الأربعاء، 17 يونيو، 2015

مخلللات 1



كل سنة و انتوا طيبين

طبعا كلكوا شفتوا الفيلم لكن هقولكم شوية معلومات ممكن تكونوا متعرفوهاش الطفلة التلميذة اللى كانت مع نجيب الريحانى دى نبيلة السيد
العزف الرائع للكمان فى اغنية عاشق الروح و اللى بعتبره اجمل عزف كمان سمعته فى حياتى ده للعازف انور منسى والد هويدا بنت المطربة صباح
الممثلة اللى كانت راكبة بجوار ليلى مراد فى اغنية اتمخطرى يا خيل دى الفنانة الراحلة هند رستم
الفيلم من تايف بديع خيرى و ده والد الممثل عادل خيرى
الملحن و المطرب و الممثل منير مراد شقيق ليلى مراد كان يعمل مساعد مخرج فى هذا الفيلم



اغنية اتمخطرى يا خيل

الفزورة
الاغنية دى اتصورت فى شارع شهير 
حد يعرف اسم الشارع
يالله جاوبوا يا حلوين و خلوا جوجل ينفعكوا
الكلام لاية حماد و دينا ممدوح
ههههههههههههه

هناك 5 تعليقات:

nasra saad يقول...

شارع الجزيرة

ابراهيم رزق يقول...

nasra saad

ههههههههههه للاسف خطأ فكرى تانى و حاولى

سعودي اوتو يقول...

thank you

مدير موقع سعودي اوتو

رحاب صالح يقول...

كل سنة وانت طيب يا ابو ساليناز
علي فكرة انا متأكدة ان المعلمة ي عدت عليا
بس للأسف مش فاكرة خالص دلوقت
وعشان أأكد لك اني مش هغش من جوجل انا فاكرة كويس اووي ان الفيلم ده اتكلموا عنه باسهاب في اذاعة الرشق الاوسط زمان في التسعيانات وانا كنت مدمنة الشرق الاوسط عشان كدة انا متأكدة ان المعلمة بتاعت الاغنية دي انا عارفاها بس مش متذكراها حاليا
لما افتكر تاني هاجي اقولك :)

Bent Men ElZman Da !! يقول...

لية سيرتي تيجي وأنا جاية أزور بالصدفة كدة طيييب :D
والله كان واحشني جو المدونة هنا جدًا وخصوصًا الفوازير الحلوة بتاعة رمضان دي
بس عشان بتشكك في قدراتي الخارقة أنا مش هجاوب بقي :D
كل سنة وحضرتك بألف خير يااارب