الجمعة، 21 ديسمبر 2012

اصل و صورة

جائتنى هذه الفكرة من شرين سامى عندما قلدتنى انا وفاتيما ومنى
لذا اهدى هذا البوست لها وهو محاولة تقليد بعض المدونين الذين احبهم واقدرهم
والباب مفتوح لمن يريد ان اقلده
 
شرين سامى
حدوتة مصرية

خواطر
شىء استثنائى

لماذا لا تفعل شىء استثنائى
لماذا تسير وانت ترتدى قميص و بنطلون
اين الشميس والفيزون
احتاج لك الان
فالجوع يتملكنى اغلب الاحيان
تعالى واعزمنى على شاورمة او فطير
فالخروج معك توفير فى توفير
فقط اسقينى شويبس او كوكاكولا
لا احب البريل فهو رمز الرجولة
اخرج بى فى مكان فوق العادى
نأكل ذرة او نشرب زبادى
فلتفعل شىء استثنائى
لا نسمع تمورا او حماقى 

مصطفى سيف
طير الرماد

خلف اشعة الشمس تخرج خيوطا ملونة تتحول الى خيوط من الصوف تصنع منه بلوفر يتلون كالوان قوس قزح ثم يتحول الى اللون البمبى بينما الساحرة تتابع ذلك البلوفر من بعيد وتريد ان تحول ذلك البلوفر الى جاكت عن طريق السحر الاسود و لكن هيهات سيظل البلوفر بلوفر والجاكت جاكت رغم استعانة الساحرة بمخلوقات يبدو عليهم انهم من مصاصى القصب و لكن فى لحظة تحولت هذه المخلوقات الى سكر يذوب ذوبا فى الشاى

ريماس
نافذة حلم

خلف النافذة جلست اتمعن فى وجهك وتلوح على الذكريات نعم اتذكرك اتذكر كل نفس من انفاسك واتعرف عليها اتذكر انفاسك حين تدخن مارلبوروا واتذكرك حين تدخن روثمان واتذكرك حتى وانت تدخن كليوباترا كل نسمة هواء تدخل حجرتى معبقة يا حبيبى برائحة سجائرك تعيش معى واستنشقها ولم اكن اتخيل يا حبيبى ان تقدم على هذه الخطوة وتقلع عن التدخين وتحرمنى من انفاسك

شمس 
شمس النهار

انا عايزة اتكلم اليوم عن الدستور كنت قاعدة مع شوية من صحابى طلع واحد و سأل ايه الفرق بين الدستور والكستور رديت وقلت له الفرق بينهم ان الكستور ممكن تفصل منه بيجامة او جلابية لكن الدستور مش ممكن يطلع منه غير جلابية و تكون قصيرة كمان ومعاها دقن كبير فوق البيعة لازم نقرأ الدستور ونقول لا وبلاش نعم دى انا ابتديت اكره عبد الحليم عشان غنى نعم وبحب صباح عشان قالت لا

نوران الشاملى 
بت خيخة واى كلام
خيخيات

واحد + واحد يساوى اتنين
لكن اتنين + اتنين ميساوش اربعة
واحد يسالنى ازاى
هقوله معرفش 
احسبها انت 
هو انت مخدتش حساب فى المدرسة


امسكت برقبته
و وضعت يديها و ضغطت بشدة عليها
ثم وضعت اظافرها فى جسده
لكن الغريب ان لون طلاء اظافرها
تحول من اللون البرتقالى الى اللون الاحمر
انتهى

 

 

هناك 24 تعليقًا:

شمس النهار يقول...

مش ممكن ياابراهيم
انت رااااائع

قلدت الاسلوب بالظبطت
:))

ضحتني وانا انفي من الانفلونزا زي البتنجانه

بس ضحكتني

Tears يقول...

صراحة فكرة جديدة اوى وبرافو لان مش سهل تقمص الشخصية جدا كده و تقليد الاسلوب

تحياتى ودمت بخير

شيرين سامي يقول...

هههههههههههههههههههههههههه
لأ إنت بتهزر بجد
بقى إنت كده بتقلدني عاااااا
و أنا اللي كنت بقول مستحييييل حد يقلدني لأن لي أكتر من طريقه و أسلوب..
بوظت الخاطره دي من أقرب الخواطر لقلبي
ماااااااشي :)
و بعدين أنا بكره الفيزون أصلاً يعني و بحب البيبسي مش الكوكاكولا :)

أنا موووت على نفسي من الضحك من نصيب مصطفى سيف معلش يا دكتور بس بجد وهمي..مصاصي القصب هههههههههههههههههه

هسيب للباقين حق الإعتراض
بس البوست تحفه و غلس في نفس ذات الوقت :)

لكن مقدرش أنكر إني إستمتعت و ضحكت أوييييييي
:)




ليلى الصباحى.. lolocat يقول...

مساءك سعادة وراحة بال اخى ابراهيم :)

والله خير فعلت زهقنا جد وزهقنا سياسة
كلنا محتاجين شوية حب وسعادة ومرح بعيد عن جو الكآبة اللى ملا الاجواء والبلد كلهاههههههه

اسعدك ربى دايما ويارب تكون ابنتنا سولينا بخير حال الان


تحياتى بحجم السماء

zeze يقول...

انت بجد مش معقول ،انا كل ماادخل هنا بضحك جدا دا انت كدا بقيت 5×1
ويمكن اكتر ههههههههههه
ماشاء الله عليك فعلا رائع

Bent Men ElZman Da !! يقول...

ههههههههههههههههههههه مشكلة والله
البوست فكرنى بالبوست بتاع الرومانسية المختلفة بتاعه حضرتك

فافى يقول...

استااااااذ ابراهييييييييييييم
انا بقى انا بقى عشان اخطرى انت دايما تنسانى كده ؟ :(
مستنيه البوست الجاى تقلد فافى فى مذكرات سايكو فى ثوبها الجديد :)

doaa elattar يقول...

هههههههههههههههههههههههههههههههه

مش ممكن بجد

يعني أنا كنت بشوف باسم يوسف وبعدها أقرا تدوينة أستاذ إبراهيم ده يوم الضحك العالمي بقى :)

طب أنا بجد مش عارفه أعلق من كتر الضحك
هروح أقراه تاني بقى :D

زينة زيدان يقول...

طريقة جميلة للعرض
مشوقة
و تأخذ الفكرة من جانب آخر
هزلي ومرح جميل

دوما تهدينا ابتسامة وضحكة بين ثنايا
صفحتك

amiraali يقول...

هههههههههههههههه موتتني من الضحك...حلو اوي ..تسلم ايديك

هبة فاروق يقول...

يا خبر ابيض اكتشفنا موهبه جديده فيك التقليد روووعه
بس بجد عرفت تقلد صح ضحكت من قلبى وخاصه على مصطفى بجد مش قادره امسك نفسى سحر اسود ومصاص القصب ههههههههه
معلش يا مصطفى اوعى تزعل احنا بنهزر

ريـــمـــاس يقول...

صباحك غاردينيا أستاذ ابراهيم
ههههههههههه
هههههههههه
ايه القضايح دي هو انا دايماً بتكلم عن انفاسه والسجاير بجد اتفضحت هههههه هو فعلا بطل تدخين انت ايش عرفك :)
هههههههههه بجد ضحكت على شرين ومصطفى مصاصي القصب تحفه بجد
ربنا يخليك ولايحرمنا من خفة دمك وبوستاتك خفيفة الكلمة والروح :) "
؛؛
؛
لروحك عبق الغاردينيا
كانت هنا
Reemaas

بـت خـيـخـة وأي كـلام يقول...

:)

مصطفى سيف الدين يقول...

ههههههههههههههه
اخيرا لقيت حد فهم اللي باكتبه فينك من زمان يا كبير
مصاصي القصب ده فكرة ملهمة :) يمكن اعمل عليها قصة

تشكرات افنديم
بس مقلتش في الآخر مين اللي قلع البلوفر و مين اللي لبس الدستور ؟

candy يقول...

يالهوىىىىىىىىىىىىىىىىىىىىى
;D ;D :D ;D ;D

فظيعة الفيزون دى ... واللى تحفة جدااااا مصاصى القصب :)))

لأ بجد تحفة

حاسة حضرتك زى الطفل الشقى اللى بيقلد جدو الوقور اللى على طول فى الفورمة فيضحك عليه باقى العيلة .. وجد نفسه بيضحك من قلبه ;)
ودا طبعاً مش بيقلل من قيمة جدو لكن بيبن معزته ;))

ربنا يبارك فى كل المدونين ويخليهم لبعض ونس ودفا وشباك أبداع

richardCatheart يقول...

ههههههههههههههههههههههههههههههههههههههههههههههههههههههههههه مجررررررررررم مع مرتبة الشرررررررررررررررررررررف بس للحق فقره ريماس كانت عايزة تكون اكثر نعومه شويه كمان ههههههههههههههه بس هاااااااااااااااااااااااااااااايل هاااااااااااااااااااااايل

نيسآان يقول...

هههههههههههههههههه
انت فزييييع فزيييييع بجد...ايوه انا بقلد وحده بتقول كده بس مش عارفه هي مين :)

شكرا على الضحكه اللي طلعت غصباً عن عين ابو النكد الصباحي

ياسمين يقول...

ههههههههههههههههههههه
جميلة بجد^_^

haneen nidal يقول...

تحفة تسلم ايدك

لـــولا وزهـــراء يقول...

هاهاهاها رووووووووووووووووووووعة جدااااااااااااااا لابعد الحدود
تعرف تقلدني (: ؟ ههههه

لولا

بسمة الورد يقول...

جميله هى روحك ودعاباتك الراقية مع الاصدقاء
كنت فاكره اسمى بينهم لاكن ماليش حظ بقى

مساؤك هنا وايامك بلون الزهر الجميل استاذ ابراهيم
مودتى واحترامى

منجي بـــــــــــــاكير يقول...

الزّمن الجميل تحيّيك وتدعوك الى تصفّحها و الاشتراك فيها

ابراهيم رزق يقول...

اخوتى الاعزاء
اشكركم جميعا

وانا اسف جدا على الرد جماعى
اشكركم جميعا شرفتونى ونورتونى واسعدتونى جدا بتعليقاتكم
واقولكم جميعا دوركم جاى

تحياتى

رحاب صالح يقول...

هههههههههههه
يا لهوي ع التشرد
بس بجد موتني من الضحك
بلوجر من غيرك وحش بجد