكنها اساءة طال اشخاص محترمين عزاز على
اشكركم و اعدكم انى اكون اخا و محبا لكم ما حييت

تحياتى و تقديرى لكم جميعا

وجدى الكومى

مرحب بك فى المدونة و ارد على تعليقك لانه كان خارج الموضوع

احمد شوقى كان يسكن فى نهاية شارع منية مطر بخارجة المطرية امام مدرسة طه حسين و منزله اصبح مجموعة عمارات انتهت بعمارة ضخمة اسمها امير الشعراء

اما النجومى باشا فكان يسكن بشارع شلبى خارجة المطرية و مازالت فيلته موجودة حتى الان

تحياتى لك

zizi يقول...

ابراهيم سيد الكل .. طبعاً بس عشان الكل يبقى عارف انا اللابتوب بايظ وعشان كده مشفتش البوستات دي الا دلوقتي عشان كنت بانزل السايبر يادوبك احكي شوية عن المعرض وأحلل في كتابات ولادي وبناتي واطلع وماكانش فيه حاجة بتكدر حياتي بالعكس كنت في منتهى السعادة لأني في أسبوع واحد عشت يومين فعلاً من الأيام اللي ماتتنسيش وسعدت جداً مع مجموعة أفتخر إني اتقابلت معاهم .. وفجأة لقيت حاجة قذرة نزلت على مدونتي وأنا لابيا ولا عليا ولقيت ابراهيم والأستاذ فاروق مشكورين طول النهار بيحاولوايتصلوا بيا عشان الحق اعمل حاجة وللآسف كان الموبايل بعيد عني في الشنطة ولم اراه غيربعد عودتي للمنزلولم يكن ساعتهاهناك مكان على السايبر"يمكن يكون هو كمان مكان قليل الأدب "واستنيت وتاني يوم نزلت وقريت المكتوب عندي من إنسان ارتضى أن يكون نكرة وعلمت فيما بعد من غبراهيم أن بعراته القذرة قد نالت منه ومن محصنات من بناتنا الشريفات ..ولا أجد يا إبراهيم ما أقوله 6ير حسبي الله ونعم الةكيل في كل كلمة آذى بها إنسانةأو إنسان وما أدراك ياهذا ما معنى قذف المحصنات ..ولن أضيف شيئاً أكثر مما قالوه الإخوة والأخوات الأفاضل قبلي ولكني ادعوهم جميعاً من لم يدخل مدونتي من قبل فليدخلوها وانا لم احذف ماكتبه هذا النكرة بل ليروا بأنفسهم إلى أين وصلت دناءةهذا النكرةفي وصف أسياده .. فلا تحزن يا إبراهيم ..وإذا أتتك مذمتي من ناقصِ ..فهي الشهادة لي بأني كاملٌ..تحياتي وكلنا ايد واحدة يا بهجت