المشاركات
كل سنة و انتو طيبين
بمناسبة شم النسيم
اقدم لكم بوست خفيف
ربما تهيسة من تهايسى
عايز تهرش و مش عارف تهرش فين اتصل بخبير الهرش العالمى منمل الجربان للتعرف على احدث طرق الهرش الجديدة
اولادك عاملين دوشة و تعبت من كلمة اسكت يا واد اسكت يا بت اتصل فورا بخدمة اشخطلى من فضلك
زوجتك تحكى لك الحلقة1172 من المسلسل التركى و بدات تشعر بالملل اتصل بخدمة اسمعلى من فضلك تسمع عنك تفاصيل المسلسل دون ضيق او ملل
عاوز تنجح و مذاكرتش اتصل بخدمة الغش الفورى لتحصل على احدث طرق الغش الحديثة
راكب الاسانسير و عطل بك و بتنده على عم عبده البواب و مش سمعك اتصل حالا بخدمة اندهلى عم عبده
راكب المترو و المترو زحمة و بدات رائحة العرق تفوح فى الجو اتصل فورا بخدمة عطرى الجو متوافرة بثلاث روائح الفل و الياسمين و الافندر و للاخوة السلفيين برائحتى المسك و العنبر
تشاهد خطاب او حديث للدكتور محمد مرسى و مش فاهم و لا كلمة اتصل فورا بخدمة فهمنى لو سمحت بشرح وافى لكل كلمات الرئيس مع خدمة ما بعد الخطاب من علاج للضغط و السكر
نائم و تريد ان تدخل الحمام او عندك اسهال اتصل فورا بخدمة دخلنى الحمام شكرا مع احدث نصائح خبيرة الحمامات مدام سيفون الشطاف
بلد مجانين صحيح
هناك 13 تعليقًا:
:))
الحاجات دي رزق الهبل علي المجانين:))
كله نصب وبيضحكوا الناس علشان يسحبوا الجنيهات القليلة اللي معاهم
وشركة الاتصلات المصرية حرامية
ده غير برامج التلفزيون اللي الناس بتحب تتصل بيهم
المكالمة مابتعملش اقل من 50 جنيه والمتصل مش دريان
كل سنة و انت طيب يا استاذ ابراهيم (:
فعلا حقيقى بجد
ضحكتنى شكراًً
((:
طب عيد لى شكر ا :)
كل سنة والكل بخير
وسلامى لعروستى
وللأسرة كلها
ههههههههههههههههههههه
فعلا الخدمات دى كترت
بس أنا أكتر واحد محتاج خدمة فهمنى دى
وبالذات الكلام المتكرر والمبهم الى بيتقال
شكرا لان البوست ده بيضحك جدا ههههههه
"تشاهد خطاب او حديث للدكتور محمد مرسى و مش فاهم و لا كلمة اتصل فورا بخدمة فهمنى لو سمحت بشرح وافى لكل كلمات الرئيس مع خدمة ما بعد الخطاب من علاج للضغط و السكر"
آيون آيون .. أنا عايزة من ده :)
ــــــــ
سلملي على صديقتي الصدوقة الصغنتوتة :)
اجمل ما قرأت فى اعياد الربيع
واللى عاوز يعيش فى ربيع على طول لا يغادر مدونتك يا ابراهيم وسلامى لاسرتك التى نالت من قبلنا هذا التشريف
ههههههههههههههههههههههههههه
كل سنة وانت طيب يا ابراهيم ويارب ست الستات والولاد وكل حابيبك بالف خير
اه والله مجانين
ونصابين
:D
ههههههههههههه جميل جميل جميل
بس انا شايفه ان مالوش لازمة تسمع مرسى اساسا
هما مما يبعتولك الترجمة على طول :)))
ههههههههههههههه جامدة جدا
بس على فكرة خدمة فهمني شكرا مش هتقدر تسلك مع مرسي
ومعاك خدمة عيد عليا شكرا و نقولك كل سنة وانت و اسرتك بخير يا رب :))))
ههههههههههههههههههههههههههههههههه ..اه والله بلد مجانين صحيح :)
السلام عليكم
ممكن تزورى مدونتى وتشوفى الرابط ده
http://gamilaelmasry.blogspot.com/2013/05/blog-post.html
كل الشكر
اختك جميله ام مريم
اخوتى الاعزاء
سارد على تعليقاتكم غدا بأذن الله
نورتونى
تحياتى
إرسال تعليق