الثلاثاء، 5 أبريل، 2011

قمعى الترزى

                                                        مفشخونيا
                            الجزء الرابع
                           قمعى الترزى

جلس معارك على حمام السباحة يرتدى المايوه المحمحى و جلست بجواره السيدة زنزان سيدة مفشخونيا الاولى و هى ترتدى نظارة شمسية مكمراها من الغفيرة مثيرة هباب سرح بخياله بعيدا وقال بصى يا زنزونتى انا محتاج واد ترزى يمسك لى بيت الطاعة و التفصيل بس مش لاقيه مفيش قدامك حد سرحت براسها و قالتله متشوف الياور اذية رسمى استدعاه معارك بسرعة من الحمام الموجود به غالبا و عرض عليه فرد  طلب معاليك موجود يا افندم ده حتى الكارت بتاعه موجود معايا اهو فاعطاه لمعارك فقرا الكارت
قمعى شرور للتفصيلات القانونية  
استعداد تام لتفصيل جميع القوانين التى ليس لها مثيل بالعالم
دكتوراه فى قمع القوانين و ذبحها و حفظها مجمدة (الثلاجات صناعة مفشخونية) 
 والله ال cv بتاعه مش بطال ايه رايك يا معروكتى ممكن يمسك الشغلانة ابعت هاته يا اذية بسرعة

دخل قمعى شرور و هو يحمل مقصه بيده فنظرت له زنزان و قالتله بص يا قمعى احنا عايزين نعمل ليك اختبار صغير بص احنا عايزينك تفصل جلابية قصدى قانون لمعارك يفضل بيه حاكم مفشخونيا لحد ربنا ميفتكره و بعديه يمسك الحكم ابنى سمج ال معارك و بعديه هيثم سمج ال معارك و بعديه وائل هيثم سمج ال معارك و بعديه لولو وائل هيثم سمج ال معارك و بعدين توتو لولو وائل هيثم سمج ال معارك  و بعدين فوفو توتو لولو وائل هيثم سمج ال معارك و بعدين حمادة الثانى فوفو توتو لولو وائل هيثم سمج ال معارك الخ الخ الخ

فكر قمعى شرور و امسك مقصه بسرعة و قال بسيطة بصى يا ست هانم 
القانون هو يجب على رئيس الجمهورية المرشح ان يتوافر فيه الشروط التالية
 يكون اسمه معارك
يكون اسم اولاده سمج ال و بلاء و زوجته زنزان
مواليد كفر فريحة
صاحب اول طلعة مرورية
ابتسم معارك و نظر اليه و قاله عفارم عليك يا قمعى رد عليه قمعى و قاله مش كفاية كده مسالتش نفسك يا فندم مش ممكن و لو بنسبة بسيطة يوجد مرشح اخر يتواقر فيه هذه الشروط اختفت الابتسامة من وجهى معارك و زنزان و قاله بعصبية طب نعمل ايه يا قمعى قاله بسيطة يا فندم من شروط اى مرشح فى الرئاسة امام سيادتك
ان يحصل على توقيع مليون مواطن مقاس رجلهم خمسة و خمسون
رد معارك طب انا هاجيب مليون مواطن مقاس رجلهم خمسة و خمسون منين 
قاله يافندم ده للمرشح الجديد لكن لسيادتك كل اعضاء الحزب المطنطن مقاس مخهم حذاء خمسة و خمسون
انبهر معارك بقمعى شرور و اصدر قرار بتعينه فورا رئيس لبيت الطاعة و التفصيل 
وانهمك قمعى شرور فى تفصيل عدد كبير من احدث القوانين لدرجة ان موديلات القوانين المفشخونية لم يوجد لها مثيل فى العالم مثل

بالاتفاق مع وزير الجباية المفشخونى  برطس فالى تم تفصيل قانون الجباية البنائية و هى جباية على كل كشك او عشة فراخ او شقة فى مفشخونيا كما تم اصدار ضرائب على عدد الحمامات الموجودة بكل شقة و يجرم من يتهرب من كتابة عدد الحمامات فى اقرار الجباية و يتم الحجز الجبائى على الحمامات المتهربة مما جعل  اغلب مواطنى الشعب المفشخونى يستخدم البامبرز كما انه سلك الطريق العلمى فى رصد عدد دخول مواطنى مفشخونيا الحمامات عن طريق الزامهم بتركيب عداد بداخل كل حمام لدقة الحسابات كما انه تم تركيب ميزان متصل بقاعدة بيانات بوزارة الجباية على كل قاعدة تواليت عشان الناس اللى ربنا مسهلها ليها لا تستطيع التهرب الاسهالى منعا للتلاعب و التهرب

تكملة لموضوع الجباية و بما ان مشكلة الشعب المفشخونى الكبرى هى تسيير المركبات فتم تفصيل قانون التسيير الجديد مقاس  XLLLLL  جباية و ينص على خالف و برطع و اركن فى الممنوع و امشى عكسى و اكسر الاشارات مادام فى الاخر هتدفغ المخالفات وهتبرز الجنيهات

كما انه بناء على تعليمات معارك تم مد العمل بقانون المفارق و ده القانون اللى شجع الوزير هبيب الظالمى وزير التحبسية على مفارقة عدد كبير من الشعب المفشخونى الدنيا الى الاخرة دون محاكمة 

و فى النهاية اصل قمعى شرور مبادىء القمع و القهر داخل بيت الطاعة و التفصيل و حارب كل من خرج عن المبدأ الاول للبيت و هو الطاعة بل اصبح متحف بيت الطاعة و التفصيل اتيليه لعرض احدث صيحات تفصيل القوانين و هو الذى اسس مبدء البيت سلطة قراره بل و بابا غنوجه 
 
 

 




                                                         

هناك 32 تعليقًا:

أم هريرة (lolocat) يقول...

السلام عليكم

الله يسامحك من اول كلمة مش عارفة اكمل الموضوع ههههههه

اشكرك على كمية الضحك (( المستفز)) دى

من اجمل نتائج الثورة الروح الجميلة اللى ظهرت اكتر بين الشعب المصرى
طول عمره ابن نكته لكن الثورة خلته ابن نكته وابوها وامها كمان ههههههه

تحياتى للمدونة وصاحبها
يسعدنى تواجدى هنا دائما بارك الله فيك

دمت بكل خفة دم :)

reemaas يقول...

ههههههههههههههههههههههههههههه
يانهار ابيض انا مش عارفه ابطل ضحك وربنا سخرية جمييييييله ولازعه جدا

سواح في ملك الله- يقول...

كم احس ان شعب مفشخونيا هذا
كان يعيش في غيبوبه
حينما كانوا يحكمونه هؤلاء
الاراجوزات
تحيتي اخي

مصطفى سيف يقول...

ما فعله قمعي الترزي وكمية الموافقات التي فعلها في حياته
تكفي ان يصاغ في ذكره كتب التاريخ من الباب الخلفي كاكثر انسان في العالم قال كلمة موافقة دون ان يعي معناها
تحياتي لقلمك الرائع وللقصة البديعة التي حييناها

نور يقول...

دام الإبداع بين ثنايا الكلمات
قلم من ذهب
دام العطاء

محمد الجرايحى يقول...

أحييك على هذا الإسفاط الرمزى البارع والباهر
تقبل خالص تقديرى واحترامى
بارك الله فيك وأعزك

دعاء العطار يقول...

" قاله يافندم ده للمرشح الجديد لكن لسيادتك كل اعضاء الحزب المطنطن مقاس مخهم حذاء خمسة و خمسون "

ههههههههههههههه

لا لا هما مقاس 100

ربنا مايرجعها ايااااااام

تعيش وتضحكناا

تحياتى

(:

salwa يقول...

السلام عليكم
اول مرة اتشرف بزيارة مدونتك
شكرا لمرورك و تصفحك مدونتي امس
دام التواصل
سلام

Carmen يقول...

:‏)‏)) بجد تعبيرات مالهاش حل
ربنا يخليك لينا وللشعب الغلبان^_^
تحياتي وخالص احترامي

ساسو يقول...

كلماتك كلها ابداع وجمال
دام قلمك يخط سحرا وابداعا
دمت بود يا جميل

ريبال بيهس يقول...

السلام عليكم

والله الشعب مسكين وتعب من هؤلاء ...

اسلوبك غاية في الروعه جمع بين الجد

والكوميديا بأرقى صورها ..

تحياتي

وردة الجنة يقول...

جمييييييلة اوى بجد

اتوقع ان قمعى ده هو اللى يمسك الحكم بما انه من البداية كده قدر يخدع الرئيس

تحياتى لحضرتك ولخفة دم سلسلة القصص الاخيرة اللى بكون دايما مستمتعة ومش ببطل ضحك فعلا وانا بقرأها

لك كل الود

ويكا يقول...

ههههههههههههههه


مبروك ياباشا

انا كنت عايز اقولك من زمان والله

انا كنت مستغرب جداً انت ليه مش عامل مدونه


عموما

الف مبروك

ولا تنسى ان هذه المدونه منبر قد اعطاه الله لك
فاحرص كل الحرص ان يكون طريقاً يهدى بك الى الجنه ان شاء الله


مباركه باذن الله

زينة زيدان يقول...

الصديق ابراهيم رزق

يشرفني التواجد هنا

والتعرف
إلى مدونتك وكلماتك

أشكر مرورك الكريم حيث أنا


تحيتي

الحسينى يقول...

هههههه
أول مرة أزور المدونة وبصراحة الموضوع جامد جداً
حاجة كمان ضحكتنى أوى وهى أنى شفت الموضوع بتاعك بعد ما اتفرجت على فيديو القبض على قمعى شرور والناس بتشاور عليه وبتقول الحرامى اهو
تقبل تحياتى

ابراهيم رزق يقول...

ام هريرة
اختى الفاضلة

يسعدنى اكثر تواجدك هنا

متشكر لمجتملتك و سعيد انها اعجبتك

بارك الله فيكى
نورتينى
تحياتى

ابراهيم رزق يقول...

reemaas

سعيد انها عجبتك و متشكر لمجاملتك

دايما منورانى

خالص تحياتى

ابراهيم رزق يقول...

سواح فى ملك الله

اخى العزيز

نعم كان يعيش فى غيبوبة
متفق معك تماما

سعيد بتعليقك
منورنى
خالص تحياتى

ابراهيم رزق يقول...

مصطفى سيف

اخى العزيز

لو اتكلمنا عن موافقاته لن تكفى المدونة

سعيد حدا حدا بمتابعتك

دليما منورنى
خالص تحياتى

ابراهيم رزق يقول...

نور

شرفتينى و متشكر لكلماتك

ارجو ان تداومى على الزيارة
منورانى
خالص تحياتى

ابراهيم رزق يقول...

محمد الجرايحى

لك منى كل التقدير و المعزة
متشكر لكلماتك التى لا استحقها

دايما منورنى
خالص تحياتى

ابراهيم رزق يقول...

دعاء العطار

فعلا ربنا ما يعودها ايام

سعيد جدا بتعليقك

وسعيد جدا بمتابعتك
منورانى دايما
خالص تحياتى

ابراهيم رزق يقول...

salwa

سعيد بتعليقك و تشريفك المدونة
ارجو زيادة التواصل

منورانى
خالص تحياتى

ابراهيم رزق يقول...

كارمن
اختى الرقيقة
دايما تعطينى اكثر مما استحق

منورانى
خالص تحياتى

ابراهيم رزق يقول...

ساسو

سعيد بزيارتك و مجاملتك الكريمة

وارجو زيادة التواصل
نورتينى
خالص تحياتى

ابراهيم رزق يقول...

ريبال بيهس

اخى الكريم

سعيد بتشريفك يا فارس و ارجو زيادة التواصل بيننا
متشكر على مجاملتك الكريمة

نورتنى
خالص تحياتى

ابراهيم رزق يقول...

وردة الجنة

اختى الغالية

سعيد حدا بمتابعتك و سعيد ان السلسلة لاقت استحسانك

دايما منورانى بتعليقاتك

خالص تحياتى

ابراهيم رزق يقول...

ويكا

اخى العزيز

شرفتنى و نورتنى و ارجو ان تداوم على الزيارة

اتمنى ان تعجبك المدونة و اتمنى دوام التواصل و تبادل الاراء بكل مودة و الاختلاف لا يفسد للود قضية هههههه

تحياتى اخى الكريم

ابراهيم رزق يقول...

زينة زيدان

اختى الكريمة

سعيد بتشريفك المدونة و ارجو ان تداومى الزيارة و ارجو زيادة التواصل
نورتينى و شرفتينى

خالص تحياتى

ريــــمــــا س يقول...

أسلوب رائع جمعت بين الكوميديا والجد وأصغته في قالب راقي ..
ياله من شعب ..
؛؛
؛
مصافحة أولى
عبق الغاردينيا
ريماس

ريــــمــــا س يقول...

قاله يافندم ده للمرشح الجديد لكن لسيادتك كل اعضاء الحزب المطنطن مقاس مخهم حذاء خمسة و خمسون "
أضحكتني والله رغم اسلوبك الجميل في السرد
؛؛
؛
مصافحة أولى
لروحك عطر الغاردينيا
reemaas

ابراهيم رزق يقول...

ريماس

سعيد جدا بزيارتك الاولى و ارجو ان تتكرر

كما اشكرك على مجاملتك و كلماتك الرقيقة

ارجو مزيدا من التواصل

شرفتينى و نورتينى
خالص تحياتى