الأحد، 10 أبريل، 2011

ابو قرون

                                      اعتذار
حاولت ان اتغاضى عن هذا الجزء من سلسلة مفشخونيا لانى لا احب ان اتطرق الى مثل هذه المواضيع لكنى احسست ان السلسلة ستفتقد واحدا من اهم اضلاعها اعتذر عن ما ساكتبه و اعتذر ايضا عن الكثير الذى لم اكتبه و اعدكم برفع هذا البوست اذا لم يروق لكم على ان احتفظ به لنفسى قد يكون ثقيل الظل قليلا و لكنى حاولت ان اغسل الحقيقة لتبدو نظيفة قليلا و لكن يبدو انى فشلت

                               مفشخونيا
                          الجزء الخامس   
                             ابو قرون

جلس معارك مع الياور الخاص به اذية رسمى وقاله بص يا اذية وزير الفهلوة و الكلام ده مش عاجبنى خالص حاسس كده انه واخدها جد و كمان شريف هتعامل معاه ازاى و انت عارف ان النوعية دى بتجبلى حساسية عايز واحد يمسك الوزارة يكون ليه فى الفرفشة و الانس كده حاجة كدة انت فاهمنى طبعا فكر اذية قليلا و اطلق قرون استشعاره لتبحث عن قرون استشعار للوظيفة الجديدة و فجاة قال لمعارك وجدته يا فاندم مفيش غيره ذفوت الخنيف رئيس مصلحة الاستطلاعات فكرنى بيه كده يا اذية حاضر يا فندم تاريخه مش مشرف خالص يعنى محدش ينفع غيره هو اللى قرون استشعاره تناسب الوظيفة بص يا فندم
كان بيشتغل ظابط فى هيئة العسس و كان هو مسئول الفرفشة فى الوزارة و كان مسئول التصوير  لكل حفلات الفرفشة و كان هو المورد الرئيسى لكل مستلزمات الحفلات و ابتسم ابتسامة خفيفة لمعارك و قاله بصوت منخفض فاهمنى يا فندم ابتسم معارك و قاله كمل 
اخد الشرائط الخاصة بحفلات الفرفشة و باعها فى الخارج و لما اتكشف اتحاكم و اتحبس سنة و لما خرج كان من المؤسسين للحزب المطنطن و مسك مصلحة الاستطلاعات و اثبت كفاءة كبيرة يا فندم ده هو اللى بيشترى مجلات ميكى و سمير للبهوات اولاد سيادتك بلاء بيه و سمج ال بيه مش بس ميكى و سمير ده المغامرون الخمسة و الشياطين التلتاشر و بيبذل مجهود بالخارج مع الدول العربية و بيجيب لهم مجلات كابتن ماجد و تان تان و ايضا الهيئة ليها شغل فى اوربا و جاب للبهوات اغانى كوكو واوا و طيرى ياعصفورة يعنى راجل خبرة فاهمنى سيادتك فاهمك يا اذية خلاص يبقى وزير يا اذية

امسك ذفوت الخنيف شنبه الشبيه بشنب بقلة صبى المعلمة كواكب اشهر معلمات منطقة خمسة باب و بدء حياته كوزير للفهلوة و الكلام بالسيطرة على كل اجهزة الكلام من قنوات تلفزيونية و صحف و اصبح الكلام عن معارك و جمال معارك و البنطلون المقلم اللى بيلبسه معارك و ديمقراطية و رحابة و سعة صدر معارك و ان معارك هو الاب و هو الام اللى بترضع الشعب المفشخونى رضاعة طبيعية لان الصناعية منعرفش عنها حاجة

لم ينسى المحروس ابنه اقرف ذفوت الخنيف و اعطاه كل بلاجات الساحل العالى فى مفشخونيا و حولها الى بلاجات الصفوة لا يستطيع اى فرد من الشعب المفشخونى دخولها و اكمل اقرف ذفوت الخنيف رسالة والده فى الحفلات و الليالى الملاح و اقام حفلات البكينى و اللاتينى و انتشرت اغانى البلاجات احمد يا عمر يا واحد من الاثنين
كما لم ينسى المحروس ابنه بتورتة الاعلانات بالتلفزيون المفشخونى و اعطى الوكالة التى يملكها  الاعلانات بمبالغ زهيدة جدا هو مش بابى هو المسئول و لم يكتفى بهذا بل باع اغلب شركات الانتاج المفشخونى الى اقرف الخنيف الذى انشأ شركة هرب سكرين التى انتجت مسلسلات و افلام باعها الى التلفزيون المفشخونى لتتعدى ثروته عشرة مليارات جنيه هرب بها خارج مفشخونيا اى انه ادار عمله بمنتهى العصامية

اثناء جلوس معارك و بجانبه زنزان يشاهدوا التلقزيون يتناولوا الكاجو نظر معارك الى الشاشة و سرح ففهمت زنزان نظرته و استدعت على الفور ذفوت الخنيف و اخبرته بما حدث فوقع ذفوت الخنيف فى مطب و حاول الخروج منه واللعب على كل الاحبال و استدعى المذيعة المطلوبة و هددها و قالها فى شوية توصيات لو منفذتهاش هنحط السيخ المحمى فى صرصور ودنك ملابسك لازم تشتريها من الوكالة و ده توفير للنفقات و انتى جايا الصبح التلفزيون بلاش تغسلى  وشك و د ه توفير للمياه  متتكلمش و ده توفيرا لاحبالها الصوتية و فى نفس الوقت ارسلها فى رحلة مع معارك الى الخارج الرجل مبيزعلش حد كما نصح زنزان باحالة ملف المذيعة الى هبيب الظالمى وزير التحبسية الذى قام بالواجب و حط السيخ المحمى فى صرصور ودنها و تم حبسها بتهمة شكلها عاجب معارك و مش عاجب زنزان 

احس ذفوت الخنيف ان وزير الفهلوة و الكلام لم يعد على مقاسه فاراد ان يكبر دوره فى الحزب المطنطن فازاح فاسدهام والى من طريقه و اصبح الحارس الموافى على الحزب المطنطن وواصل قرون استشعاره بالتقرب من سمج ال بن معارك و واصل حروبه القرونية الى ان اصبح رئيسا لمجلس الشوربة ايضا و رئيس مصلحة الاحزاب المفشخونية فاتى باحزاب المهرجين و المطبلين و اصبح ايضا رئيسا للصحف المفشخونية فاختار بقرون استشعاره من يتفق مع قرونه فاختار صحفيين طاجن المسقعة و الصور المتنوعة و رقصنى يا جدع

و يواصل ذفوت الخنيف الانحناء لكل العواصف و اللعب فى كل العصور فهل ستواصل قرون استشعاره من يأتى بعد معارك
 


   
 
   

هناك 13 تعليقًا:

مصطفى سيف يقول...

انا اعتراضيالاول على العنوان فذو القرنين كان احد عباد الله الصالحين الذي مجد الله ذكره في القرآن وحين يشبه ذلك الحقير بذي القرنين حتى وان كنا نقصد معنى آخر نفهمه جيدا هو تمجيد لا يستحقه كنت ارى قرني افصل ويتماشى اكثر مع الشخصية
اما حكاية التصوير فاعتقد ان من يتحمل ذلك الاثم ان كان خطأ هو اعتماد خورشيد واتمنى ان يتم فتح تحقيق بذلك الشأن وألا يسقط بالتقادم
تحياتي لك اخي العزيز

ابراهيم رزق يقول...

مصطفى سيف

اخى الفاضل
انا لم اقصد و تاه عن بالى و غيرت الاسم

اما اسم قرنى فده صغير جدا عليه

اغانى الشتاء يقول...

عجبتنى اوى الاسماء و كل شوية يتوه عن بالى هو ده مين و اقعد و افكر لحد اما اعرف :)))
تحياتى

faroukfahmy58 يقول...

يمكن غيابك بعض الوقت انسانا التسلسل بالاضافة الى الاسماء لاتغيب عنا واضيف بطلب نشر بوسطك فى قائمة لوحة التحكم حيث عثرت عليه بالصدفة من مدونة سيف مع الشكر

Carmen يقول...

:‏)‏)) عجبتني جدا ومغزي الاسامي روعة
تسلم ايدك وفكرك

شيرين سامي يقول...

هي مين المذيعه دي أنا مسمعتش عن الحكايه دي مش كنت تقول اسمها يا أستاذ إبرهيم عشان نفهم:)
طبعاً السلسله كلها تُحفه كفايه الأسامي لوحدها مشكله:)
تحياتي لحضرتك و في انتظار الجزء العاشر

ابراهيم رزق يقول...

اغانى الشتاء

نفتكر بقى الاسماء عشان منتهش
سعيد بمتابعتك
خالص تحياتى

منورانى

ابراهيم رزق يقول...

فاروق فهمى

استاذ فاروق انتى نورتنى و سعيد حدا بوجودك
ارجو دوام التواصل

نورتنى
خالص تحياتى

ابراهيم رزق يقول...

كارمن

اختى الرقيقة
سعيد بوجودك و مجاملتك الرقيقة

منورانى
خالص تحياتى

ابراهيم رزق يقول...

شرين سامى

اختى الفاضلة

المذيعة هى امانى ابو خزيم و لها قصة طويلة معه و مع الهانم و البيه و لم اذكر اسمها لانها ضحية

سعيد بمتابعتك
خالص تحياتى

sony2000 يقول...

مش هقول غير
منور:)

بس

مصطفى سيف يقول...

اولا اشكرك اخي على تغيير اسم البوست
ثانيا ادعوك لقراءة الجزء الثاني من الحلقة الثامنة للمعطف
http://6eyr-elramad.blogspot.com/2011/04/blog-post_11.html
هي جزء ثاني لتلك الحلقة التي كتبها الاستاذ هيومان
اتمنى ان تنال اعجابك واتمني عمل مدونة خاصة يتم ترتيب السلسلة ليس على اساس اقدمية التاريخ لكن بناء على انسياب الاحداث

ابراهيم رزق يقول...

Sony 2000

انتى اللى منورانى

ارجو دوام المتابعة

خالص تحياتى