السبت، 10 نوفمبر، 2012

غواص فى ترعة النغم

غطسة اليوم متخصصة للسادة المتخصصين فى الموسيقى والغناء اما السادة الهواه فعليهم الابتعاد وهى دراسة فى اغانى فايزة احمد وعلاقتها بامها
المتعمق فى اغانى فايزة احمد يظهر له جليا علاقتها بامها فالعلاقة بينها وبين امها كانت قائمة على الوضوح والصراحة فعندما خفق قلبها صارحت امها بهواها وقالت يا اما يا هوايا يا اما

و بعد ان صارحتها قالت لامها ان حبيب القلب على الباب يريد ان يطلب يدها وتسالها هل ترد الباب ام تناديله


وعندما رفضت امها وقالت لها ان عريسا ثريا متقدملها عنده خمس تكاتك اتنين توك مشغلهم فى العمرانية وتلات تكاتك فى ناهيا وبولاق الدكرور رفضت فايزة وقالت اخد حبيبى يا انا ياما اخد حبيبى يا بلاش 


                                   

طبعا استسلمت امها و قالت لها اللى يشيل قربة مخرومة تنقط عليها بكرة تندمى ده كان هيفسحك كل يوم فى التوك توك ويوفر عليكى المشى وتنتهى هنا الدراسة الموسيقية عن علاقة فايزة احمد بامها وارتباطها باغانيها
طبعا الاغانى من تلحين محمد سلطان

هناك 14 تعليقًا:

هبة فاروق يقول...

والله فايزه احمد عندها حق متسمعش كلام الوالده يعنى ده محمد سلطان بجلاله قدره قيما وسيما حتى لو معندوش توك توك تمشى على رجليها ههههه
الله يرحمها كانت فنانه كبيره

gogo!sf يقول...

ههههههههههههههههههههههه هايل يا استاذ ابراهيم

بس هو التوك توك ده من ايام فايزة احمد ولا اسمهان
افتكر كويس من فضلك مش تلخبط معلوماتى عن التكاتك

بوست دمه خفيف جدا وانا بعشق فايزة احمد
تسلم يا افندم والسلام وصل واترد لك تانى ههههههههههههه هقعد انا بقى اوصل لكم السلامات ببلاش

صباحك جميل بأذن الله

ياسمين يقول...

محمد سلطان دا عثول خالص ^_^
زي احمد عز ..^_^
بتعجبني كثير اغنية ياتمر حنة رائعة

Ramy يقول...

ما يقدرش يربط اللألىء دى

غير غواص محترف

و غاوى

((:

الازهرى يقول...

صباحك فل يا أبو عروستى

أخبارك إيه ؟؟؟؟

فاتيما يقول...
أزال المؤلف هذا التعليق.
مصطفى سيف الدين يقول...

فايزة من الاصوات اللي مالهاش حل

و بعدين هي بتتنمرد عليه يعني علشان عنده توكتوكين؟
حد لاقي؟

شمس النهار يقول...

:))

فايزة
قالولي هان الود عليه
ياناااااااااااااس
بتغني وهي سايبه ايديها
حنجره فولازيه
كان بابا بيقول عليها صوت حامل للأثقال

:)))

Bent Men ElZman Da !! يقول...

بحب اووووووى فايزه احمد
اغانيها كده بتعلق فى ودان الواحد وبيبقى عنده استعداد يسمعها طول اليوم من غير أى ملل
بس اول مره اخد بالى من ارتباطها بأمها ده :D

amiraali يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ريبال بيهس يقول...

مساء الورد ابراهيم

غواص في ترعة النغم تظهر دائماً

في أحلى صورة كونه يسلط الضوء

على عمالقة بشكل جميل قد نفتقده

هذه الأيام ...

تحياتي وإحترامي

شيرين سامي يقول...

هههههههههه
ماشي :)
هكتب تدوينه قريب إهداء ليك
مساءك خير و سعاده

لـــولا وزهـــراء يقول...

يا سلااااااااااااااااام جميل تلك الابتسامة التي دوماً ترسمها على وجوهنا حينما ندخل زائرين


لولا

ريـــمـــاس يقول...

مساء الغاردينيا أستاذ آبراهيم
لو كل ترعة كانت بـ درر غوصك
لتعطرت ذائقتنا دائماً "
؛؛
؛
لروحك عبق الغاردينيا
كانت هنا
reemaas