الجمعة، 29 أبريل، 2011

ننوس عين امه

                                    اعتذار
اعتذر لكل من علق على هذا البوست لانه لم يعجبنى فاردت اعادة صياغته مع ان هذا ليس من حقى فحدث خطا و تم مسح تعليقاتهم العزيزة على فارجو ان لم يضايقهم ان يعلقوا و يدلوا برايهم مرة ثانية  اعتذر

                                 مفشخونيا
                             الجزء السابع
                             ننوس عين امه

انتهى معارك من رياضته المفضلة الاسكواش فوجد زنزان قد انتهت من تدريباتها اليومية للرقص المفشخونى فوجدها تنظر اليه بتكشيرة فادرك ان المسالة خطيرة فزاد عرقه على مرقه
ذهب اليها مالك يا زونزنتى فقالته ابنك سمج ال اتخرج و عايزين نضمن مستقبله و مينفعش يبقى موظف بماهية مستنى العلاوة و الترقية فقالها عندك حق هاتولى فى اللحظة دى كبير الياور اذية
استدعوا اذية من الحمام فجاء فى اللحظة باهتمام وقاله طبعا  اول حاجة لازم ننعم بلقب للبيه المحروس ايه راى سيادتك نطلق عليه لقب الننوس 
لمعت الفكرة فى عقل معارك وقال حلوة الننوس دى يبقى نقول البيه الننوس راح البيه الننوس جى البيه الننوس شال البية الننوس قال
تانى حاجة سعادتك ندور للبيه الننوس على سبوبة يتعلم فيها و يبقى لهلوبة ايه راى سيادتك فى دين مفشخونيا رد معارك ايه الكلام ده يا اذية بقى اول ما يبدء دنيا يبدء بدين مفشخونيا
رد اذية صبرك عليا يا افندم فى دين للدول عند مفشخونيا الديون دى معدومة ايه راى سيادتك نصحيها والبيه الننوس ياخذ عمولة و يتشدق و طبعا الدول دى ما هتصدق


وانطلق الننوس سمج ال و انشأ له معارك جمعية جيل المستهبل و خصص للجمعية دية مئات الملايين من الجنيهات المفشخونية و الشباب اللى انضم للجمعية دية لازم يكون مستحمى الحمومة اللى هى و لابس كرافتة مخططة خطوط عرضية و ضارب شعره جيل و ده غير جيل المستهبل و ده علشان الشباب ده يكون شعبية له فى الخرب المطنطن

انتقل الننوس سمج ال الى الخرب المطنطن و اراد ان يمسك لجنة من لجان الخرب المطنطن و لكن كل لجانه ملاكى فتم انشاء لجنة جديدة بمفهوم حديد بعيد عن الاحتكاكات سموها لجنة السبنسات
سيطرت لجنة السبنسات على كل تقاليد الخرب المطنطن و بدات عملها ببيع شركات القطاع العام المفشخونى بثمن بخس و اصبح المسئول عن كل القوانين المفشخونية الصادرة
كما صار الننوس سمج ال الحاكم الناهى يحضر المؤتمرات و يتكلم فى كل الدنيا باسم مفشخونيا و اصبح يفتتح المشروعات و يزور المدارس و المستشفيات و اصبح المسئول عن تطوير مشروع الالف قرية فقيرة و ذهب الى القرية السعيدة و بث الرعب فى قلب اهلها بحراسه و قناصته العتيدة و لم يقابل الفلاحين و انما قابل العمدة و بعض الممثلين
وبدء يزور الجامعات و يعقد الندوات و عندما ساله احد الطلبة سوال خارج المقررات ضحك ضحكة بلهاء فاذا القاعة تدوى با الضحك من اعضاء الخرب المطنطن لدرجة ان سيارات الاسعاف عجزت عن نقله الى المستشفى بسبب كومة الضحك التى اصابتهن و لم يتحمل قلبهم خفة دم الننوس
كما قام ذفوت الخنيف بتلميعه و تاليف اغانى له مثل ننوس امه بقى طعم بقى طعم و له دم خفيف له خفة دم اما بتطلع تتاكل فى رغيف و غنوا له ايضا ننوس فين ننوس اهو نقلوا مين قولوا مامى تكلمه كما اصدر المترب شاعر بوسنى البوم كامل له و غنى له كل مرة اشوفك فيها يبقى نفسى اه اه طبعا انتو عارفين يبقى نفسه ايه كما غنى له تحكمنى  يعنى حرقة دم تحكمنى كل كلامك هم طبعا متفهموش غلط حرقة الدم من الشعب المفشخونى اللى هيحكمه الننوس

ولعلك تسأل ما هى الشرعية التى يستمد منها سمج ال التحدث باسم مفشخونيا و التحكم فى اصدار القوانين و الحقيقة انه يستمد شرعيته من ان المحروس الننوس
ننوس عين امه
     
 

الاثنين، 25 أبريل، 2011

اعلانات مبوبة

                                                           


                                 رحلات

 
تعلن شركة طرة ستورز للسياحة عن رحلات الى منتجع طرةديزروت  الانتقال بالطائرة او الاتوبيسات المكيفة او بالمراكب النيلية
الامتيازات
           1  موقع متميز على النيل مباشرة
               2  ملاعب تنس و حمام سباحة
               3  مركز خدمة رجال اعمال  ومسئولين سابقين مزود بفاكس  وكمبيوتر
               4  مكتب استشارات قانونية باشراف كبار المستشارين القانونين
               6 هلسى كلب مزود بمركز حقن للخلايا الجزعية
               7 الاقامة باجنحة متنوعة
                     جناح الشريف لهواة الانس و الفرفشة
                     جناح السرور لهواة التفصيل 
                     جناح العزمى لهواة الساعات الفاخرة
                     جناح العدل لهواة الرماية
                     جناح العلاء و الجمال لهواة التقاليد الملكية
                     جناح العز لهواة الخوازيق الصلب
                     جناح المرتضى لهواة الثرثرة و الملفات 
                     جناح السماح لهواة تصدير الغاز
                     جناح النظيف لهواة اللوحات المعدنية
تحت التجهيز لاول مرة فى الشرق الاوسط
                جناح المبارك لهواة احنا اسفين يا ريس
 
                                   مناقصات

يعلن منتجع طرةديزروت عن مناقصة لتوريد عدد كبير من البرفنات و النظارات الشمسية والترييننج سوت البيضاء ماركات عالمية و ذلك نظرا لنوعية الزائرين الجدد  على من تتوفر له الشروط التقدم بعروضه فى مدة اقصاها خمسة عشر يوما قابلة للتجديد

                                 مزادات
 يعلن منتجع طرةديزروت عن مزاد علنى لتاجير عدد من المحلات بالمول التجارى طرتى ستار
مطاعم مكيفة خمس نجوم لتوريد افخم انواع الوجبات الجاهزة
محلات توكيلات عالمية لبيع الملابس البيضاء و الزرقاء و الحمراء
بنوك عالمية مزودة بماكينات صرف خاصة تصلح لصرف مبالغ تبدء من مليار جنية

تقدم العطاءت فى اظرف مغلقة مختومة بختم مصر المنهوبة


تحديث بناء على طلب الافاضل الاستاذان  فاروق فهمى و سواح فى ملك الله

                                مناقصة

يعلن منتجع طرةديزورت عن طرح مناقصة عالمية بين شركات الاعلانات لاستغلال سور المنتجع كما تعلن ايضا عن مناقصة لوضع اعلانات على ملابس رواد المنتجع و اعلانات على الاجنحة
تطلب كراسة الشروط من المنتجع مقابل مبلغ مليار جنيه نقدا او من بنوك سويسرا

                         حفل ساهر

يعلن منتجع طرةديزورت عن حفل ساهر يحييه كل من تامر شعر الصدر و عمرو مصطفى سامحنى بالاشتراك مع الرقص الشرقى للفنانة غادة تاتو الشهيرة بزهرة بحضور احد ازاوجها نحسن يوسفى كما تقوم بالسحب على تامبولا الفنانة خالة صدفى و تقدم جوائز قيمة دولارات و وجبات و اجندات
كما تقدم الفنانة رعاع اغور فاصل من الالعاب النارية مستعينة با الجاز
كما يشرف على اعداد العشاء الطباخ الشهير طباخ الرئيس طلعت يا محلا نورها الذى يقدم وجبات كنتاكى مدعمة بسلطات المخدرات كلوحشيش و بابابانجو
كما تشرف الفنانة جفاف نعيب على اعداد البيتزا و الريش     


 

   
  
 


                  

الأحد، 24 أبريل، 2011

مقبرة الاحلام

                                معطف من قيود
                       الجزء الحادى عشر
                         مقبرة الاحلام

كان المفروض ان يكتب صديقى مصطفى سيف هذا الجزء لكن نظرا لاحداث قنا اهديه هذا الجزء هو و شرين سامى صاحبة المعطف و ارجو الا اسىء الى المعطف
  
خرج عبد الرحيم من ميدان التحرير تتقاذفه الذكريات تلح عليه اغنية عبد الحليم حافظ ميتى اشوفك  يا غايب عن عينى و حشانى الغربة و الله و بعادك عن عينى كانما كتبت عليه الغربة و البعد عن الحبيبة  زادت غربته على غربته ايام الدراسة فى الجامعة فهو من بلدة صغيرة  فى نقادة بقنا ابيه مزارع بسيط و لكنه حرص على تعليمه رغم قلة دخله اثرت الطبيعة الموجودة بالصعيد على ملامحه اكتسب سمار الوجه من اشعة الشمس و الطول الفارع من النخيل و النحافة من عيدان القصب ذهب الى اسيوط ليتلقى تعليمه تعرف اثناء ذهابه على فتاة من بلدته اسمها طاهرة فتاة لونها بلون سنابل القمح تشع بهجة على من حولها خفق قلبه لها من الوهلة الاولى تعرف عليها تبادلوا النظرات و لكن طبقا لتقاليد الصعيد لم يستطع البوح عن ما يكن به قلبه لكن تبادلت عيونهم الحديث الهامس  و تناقلت قلوبهم  قصائد عشق تتخطى ما ابدعه عنتر بن شداد و نزار القبانى و فاروق جويدة  بمجرد تخرجه سارع بالتقدم لها وافق اهلها فهو من المشهود له فى البلدة هو و والده بالسمعة الحسنة لم يطلبوا الكثير لم يطلبوا شبكة او مهر فقط طلبوا ما يستر بنتهم شقة بسيطة مجهزة باثاث بسيط حاول الحصول على عمل و لكن من اين ياتى بالعمل فى محافظة بعيدة نائية الارض الزراعية بها محدودة و المصانع محدودة تكاد تنحصر فى مصنعين من يعمل بهم يصبح من علية القوم بمحافظته احلامه كثيرة و بسيطة و لكن يده مغلولة يريد ان يقترب ممن يحبها و لكن اصبح مكتوبا عليه انه لكى يقترب يجب عليه ان يبعد و يغترب و لم يكن امامه خيار سوى الرحيل الى القاهرة

شد عبد الرحيم رحاله الى القاهرة ناسيا احلامه و مؤهله لا يتذكر سوى هدفا واحدا هو شقة صغيرة تجمعه على من يحب اتصل باحد اقاربه يعمل بالعاشر من رمضان قابله و الحقه بعمل باحدى شركات المقاولات عمل شاق جدا و رغم انه صعيدى الا انه لم يستطع التاقلم على العمل الشاق لانه طوال حياته كان يدرس و لم يتمرن على تلك الاعمال  فاضطر الى الانتقال الى العمل بمخازن الشركة بمرتب اقل يكاد يصل الى النصف تقبل عبد الرحيم العمل و لكن الايام تمر دون بصيص من الامل و قاطرة الحياة تسير دون ان تصل الى  تحقيق الحلم بل كادت ان تنتهى من محطاتها  كم تمنى و هو جالس فى حجرته المشتركة بالقاهرة ان يختلس بعض النظرات من عين حبيبته ان يربت على كتفه والده بيده الحانية ان يتبادل الضحك و القفشات مع اصدقائه بالبلدة وهم يجلسون على ضوء القمر على راس الحقول يمصون القصب ان يرتمى فى حضن والدته كم يشتاق لتعد له طاجن ساخن به ثلاث بيضات مع رغيف من الخبز الشمسى
او تتصاعد احلامه فيحلم  بطبق من الويكا بجانبه قطعة لحم او طبق سخينة يا لها من غربة يا لها من انياب تأكل احلى سنوات عمره و تفترس احلامه
 لطالما حلمت بكى يا قاهرة و حلمت باضوائك المبهرة و بليلك الجميل حلمت ان امشى انا و طاهرة على النيل تخيلت ان النيل هنا يختلف عن النيل بقنا حلمت ان اذهب الى سينما ان اسير انا و طاهرة فى وسط القاهرة نشاهد المحلات و اشترى لها ملابس فستان و معطف ثمين تتباهى به و بى فى البلدة  ما اصعبها احلام حتى عندما قامت الثورة لم استطيع ان اشارك من اين لى بالوقت البحث عن الحرية ام البحث عن لقمة العيش و الستر يا لها من معادلة صعبة تكاد تتساوى او تميل الى الطرف الثانى لكن استطعت ان اختلس ساعات قليلة  و النزول الى التحرير مجرد شعور بالتنفس بانى مازلت احيا ما اقسى ان تعيش على هامش الحياة بجدار سميك يعزلك عن احلامك البسيطة يكمم فمك و يصم اذنك و يسد انفك و يضحك عليك و يسخر منك بمحاولة اقناعك انك تحيا

و بينما تتدافع الذكريات اليه وجد معطفا ملقى على الارض يا له من معطف جميل كم حلمت ان اهدى معطفا الى طاهرة ستفرح به كثيرا سترقص من الفرح احتضن المعطف و سرح بخياله شاهدها و هى ترتديه انها اجمل فتاة فى عيونه و لكن اه من لكن باى وجه سيهديها معطفا و هو لم يتقدم قيد انملة فى طريقه لتجهيز الشقة كيف ستنظر اليه ايهما تحلم و تنتظر  تنتظر معطفا ثمينا ام تنتظر غرفة صغيرة تضمهم هل هذا كثير مشى بعينيه شاردا ناظرا الى السماء مبتعدا عن النيل بينما المعطف يتسرب من بين اصابعه و يسقط على الارض دون ان يشعر مثلما تتسرب منه الحياة رويدا رويدا  
 

 

الخميس، 21 أبريل، 2011

تاج الثورة

اشكر صديقى مصطفى سيف على هذا التاج

هل توقعت ثورة 25 يناير
نعم و بالفم المليان توقعتها و تشهد بذلك العزيزة تيرز مدونة دموع قد تكون حزن او فرح لانى لم اكن انشئت المدونة بعد لكن كل تعليقاتى عندها بالذات لانها كانت من المهمومين بحالة البلد كانت تعليقاتى تدعو و تتوقع و اشعار امل دنقل و فواد حداد كانت تحس الناس على التحرك و لان جاوز الظالمون المدى فحق الجهاد و حق العدى


هل كنت من ثوار ميدان التحرير الكنبة الكمبيوتر حدد الميدان الاخر الخاص بك ؟
نعم كنت فى ميدان التحرير اولا يوم 25 يناير كان من المفروض ان اتحرك من ميدان المطرية فذهبت فى الميعاد فلم اجد فى الميدان سوى جنود الامن المركزى فرجعت حزينا الى البيت و بعد ذلك تلقيت اتصالا من صديقة صحفية بأن الثوار فى ميدان التحرير فذهبت الى هناك حتى تم تفريقنا فى الثانية  ليلا
اما يوم 28 يناير فقد تحركت الثورة بعد صلاة الجمعة من مسجد النور المحمدى بميدان المسلة بالمطرية الى ميدان المطرية و اطلقت الشرطة الرصاص الحى و القنابل المسيلة للدموع و وقع عدد من الشهداء و المصابين ثم تحركنا الى عين شمس فالف مسكن فمصر الجديدة روكسى كوبرى القبة حتى ميدان التحرير و لا اعرف حتى الان كيف مشيت هذه المسافة على قدمى  و كان فى الطريق ينضم لنا الناس و يلقون الينا بزجاجات المياه و العصير و يرفعون الاعلام فى البلكونات و يهتفون معنا و ظللت فى التحرير حتى فجر الخميس بعد موقعة الجمل لان زوجتى اتصلت بى و هى تبكى فلم اضعف ثم اتصلت بى امى و هى تبكى فضعفت و عدت و بى كثيرا من القهر ثم ذهبت الى التحرير يوم الجمعة حتى يوم خطاب التنحى

ما لم تنجح الثورة فى تحقيقه
اعترض على هذا السؤال الثورة نجحت بكل المقايس اما السلبيات فهى من داخلنا و يجب علاجها مثل تفهم معنى الحرية و ما هى حدودها

اكثر شىء فرحك فى هذه الثورة
اكثر شىء فرحنى هو الذوبان الكل فى واحد تساوت الكفوف لعل يوجد ابطال فى الثورة لم يتطرق لهم احد اطفال الشوارع من اليوم الاول احتضنهم شباب و شبات الثورة جلسوا معهم على الارض اقتسموا معهم اللقمة احتضونهم و اقتربوا منهم فكانوا يوم موقعة الجمل فى اوائل الصفوف و سقط منهم شهداء و مصابين

الشخصية التى اعجبتك خلال الثورة
الشخصيات كثيرة لكن الدكتور ممدوح حمزة كانت اكثر شخصية فاعلة بحلولها السريعة لمشاكل ميدان التحرير

الشخصية التى احتقرتها خلال الثورة ؟
كثيرون و هم السبب فى عمل هذه المدونة مثل مرتضى منصور و طلعت ذكريا و ابراهيم و حسام حسن و راجعوا البوستات الاولى

اطرف ما سمعته خلال الثورة تعليق نكتة حدث اخرى ؟
اطرف ما حدث واقعة حدثت معى كنت ارفع لافتة مكتوب عليها يا جمال مصر مش خديجة ففوجئت برجل و ابنته من الاخوان يحاولان اخذ اللافتة بالقوة ظنوا اننى اقصد السيدة خديجة رضى الله عنها و عندما  وضحت لهم الصورة ضحكوا و اعترضوا على استخدامى الاسم فقلت لهم ان الاسماء لا توحى بشىء لان الذى نطالب برحيله يحمل اسم سيدنا محمد صلى الله عليه و سلم فاقتنعوا وصرنا اصدقاء

القناة التى تابعت من خلالها الثورة ؟
بحكم وجودى فى التحرير فتابعت الجزيرة لان شاشة العرض فى الميدان كانت تعرض قناة الجزيرة

الجريدة التى كنت تقرأها لتتابع الثورة هى ؟
لم اتابع اى جريدة لوجودى فى التحرير

الكاتب المفضل خلال الثورة هو ؟
لم اتابع احد وان تشرفت بمرافقة د علاء الاسوانى

المذيع او المذيعة المفضل خلال الثورة ؟
لم اتابع احد وان بعد الثورة اعشق اغلبهم لكن دينا عبد الرحمن صباح دريم اشعر انها مجتهدة لكنها مظلومة

كلمة تقولها لشهداء و مصابى 25 يناير          
يا بختكم

من سترشح لرئاسة الجمهورية و لماذا ؟
هذا السؤال سابق لاوانه

لو اصبحت رئيسا للجمهورية ما اول ثلاث قرارات لك ؟
طبعا لن يحدث هذا لكن نفرض
ساخصص ميزانية كبيرة للبحث العلمى و تطبيقاته و بالذات فى المجال الزراعى و الصناعى و نسف مناهج التعليم و ربطها بالمجتمع و محو امية الخريجين و اعادة تاهيلهم
العدالة و المساواة بين الغفير و الوزير لا تقدم لمجتمع الا بالعدالة و المساواة
القومية العربية و الانتماء الافريقى فنحن مثل راس السمكة اما الجسد  و الذيل فهى الدول العربية و افريقيا و هم الامتداد الطبيعى لنمونا و نموهم

لو اعطوك نصيبك من المليارات المسروقة ما توقعك ان يكون نصيبك و ماذا تفعل بها ؟
لا استطيع تحديد نصيبى لكن سافعل الكثير
ساتزوج شاهيناز النجار
سا فصل بدل مكتوب عليها اسمى
و سانشأ شركة للتلاعب قى البورصة
وبعد ذلك  ساذهب لاقيم فى شرم الشيخ
ربنا يكفينا شر فلوسهم لا احب ان اعيش سوى كالطبقة المتوسطة يعنى الصحة و الستر 

امرر هذا التاج الى
فاتيما روح قلب ماما
نوران اخر ايام الخريف
نوران بت خيخة و اى كلام
كارمن البوم الذكريات
        
         
 

الأحد، 17 أبريل، 2011

مفشخونيا هى امى

                                 مفشخونيا
                    الجزء السادس 
                 مفشخونيا هى امى  

يبدو سؤال يتبادر الى الذهن ما هى مواصفات الشعب المفشخونى هل هو مثل الشعوب الاخرى لا طبعا اكتسب الشعب المفشخونى عدة صفات و تمتع بمواصفات فريدة من حكامه

اول هذه الصفات هى الصبر طبعا الصبر مفتاح الفرج اما الصبر فى مفشخونيا فتجاوز كل المفاتيح اصبح مثل الماء و الهواء لا يستطيع المواطن المفشخونى العيش بدون الصبر بل اصبح الصبر بمختلف الطعوم و النكهات مثل الشيبسى فهذا صبر بطعم العلقم و هم سكان المقابر والعشوائيات و ذلك صبر بطعم المر للفلاحين و ذلك صبر بطعم الصبار للطبقة المتوسطة و محدودى الدخل اما الصبر فى الملاحات او الصبر بطعم الملح فذلك لشباب مفشخونيا
كما اكتسب الشعب المفشخونى سياسة الطوابير بدء من طوابير البنزين 80 الى طوابير اسطونات الغاز الى طوابير اقرارات الضريبة العقارية الى اشهر الطوابير طابور العيش التى اقتبست منه السينما المفشخونية اقوى افلامها خلى بالك من طابورك الذى يضم الجانب العاطفى قصة حب بين شاب و فتاة فى طابور العيش انتهت بالزواج فى نهاية الطابور اما الاكشن ففى التعارك على الدور اما السسبنس ففى سرقة العيش من مسن و اصابته بازمة قلبية اما الكوميديا فأن العيش المسروق بخمسون قرشا
كما انتشرت ثقافة جديدة مثل صداقة طابور العيش او ده صاحبى قعدنا عشر ساعات فى طابور واحد كما استخدم الفيس بوك لمعرفة اخبار الاصدقاء القدامى فى طابور العيش و هل نجحوا فى الحصول على العيش ام هم فى مرحلة الاعادة  و خرجت الاغانى العاطفية فغنت المطربة هانسى للرغيف مثل معجبة مغرمة و اغنية شاطر شاطر اللى يعرف يجيب رغيف شو بنقله شاطر شاطر
كما غنت المطربة هيماء اغنية رجب حوش صاحبك عنى لانه عاكسها اثناء وقوفه فى طابور العيش



كما تعلم الشعب المفشخونى الحكمة و ظهر عدد كبير من الحكماء منهم كبير الحكماء المفشخونين الذى دخل شاب عليه و ساله يا حكيمنا ما هى حلاوة مفشخونيا فكر الحكيم المفشخونى قليلا و قال بص يا بنى حلاوة مفشخونيا  حاجة من اثنين
يا هتتولد ولد يا هتتولد بنت لو اتولدت بنت مفيش مشكلة لو اتولدت ولد هنا المشكلة
يا هتتعلم يا مش هتتعلم لو متعلمتش مفيش مشكلة لو اتعلمت هنا المشكلة
يا هتتخرج من الجامعة يا مش هتتخرج من الجامعة لو متتخرجتش من الجامعة مفيش مشكلة لو اتخرجت هنا المشكلة 
يا هتدخل الجيش يا مش هتدخل الجيش لو مدخلتش الجيش مفيش مشكلة لو دخلت الجيش هنا المشكلة
يا هتدخل عسكرى او ظابط لو دخلت ظابط مفيش مشكلة لو دخلت عسكرى هنا المشكلة
يا هتحارب يا مش هتحارب لو محاربتش مفيش مشكلة لو حاربت هنا المشكلة
يا هتعيش بعد الحرب يا هتموت لو عشت مفيش مشكلة لو مت هنا المشكلة
هتتحلل و تتحول الى بترول او فحم لو اتحولت الى بترول مفيش مشكلة لو اتحولت لفحم هنا المشكلة
الفحم هيخش فى صناعة الورق هتتحول لورق عادى او ورق مناديل لو اتحولت لورق عادى مفيش مشكلة لو اتحولت لورق مناديل هنا المشكلة
لو اتحولت لورق مناديل هتروح لرجل او ست لو رحت لرجل مفيش مشكلة لو رحت لست هنا المشكلة
هتروح لبنت وحشة او حلوة لو رحت لبنت وحشة مفيش مشكلة لو رحت لبنت حلوة هنا المشكلة
هتمسح بيها مناخيرها او وشها لو مسحت بيها مناخيرها مفيش مشكلة لو مسحت بيها  وشها
هى دى حلاوة مفشخونيا

الجمعة، 15 أبريل، 2011

هاحبسكم يا رعاع

                    افلام شرم السينمائية
                         فيلم الموسم
                     هاحبسكم يا رعاع 

مسابقة ثقافية جائزتها تذكرة سينما فى شرم

1 من هو مخرج الفيلم الفاشل الاخير للرئيس المخلوع
   1 شريف عرفة
   2 سعيد حامد
   3 مخرج اجنبى

2 لماذا فشل الفيلم فشلا زريعا
   1 لان بطله ممثل فاشل
   2 لانه لم يستعين بغادة عبد الرازق
   3 لانه لم يستعين بتامر حسنى

3 من هو المخرج المساعد
   1 سوزان مبارك
   2 جمال مبارك
   3 علاء مبارك

4 ما اسم منتج الفيلم
  1 احمد عز
  2 ابراهيم كامل
  3 محمد ابو العينين

5 من اعجبه هذا الفيلم
  1 حسام و ابراهيم حسن
  2 طلعت زكريا
  3 عفاف شعيب

6 من حضر العرض الخاص للفيلم
  1 هالة صدقى
  2 سماح انور
  3 زينة

7 ما هى المهرجانات التى سوف يشارك بها الفيلم
  1 مهرجان طرابلس العنفى السينمائى
  2 مهرجان عدن خلونى شوية السينمائى
  3 مهرجان البحرين الاصلاحى السينمائى

8 ما هى الجوائز المتوقع حصوله عليها
  1 جائزة السعفة الذهبية فى التمثيل على الشعب المصرى
  2 جائزة الدب الذهبى فى اخراج الشعب المصرى من الدنيا 
     من  خلال الجوع والمرض
  3 اوسكار التاليف و الخداع لشعب طوال ثلاثون عاما

9 ماهى السينمات التى من المتوقع ان تشهد اقبال كبير على الفيلم
  1 سينما فلول الحزب الوطنى
  2 سينما ميدان مصطفى محمود
  3 سينما طرة ديزرت كلوب


10ما هو الاجر الذى تقاضاه بطل الفيلم 
  1 دماء مئات الضحايا من شباب ثورة مصر
  2 ملايين المرضى من التلوث و الامراض المتوطنة
  3 80 مليار دولار

11ما هو الغرض من انتاج الفيلم
  1 زيادة الفساد 
  2 زيادة النهب
  3 زيادة الظلم

ملحوظة هذا البوست تكملة لبوستات فوازير 25 يناير رجاء اعادة قراءتها و خاصة البوست الاول اللا مستشار مبتلى مكسور  
 
 

  
    
   
   

الأحد، 10 أبريل، 2011

ابو قرون

                                      اعتذار
حاولت ان اتغاضى عن هذا الجزء من سلسلة مفشخونيا لانى لا احب ان اتطرق الى مثل هذه المواضيع لكنى احسست ان السلسلة ستفتقد واحدا من اهم اضلاعها اعتذر عن ما ساكتبه و اعتذر ايضا عن الكثير الذى لم اكتبه و اعدكم برفع هذا البوست اذا لم يروق لكم على ان احتفظ به لنفسى قد يكون ثقيل الظل قليلا و لكنى حاولت ان اغسل الحقيقة لتبدو نظيفة قليلا و لكن يبدو انى فشلت

                               مفشخونيا
                          الجزء الخامس   
                             ابو قرون

جلس معارك مع الياور الخاص به اذية رسمى وقاله بص يا اذية وزير الفهلوة و الكلام ده مش عاجبنى خالص حاسس كده انه واخدها جد و كمان شريف هتعامل معاه ازاى و انت عارف ان النوعية دى بتجبلى حساسية عايز واحد يمسك الوزارة يكون ليه فى الفرفشة و الانس كده حاجة كدة انت فاهمنى طبعا فكر اذية قليلا و اطلق قرون استشعاره لتبحث عن قرون استشعار للوظيفة الجديدة و فجاة قال لمعارك وجدته يا فاندم مفيش غيره ذفوت الخنيف رئيس مصلحة الاستطلاعات فكرنى بيه كده يا اذية حاضر يا فندم تاريخه مش مشرف خالص يعنى محدش ينفع غيره هو اللى قرون استشعاره تناسب الوظيفة بص يا فندم
كان بيشتغل ظابط فى هيئة العسس و كان هو مسئول الفرفشة فى الوزارة و كان مسئول التصوير  لكل حفلات الفرفشة و كان هو المورد الرئيسى لكل مستلزمات الحفلات و ابتسم ابتسامة خفيفة لمعارك و قاله بصوت منخفض فاهمنى يا فندم ابتسم معارك و قاله كمل 
اخد الشرائط الخاصة بحفلات الفرفشة و باعها فى الخارج و لما اتكشف اتحاكم و اتحبس سنة و لما خرج كان من المؤسسين للحزب المطنطن و مسك مصلحة الاستطلاعات و اثبت كفاءة كبيرة يا فندم ده هو اللى بيشترى مجلات ميكى و سمير للبهوات اولاد سيادتك بلاء بيه و سمج ال بيه مش بس ميكى و سمير ده المغامرون الخمسة و الشياطين التلتاشر و بيبذل مجهود بالخارج مع الدول العربية و بيجيب لهم مجلات كابتن ماجد و تان تان و ايضا الهيئة ليها شغل فى اوربا و جاب للبهوات اغانى كوكو واوا و طيرى ياعصفورة يعنى راجل خبرة فاهمنى سيادتك فاهمك يا اذية خلاص يبقى وزير يا اذية

امسك ذفوت الخنيف شنبه الشبيه بشنب بقلة صبى المعلمة كواكب اشهر معلمات منطقة خمسة باب و بدء حياته كوزير للفهلوة و الكلام بالسيطرة على كل اجهزة الكلام من قنوات تلفزيونية و صحف و اصبح الكلام عن معارك و جمال معارك و البنطلون المقلم اللى بيلبسه معارك و ديمقراطية و رحابة و سعة صدر معارك و ان معارك هو الاب و هو الام اللى بترضع الشعب المفشخونى رضاعة طبيعية لان الصناعية منعرفش عنها حاجة

لم ينسى المحروس ابنه اقرف ذفوت الخنيف و اعطاه كل بلاجات الساحل العالى فى مفشخونيا و حولها الى بلاجات الصفوة لا يستطيع اى فرد من الشعب المفشخونى دخولها و اكمل اقرف ذفوت الخنيف رسالة والده فى الحفلات و الليالى الملاح و اقام حفلات البكينى و اللاتينى و انتشرت اغانى البلاجات احمد يا عمر يا واحد من الاثنين
كما لم ينسى المحروس ابنه بتورتة الاعلانات بالتلفزيون المفشخونى و اعطى الوكالة التى يملكها  الاعلانات بمبالغ زهيدة جدا هو مش بابى هو المسئول و لم يكتفى بهذا بل باع اغلب شركات الانتاج المفشخونى الى اقرف الخنيف الذى انشأ شركة هرب سكرين التى انتجت مسلسلات و افلام باعها الى التلفزيون المفشخونى لتتعدى ثروته عشرة مليارات جنيه هرب بها خارج مفشخونيا اى انه ادار عمله بمنتهى العصامية

اثناء جلوس معارك و بجانبه زنزان يشاهدوا التلقزيون يتناولوا الكاجو نظر معارك الى الشاشة و سرح ففهمت زنزان نظرته و استدعت على الفور ذفوت الخنيف و اخبرته بما حدث فوقع ذفوت الخنيف فى مطب و حاول الخروج منه واللعب على كل الاحبال و استدعى المذيعة المطلوبة و هددها و قالها فى شوية توصيات لو منفذتهاش هنحط السيخ المحمى فى صرصور ودنك ملابسك لازم تشتريها من الوكالة و ده توفير للنفقات و انتى جايا الصبح التلفزيون بلاش تغسلى  وشك و د ه توفير للمياه  متتكلمش و ده توفيرا لاحبالها الصوتية و فى نفس الوقت ارسلها فى رحلة مع معارك الى الخارج الرجل مبيزعلش حد كما نصح زنزان باحالة ملف المذيعة الى هبيب الظالمى وزير التحبسية الذى قام بالواجب و حط السيخ المحمى فى صرصور ودنها و تم حبسها بتهمة شكلها عاجب معارك و مش عاجب زنزان 

احس ذفوت الخنيف ان وزير الفهلوة و الكلام لم يعد على مقاسه فاراد ان يكبر دوره فى الحزب المطنطن فازاح فاسدهام والى من طريقه و اصبح الحارس الموافى على الحزب المطنطن وواصل قرون استشعاره بالتقرب من سمج ال بن معارك و واصل حروبه القرونية الى ان اصبح رئيسا لمجلس الشوربة ايضا و رئيس مصلحة الاحزاب المفشخونية فاتى باحزاب المهرجين و المطبلين و اصبح ايضا رئيسا للصحف المفشخونية فاختار بقرون استشعاره من يتفق مع قرونه فاختار صحفيين طاجن المسقعة و الصور المتنوعة و رقصنى يا جدع

و يواصل ذفوت الخنيف الانحناء لكل العواصف و اللعب فى كل العصور فهل ستواصل قرون استشعاره من يأتى بعد معارك
 


   
 
   

الثلاثاء، 5 أبريل، 2011

قمعى الترزى

                                                        مفشخونيا
                            الجزء الرابع
                           قمعى الترزى

جلس معارك على حمام السباحة يرتدى المايوه المحمحى و جلست بجواره السيدة زنزان سيدة مفشخونيا الاولى و هى ترتدى نظارة شمسية مكمراها من الغفيرة مثيرة هباب سرح بخياله بعيدا وقال بصى يا زنزونتى انا محتاج واد ترزى يمسك لى بيت الطاعة و التفصيل بس مش لاقيه مفيش قدامك حد سرحت براسها و قالتله متشوف الياور اذية رسمى استدعاه معارك بسرعة من الحمام الموجود به غالبا و عرض عليه فرد  طلب معاليك موجود يا افندم ده حتى الكارت بتاعه موجود معايا اهو فاعطاه لمعارك فقرا الكارت
قمعى شرور للتفصيلات القانونية  
استعداد تام لتفصيل جميع القوانين التى ليس لها مثيل بالعالم
دكتوراه فى قمع القوانين و ذبحها و حفظها مجمدة (الثلاجات صناعة مفشخونية) 
 والله ال cv بتاعه مش بطال ايه رايك يا معروكتى ممكن يمسك الشغلانة ابعت هاته يا اذية بسرعة

دخل قمعى شرور و هو يحمل مقصه بيده فنظرت له زنزان و قالتله بص يا قمعى احنا عايزين نعمل ليك اختبار صغير بص احنا عايزينك تفصل جلابية قصدى قانون لمعارك يفضل بيه حاكم مفشخونيا لحد ربنا ميفتكره و بعديه يمسك الحكم ابنى سمج ال معارك و بعديه هيثم سمج ال معارك و بعديه وائل هيثم سمج ال معارك و بعديه لولو وائل هيثم سمج ال معارك و بعدين توتو لولو وائل هيثم سمج ال معارك  و بعدين فوفو توتو لولو وائل هيثم سمج ال معارك و بعدين حمادة الثانى فوفو توتو لولو وائل هيثم سمج ال معارك الخ الخ الخ

فكر قمعى شرور و امسك مقصه بسرعة و قال بسيطة بصى يا ست هانم 
القانون هو يجب على رئيس الجمهورية المرشح ان يتوافر فيه الشروط التالية
 يكون اسمه معارك
يكون اسم اولاده سمج ال و بلاء و زوجته زنزان
مواليد كفر فريحة
صاحب اول طلعة مرورية
ابتسم معارك و نظر اليه و قاله عفارم عليك يا قمعى رد عليه قمعى و قاله مش كفاية كده مسالتش نفسك يا فندم مش ممكن و لو بنسبة بسيطة يوجد مرشح اخر يتواقر فيه هذه الشروط اختفت الابتسامة من وجهى معارك و زنزان و قاله بعصبية طب نعمل ايه يا قمعى قاله بسيطة يا فندم من شروط اى مرشح فى الرئاسة امام سيادتك
ان يحصل على توقيع مليون مواطن مقاس رجلهم خمسة و خمسون
رد معارك طب انا هاجيب مليون مواطن مقاس رجلهم خمسة و خمسون منين 
قاله يافندم ده للمرشح الجديد لكن لسيادتك كل اعضاء الحزب المطنطن مقاس مخهم حذاء خمسة و خمسون
انبهر معارك بقمعى شرور و اصدر قرار بتعينه فورا رئيس لبيت الطاعة و التفصيل 
وانهمك قمعى شرور فى تفصيل عدد كبير من احدث القوانين لدرجة ان موديلات القوانين المفشخونية لم يوجد لها مثيل فى العالم مثل

بالاتفاق مع وزير الجباية المفشخونى  برطس فالى تم تفصيل قانون الجباية البنائية و هى جباية على كل كشك او عشة فراخ او شقة فى مفشخونيا كما تم اصدار ضرائب على عدد الحمامات الموجودة بكل شقة و يجرم من يتهرب من كتابة عدد الحمامات فى اقرار الجباية و يتم الحجز الجبائى على الحمامات المتهربة مما جعل  اغلب مواطنى الشعب المفشخونى يستخدم البامبرز كما انه سلك الطريق العلمى فى رصد عدد دخول مواطنى مفشخونيا الحمامات عن طريق الزامهم بتركيب عداد بداخل كل حمام لدقة الحسابات كما انه تم تركيب ميزان متصل بقاعدة بيانات بوزارة الجباية على كل قاعدة تواليت عشان الناس اللى ربنا مسهلها ليها لا تستطيع التهرب الاسهالى منعا للتلاعب و التهرب

تكملة لموضوع الجباية و بما ان مشكلة الشعب المفشخونى الكبرى هى تسيير المركبات فتم تفصيل قانون التسيير الجديد مقاس  XLLLLL  جباية و ينص على خالف و برطع و اركن فى الممنوع و امشى عكسى و اكسر الاشارات مادام فى الاخر هتدفغ المخالفات وهتبرز الجنيهات

كما انه بناء على تعليمات معارك تم مد العمل بقانون المفارق و ده القانون اللى شجع الوزير هبيب الظالمى وزير التحبسية على مفارقة عدد كبير من الشعب المفشخونى الدنيا الى الاخرة دون محاكمة 

و فى النهاية اصل قمعى شرور مبادىء القمع و القهر داخل بيت الطاعة و التفصيل و حارب كل من خرج عن المبدأ الاول للبيت و هو الطاعة بل اصبح متحف بيت الطاعة و التفصيل اتيليه لعرض احدث صيحات تفصيل القوانين و هو الذى اسس مبدء البيت سلطة قراره بل و بابا غنوجه