الثلاثاء، 6 ديسمبر 2011

ذكريات حزينة جدا جدا جدا جدا

طبعا انا احذر كل من يقرأ هذا البوست هو بوست حزين جدا لانه يحكى عن مرحلة مرت على الغالبية العظمى مننا مرحلة اصبح الصمت انيسنا مرحلة القيود و السجن مرحلة الدخول الى القفص و انت و نصيبك قد تجد من يرق لحالك و يضعك فى مركز طبى خمس نجوم و من يضعك فى طرة انت و حظك و لكنى احذر هذا البوست يحكى عن ذكريات حزينة جدا ليست لى بالطبع و لكن لمجموعة من اصدقائى مروا بهذه التجربة المريرة هذا البوست حزين جدا جدا جدا جدا لانه يحكى عن تجارب ليلة القبض عليهم ذكريات ليلة زواجهم

الصديق الاول اسمه فريد من نوعية الرجال الهايمين بخطيبتهم الفستان كان يحتاج لبعض التظبيط اذهب به لاظبطه من المحل يا روحى انت تؤمرى دلع خطيبات صحيح  بينما ذهبت العروسة الى الكوافير و ذهبت معه الى محل الملابس عادل ابو هميلة بشارع طلعت حرب كان الوقت مبكرا و احسسنا بالجوع طبعا اقترحت عليه افطارا خفيفا و ليس هناك افطارا خفيف اخف من مسمط بحة بالناصرية و كل الحكاية تاكسى بثلاثة جنيه خمس دقائق و نصل اليه نفطر ثم نصل بالفستان للعروسة و ذهبنا الى بحة فطرنا فطارا خفيفا حلويات فشة و كبدة و ممبار و بجانبه طاجن عكاوى ملهلب بنار الفرن و ذهبنا لكى نغسل يدينا و عدنا لم نجد الفستان سألنا و بحثنا لم نجد الفستان ماذا نفعل العروسة فى الكوافير و الفستان اتسرق و جاء الحل العجيب نذهب الى المحل و نحاول شراء فستان اخر نفس الموديل و لكن اين الاموال طلعنا كل ما معنا من اموال لم يصل الى ثمن الفستان اتصلنا بصديق لنا لكى يأتى بمال ليكمل ما معنا و ذهبنا الى المحل لكى نكسب الوقت و لكننا لم نجد موديل الفستان قال ايه سياسة المحل ماذا نفعل ناخذ الفستان بموديل قريب منه و نخبرها ان الخطأ من المحل و ليس منا كما انه لا يوجد وقت لترجيعه  و تأخر الصديق الذى معه الفلوس و لكن صاحب المحل رأف بحالنا و سمح لنا بالانصراف حتى لا نتأخر على العروسة على ان يحضر صديقنا لاحقا و يعطيه باقى الثمن
ذهبنا الى العروسة و براءة الاطفال فى اعيننا اعطيناها الفستان و انتظرنا فى الخارج لنرى ماذا سيحدث و اذ فجاءة نفيق على صرخة مدوية من داخل الكوافير و لعنات و سباب على المحل و علينا دخلنا لنسأل ماذا حدث لاننا مظلومين لا نعلم فاخبرتنا ان الفستان اتغير ماذا نفعل و الوقت ليس فى صالحنا وكان اقتراح البسى الفستان و نراه عليكى طبعا لبسته و كانت المفاجاة الفستان نال اعجابها و استكمل الفرح بامان و نال الفستان اعجاب الجميع و هى حتى الان تعلم ان الخطأ فى تغيير الفستان من المحل و ليس من مسمط بحة

ارتديت البدلة و الحذاء الجديد فهو يوم عرس صديقى جمال و ذهبت الى الحلاق مع صديقى العريس نصف ساعة تقريبا راس و دقن و مبروك يا عريس ثم ذهبنا الى الكوافير المتواجدة به العروسة من صلاة الفجر حتى اقتراب العشاء طبعا كله ضحك على الدقون ما بين حمام مغربى و ماسك عصير الجرير المخلوط بطماطم استرالى مع قليل من ماء الورد و حمام للشعر من زيت كتان و ذرة و كله على حساب صاحب المحل اقصد العريس بينما نحن الرجال نصف ساعة عند الحلاق و اقلب  دخلنا الى الكوافير الموجود بمول شهير يا صلاة النبى وجدت حوالى ستة عرائس ربنا يزيد و يبارك طبعا نحن فى ريسبشن الكوافير لمحت عروسة فائقة الجمال ميلت على صديقى و قلت له ممكن تعمل مش واخد بالك و تاخد العروسة دى ال يعنى غلطت ضحك صديقى و سمعت مجموعة من الضحكات الاخرى تأتى من خلفى التفت لاجد ثلاث بنات فى انتظار عروسة اخذنا الكلام معهم ثم اقترحت احداهن ان نجلس على الكافيه الموجود فى المول و المواجه للمحل طبعا ما صدقنا لان الحذاء كان جديد و عامل كالو فى الصباع فقلت استريح من الحذاء هدف شريف و الله جلسنا على الكافيه و فجاة وصلت اخبارية الى العروسة من شرير لا اعلمه و وجدنا العروسة واقفة على باب المحل انسحبت بهدوء حتى دون ان احاسب على الفاتورة انا مالى يالله ربنا يعينه على اللى هو فيه و يرفع عنه مقته و غضبه
طبعا الجوازة تمت و الحمد لله  لكننى وضعت على القائمة السوداء لزوجته و لم ارفع منها حتى تم زواجى

اثناء ذهابى مع صديقى العريس طه العائد من سويسرا الى الكوافير بشبرا مرينا على شارع الجسر فجاة قال فين ايام بيبو و طواجن بيبو و الله وحشتنى و نفسى اكل عنده  و بيبو لمن لا يعلم هو مطعم شعبى موجود فى شارع الجسر بشبرا قلت له احنا فيها ننزل نتغدى و نذهب بعد ذلك الى العروسة فى الكوافير طبعا ذهبنا الى بيبو و طلبنا طبق مشكل لحم و كبده و كفتة بلدى باللية و كم طاجن فريك و بصل و معهم كوبين من الويسكى و الشمبانيا دماغكم مترحش بعيد الويسكى و الشمبانيا عند المطاعم هى مياه السلطة و دقة المخلل ثم ذهبنا الى العروسة فى الكوافير ثم ذهبنا الى الفندق و لكننى لم احسب حساب اخر ان صاحبنا طه الشيف الحلوانى الشهير اخذ على اكل سويسرا غير الصحى و نسى طبق الفول من عند عم عبده دولار مختصر الكلام اكل سويسرا اثر على صحته و من اكلة خفيفة لحمة و كبدة و كفتة باللية  من عند بيبو و كم طاجن باللحم اصيب بالاسهال داخل القاعة و اضطر لترك عروسه كثيرا للدخول الى الحمام طبعا سر صديقى كان فى بير عميق لم يعلم به احد الا اصدقائنا المقربين و عندما حضرت المطربة اعتقد كانت سيمون و صعدت الى الاستيدج وجدت العروسة وحيدة فى الكوشة و سألت اين العريس صحنا جميعا بصوت عالى العريس فى الحمام عشان عنده اسهال
                                                      
  ملحوظة ذكرى للاسماء ربما تكون رغبة شريرة فى التشريد لاصدقائى العزاز و قد اصحبها برغبة بريئة جدا بدعوة زوجاتهم لقراءة البوست 
                                                        بلد مجانين صحيح 

هناك 52 تعليقًا:

;كارولين فاروق يقول...

هههههههه
يعني انت حفظت سر العريس اللي داخل الحمام للمعازيم بس ههههههه
اما عن الموقف الاول عن دخولك اللائحه السوداء فقولك معلش تستاهل
كل فرح وانت طيب يا طيب

rona ali يقول...

صدق اللي قال مافيش فايده
هههههههههههههههههههههههههههه

هفضل ادخل افطس من الضوحك هنا كتير قلبي وجعنى يا ناس :):)

نور القمر يقول...

ههههههههههههههههههههههههههههههههههههههههههه سره فى بير صححححح هههههه بوست حلو بجد ..تسلم ايديك
مع تحياتى
نور

عالمى ازرق يقول...

اهم حاجه ان العامل المشترك بين كافة المواقف هو تواجدك

عموما لو دعيت زوجاتهم القوائم السوداء هتبقي تلاته مش واحدة

ريــــمــــاس يقول...

صباح الغاردينيا استاذ ابراهيم
ياهنايا ياسعدي اول مرة ينزل بوست ليك وانا على اللاب بتاعي قصدي على النت يعني وبوست ايه من الي يحبه قلبي هههههههه بموت انا في حكايات لليلة الدخلة بحسها بتبقى مواقف مش بتتنسي العمر كله فما بالك بقى لما تبقى من أرشيف ابراهيم رزق ههههههههههه تصدق والله ضحكت ضحكت نيجي بقى للموقف الأول ...
ههههههههه عجبتني الهيمان دي لا دا صاحبك رومانسي وكمان ياروحي انتي تؤمري يارب بس يكون لسى بيقولها ياروحي بعدالزواج انا نفسي تديني نمرة العروسة يمكن ماتقراش البوست ده حرام تفضل سنين وهي فاكرة انه العيب في المحل والحكاية بطن ابراهيم رزق بسم الله ماشاء الله <<< احسن يقول اتحسدت من ريماس :) "
؛؛
؛
الموقف الثاني :
ههههههههههههههه
ههههههههههههههه
هههههههههههههه
اما الموقف التاني والله ضحكت من قلبي اولاً على حكاية شعر ودقن ماهي العروسه لازم تدلع شويا وضحكت على الحذاء بس بجد اكتر حاجة ضحكتني حكاية العروسة الي اعمل مش واخد بالك وخدها بدال عروستك ههههههههه
<<<< بتدعي في سرها تقرأ البوست مرات جمال <<< دعوة خبيثة :)
(( فقلت استريح من الحذاء هدف شريف و الله ))
الا هي ام زياد راحت فين ممكن تصحيها لو نايمه عاوزة اهديها الجزء دا
<<<< ياشريرة ياريماس
والله معاها حق تحطك مرات جمال في لقائمة السوداء دنا لو مكانها اشطبك خالص هههههههههههه "
؛؛
؛
الموقف الثالث :
ههههههههههههههه
والله ونعم الصحاب ادي اخرت العريس اسهال والله موقف لاتحسد عليه العروسة
<<< خايفه تضحك وفي ليلة فرحها يجي لعريسها امساك هههههههه "
؛؛
؛
أستاذ ابراهيم الا ايه حكاية الاكل معاك دا صحابك خربت ليلتهم من ورا بطنك هههههههه
بجد بجد بجد مع التشديد على الجيم الي خابط في الدال ذكريات حلوة :)
؛؛
؛
لروحك عبق الغاردينيا
كانت هنا
reemaas

أم هريرة.. lolocat يقول...

هههههههه ذكرى للاسماء ربما تكون رغبة شريرة فى التشريد لاصدقائى العزاز و قد اصحبها برغبة بريئة جدا بدعوة زوجاتهم لقراءة البوست

ياخرااااااابى ده أنت شردتهم شر تشريد هههههه طب لو حد منهم قرأ الفضايح دى هتعمل انت ايييييييييه

وازاى قدرت تحفظ سر صنعة الكوافير الخاص بنا عن حمامات الكريم والماسكات وكل ده ههههه


حقيقى الله يكون بعون اصداقاءك انت فعلا خير حافظ على السر

بس دى ذكريات حزينة لهم هم ومصلحة لك انت انا ملاحظة ان كلها اكل فى شرب فى ضحك ولعب هههههه

اضحك الله سنك اخى ابراهيم

تحياتى لك

شيرين سامي يقول...

الحمد لله إنك مش صديق لزوجي و غالباً مش هعرفك عليه :)
أنا معنديش مشكله إن فستاني يتغير يمكن هتخض طبعاً بس اليوم عندي أهم من الفستان...و معنديش مشكله إنه يجيله إسهال..و أنا مالي هو اللي خسران :)
لكن عندي مشكله كبيره أوييييي مع حكاية البنات دي...ده لو أنا كنت روحت بيتنا و لغيت الفرح...يعني اللي يعمل كده يوم فرحه هيعمل إيه بعد 10 سنين جواز مثلاً :)...لا يا عم أنا غيوره مووووت.

بوست تحفه بجد و ذكريات فظيييييعه
هههههههه
ميرسي على الضحك الليلي ده :)

تحياتي و كل الود لحضرتك

ظلالي البيضاء يقول...

الله عليك يا أستاذ إبراهيم ..
صحيح إني بتابع معاك بس قليل حتى أكتب مشاركة .. إنما المرة دي روحك المرحة غصبتني أعلق عندك ..
لأ فعلاً قصص حزينة جداً بس مش بالنسبة لينا إنما حزينة بالنسبة للعرسان ..
مع التحية

amiraali يقول...

هههههههههههههههههههههههههههههههههههههه... موتني من الضحك ..ايه الفضايح ديه..لالالالا بس بتعرف فعلا تحفظ السر

مصطفى سيف الدين يقول...

هههههههههههههه
واضح كده يا ريس ان مفيش فرح بتمشي فيه الا لما تحصله مصيبة :)
اكيد العيب في اصحابك طبعا
بس حلوة حكاية العريس في الحمام دي يعني فضحتوا الراجل في وسط معازيمه

faroukfahmy58 يقول...

ليلة القبض على ذكريات ليلة زواجهم
بتقول ياابراهيم حكايات حزينه جدا جدا جدا
انا صراحة يا ابراهيم لم اعرف بعد موقفك من التجنيد النفســــــــــى
هل انت متفائــــــــــل
هل انت متشــــــــــائم
هل انت فرحـــــــــــان
هل انت زعــــــــــــلان
هل انت مع اصدقاءك العرسان
هل انت على اصدقاءك العرسان
هل انت فى التحريـــــــير
هل انت فى البيـــــــــت
هل اجدك فى الاـفراح والليالى الملاح المملحة
انت فين بالظبط يا ابراهيم وفى اى ارض من اراضى الله اجدك تكون دلوقتى فى باب الشعرية وانا مش واخد بالى
انا بجد فى حيرة من امرك يا ابراهيم فوضت امرى لصاحب الامر فى امرك يا ابراهيم هههههههههههههههههههههه
تهايته انا بحبك قوى ولو انى لم الحظ تعليقك على آخر بوست كتيته وانا منتظر من امبارح وعمال اغنى الساعة واقفه والا بتمشى آدى الميعاد قرب
بمناسبة كلامك عن ليلة الدخلة همه سموها ليه ليلة الدخله يعنى اللى يدخل ما يخرجشى طب مافيش تسميه لليلة الخرجه ارج الرد السريع
ياهنا اصحابك بيك يا ابراهيم وكمان لم تترك اى محل من المحلات التى تذكرنى بباب الشعرية باب الشعبية الاصيلة
تحياتى يا غالى
الفاروق

reemaas يقول...

صباااااااح الضحك يا استاذ ابراهيم

المشكلة فييييييييك
اصل اكيد مش فى كل الافراح ههههههههههههههههههههههههههههه


مش عارفة اختارلك موقف احلى من التانى كلهم نكتة بجد

هبة فاروق يقول...

ههههههههه
ايه ده كله ايه ده كله
كل ده كنت مخبيه عنا ..شرير انت ..بقى الراجل حيتجوز وتأخذه يقعد مع بنات وتحول ليلته لجنازه حرام عليك
ولا الفضايح ملهاش حل ..اكيد كل اللى حيقرا البوست حيخاف يعزمك على فرحه
وخصوصا البنات المقطقطين
تحياتى بس بجد ما احلى الذكريات المؤلمه

افكار مبعثرة يقول...

هههههههههههههههههههههههه
ياه على دي ذكريات حزينة انا قلبي وقف من الضحك قصدي العياط
و مستغرب ليه الزوجة وضعتك في اللائحة السوداء:))))))))))))
تحياتي ليك

Tarkieb يقول...

ياه ههههههه ذكريات اليمة اووووي....ده انت عايز علاج نفسي كان الله في عونك هههههه عشان تنسى المواقف دي....احسنت وربنا بعد المقدمة والتحذير قلت اكيد بلاغ كادب وكوميديا كالعادة

ستيتة حسب الله الحمش يقول...

يا توفيق الحكيم
فين الذكريات الحزينة؟
دي ذكريات شريرة بشر توفيق الدقن وظرفه
هههههههههههههههههههههههههه
ربنا يكرمك انبسطت حداك جدا

نيسان يقول...

ههههههههههه
بجد نهفه...
انت طلعت عدو العرايس الاول :)

اسمك لازم يكون على القائمه السوداء لكل الستات...وضروري ضروري اصدقائك يعملوا تحذير وتنبيه للمقبلين على الزواج...ما يقابلوك ولا يشوفوك وخصوصا يوم الفرح بالذات :)

ذكريات لذيذه بشكل ومؤلمه بقدر لذتها الا حكاية البنات والكافيه ...يا ساتر دي مصيبه

وجع البنفسج يقول...

هذه ذكريات حزينة ؟؟ المشكلة اني شفت البوست قبل هيك وقلت مش جاي ع بالي اسمع شيء حزين ومافتش اقرأ علشان عقبال اولادك فرح الاسير المحرر ابن خالي كان امبارح وكنت مبسوطة جدا .. فمحبيتش حاجة تعكنن عليا .. بس ياريتني فوت وقريت الكلام اللي انت كاتبه ..

عموما ربنا يسترها ع اصحابك .. !! بس ع فكرة انت انسان شرير جدا جدا جدا جدا جدا ..

نسرين شرباتي "أم سما" يقول...

هههههههههههههههههههههههههههههههههههه
قرأت البوست أكثر من مرة
وبكل مرة أضحك هههههههههههههههههههه
والله ما قادرة أبطل ضحك يا أ. ابراهيم :)
أسلوبك جميل جداً في الكتابة :)
وموتني من الضحك :)

موناليزا يقول...

:)
بص كله كوم وسرقة فستان العروسة ده كوم تانى خالص :)

ساسو يقول...

ههههههههههههههه
يا خبر ابيض
ايه كله دا
ذكريات مؤلمه فعلا
و لذيذه كتير
الله يكون في عون اصدقائك

د/دودى يقول...

شكلك عدو المراه او بالاخص عدو العرائس...فين الحزن ده ..انا تخيلت ان فى اى لحظه هتحصل مصيبه و فرحت قوى لما وصلت لاخر المقاله بلا مشاكل-سوى ضيق الحذاء قطعا

دعاء العطار يقول...

استاذ ابراهيم انا كنت ناويه والله اعزمك على فرحى بس بعد اللى قريته ده هبدا افكر اصل اخاف اعزمك مالاقيش العريس اصلاااا :D

هههههههههههههه

بجد ضحكتنى يااستاذ ابراهيم ربنا يخليلنا بوستاتك الحزاينى ع الاخر دى

zizi يقول...

ابراهيم ..سلم ايديك على كل اللي كتبته ومعلش مش قادرة اكتب اكتر من كده..تحياتي

شمس النهار يقول...

انا بقول تحضر المأذون قبل ماتدعوا زوجاتهم للبوست
علشان الطلاق هبقا بالجملة:))
تغيروا الفستان ياظلمة
:)))

ابراهيم رزق يقول...

كارولين فاروف
كلارينيت الفاروق

كده برضه ده انا مظلوم و الله

نورتينى
تحياتى

ابراهيم رزق يقول...

rona ali


سعيد جدا ان البوست ضحكك رغم الذكريات الحزينة
ههههههههههههه

نورتيى
تحياتى

ابراهيم رزق يقول...

نور القمر

ههههههههههههههه
طبعا السر محفوظ احنا بنلعب

نورتينى
تحياتى

ابراهيم رزق يقول...

عالمى اذرق


هههههههههههههه
معلش القوائم كثيرة اليومين دول

نورتينى
تحياتى

ابراهيم رزق يقول...

ريماس
ريمسو الجميلة

هههههههههههههههههه
ههههههههههههههههههههه

كده برضه اهون عليكى يا ريماس
و بعدين ام زياد ايدها جامدة
هو الواحد لو مكانش هيفضفض معاكو هيفضفض مع مين

تصدقى ان الفستان البديل طلع اجمل اصله كان اغلى شوية و لما الكل شكر فيه هديت و قال ذوقها قال

اه من دعواتك الخبيثة
ههههههههههه

مش عارف و الله حكاية الاكل هى صادفت كده

نورتينى يا ريمسو
تحيات معطرة ببرفن فرنسى
هههههههههههههههههههههههه

ابراهيم رزق يقول...

ام هريرة

هههههههههههههه
عادى لو قروا ما هموا عارفنى على عيبى

اما الكوافير فرزق الهبل على المجانين و المجنون طبعا العريس
ههههههه

اما الاكل فهى جت كده
ههههههه

نورتينى
نحياتى

ابراهيم رزق يقول...

شرين سامى

هههههههههههههههههه

ليه بس كده اكيد من وسط اصدقائه واحد مثلى

و الله تحسى المواضيع كلها قدرية
قدرية ان احنا نأكل عند بحة فى الناصرية
و قدرية ان احنا ناكل سمين

اما موضوع البنات فده بالصدفه و فعلا الريسبشن كان ضيق و الجزمة ضيقة يعنى برىء يا بيه
يا لهوى يا شرين تروحى البيت للدرجة دى و تلغى الفرح
بعد عشر سنيين هيكون بكرش او اصلع او تعود على القيود و قاعد فى البيت مع زياد او امن يناكف و يناكفه فيه
ههههههههههه

نورتينى
تحياتى

ابراهيم رزق يقول...

ظلالى البيضاء
استاذى العزيز


و الله العظيم يسعدنى متابعتك
و يسعدنى و يشرفنى تهليقك

نورتنى
تحياتى

ابراهيم رزق يقول...

amiraali

هههههههههههههه
امال ايه السر فى بير نصف متر

نورتينى
تحياتى

ابراهيم رزق يقول...

مصطفى سيف

و الله بيبو و بشير السبب
قصدى بيبو و بحة

نورتنى

نحياتى

ابراهيم رزق يقول...

فاروق فهمى
ملك الزهرات
ابن بطوطة المدونين


هههههههههههههه
كله على بعضه يا استاذ فاروق

و الله عايز اروح باب الشعرية
بس باب الشعرية متحلوش الا مع ملك باب الشعرية استاذ فاروق
و انت يا استاذ فاروق مش عايز تعزمنى
عند الشعرانى او وادى النيل او ابو محمد
هههههههههههههه

اعتقد سموها ليلة الدخلة اقتباس من الدخول السريع ثم الافاقة على الواقع
هههههههههههه

نورتنى يا استاذى الفاروق
تحياتى و تقديرى

ابراهيم رزق يقول...

reemaas

ههههههههههههههه
مظلوم يا نور و الله
انا كان غرضى اخدم بس

نورتينى
تحياتى

ابراهيم رزق يقول...

هبة فاروق
هبة الفاروق


كده برضه كلكوا ظالمنى
ده بيحصل بس للرجالة الوحشين الملحوسين
اما البنات القطيط مش بيحصل حاجة خالص
ههههههههههههههههههه

نورتينى
تحياتى

ابراهيم رزق يقول...

افكار مبعثرة


ههههههههههههههههه
شفتى بقى الذكريات

الا هى ليه وضعتنى على القايمة السوداء
ممكن تقولى ليا ليه و النبى
ههههههههههه

نورتينى
تحياتى

ابراهيم رزق يقول...

تركيب


ههههههههههههههه
الحمد لله الواحد اتعالج

بجد سعيد ان البوست عجبك و انك لم تخدع بالمقدمة

نورتنى
تحياتى

ابراهيم رزق يقول...

ستيتة حسب الله الحمش

هههههههههههههه
بجد سعيد بتعليقك و مرورك
و سعيد بوجهة نظرك فيا
هههههههههه

نورتينى
تحياتى

ابراهيم رزق يقول...

نيسان

ههههههههههههههههههه
كده برضه الكل ظالمنى

سعيد ان البوست عجبك

نورتينى
تحياتى

ابراهيم رزق يقول...

شجن البنفسج
اختى العزيزة

اولا قبل كل شىء الف الف الف مبروك لابن خالك البطل الاسير المحرر

كده برضه انا شرير جد جدا جدا جدا
هههههههههههههههههه
ده انا مظلوم يا عالم و الله

نورتينى
تحياتى

ابراهيم رزق يقول...

نسرين شرباتى ام سما

ههههههههههههههههه
و الله العظيم سعيد ان البوست عجبك
يارب نفرح ببناتك و يكون فرحهم كلهم فى يوم واحد

نورتينى
تحياتى

ابراهيم رزق يقول...

موناليزا

ههههههههههه
و الله كان موقف صعب

نورتينى
تحياتى

ابراهيم رزق يقول...

ساسو

ههههههههههه
فعلا ذكريات مؤلمة

سعيد جدا بمرورك
نورتينى
تحياتى

ابراهيم رزق يقول...

د دودى

هههههههههههههه
با العكس و الله كلهم اصبحوا اصدقاءى و زى اخواتى تماما
الحزن فى الفعلة نفسها الزواج
ههههههههههه

نورتينى
تحياتى

ابراهيم رزق يقول...

دعاء العطار

هههههههههههههههه
لا و الله ده بالنسبة للعرسان الرجالة الملحوسين الوحشين
اما العرائس حاجة تانية
و بعدين مين هتحى الفرح و ترقص غير ساليناز
يارب يارب اشوفك عروسة

نورتينى
تحياتى

ابراهيم رزق يقول...

شمس النهار
شمس الشموس


هههههههههههههه
حتى انتى يا حاجة هتظلمينى
مظلوم يا عالم مظلوم و الله
تصدقى باعترافها الفستان طلع اجمل من الاول و بتقول انا ازاى مشفتوش و كان ضميرها منأبها ليكون بتاع عروسة تانية لكن احنا سقنا فى الكذب و اخبرناها اننا كلمنا المحل و طلع مش بتاع حد
تصدقى فى حاجة جت فى بالى مملكة الكذب تبدء بكذبة صغيرة
كل العرائس اصبحوا اصدقاء لى و مثل اخواتى و تصدقى العروسة بتاعة الكافيه صممت بشدة مرة ان اذهب معهم المصيف و لم اكن قد تزوجت
بجد نورتينى
تحياتى و تقديرى

ابراهيم رزق يقول...

zizi العزيزة الذيذة

بجد انا وضعتك اخر تعليق لكى يكون مسك الختام
يا رب ربنا يشفيكى و يقومك بالسلامة
و ادعو كل محبينك ان يدعوا لكى لكى تعودى الى كل محبيكى فانت ارق قلب ام فى الدنيا
خلى بالك من نفسك

نورتينى
تحياتى و تقديرى و حبى
و تمنياتى لكى بالشفاء العاجل

صفاء السقا يقول...

بجد مافيش احسن من الاصدقاء والاوقات الحلوة جواز اية وبتاع اية جالكوا اية من الجواز اهو كل واحد انشغل بحياتة ويمكن مابتشفوش بعض وتييجى واحدة فى الاخر ال اية مراتةاوعىتعرف فلان ومتعرفش علان عشان انا مش بحبة للة فى للة وطبعا البية مايقدرش رفضلها طلب وياعينى على الصداقة

L.G. يقول...

هههههه ربنا يباركلك بجد انا مودي كان سيئ للغاية ودخلت التدوينة ديه برضه غلط على انها حزينة جدا زي ما كتبت لكنها رسمت ابتسامة رائقة على قلبي .. خاصة موضوع الفستان اللي اتسرق ده
ربنا يسعد ايامك يارب
تحياتي تحياتي تحياتي