الخميس، 18 أكتوبر 2012

قابلت هؤلاء

تشارلز ثيرون
صاحبنا قابل هانى سلامة وبيقول قابلت هؤلاء هههههههه هو هانى سلامة هؤلاء مثل هانى سلامة نحن نخبط فيهم كل يوم ربنا يسامحك بقى هانى سلامة هؤلاء ربنا يسامحك قال هانى سلامة قال




فى عام 2008 احكى لكم عن سر يذاع لاول مرة صديقى طبيب ومخرج و سينارست كان على اتصال بتشارلز وعرضنا على الدكتور عزت ابو عوف فقالنا والله يا واد يا ابراهيم و يا واد هيثم لو حصل هتبقى مفاجاة كبيرة حطينا قدامه اللى وصلنا ليه واقترحنا عليه تدخل سفارة جنوب افرقيا فى الموضوع لان فى الوقت ده كانت بتحتفل بعيدها القومى وممكن الشروط تخف بعدها بفترة اتصل بنا وقالنا ان الموضوع اقترب من النهاية ولا يبقى الا بعض الامور المالية البسيطة وان الموضوع سرى وعلينا الاحتفاظ به وحضرت تشارلز ثيرون الى مصر واقامت مؤتمر صحفى اعتقد انه من انجح المؤتمرات فى تاريخ المهرجان وبعد المؤتمر اتصل بنا الدكتور عزت ابو عوف لكى نحضر الى مكتبه وكانت المفاجاة تشارلز ثيرون تجلس معه فى المكتب يا خبر انا وتشارلز ثيرون وجها لوجه ايه ده هو فى كده فى الدنيا احنا اضحك علينا هو فى ستات بالشكل ده هو اللى احنا كنا بنشوفهم دول ستات سالنى دكتور عزت تشرب ايه يا ابراهيم قلت له قهوة معرفش ليه قلت قهوة مع انى مش بشرب القهوة اما صديقى هيثم فبلم وتنح بابتسامة وانتهت العشر دقائق مع تشارلز ثيرون منك لله يا صاحبى قال هانى سلامة قال 





هناك 33 تعليقًا:

هبة فاروق يقول...

تشارلز ثيرون بشحمها ولحمها لالالالا اكيد كل الرجاله حتحسدك وتقول جتنا نيله فى حطنا الهباب
كان نفسى اشوف ملامحك ساعتها واجرى اقول للمدام ههههههه اصلى شريره اوووى
بس لسه برضوا عند رايى الجمال الشرقى مفيش زيه دول تماثيل شمع ابيض بلا روح

محمد سلامة يقول...

متأكد إنك انضحك عليك :)

aya mohamed يقول...

طيب انا عايزة اقابلك واكتب قابلت هؤلاء
بحب اقرا بوستات قابلت هؤلاء ليه بقى
علشان افضل احكى لكل الناس
انا عندى خالو ابراهيم رزق اللى قابل كل هؤلاء
بتمنظر بيك هههههههه
ربنا يخليك لينا :)

reemaas يقول...

ههههههههههههههههههههههههههههه
تستحق الصراحة

بس بما انى مصرية ففرحانة فيك انك شربت القهوة

شمس النهار يقول...

:))
مالك ومال هاني سلامة ياابراهيم
:))
ماالراجل كان مجند
ولا انت غيران منه
:)))))

Mahmoud Bahgat يقول...

طب و الله كنت احسبه الامير تشارلز فى الاول
الله يسهله يا عم ابراهيم عقبال انجلينا جولى بس متنسناش يومها

gogo!sf يقول...


تشارلز ثيرون مرة واحده حضرتك متأكده ولا كنت بتحلم يا عم

على العموم ربنا مش بينسى حد

وبعدين ماله هانى سلامه ده حتى هو عينه سوده وجميله

شوفت هيحسدوك اقرا المعوذتين بقى





gogo!sf يقول...

استاذ ابراهيم الصورة الكبيرة دى ام بسكويت البنوته الصغيرة ولا سالى اللى شوفتها وهى صغيرة

التوضيح ارجوك
وربنا يخليهملك ويبارك فيهم يارب

;كارولين فاروق يقول...

لا والله؟
لا اللي شوفتهم قبل كده
كانوا ستات بردوا
انا عايزه اعرف المدام فييين؟؟؟
عايزه اقول لها كلمه صغننه
ماتسيبكش تاني تخرج لوحدك
بلد بتاعه رجاله صحيح
سلامي للكتاكيت

بسمة الورد عطر المشاعر يقول...

ههههههههههه والله يااستاذ ابراهيم اضحكت قلبى كثيرا
بقى بالزمة ستات مصر وحشه دا مافيش زينا فى الدنيا بحالها حتى اسال طنط تشارلز تلاقيها شافتنا وغيرانه كمان

اضحك الله سنك وانعم عليك دائما بالسعاده
دمت بكل خير بعيدا عن القهوة

لــــ زهــــــراء ــــولا يقول...

قال هاني سلامة قال
..................
مبلاااااااااااااااش ههههههههههههههه دكتور مصطفى يزززززززززززعل

لولا

ابراهيم رزق يقول...

هبة فاروق
هبة الفاروق

هههههههههههههه
بشحمها ولحمها
المدام عارفة الموضوع
عشان خاطرك هنمشيها ان الجمال الشرقى مفيش زيه

تحياتى

ابراهيم رزق يقول...

مسلم مصرى

بينى وبينك اه
ههههههههه

تحياتى

ابراهيم رزق يقول...

اية محمد

هههههههههههه
والله الشرف ليا
انا كنت بسمع الراديو فى يوم وسمعت صوتك واتبسطت جدا ان سمعته
بأذن الله نتقابل قريب

تحياتى

ابراهيم رزق يقول...

reemaas

هههههههههههههههههه

هو انا شربتها
انا هضيع وقت فى شرب القهوة

تحياتى

ابراهيم رزق يقول...

شمس الشموس

ههههههههههههه
الصراحة مش بحب هانى سلامة

تحياتى

ابراهيم رزق يقول...

محمود بهجت

والله يا محمود يا اخويا لو انجلينا جولى مش عارف ساعتها هبقى اعرفكم بعدها ولا لا
ههههههههههههههه

تحياتى

ابراهيم رزق يقول...

جوجو

انا ساعتها قعدت مدة معتقد انى بحلم
هههههههههههههههههههه

دى صورة ساليناز اللى انتى قابلتيها البنوتة الصغيرة عندها 7 شهور
ههههههههههههه

تحياتى

ابراهيم رزق يقول...

كارولين فاروق
كلارينت الفاروق

هههههههههههههههه
اعذرينى يا كارولين يا اختى اصل فعلا نجوم هوليود دول اختيارهم مش بيبقى من فراغ

هههههههههههههه
ربنا يستر من المدام

تحياتى

ابراهيم رزق يقول...

بسمة الورد

هههههههههههههههههه
عشان خاطرك هنمشيها غيرانة

تحياتى

ابراهيم رزق يقول...

لولا و زهراء
لولا

هو فين مصطفى فين
اهو اختفى اهو ومش عارف يرد
هههههههههههههههههههه

تحياتى

وحي الخاطر يقول...

لو دا حلم الله يكون بعونك
ولو حقيقه انت هنا ولسه بتكلمنا يا راجل دانت نفسك حلوه اوووي

هههههه

تحياتي واحترامي

مصطفى سيف الدين يقول...

ههههههههههههههههه
تشارليز ثيرون يا ابراهيم؟
اللي ياكل لوحده يزور يا حاج مش كنت تبعتلي
الاسطورة بتقول ان مصر حصلت على صفر المونديال علشان ملفنا العظيم كان جايب عمر الشريف يقدمه في حين ملف جنوب افريقيا كانت بتقدمه تشارليز ثيرون
و بعدين ماله هاني سلامة ؟
صحيح زي القرع تمدوا لبرة ههههههه

حنين محمد يقول...

هههههههه
مساء الغاردينيا استاذ ابراهيم
هو انا اغيب عن بلوجر اجي الاقيك مهبب
ايه دا ياعم هو انت قابلت المفعوصه دي هههههه
انا عاوزة افهم حاجة هي ام زياد ساكته عليك لغاية دلوقتي ليه :) "
؛؛
؛
كل عام وأنت بخير وسعادة
لروحك عبق الغاردينيا
كانت هنا
Reemaas

richardCatheart يقول...

ههههههههههههههههههههههههههه اوباااااااااااا ضربة فى مقتل لصديقنا واخونا الغالى هههههههههههه

بس بصراحة يا بختك انت مرزق فعلا اسم على مسمى انا بموووووووووووووووووووووووووووووووووووووووووووت فيها قمرون يهبلون وفنانة تقيلة ولسة اؤدمها كتير اعتقد ان اؤدم شويه هتكون من الناس اللى هتبهر العالم فى السيما

كل سنة وانت طيب ومرزق يا عم رزق ويارب عيد سعيد عليك وعلى كل اسرتك الجميلة

gogo!sf يقول...

كل سنة و حضرتك طيب يا استاذ ابراهيم
عيد سعيد عليك وعلى اسرتك الكريمهان شاء الله

ربنا يخلى ويبارك
انا حجزت خلاص بس حضرتك تحضر فيلا مش شقه انت شوفت البيبى بتاعى الزنان احنا لاء مش شوفنا فعشان كده انت اللى هتجهز مش احنا

صباحك جميل

rona ali يقول...

الله الله الله
اغيب شويه ارجع الاقي تشارلز ثيرون في الموضوع

جشطه :)))

فعلا فعلا جمالها غير طبيعي على الشاشه ما بالك بره الشاشه

بس على فكرة يعنى مش علشان تحيز ولا الغيره ولا لا لا اى شئ خالص

احنا احلى من كده بوكتيييييييييير

ابراهيم رزق يقول...

وحى الخاطر

هههههههههههههههههههه
اعمل ايه انتوا اللى باقيين ليا

تحياتى

ابراهيم رزق يقول...

مصطفى سيف

ههههههههههههههه
هو انا لحقت اكل يا مصطفى يا اخويا دول كلهم عشر دقائق

هانى سلامة ايه يا عم مصطفى خلى الطابق مستور

تحياتى

ابراهيم رزق يقول...

ريماس

هههههههههههههههههه
بالذمة دى مفعوصة ياريمسو

ام زياد هتعمل ايه
ماشية بمبدء مجبر اخاك لا بطل

كل سنة وانتى طيبة يا ريمسو

تحياتى

ابراهيم رزق يقول...

مارو

ازيك يا مارو عاملة ايه
كل سنة وانتى وعائلتك بكل خير
عيد سعيد عليكى

اصل صاحبنا عمال يقول هانى سلامة هانى سلامة ده لسه الجراب مليان
هههههههههههههههه

فعلا ممثلة كبيرة خدت اوسكار وجولدن كلوب
فعلا شديدة قوى

تحياتى

ابراهيم رزق يقول...

جوجو

ههههههههههههههه
احنا تحت امرك فيلا كبيرة فى اجمل كيمباوند فى مصر
ده احنا نتشرف

كل سنة وزوجك العزيز بخير وسلميلى عليه واولادك الجمال يارب يخليهم ليكى
عيد سعيد عليكم كلكم

تحياتى

ابراهيم رزق يقول...

رونا

اه والله يارونا حاجة حلم كده جمال فظييييييييييييييييييييييييييع

عشان خاطرك انتى بس همشيها
انتوا احلى بكتير
ههههههههههههههههههههه
عيد سعيد عليكى

تحياتى