الأحد، 2 ديسمبر 2012

الحمد لله واشكركم


منذ أن عرفت أن سولينا بحاجة الى عملية جراحية وانا احاول التأجيل الى أن تم اخبارنا انه لابد من اجراء العملية وتحدد موعدها وتم احتجازها بالمستشفى لمدة اسبوع وتم الاتفاق مع استشارى جراحة متخصص فى مرض سولينا ليجرى لها العملية مع طفل اخر جميل صار من كثرة التردد على الدكتور معنا صديقا لسولينا ولنا هو ومامته وباباه وتم الاقامة معها فى نفس حجرة
لم انم ليلة العملية وحاولت ان اشغل نفسى باى شىء فبداخلى رفض لطفلة 8 شهور ان تدخل حجرة العمليات كما ان المستشفى التى اجبرت على العملية بداخلها من المستشفيات التى اكرهها جدا فى الصباح حاولت ان اخذ الموقف ببساطة دخلت محل بيتزا اشتريت بيتزا لزوجتى وانا من داخلى بلهى نفسى حملت البيتزا التى صارت فيما بعد تذكار اتصلت بزوجتى على باب المستشفى قالت لى ان دكتور التخدير موجود بحجرتها وعندما صعدت علمت ان الطفل الذى مع سولينا لن يجرى العملية نظرا لاصابته بكحة وسخونية مفاجئة فرفض دكتور التخدير اجراءه العملية اما سولينا فمستعدة للعملية وفى انتظار استشارى الجراحة ليجرى العملية وبعد الاتصال به اخبرهم انه فى الطريق
حضر الاستشارى وتم اخباره ان سولينا فقط ستجرى العملية سأل على دكتور التخدير اخبروه انها فى الطريق غضب وزعق كيف يحضر قبلها طب ياجدعان طب ما دكتور التخدير كشف عليها فوق قالوا  لانها طفلة يجب ان يكون استشارى تخدير واتضح بعد ذلك انها استشارية وليست استشارى الستات ورانا ورانا ههههههه
اخبرونا بالاستعداد للعملية فى الطريق لحجرة العمليات حملت سولينا كانت تلعب معى وتضحك ثم حملتها امها ودخلت بها حجرة العمليات حوالى ساعتين ونصف من القلق واخيرا تم اخبارنا بانتهاء العملية والحمد لله وانها فى الافاقة
طبعا بعد العملية توجد صعوبة كبيرة فى تعامل زوجتى مع سولينا لانها لم تتعد ال 8 شهور وتحاول ان تجذب الشاش كما ان عدم رؤيتها يضايقها وتتحرك برقبتها للاصوات المتكلمة وهى فى حالة من الجنون وامها الان فى صراع معها لحماية الضمادة التى على عينها
طبعا صدعتكوا وشغلتكوا لكنى حاولت ان افضض معكم وان اتدفىء بكم واشكركم على دعواتكم والحمد لله   


هناك 19 تعليقًا:

موناليزا يقول...

ألف سلامة عليها
بإذن الله تقوم بالسلامة

ليلى الصباحى.. lolocat يقول...

http://www.wathakker.info/designs/images/tahoor_copy.jpg


حمدلله على سلامتها
يارب يتم شفاها على خير ويطمنك عليها اخى ابراهيم
وعييييييييب تقول صدعتكوا و الكلام ده
والله اخى العزيز كل المدونين بدون استثناء اكتر من الاخوات واحباب وربنا ألف بين قلوبنا كلنا يمكن اكتر من ناس كتير فى حياتنا قريبين مننا لكن بالمكان بس

الف مليون سلامة عليها وشفاها الله وعافاها

وياريت تطمنا عليها دايما

تحياتى لك وقبلاتى لابنتنا الغالية ويارب يرزق امها راحة البال والقلب كان الله فى عونها

مصطفى سيف الدين يقول...

الف الف سلامة عليها
ان شاء الله هتقوم بالسلامة و ربنا يطمنكم يا ابراهيم
متقلقش ان شاء الله خير

شيرين سامي يقول...

ألف حمد و ألف شكر
مبسوطه إنك طمنتنا
ربنا يحفظها يا رب من كل شر
و حمد الله على سلامتها
ربنا معاكم و تعدي الفتره دي على خير بإذن الله

لـــولا وزهـــراء يقول...

ياقلبي يا حبيبتي الف مليووووووووون سلامة على القمرة الصغيرة ويارب يرجعهالكوا سالمة معافية ليك انت ومامتها بأذن الله


لولا

amiraali يقول...

الف سلامه عليها يا استاذ ابراهيم...
ان شاء الله ربنا يقومها بالسلامه..

بسمة الورد يقول...

الف مليون سلامه على سولينا ويارب يطمنك عليها وتبقى احسن من الاول وتفرح بيها كمان
دعواتى القلبيه استاذ ابراهيم
ثبتك الله وعفاها

عمرو يسرى يقول...

الف سلامه عليها

ريـــمـــاس يقول...

صباح الغاردينيا أستاذ آبراهيم
والله عيطت معقولة ماكنتش اعرف الف سلامة عليها الف الف سلامة على قلبها وعينيها ربنا يخليهالك يارب ولايحرمك منها هي وكل اخواتها بجد أنا أسفة لأني تأخرت في السؤال مش عارفه اقولك ايه بإذن الله تقوم بـ السلامة أرجوك تطمنا عليها دايما "
؛؛
؛
لروحك عبق الغاردينيا
كانت هنا
reemaas

نيسآان يقول...

الله يتمم شفاءها يا رب ...الحمدلله على سلامتها والله يعينكم على اليومين الصعبين لبين ما تشيلوا الشاش من على عينها ...

*من خبرتي بموقف مشابه حصل مع ابني وهو بنفس العمر تقريباً انكم تلبسوها "كفوف" مش متأكده من اسمهم باللهجه المصريه (يمكن... جوانتي ؟) النوع المخصص للبيبيات اللي ما بيكونش فيهم مكان للاصابع هيك مش حتقدر تمسك الشاش بأصابعها ...والف سلامه لسولي ولكم كلم .

فاتيما يقول...

الف مليون سلامة عليها يا ابراهيم
انا لسه عارفة حالا
لأنى لسه داخلة بلوجر دلوقتى


الف سلامة عليها
والحمدلله انها بخير
ومعلش
كدا كويس
وهيا صغيرة قدرتها ع الشفا
والتئام الجروح اسرع
وهيا كمان متفتكرش التفاصيل
وهيا ف السن دا فمتجيلهاش فوبيا م المستشفى والدكاترة
ولا تحس بألم نفسى شديد لو كانت أكبر سنة ...


الف سلامة عليها
وعليكو انتوا كمان
:)

http://1sttime2010.files.wordpress.com/2010/11/chocolates.jpg

----------------
http://24.media.tumblr.com/tumblr_mcm0slWOlT1r2pgk0o1_500.jpg

----------------
http://data.whicdn.com/images/32897253/tumblr_lxsqnfDSlG1qe7vz2o1_1280_large_large.png

---------------------


ظلالي البيضاء يقول...

أخي إبرهيم ..
لا معنى لاعتذاري لأنني تأخرت ولم أتنبه للموضوع إلا الآن ..
بكل الأحوال ألف ألف سلامة على سالينا ..
والحمد لله على خروجها من العملية بالسلامة ..
أسأل الله لها الشفاء ..
اللهم رب الناس أذهب الباس اشف أنت الشافي لا شفاء إلا شفاؤك شفاءً لا يغادر سقماً ..
أسأل الله العظيم رب العرش العظيم أن يشفي سالينا وكل مرضى المسلمين ..
تحيتي لك لا يحدها حدود ..
وقبلاتي الطيببة لسالينا ..
دمتم جميعاً بألف خير وسلامة ..

Whisper يقول...

الف الحمد لله على سلامتها و ربنا يتمم شفاءها

zeze يقول...

الف سلامة عليها استاذ ابراهيم وانا معرفتش غير دلوقتي يارب يتمم شفاءها علي خير ويررزقها تمام الصحة والعافية امين

هبة فاروق يقول...

الحمد لله انها قامت بألف سلامه ربنا يتمم شفائها ويخليهالك وتشوفها عروسه حلوه
سلامى لعائلتك الجميله

Mongi Bakir يقول...

الحمدلله ع السلامة

websiteالزمن الجميل

candy يقول...

سلامتها .. وربنا يكملها الشفا.

Bent Men ElZman Da !! يقول...

الف سلامة عليها
ربنا يشفيهالك يااارب
وتقوم بالسلامة أن شاء الله وتكون فى أحسن حال
شفاها الله وعفاها

ابراهيم رزق يقول...

اخوتى الاعزاء

سولينا بتشكركم كلكم
وبتبوسكم كلكم
فرد فرد
وبتقلكم متتحرمش منك كلكم

تحياتى