الخميس، 16 فبراير 2012

سياسة دلع دلع دلع

اعرف انى دمى اصبح ثقيلا و انكم مللتم من الحديث فى السياسة تفتح التلفزيون سياسة تفتح الثلاجة تجد سياسة حتى فرن البوتجاز تجد بها سياسة و اعرف انكم لا تحبونى ان اكتب فى السياسة و لكنى ادمنتها لذا هذا البوست سياسى جدا جدا جدا فمن يريد ان يقراه و ادمن السياسة فاهلا و سهلا به و من لا يحب السياسة فليغادر البوست امنا بعد هذا التحذير

هل طلب احدكم ان يعامل معاملة خاصة لانه ياكل او يشرب فالاكل و الشرب وظيفة بيلوجية يقوم بها المرء و هو مستمتع سواء كان يأكل سندوتش فول او كيلو كباب و ريش و سواء كان يشرب كوب ماء مثلج او كوب عصير فريش يقوم بها الانسان دون ان يشعر بغضاضة تلك مقدمة كان لابد منها قبل ان ادخل معركتى السياسية مع الحكومة التى لا ترحم و اتمنى ان اخرج منها سليما معافى

الاخوة المتزوجون يعرفون معنى ان تكون زوجتك حامل قائمة من الاطعمة ممنوع تواجدها فانت مثلا قد تكون محروم من طبق بيض اومليت بالزبدة حتى لو تنازلت و تعطفت و دخلت المطبخ لتعمله بنفسك فرائحة البيض مع الزبدة بمجرد التقائها تثير لها الحساسية و العصبية و تكاد ان تخرج خارج الشقة حتى لو كنت عزمت ان تأكله فى المطبخ و على هذا المنوال قائمة كبيرة من المأكولات و على نفس المنوال قائمة كبيرة من المأكولات مفروض عليك ان تراها اهونها المخللات فمفروض عليك ان تفطر سندوتشات مربى و حلاوة طحنية مع المخلل و هكذا الغذاء و العشاء كما ان طبق المخلل موجود على الكومدينو بغرفة النوم و الترابيزة و كل مكان فى الشقة ينطق بالمخللات

نأتى للنقطة الثانية هل سمعتم عن سوق التوفيقية من لم يسمع عنه اقول لكم عليه هو سوق فى وسط البلد يوجد به انواع الفاكهة فى غير موسمها تذهب اليه فتقابل اصدقاء مثلك زوجاتهم حامل و تقابلهم و تتبادل معهم التحية مساء الخير مساء النور سيادتك بتدور على بطيخ لا بدور على كاكا اه طالما سيادتك بتدور على كاكا تبقى المدام حامل فى الشهر الاول انا ببحث عن بطيخ اصل المدام فى الشهر التاسع و بطنها اصبحت كالبطيخة و هكذا تتحدث مع اصدقائك الباحثين عن الفاكهة اتذكر انى اشتريت كيلو العنب بثلاثون جنيها من حوالى تسع سنوات عندما كان الدولار باربعة جنيهات فقط اى بسبعة دولار و نصف اى بحوالى خمسون جنيها بالسعر الحالى و يوجد ايضا فى سوق التوفيقية قسم للانشوجة و لا ادرى لماذا تتوحم اغلب السيدات على الانشوجة

ناتى لما يسمى بيزنس متابعة الحمل كل 15 يوم زيارة للطبيب و سونار و خلافه و لا يفعل الطبيب سوى جملتين يتبادلهم فى كل زيارة فاذا قال لها فى الزيارة الاولى عال عال وضع الجنين تمام و كل شىء على ما يرام فى الزيارة التى تليها يقول لها انتى مش عجبانى النوبة دى اهتمى بنفسك شوية شغلانة سهلة قوى شغلانة طبيب النسا ده و فى كل مرة يلهف المائة لحلوح مقفول

نأتى للحركة داخل الشقة يحتاج كل زوج فى الشقة الى توك توك لسهولة حركة زوجته فاذا احتجت الى قميص فمن المؤكد انك تحتاج الى توك توك لكى تذهب من السرير الى الدولاب لكى تحضر القميص بينما شاهدت احدى السيدات الاجنبيات الحوامل فى تراك نادى الشمس فى الشهر التاسع تقريبا ترتدى تريننج سوت و تجرى  و هكذا طوال فترة الحمل يعانى الرجل لدرجة انى اقنعت زوجتى لكى تكوى ملابسى انى قرات بحث طبى حديث فى مدغشقر ان كى الملابس يساعد على سهولة الولادة

خلاصة الموضوع ان الحمل عملية بيولجية مثلها مثل الاكل و الشرب تماما و ان الزوجات يستغللن الظروف لتعذيب الازواج و التمادى فى الدلع فعليك ايها الزوج ان تكون عنيفا و حازما مع الزوجة و لا تسمح لها ابدا بالدلع و لا تسمح ان تستغل ابدا و ليكن قسمك مثل قسم الزعيم احمد عرابى لقد خلقنا الله مفتحين و لم يخلقنا مخدوعين والله لن نستغل و نخدع بعد اليوم فابدء بنفسك و ابرم شنبك و سيتبعك جميع الازواج المظلومين الشقاينين
 اتركك عزيزى الزوج لان لدى مشوار هام جدا ساذهب الى سوق التوفيقية لكى احضر 2 كيلو حرنكش 
                                                           بلد مجانين صحيح
   
  

هناك 42 تعليقًا:

faroukfahmy يقول...

ابراهيم
حمد الله على السلامة
انا كنت متأكد انك مش عتقدر تبعد عن احبابك فالمدونات يقت فى دمنا واختلطت دماؤنا مع بعضها سواء الثقيل والخفيف ولا زم نستحمل بعض وخاصة اصحاب الدماء الثقيلة
عموما بوستك الاخير انا ارتحت ليه لانه بعيد عن السباسة وانفرد بسياسة بيت الحوامل
اصارحك ياابراهيم فى كلمات بسيطه ان الحمل الصحيح مقبول الا الحمل الكاذب التى نرى فيه الست من دول بطيخه فى جوفها لا فيها عيل ولا تيل وكلها دهون وتكذب على جوزها بانها حامل فى السته التاسعة وليس فى الشهر التاسع
ليه بعض النساء لا بعتنن بمظهرهن ويعملوا ريجيم وبلاش دلع الحوامل الكاذب
بوست اكثر من رائع وخاصىة فيما يخص موضوع الحرنكش وانت اكيد اللى اخترته عشان سعره رخيص
ما تبخلشى علينا بردك اللآذع الذى يكون فى بعض الاحيان السع من الخاطر
مع تحيات أل الفاروق

نسرين شرباتي "أم سما" يقول...

ههههههههههههههههههههههههههههههههههههه
بجد بوست جميل جداً
وهو سياسة دلع دلع دلع دلع
الحمل يا أ. ابراهيم مش كل يوم في العمر
فليه مش ندلع فيه
كمان انت بتخاف على ابنك وأصلاً ابنك اللي بيشتهي هاي الأشياء مش الإم،، :)
بعدين بتكون الرغبة ملحة كثير لأكلة معينة،، خلص الوحدة بتشم ريحتها وين مكان،، مش رح تعرف هاد الشعور :)
وكمان ليه ما تعتاز تك تك،، تخيل وزنها أديه بيزيد وحركات البيبي اللي بتوجع في البطن وبتضرب فيه،، والطلق والميلاد،، فخليها تدلل
وبعدين هي جابت البيبي من بيت أبوها !!!
المرأة بتحب تضل طول العمر حامل ع فكرة أد ما بتشوف دلال وخوف من زوجها عليها وبتتباهى بزوجها أمام صاحباتها وأهلها وبتغيظ فيه سلفاتها ودار حماها والأعداء :)
بعرف إني بحب ببعض الأسرار الشريرة :)
لكن موضوعك أسعدني بجد :)

نسرين شرباتي "أم سما" يقول...

نسيت أحكي شغلة مهمة كتير
ربي يقيم مرتك بالسلامة وهيك تنور صور البيبي البلوجر :) :) :)

مصطفى سيف الدين يقول...

قلنالكم بلا جواز بلا هم مسمعتوش الكلام
دوق بقى يا ريس
النهاردة سوق التوفيقية و حرنكش
بكرة سوق طنطا و حب العزيز
و مش بعيد تقولك عايزة جلاب و تضطر تروح سوق نجع حمادي
و ممكن اصلا ميكونش وحم اد ما هو تعذيب ليك
على اساس المشاركة المعنوية معاها في الاحساس بالالم
بس عجبتني حكاية انك تخليها تجبلك القميص و هي تعبانة
هم دول الرجالة :)

;كارولين فاروق يقول...

ههههههههه
والله يا ابراهيم انتم ايها الساده
الرجال لا تعرفون مدي اتعب المرأه الحامل
وتعتقدونه دلع يكفيها مشقه الاعتناء بأولادها والاهتمام بدراستهم
ولكن الانانيه الرجوليه لاتسمح بذلك
فهو الاول والاخير ههههههههه
وبعدين لو ادلعت يعني وفيها ايه يعني
من حق اي ست ان تدلع علي زوجها ههههه
بس عجبتني السياسه اللي في الثلاجه والبوتجاز دي
اكيد اللي في الثلاجه سياسه ساقعه واللي في البوتجاز اتحرقت ههههه
بوست جميل جدا جدا
تحياتي

فاتيما يقول...

يا لهوك يا فاتيما !!

يا خراشى ع الرجالة وجبروتها ؟؟!!!

طب الاول أسأل سؤال

البنوتة الجاية ف السكة دى
مين يتحمل قصادى المسئولية الكاملة عن تشريفها للدنيا ؟؟!!!

يعنى مش انتا حضرتك ولا انا غلطانة ؟!!!


طاه خلاص بقى
اعمل بابا من دلوقتى يا أخى
ومش لازم تستناها ...

مش هتكلم ع الغلبانة المسكينة دى
عشان مع احترامى يعنى

الست بتدلع ف جوزها سنين طويلة عريشة
ولما يعنى تحمل وتبقى عاوزة شوية دلع ... تزعلوا م التدوير ع الحرنكش
يا ظلمة يا مفترييييين


عموما
اجمل ما ف القصة دى
ان البيت بتاعكو هيبقى 3/2
وهياخدولنا بتارنا نحن الحريم المنطضهدات ...


كل وحم وانتا طيب
وتعيش وتجيبلها يا فندم

:)

افكار مبعثرة يقول...

هههههههههههههههه بوست سوياسي سوياسي يعني
الا ايه راي الحكومة في خلاصة الموضوع اللي في الاخر دي وبرم الشنب و قسم عرابي انا متهيألي تحذف الجزء ده احسن ما الحكومة تعترض و تزود معيار الدلع و تطلب بدل ما تتوحم على انشوجة تتوحم على زعنفة سمكة قرش حولا
هههههههههههههههههه
تحياتي ليك
ايوا كده وحشتنا البوستات الجامدة دي :)

ليلى الصباحى.. lolocat يقول...

يحتاج كل زوج فى الشقة الى توك توك لسهولة حركة زوجته


اهلا اهلا اخى ابراهيم حمد لله على سلامتك وسلامة ( بلد مجانين صحيح )) والله وحشتنا ياراجل هههههه


سعيدة لسعادتك اخى ويارب يتمم للمدام على خير وويرزقنا واياك والمسلمين بالذرية الصالحة الطيبة

بس مالة الــ سكوتر احسن كتير من التوك توك ههههه


اد ايه بتكون الست الحامل جميلة ورقيقة ربى يبارك فى اسرتك واولادك يارب

تحياتى لك اخى ودعائى للاخت ام زياد بالسلامة وما تكمتر من الحرنكش بيقولوا وحش على اللى بيتعصبوا ويتنرفزوا كتير ههههه

Bent Men ElZman Da !! يقول...

هههههههههههههههههههه
رحله موفقه الى سوق التوفيقيه :))

الست لما بتبقى حامل بتبقى تعبانه فـ عايزه تتعب جوزها معاها زى ما هى تعبانه
اومال هتتعب لوحدها مثلا يعنى :))

ستيتة يقول...

انا دخلت البوست على انه سياسة وانا مدمنة وقلت اعمل حلقة ذكر فيه وندعي ربنا يخلصنا من ساس ويسوس وسائس ولكن طلعت سياسة تانية خالص

نيجي لسياسة ضرب النار
او الضربات الحرة المباشرة
1- الوظيفة البيولوجية دي وصفها رب العزة
بحملته أمه كرها ووضعته كرها
فهي لا شبه الأكل ولا الشرب ولا العمليات البيولوجية اللذيذة اللي تبع المتع الفطرية
2- يا سلاااااام يا سلام يا سلام
قال طبق بيض قال
ناقص تستخدم صابون وبرفان كمان وهي حامل
3- وماله سوق التوفيقية
كل واحد داخل هناك بيقابل زمل يتشاطروا مع بعضهما نظرات الأسى مع إن العيل اللي ها يجي بالسلامة ده اساسا ها يتكتب باسم الأب مدى الدهر
وعلشان الأم تنسبه لنفسها في اي جهة رسمية لازم تشيل اثبات وتحلف بالطلاق انه ابنها
4- أنشوجة؟!!! يا حلاوة الأنشوجة
طب والله ستات ذوق وإيتيكيت اللي بيتوحموا على انشوجة
جو بيبي جو
وبراحتك خالص واطلبي لبن عصفور يتيم بريشة موف وريشة زفحلؤي
ايوة زفحلويء
وتطلب كوكوليكو كمان

الجد بقى في نقطتين اتنين بس
1- الكائن الإنسان قليل الإنتاج بالنسبة للذرية مقارنة بالنبات
فاحمد ربنا انك مش بتخلف بمعدل سنابل القمح
2- هو راجل واحد بس ربنا يكتب عليه طفرة تخليه يحمل مرة واحدة
وكله ها يتبع الأكلة اللذيذة الفاطمية
كل واشكر :)

حَنيّـن نِضال يقول...

تروح و ترجع بالسلامه :)
بس شو هو الحرنكش هاد :(

الله يقوم المدام بالسلامه و هانت تسع شهور و بيمضه خليها تدلع و بعدين اطلعهم من عينها ^_^

موناليزا يقول...

ربنا يقومها بالسلامة :)

zizi يقول...

برهوم حاكينا .. ياهلا يا هلا إيه الحلاوة دي والله انا اصلي واخدة اللابتوب بتاع ابني لفة فقلت ادخل عندك اشوف الدنيا شكلها إيه لقيتها بمبي بمبي بمبي وماله يابني حرنكش حرنكش واخبار الفسيخ إيه ؟ أيوه كدة طلعنا من الغم اللي احنا فيهوتحياتي لأم زياد ..

جارة القمر يقول...

ههههههههههههههههههههههههه
ضحكتنى ربنا يفرح قلبك يارب و يبارك لك فى اولادك و يقوم زوجتك بالسلامة

انا بضم صوتى لصوتك ان موضوع الوحم دا و الفاكهة و كدا حاجه تعب اعصااااااااااب ... انا عنيت من الموضوع دا مع اختى اليومين دول برضو و كنت بلفلها على الحاجات اللى بتتوحم عليها .. ومنتظرة انى اطلعه على ابنها ان شاء الله


بس يعنى يا ابراهيم سيبها تدلع شوية ما انتوا هاتطلعوا عنيها بعد الولادة يعنى مافيهاش حاجه

candy يقول...

طب مبروك طيب :))

لما حضرتك قلت سوق التوفيقية فكرت هاتتكلم عن موضة الرئيس التوافقى اللى طالعة :))
ياريت المدام ماتتفرجش على التليفزيون خالص بقى .. شفيق وعمرو موسى كل يوم والتانى فقناة .. مش ناقصين :))

بس سؤال بجد بقى : كدة اسم المدونة هايبقى إيه بعد إضافة الاسم التالت ؟؟ لو حضرتك ماضفتوش يبقى تميز عنصرى وسياسة إقصاء .. كفاية أن زياد وساليناز الجميلة دخلوا التاريخ من أوسع أبواوبه الأول على أكتاب عنوان المدونة ..

تحياتى للمدام :)

الطائر الحزين يقول...

:(
ماشى يا سيدى بحقد عليك ان انت بتلاقى أكل فى شهور الحمل - المشكلة لما الموضوع بيقلب على صيام وتفرغ الثلاجة والمطبخ من الاكل اضافة الى بيوت الجيران من اى اكل فحق الجيرة يحتم عليهم الاستدانة
==========
كلام فى سرك بقى شفت ميزة تعدد الزوجات؟

الطائر الحزين يقول...

كلُُ ميسر لما خُلق له

دعاء العطار يقول...

هههههههههههههههه

فكرتنى ف اخر البوست بحنفى يااستاذ ابراهيم ...

نظرا لانى مااعرفش تعب الحمل ده بيكون ايه نظامه فمش هدافع بقلب جامد

بس اللى اعرفه انهم بيتعبوا اوى والله بدليل ان الجنه تحت اقدام الامهات

يعنى اكيد بيطلع عنيها يعنى

بطلوا فترااااااااا بقى علينا :D

......

حرام عليك يااستاذ ابراهيم كنت عايز تحرمنا منك ومن الضحكه دى :)

نيسآان يقول...

هههههههههههههههه
معلش استاذ ابراهيم اعلق على نقطة الست الاجنبيه اللي بتجري في التراك...مهو يا عيني عليه المستر جوزها مريحها وشايل عنها شغل البيت و الغسيل والمكوى والفطور والغدا والعشا وعشان هيك بتلاقيها فيها الطاقه دي اللي تخليها تركض زي الحصان!

نيجي بقى للمهم ...يعني عاوزين تبات ونبات و اولاد وبنات ومش عاوزين تستحملوا شوية غلبه ...مش كفايه عليها الحمل والوحام والتقل والرضاعه والسهر ويبقى عليك انت مشوار صغير عشان الحرنكش!!! ...بالمناسبه كنت ح أسأل عن الحرنكش بس دورت عليه في سوق الجوووجليه...لقيته ...شكلو حلو..ح ابقى احفظ اسمه كويس :)) احتياط يعني هههههههههههههه

حنين محمد يقول...

صباح الغاردينيا أستاذ ابراهيم
اولاً الف الف الحمدلله على سلامتك شايف صحابك فرحانين فيك ازاي وسوري لاني تأخرت اصل انا الويكند عندي ببقى مشغولة اوووي ..نيجي بقى لست الكل ام زياد فين الرومانسية ياأستاذ ابراهيم فين الشعارات بتاعتك وابراهيم الرومانسي :)
لو ماكنتش رومانسي وحنين مع ام زياد دلوقتي حتبقى رومانسي امتى لما يجي البيبي ويصحيك في نص الليل واما تناديك ام زياد وهي تعبانه عشان تغير البامبرز ههههههه ولا لمى تعمل الرضعه للبيبي بقولك ايه نصيحة من اختك الصغيرة ريمسو انت تنفذ اوامر ام زياد وأنت ساكت وكمان مبتسم :)
وبعدين حضرتك بتتلكع ليه ماتقوم تجيب قميصك وتعمل الفطار للولادوتعمل الاكل كمان انا نفسي اعرف انتو يامعشر الرجال حينقص منكم ايه بس لما الواحد يساعد مراته ويدلعها ماهي بدلعك طول السنة يعني جات على تسع شهور حمل دي كلها تسعه حتى ماكملتش السنة هههههههههه "
؛؛
؛
وربنا يقوم لك ام زياد بالسلامة ونفرح معاك بالبيبي الجديد وياليت صوره تنور المدونة بس كمان معاه اخواته عشان نفسي اشوف سوزي حبيبتي :) وربنا يخليك ليهم ولايحرمنا طلتك الحلوة علينا "
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

الفاروق ملكا
ملك الزهرات
و ابن بطوطة المدونين

انا مثلما قلت لسيادتك فى التليفون اذا كان على الواحد مقدور عليه لكن عندما يصل الى اخوتى الاعزاء يصبح الامر لا يطاق

انا اقدر ابعد يا استاذى الحب لا يقابله الا الحب ربنا ميحرمنيش منكم ابدا

متشكر يا استاذى و الاروع هو مرورك الذى يشرفنى
تحياتى و تقديرى

قول للستات يا فاروقنا الجميل و علمهم و فهمهم

اما الحرنكش يا استاذى خدعوك فقالوا انزل التوفيقية و شوف السعر
ههههههههههههه

نورتنى و شرفتنى
تحياتى و تفديرى

ابراهيم رزق يقول...

نسرين الشرباتى
ام الزهرات

ههههههههههههههههه
يعنى انتو تدلعوا و احنا يطلع عنيننا

بجد بجد السيدات العربية بيزودوها حبتين و شوية

اما الغيظ و الكيد فدى اسرار عسكرية مليش دعوة بها
هههههههههههههه

متشكر على تمنياتك الطيبة

سلامى الى اجمل زهرات زهراتك
نورتينى
تحياتى

ابراهيم رزق يقول...

مصطفى سيف
اخى العزيز

ههههههههههه
الحمد لله بعيد عن حب العزيز النوبة دى

النوبة الجاية اعمل حسابك على الجلاب لى و لساليناز و كيلو عسل اسود

تحياتى ايها الصعيدى الشهم
انتم السابقون و انتم اللاحقون
هههههههههههههههههه

نورتنى
تحياتى

ابراهيم رزق يقول...

كارولين فاروف
كلارينت الفاروق

من حف الكبير يدلع يدلع ههههههههه
طبعا الكبير هما الستات اصل السيدات عندا يحملن يشعر الرجل ان الست اصبحت عضمة كبيرة هههههههههه

متخافيش ع السياسة اللى فى البوتجاز البوتجاز بتيمر و الفرن هادية
هههههههه

نورتينى
تحياتى

ابراهيم رزق يقول...

فاتيما فتوم
روح الفلب الملائكية

البوست ده بناء على وعد لكى و خفت اهديه ليكى جمعية المراة المتوحشة تهجم عليكى
ههههههههههههههه

انتى عارفة فى موضوع المسئولية دى اخوكى عشرة ع عشرة لكن بالعكس

هو فين الدلع الدلع كان زمان دلوقنى كل حاجة غليت ههههههه

احنا برده اللى ظلمه

دى كلمة ساليناز هنبقى اغلبية
هبقى راجل و اربع ستات هههههههه

ربنا يرزقك و يعطيكى و يكفيكى و يريح بالك يا ام جو و يديكى على قد قلبك الطيب و حبك للناس كلها و يحبب فيكى خلقه اكثر و اكثر و يخلى ليكى يوسف و يبارك لكى فيه و نشوفه عريس و نشيل ولاده و ولاد ولاده و نكيد العزال و اللى يطق يموت
شفتى الدعوات قد ايه اصل انا اتقمصت كوكتيل من الست الوالدة ع شحات فى السيدة زينب
ههههههههه

سلام يا ام جو

ابراهيم رزق يقول...

افكار مبعثرة

سوياسى سوياسى سوياسى
ده حكومته جامدة قوى اجمد من الداخلية و امن الدولة
هههههههههههههه

لا متخفيش انا البوست ده مغطيه بعيد عن الحكومة و حطه فى مكان سرى اصل ايديها جامدة قوى

نورتنى
تحيانى

ابراهيم رزق يقول...

ام هريرة

اختى ام هريرة
هههههههههههههه
الله يسلمك عارف ان دمى بيكون غلس فى السياسة بس و الله مش بايدى و هحاول انى مقربش من المنطقة دى بس يارب اقدر

اسكوتر ايه يا ماما اللى يستحمل هو يا دوبك توك توك

من جهة جميلة و رقيقة اه
سامحنى يارب

متشكر على الدعاء و هخلى ليكى خرنكش

نورتينى
تحياتى

ابراهيم رزق يقول...

بنت من الزمان ده

هههههههههههههه

يعنى لازم تتعبنا معاها امال ع فكرة هشيل ليكى حبة حرنكش

نورتينى
تحياتى

ابراهيم رزق يقول...

د ستيتة

ههههههههههههه
دى سياسة اصعب من سياسة المجلس العسكرى


هى الوظيفة البيولجية دى متجيش الا على دماغنا
فكرتينى بالبرفان و الله كنت هاكتبها بس مردتش قلت كفاية عليكو كده

اما اخوانا اللى بنقابلهم فى سوق التوفيقية فينطبق عليهم رزق الهبل على المجانين

الحمد لله احنا مش قمح

حاليا فى تجارب فى اوربا على الرجال لكى يحملوا
ادعى ربنا يفشلوا
ههههههههههههه

نورتينى بجد
تحياتى

ابراهيم رزق يقول...

حنين نضال

متشكر و ربنا يخليكى

الحرنكش ده نوع صعب تصنيفه بين الخضار و الفاكهة بيكون داخل جراب يشبه الطماطم الشيرى بس حجمه اصغر و اصفر
ع العموم هشيل ليكى شوية لما تزورى مصر
ههههههههههههه

تحياتى

ابراهيم رزق يقول...

موناليز

الله يسلمك متشكر

تحياتى

ابراهيم رزق يقول...

زيزى
زيزى العزيزة الذيذة

انا بكتب ليكى الرد من سايبر بردك

هشيل ليكى شوية حرنكش يا احلى زيزى و خلى اللى يطق يموت

نورتينى
تحياتى و تفديرى و حبى

ابراهيم رزق يقول...

جارة القمر

متشكر جدا على دعائك الجميل

الحمد لله شهد شاهد من اهلها
ههههههههههههههههه

حاضر عشان خاطرك هسيبها تدلع

نورتينى
تحياتى

ابراهيم رزق يقول...

كاندى
ملاك الصعيد الجميل

ازاى يغنى متجوزانى و متتفرجش على البرامج السياسية ده الود ودها تقعد على السلم من كثرة البرامج
هههههههههههههه
اما الرئيس التوافق ده و لا بلاش نبعد عن السياسة و غنيلها

و الله العظيم دى مشكلة انا اتشطرت فى الاول و بقيت فى حيص بيص دلوقتى

سلامى الى والدك الجميل العزيز

نورتينى
تحياتى

ابراهيم رزق يقول...

الطائر الحزين

يا اهلا بطنطا و جمال طنطا بس مش عايز اقولك اهلا يا طنطاوى عشان الاسم اتشبه شوية ههههههههههههه

اخيرا غردت و طرت و هبطت عندى ع الرحب و السعة شرفتنى

اما تعليفك فساحنفظ به اما تحضر لى الحمصية و السمسمية لى و لفاتيما و اما اعطى التعليق للمدام
هههههههههه
نورتنى و شرفتنى
تحياتى

ابراهيم رزق يقول...

دعاء العطار

ههههههههههههههه
حنفى حنفى بس نعيش

هو عملية طبيعية بالاضافة الى حبة دلع

بكرة نفرح بيكى و تتزوجى و تحملى و نقعد ع الحيطة بقى

انا لم ارجع الا بحبكم بجد

نورتينى
تحياتى

ابراهيم رزق يقول...

نيسان

استنى كده اشوف حد واقف و لا لا الدار امان الحكومة بعيد

الست الاجنبية دى كانت غزالا ههههههههههههه
جتنا ؟؟؟؟ فى حظنا ؟؟؟؟؟؟؟؟؟؟
هههههههههههههههههه

ربنا يعدى الايام ع خير

كويس انك دورتى ع الحرنكش ع العموم هشيل ليكى شوية

نورتينى
تحياتى

ابراهيم رزق يقول...

ريماس
ريمسو الجميلة

و الله العظيم هم اخوة و عزاز ربنا يخليهم ليا يا رب
لا تعتذرى عن التاخير لكن فقط نريد ان نطمئن عليك باسنمرار يا ريمسو

اما الرومانسية فالرومانسية لا تجتمع مع الحمل ابدا
ايه الرومانسية كانت زمان ايام عبد الوهاب و عبده الحامولى و عبدة السروجى و على لوز
مين على لوز ده

اجيب قميص يا ريمسو ده كلام
شوية شوية تفولى ليا هات مع القميص البنطلون و كمان الشراب
هو فيه راجل يبقل ع نفسه كده لا احنا رجالة جامدة قوى فوى استنى لما ابص كده
الحمد لله بعيد اتكلم براحتى
انتى متعرفيش احنا رجالة قوى
سلام بقى عشان هى جاية لحسن تقرأ التعليق

متشكر على دعائك الجميل يا رب
و حضرى الفستان بتاع البيبى
ههههههههههههه

نورتينى
تحياتى

♥همســــــه.. حـــــب♥ يقول...

ههههههههههه ..يعنى حد يلاقى دلع وميدلعش....ده حتى يبقى عبيط...


اول مره ازورك ...
المدونه كتير حلوه

نورنى

ابراهيم رزق يقول...

حمسة حب

ههههههههههه

شرفتينى بيتك و مطرحك

ارجو دوام التواصل

نورتينى
تحياتى

Unknown يقول...

السلام عليكم

عجبتني جدا.. وضحكتني.. :)

رأيي أكتر اللي يحسها هو اللي جرب فعلا...

جميل اقتناصك من هذه اللحظات الواقعية أسطر ممتعة...

تحياتي أخي إبراهيم.

الـسـيـدة نـون يقول...

ايه ده ؟
هي الستات بتدلع وقت حملها ؟؟؟؟

محدش قاللى يعنى على المعلومة دى

انا لو كنت اعرف كدة كنت استغليت فترة حملى فى شريف واتدلعت


بس معلش بقى بجد يعنى انا متنرفزة

لانك بتحط كل الستات فى سلة واحدة وبتتهمم بالدلع

وبما انى واحدة ست
وبما انى سبق ليا الحمل
احب اسجل اعتراضي لانى لم اتدلع يوما
بالعكس
انا فاكرة كويس اوى
انى كنت بقوم بكل المهام المنزلية على اكمل وجه

وفاكرة كويس اوى ان قبل ما اولد بيومين كنت عند والدتى
وكانت وقتها بتشتغل
واستغليت عدم وجودها فى البيت و قمت بتنضيف البيت كله من غير اى مساعدات
وفاكرة كويس اوى ان الباب خبط فجأة
فافتكرتها ماما
واتخضيت وقعدت انا واختى نلم ادوات التنضيف بسرعة علشان لو كانت ماما جت وشافتهم كانت هتعرف انى بنضف الشقة وكانت هتهزئنى بانى بنضفها وانا حامل وعلى وشك الولادة

ومكنش ينفع نكذب ونقولها ان اختى هى اللى بتنضف

لان كان معروف ان نورا هى اللى بتحب التنضيف
وان اختى مالهاش فى الحاجات دى

بس الحمد لله مطلعتش ماما ساعتها و انا كملت تنضيف البيت
نيهاهاهاهاهاهاهاهاهاهاهاع


وفاكرة انى فى شهور الحمل كنت بستخدم بطنى المنفوخة فى انى ازق بيها النيش بتاع السفرة وبعض قطع الاثاث علشان انضف تحتيهم

وكنت عادى بتنطط واجرى
وامشي بسرعة
واركب مواصلات
واشيل حاجات تقيلة
واطلع سلالم
ولا عمرى قلت تعبانة مش قادرة امشي ولا يوم طلبت من ابو ابنى واحدة تنضف الشقة بدالى

ولا حتى طلبت اكلة معينة

بس فاكرة انى كنت باكل كتير فى بعض الاوقات

بس حتى الاكل الكتير اللى كنت باكله كان عبارة عن ساندوتشات فول

يعنى نفسي مهفتنيش على كباب وكفتة ولا الحاجات الغالية دى


فلو سمحت يا ابراهيم
متجمعش كل الستات وتقول عليهم بيتدلعوا


عموما ربنا يتتم لمراتك شهور الحمل على خير




سلام

اختك خيخة