الأحد، 4 نوفمبر 2012

دراسة علمية فى المسألة الدبدوبية


اختلف المؤرخون على بداية عصر الدباديب و هل بدء فى الصين ام انها من ايام الفراعنة ولكن المؤكد حتى الان ان اول من ادخلها هو الفرعون كاظم رع ثم تبعه الفرعون تمور شع صدر وكانت الفتايات تستقبلهم بالدباديب التى كانت تسمى تماسوح نظرا لعدم تعرف الفراعنة على الدب بعد واحتكاكهم بالتماسيح فقط ويقال ان الفرعون كاظم رع استقبل اول تمسوح بعد اغنيته الشهيرة قولى احبك كى تزيد صلاعتى فبغير حبك لن اكون طويلا و يقال ان احدى الفتايات القت عليه تمسوح وخطاب غرامى حجرى فتح له حاجبه عشر غرز فرد عليها باغنية انى خيرتك فاختارى ما بين حدف التمسوح او حدف خطاب الاشعار وعندما لم ترد عليه رد باغنية احبينى بلا عقد 

ثم بدات التماسوح تنتشر اكثر فى عصر الاسرة التمورية و تقول الاسطورة القديمة ان الفرعون تمور شع صدر كان يحمل اكثر من مائة تمسوح بشعر صدره


وانتشرت التماسوح بعد ذلك ويقال ان الفرعون كان يحمل لزوجته فى عيد الحب تمسوح واثنين كيلو برتقال

وظلت هذه العادة تتطور جيل بعد جيل حتى وصلت الى الدباديب الصينى التى نستوردها بالملايين اما معناها او ماذا تعنى فالمعنى فى بطن الصين
 كل عيد حب وانتوا طيبين

                                                  بلد مجانين صحيح   

هناك 34 تعليقًا:

هبة فاروق يقول...

هههههههههههههههههههههه مش ممكن ده انا ضحكت ضحك ربنا يخليك لينا يا استاذ ابراهيم بجد بوست دمه شربات ومناسب جدا لهذا الحدث الفلنتينى الرهيب
كل سنه وانت طيب ولازم تجيب حاجه للمدام دى حاجه بتحصل مره فى السنه ولا ايه

;كارولين فاروق يقول...

يا عم احنا مش عايزين تاريخه
احنا عايزين ورد ومش لاقينوه
بس في امل عند سن الستين كده
يكون الورد رعرع وبقي آخر بتنجان
تحياتي

ليلى الصباحى.. lolocat يقول...

وظلت هذه العادة تتطور جيل بعد جيل حتى وصلت الى الدباديب الصينى التى نستوردها بالملايين اما معناها او ماذا تعنى فالمعنى فى بطن الصين

والله استاذى العزيز بقدر ضحكى من كلماتك ( وقفشاتك ) الا ان عندك حق وصدقت فى سخريتك
هذا هو المضحك المبكى ننفق ملايين على اشياء تافهة لقضاء يوم واحد فى ادعاء الحب وباقى شهور العام حزن وشجن وخيانة وخداع يمزق قلوب المحبين
لماذا لايكون الحب والتعبير عنه طوال العام بالفعل الصادق والشعور المتبادل بالأحترام والتقدير ويكفى وردة بيضاء نعبر بها عن حبنا ومشاعرنا

ملايين تذهب للصين التى تقتل المسلمين والشعب يجوع ليحب :)


تحياتى لك اخى العزيز ولا حرمنا الله قلمك الساخر ( صلاح جاهين بلوجر )

شمس النهار يقول...

الفراعنه كانوا رومانسيين جدا علي فكره
وكانت المراه مكرمه مقدسه
اه

كل سنه وانت طيب

AbEeR يقول...

صباااح الخير استاذ ابراهيم ،،

ههههههههههه والله توقعتها دراسه صج من أول كلمتين ههههههه بس صراحه عليك تعليق عجيب ... الا صج متى عيد الحب P: .. اذكر ان تاريخ 14 بس ما اذكر اي شهر *_* !!


...

دمتَ بخير

عبير الكويت كانت هنا

Ramy يقول...

ههههههههههههههههههههههه

و انت طيب يا استاذ ابراهيم

(:

مصطفى سيف الدين يقول...

هاكتبلك اللي قلته على الفيس نظرا للمناسبة السعيدة دي

سوف لا اشتري في هذا العيد دبدوبا
ستكونين انتِ الدبدوب
و هاحدفك من الشباك و اكسر وراكي قلة

Whisper يقول...

هههههههههههههههههههههه

رائع كالعاده
بتوصل ابلغ الافكار بابسط الكلمات

سؤال...هو بمصر الفالانتين بشهر 11 ....انا بعرف انه بشهر 2 :$

ريـــمـــاس يقول...

صباح الغاردينيا أستاذ آبراهيم
أنا عاوزة أفهم حاجة أنت مش بتسيب حد في حاله حتى الدباديب هههههه بس بجد سخرية جميلة :)"
؛؛
؛
لروحك عبق الغاردينيا
كانت هنا
reemaas

amiraali يقول...

ههههههههههههههههههههههههههههههههههههههههههههههههههههههههههه
انا عايزه تمسوح و2 كيلو برتقال ومش هتنازل.....
والله فطست علي روحي من الضحك

كريمة سندي يقول...

ههههههههههههههههههههه

والله بلد مجانين بصحيح ما عرفتش أنه أبو الهول قلبوا ولقيه تحت مكتوب صنع في الصين!!!!!!!!!!!!

مسلم مصرى يقول...

هههههههه جميلة
مؤرخ مؤرخ يعنى :)
لم يكفى المصريين يوم حب عالمى فاخترعوا يوم حب مصرى ربنا يسامحهم

ستيتة يقول...

ههههههههههههههههههه
كده تنسى الفرعون دياب-عع-هع؟
وبعدين ملكش دعوة بكاظم رع
كاااااااظيم ملوش في عصر الدباديب ولا عصر التمسوح
ده تبع عصر الأشاوس المغاوير

zeze يقول...

والله زمان يا استاذ ابراهيم بجد المدونة وحشتني وكنت محتاجة للضحة دي
بس انا بحب الدباديب اعمل ايه :)))ومليش دعوة بتمور ولا كاظم

نهر الحب يقول...

كل سنة وانت طيب يا استاذ ابراهيم فالانتاين ايه ودباديب ايه بس
يا عيني علينا
:(

richardCatheart يقول...

:)

بصرف النظر عن المرمته اللى مرمتها للقيصر الفرعون الجنرال اللواء كازيم بس البوست قدر يخلينى اضحك فى وقت اسووووووووووووووود ومنيل بالف نيلة


ربنا يسعد قلبك يا ابراهيم وكل سنة وانت وكل حابيبك واسرتك الجميلة بالف خير بوسلى الولاد وخصوصا صديقتى سالى :)

well يقول...

اهو ده التاريخ ولا بلاش .. اجمل حاجة انك ما ذكرتش تورايخ

تحياتى

ابراهيم رزق يقول...

هبة الفاروق

كل سنة وانتى طيبة

حاضر هحاول اجيب
هههههههههههههه

تحياتى

ابراهيم رزق يقول...

كارولين فاروق

هههههههههههههههه
مش الستين قوى
ممكن الورد فى سن ال 59

تحياتى

ابراهيم رزق يقول...

ليلى الصباحى

اختى العزيزة

وصلتى لكبد الحقيقة على الملايين المهدرة للصين

تحياتى

ابراهيم رزق يقول...

شمس النهار

هههههههههههههه
هو حد يقدر يقول حاجة على المراة ايام الفراعنة او دلوقتى

تحياتى

ابراهيم رزق يقول...

عبير

هههههههههههه
هى دراسة دى و لا مش دراسة

هو فى عيدين حب
عيد مصرى و عيد امريكى

المصرى الشهر ده

تحياتى

ابراهيم رزق يقول...

رامى
القلب الطيب

ههههههههههه
كل سنة وانت طيب

تحياتى

ابراهيم رزق يقول...

مصطفى سيف

هههههههههههههه
والله معاك حق فى اللى كتبته

تحياتى

ابراهيم رزق يقول...

Whisper

ههههههههههه
متشكر يا افندم

ايوة فى ف مصر عيد حب تانى عمله مصطفى امين فى شهر 11

تحياتى

ابراهيم رزق يقول...

ريماس
ريمسو

هههههههههههههه
انا قربت من الدباديب
برىء يا بيه

تحيات معطرة بابداعك

ابراهيم رزق يقول...

اميرة على

هههههههههههههههه
احلى تمسوح واتنين كيلو برتقال بصرة لاميرة
بس كده

تحياتى

ابراهيم رزق يقول...

كريمة سندى

ههههههههههههه
تصدقى الواحد خايف على الهرم وابو الهول

تحياتى

ابراهيم رزق يقول...

مسلم مصرى

ومش اى مؤرخ
ههههههههههههه

تحياتى

ابراهيم رزق يقول...

د ستيتة

هههههههههههههههه
لا منستش دياب بس قلت كفاية عليكم كاظم و تمور

تحياتى

ابراهيم رزق يقول...

zeze

بجد انتى اللى وحشتينى

احلى دبدوب ومعاه تمسوح هدية لزيزى
ههههههههههههه
اى خدمة

تحياتى

ابراهيم رزق يقول...

نهر الحب

يا عينى عليكى ايه
احلى دبدوب بيقول عمر الشريف ليكى
ههههههههههههههههه

تحياتى

ابراهيم رزق يقول...

مارو

سعيد جدا ان ضحتك
ومعلش احنا اسفين يا سيادة الشاويش كاظيم
ههههههههههههههههه

ربنا يسعدك انتى واسرتك وسلامك وصل لساليناز

تحياتى

ابراهيم رزق يقول...

weel

تاريخ ده و لا مش تاريخ
ههههههههه

تحياتى