الاثنين، 25 فبراير، 2013

جمالات تتحدى شرين و دياب

مازالت النفسنة مستمرة تجاه شرين سامى
و بعد النجاح الساحق باستقطاب مؤيدين
امثال شمس النهار و الفاروق و محمد الشاذلى
فقد نزلت بكارت عمرو دياب

لذا اجد نفسى مضطرا للنزول
بجمالات شيحة برائعتها
على ورق الفل دلعنى
و للسادة الفرافير
امثال افكار مبعثرة و نووووور و زيزى
اليهم هذا الفيديو

على ورق الفل دلعنى
محملش الظلم ده لوحدى
انا لا حيلتى و لا بيدى
الا الغويشة الا بيدى
ما قلتلك تطلب يدى
على ورق الفل دلعنى


على ورق الفل دلعنى لماذا اتحمل كل هذا الظلم انا لا بحيلتى و لا بيدى غير هذه الغويشة قشرة عيار 13 اذهب واطلب يدى و ان رفض ربى اطلب رجلى او انفى المهم تطلب حاجة حتى لو فنجان قهوة


على ورق الفل دلعنى
انا لا حيلتى  وفى ودنى
ما قلتلك يالله نبيعه
و اسهر انا وياك تدلعنى
انا لا املك الا هذا الحلق اقول لك بيعه و نذهب للملاهى نركب الصاروخ  لكى تدلعنى فى الهواء

على ورق الفل دلعنى
انا لا حيلتى و لا فى صدرى
الا العقد الا فى صدرى
ما قلتلك يالله نبيعه
و اسهر انا وياك تدلعنى
لا احمل لكى فى صدرى الا هذا العقد واعرف انك مفلس لا تملك شيئا لا تخجل يا حبيبى بيعه و احضر لى وجبة كومبو كنتاكى او حتى سندوتش بانيه مؤمن الجديد و دلعنى

على ورق الفل دلعنى
انا لا حيلتى و لا فى صبعى
الا الخاتم الا فى صبعى
ما قلتلك يالله نبيعه
و اسهر انا وياك تدلعنى
انا لا املك باصبعى الا هذا الخاتم نعم هو فالصو و لكن يمكن ان نتدلع بثمنه على الكورنيش 

على ورق الفل دلعنى
انا لا حيلتى و لا فى رجلى
الا الخلخال الا فى رجلى
ما قلتلك يالله نبيعه
و اسهر انا وياك تدلعنى
دقة خلخالى و انا ماشية فى الشارع الكل قال اسم الله سابيع هذا الخلخال الذى يجذب الجميع حولى من اجل ان تدلعنى


 وجدتها فرصة لكى اعرف البعض بتراث شعبى يكاد ان يندثر و اليكم هذا الفيديو الذى تم تصويره لجمالات شيحة فى بيت الهراوى و نلاحظ كيف يتابعها الاجانب بكل انبهار اليكم جمالات شيحة فى رائعتها على بلد المحبوب
 

هناك 21 تعليقًا:

مصطفى سيف الدين يقول...

انت بتجيب الأغاني دي منين يا حاج؟
رهيبة رهيبة يعني

افكار مبعثرة يقول...

هههههههه و انا بلا فخر من السادة الفرافير :))))
انا اصلا مكنتش اعرف الست جمالات شيحة جمالات الوحيدة اللي اعرفها هي جمالات كفتة :))))))
وقعت من الضحك بجد الست الغلبانة عاوزة تتدلع و هو البعيد معندوش دم خالص ميدلعها يعني ده ايه ده ههههههه
مش عاوزة التحدي ده يخلص بجد مستمتعة اروح عند شيرين ابقى ف مود و اجي هنا الاقي مووووود تاني خالص :)
تحياتي

ليلى الصباحى.. lolocat يقول...

قالها مصطفى من قبل ما اقولها ههههه
انت بتجيب الحاجات الاثرية دى منييييين ؟؟؟؟
انت موسوعة فى الاثريات والمخطوطات ههههه


صباحك ياسمين على عيونك

تحياتى بحجم السماء

رؤى عليوة يقول...

اول مرة اسمع عنها هههههههههه
انا اخرى فاطمه عيد فى الشعبى :)

انما ايه الكلام الجامد ده
:)


كده شيرين المفروض تخاف


دمت بخير استاذ ابراهيم

zeze يقول...

لالالالالالالالالا بجد مش معقول
يعني انا مش كفاية عليا الست خضرة محمد خضر
براحة شوية عليا كدا مش هستحمل
ودي مستعدة تبيع اي حاجة بس تتدلع
متدلعها يا استاذ وخلصنا
ههههههههههههههههههه
تحياتي

Mahmoud Bahgat يقول...

جميلة جدا بس واضح انها متصيغة جامد و داخلها بدهبها كله بس المهم تدلع
بس المنافسة حامية الوطيس اينعم لا مقارنة بين تريقت حضرتك و احاسيس شيرين

faroukfahmy58 يقول...

لااعلم اذا كان تعليقى قد قام بلوجر بتسجيله ام خاب كعادته

re7ab.sale7 يقول...

هههههههههههههههه
يخربيت كدة
انت بتجيب الحاجات دي منين ؟؟
تحفة بجد

شيرين سامي يقول...

هههههههههههههه
إيه ده :)
بص هو حلو إن الواحد يشوف حاجات جديده من التراث..بس صعبه أوي بصراحه :)

هتعمل إيه بقى مع نجاة الصغيره :)

التحدي مستمر
تحياتي

faroukfahmy58 يقول...

حبيبى ابراهيم لما عجز بلوجر عن نشر تعليقى فتعمدت باصرار نشره فى بوست مستقل تستحقه رجائى الرجوع اليه مع شكرى

ابراهيم رزق يقول...

مصطفى سيف

ههههههههههههههه
اى خدمة يا معلم
و لسه لما اخش على الصعيد
هاسمعك حاجات مسمعتهاش قبل كده

تحياتى

ابراهيم رزق يقول...

افكار مبعثرة

هههههههههههههههه
هنا محو امية السادة الفرافير

مستمر فى التحدى طالما بتتحدى

تحياتى

ابراهيم رزق يقول...

ليلى الصباحى
اختى العزيزة

ههههههههههههه
اللى يحب البلد دى لازم يعشق ترابها

موسوعة دى ذم و لا مدح
هههههههههههههه

صباحك فل و ياسمين

ابراهيم رزق يقول...

رؤى عليوة

اى خدمة
بنعملكوا محو امية اهو بالمجان
ههههههههههههه

طبعا لازك تخاف
ههههههههههههه
لكنها مستمرة فى التحدى

تحياتى

ابراهيم رزق يقول...

zeze

اصل البعيد مش بيفهم و عايز يدلعها
هههههههههههههههههههه

نورتينى
تحياتى

ابراهيم رزق يقول...

Mahmoud Bahgat

انتى يا محمود من الجواسيس
انت طابور تالت منحاز لشرين
هههههههههههههههههههههه

نورتنى يا محمود
تحياتى

ابراهيم رزق يقول...

الفاروق ملكا

مجتش حاجة و الله العظيم

نورتنى
تحياتى

ابراهيم رزق يقول...

رحاب صالح

اى خدمة بنعمل الخير ونرميه فى البحر
ههههههههههههههههه

تحياتى

ابراهيم رزق يقول...

شرين سامى

شفتى مش حارمينك من حاجة
من الدقى لمدينة نصر
هتشوفى الحاجات دى فين
ههههههههههههههههه

نجاة مين
انتظرى القادم ؟؟؟؟؟؟؟؟؟
ههههههههههه

تحياتى

richardCatheart يقول...

عااااااااااااااااااااااااا تعليقى فيننننننننننننننننننننننن

ابراهيم رزق يقول...

مارو

صباح الفل و القشطة

مش عارف تعليقك راح فين يا مارو

بلوجر بيخرف

ياريت تبعتيه تانى

تحياتى