الأربعاء، 7 مارس 2012

الطريق الى سولينا

السلام عليكم و رحمة الله و بركاته اولا اعتذر لكم لتأخر شكرى لكم و على دعوادتكم لى و لكن نظرا لمشاكل معينة مرت بحمل زوجتى كنت متلخبط قليلا و كنت مقل فى عدم المتابعة و بسبب لخبطتى لم ادفع فاتورة النت فتم قطع النت عنى و بمجرد عودة النت الان اكتب هذا البوست و اشكركم جميعا على فرحتكم بلا استثناء و اخص بالذكر من اتصل بى اول من اتصل استاذى ملك الزهرات و ابن بطوطة المدونين الفاروق ملكا كما اشكر اول من هنأنى كلارينت الفاروق و الانامل الذهبية كارولين فاروق ام عمر طبعا بما ان العرسان قلوا فحجزنا الاستاذ عمر للمولودة ثم اتصل بى شمس الشموس شمس المدونين و كم سعدت باتصالها جدا جدا جدا و فرحت عقبال ما تفرح بنمرة 3 على حد وصفها و اشوف نور الدين عريس ثم روح قلب الملائكة فاتيما و عرضها على التبرع بالدم يارب يفرحك دايما يا رب و نفرح بيوسف و نشوفه عريس ثم ابن الصعيد مصطفى سيف يا رب يا مصطفى تقع على دماغك الطوبة و نفرح فيك و بيك ثم العزيزة الذيذة احلى ام فى الدنيا كلها فيض الحنان ماما zizi العزيزة الذيذة القلب العطاء الذى يعلم الجميع العطاء ثم القلب الطيب و الاحساس الصادق رامى ثم تليفون مصطفى يخبرنى بتهنئة اختى الجميلة ريماس و من موقعى هذا اقول لها لا تنسى الفستان يا ريماس لقد وعدتى و انا بتلكك ههههههههه  اشكرهم و اشكركم جميعا

نأتى للزغلول الكبير الانسة سولينا طبعا تعلمون انى مريض بالسادية و لكن هذه السادية فى تعذيبكم بالاسماء الغريبة هههههههههه كما تظنون و لكن بعد قليل تتعودون عليها طبعا ساليناز كانت مصممة على شمس او فاتيما و رشحت اسماء كثيرة مثل ريماس و فرح و فيروز و كاندى و كارولين و نوران و نور و انا كنت مزنوق زنقة الجبنة القديمة فى بلاص المش طبعا كان فى اتجاه ان ابقى اسم المدونة كما هو و لكن من قبل ان افعل جاءت اتهامات تتهمنى بالعنصرية و الاقصاء و انا فى حيص بيص هههههههههه و بعد تفكير جاء النصيب فى سولينا

الاسم ابسط من البساطة الاسم مقتبس من كلمة نرويجية هى سولاج و معنى الاسم المناضلة الثائرة
نأتى للترويج للاسم و على غرار الاعلانات التلفزيونية نقول لكم ان الاسم قابل للتغيير حسب المزاج فمن الممكن ان تنطقه سولين و معناه زهرة برية او زهرة الجبل و من الممكن ان تنطقه سيلين و هى الهة القمر عند الرومان و من الممكن ان تقول سيلينا و معناه وجه القمر و من الممكن ان يقال لها سولى المقطع الاول من سولتير كما ترون هو اسم اكس لارج قابل للتحويل اما بالنسبة لى فهو المناضلة الثائرة 
اشكركم كثيرا اخوتى و احبائى و اسعدتونى جدا جدا جدا جداااااااااااااااااااااااااااااااااااااااااااااااااااااااااااااااا

                                                           بلد سولينا بصحيح

هناك 53 تعليقًا:

Baskouta يقول...

سولينا اسم جميل وعجبني جدا
ربنا يبارك فيها وتفرح بيها
:)

وصف الاحساس يقول...

سيلين .. سيلينا .. سولاسي .. سلامتها ام حسن حتي
المهم نورت الدنيا وحمدلله علي سلامه الام
ربنا يبارك فيها ويجعلها قره عين لك ولامها وسند وعون
تحياتي

الـسـيـدة نـون يقول...

الف مبروك يا ابراهيم
ويارب مراتك تكون بخير وتكون قامت بالسلامة


واسم سولينا حلو كدة زى ماهو
هو غريب واول مرة اسمعه
لكن اسم مميز
ومعناه جميل جدا


ربنا يباركلك فيها هي واخواتها


سلام

اختك خيخة

الـسـيـدة نـون يقول...

ايه ده؟!!!!!!!

انت غيرت اسم المدونة فعلا ؟؟؟

طب والله برافو عليك
علشان محدش يزعل منهم
يبقوا كلهم سواسية

ربنا يخليهوملك يارب يا ابراهيم


هى دلوقتى المشكلة مش فى اسم سولينا

المشكلة دلوقتى انى مبقتش عارفة انطق اسم مدونتك



يلا سلام

اختك خيخة

حنين محمد يقول...

مساء الغاردينيا أستاذ ابراهيم
الف الف الف مبرووووووووووووك ولادة سولي دا اسم الدلع عشان سوزي وسولي ربنا يخليهم ليك والف الحمدلله على سلامة ام زياد ويحفظ لك المولودة الجديدة وأخوانها ويطرح فيها الخير والبركة ويجعلها من مواليد السعادة وممكن تبارك لام زياد ولسوزي ههههههههه عشان دلوقتي ماحدش قدها حزب البنات انتصر على حزب زياد :)"
؛؛
؛
دي بقى هدايا البيبي ..

https://www.boscovs.com/wcsstore/boscovs/images/store/product/images/0131556221327100.jpg

http://i.pgcdn.com/pi/74/52/45/745245024_640.jpg

http://imagecache.te3p.com/imgcache/16fbf0c29019968c9dcf30bcca950b4a.jpg

طبعاً دي الفساتين الي وعدتها بيها والاخير بقى فستان السهره :)

________________

نيجي بقى لتورتة سولي العسل :)
http://fashion.azyya.com/attachments/a/57632d1268569172-a-anniversary_cakes_03-1-.jpg

__________________

ودي بالونات الحفلة ..
http://design.rnon.com/wp-content/uploads/2011/01/balloon.jpg

__________________
وعلى فكرة اسمها يجننن بجد وربنا يسعدها ويكتب لها أيام حلوة ولوسمحت تقول لام زياد تبوسها عني ههههههه عشان حضرتك حتشوكها :)"
؛؛
؛
لروحك عبق الغاردينيا
reemaas

مصطفى سيف الدين يقول...

طيب و ماله سيلين او سولين انت لازم يعني تخلي البنت ثائرة
يا ابراهيم حرام عليك البنت هتعقدها من هي و صغيرة البنت رقيقة و طيبة تيجي تقولها سولاج ؟ ولا سولينا؟
الف مليون مبروك يا ريس و عقبال ما تكمل فريق الكورة و الالتراس بتاعه كمان :)
هافضل ادعي عليك كده مادام هتفضل تقولي طوبة و كلام من ده
تحياتي يا كبير

Casper يقول...

نورت المدونة وبلوجر كلها مرة اخرى يا استاذ ابراهيم

yosef يقول...

اخي ابراهيم

الف مبروك
والحمد لله على سلامتهم

وتتربى في عزك
وان شاء الله الخير كل الخير بقدومها
لكم ولمصر الحبيبة

نيسآان يقول...

الف مبروك اخي ابراهيم والحمدلله على سلامة المولوده والام.
ربنا يبارك لك فيهم ويحفظهم بخير
ال (سو) وال (سا) و ال (زي)

ههههههههه عن جد عذاب ...انا بالعافيه كنت اعرف اقرأ اسم مدونتك فيما قبل ال سو وهلا بدي ارجع اتهجاها من تاني :))

candy يقول...

أسم جميييييييييييل :))
بس واحدة صاحبتى مسمية بنتها سولينا قالتلى معناه ضوء الشمس .. كانت بتشتغلى ولا اتزنقت فى السؤال فقالت أى حاجة ؟ ;D

اسم أميراتى جميل ورقيق .. مبروك.

ولو انى كنت أفضل كارولين طبعاً .. بس معلش تتعوض فى البنت الجاية ;))

جارة القمر يقول...

مبروووووووووووووك ما شاء الله ولا حول ولا قوة الا بالله

ربنا يبارك لك فيهم و فى زوجتك و ينبتهم نباتا حسنا و قرة عين لك و لوالدتهم

عمرو يسرى يقول...

الف الف الف مبروك
ياصاحب امبراطوريه الاسماء الغريبه وربنا يباركلك فيهم و عقبال ماتفرح بيهم
ونشكركم على حسن ترجمتكم للاسماء
والى اللقاء فى اسماء قادمه

عمرو يسرى

شمس النهار يقول...

ااااااااااالف مبروك

وعقبال ماتجوزها
:)

موناليزا يقول...

ربنا يبارك لك فيها
وحمدالله على سلامة مامتها

عايزين بوست بتصرفات زياد وساليناز معاها :)

دعاء العطار يقول...

الف مبروووووووووووك يااستاذ ابراهيم

انا لسه عارفه حالا من التوبيك :)

ربنا يخليهالك يارب وتفرح بيها وتبقى اسم ع مسمى

مناضله وثائره :)

محمد الجرايحى يقول...

إن شاء الله يكون طريق مرسوم بالزهور والرياحين وكل ماهو طيب وخير، ومبروك أخى الكريم ابراهيم
وجعلها الله تعالى قرة عين لك وللأسرة الكريمة.
اللهم آمين

rona ali يقول...

هههههههههههههههه
ثائرة مرة واحده

انا عجبنى الاسم لاء بيجد يعنى عن جد
اسم موسيقي سلس ولي تدليعات كتير
:)))))))

الف الف مبررررروك وربنا يفرحك بآل سوسالزياد جميعا كدة ^_^

.. Asmhan .. يقول...

مبرووووك ألف ألف مبروك
ربي يسعدها ويحفظها
ويباركلكم فيها
تتربى فعزكم
حبيت الإسم ,, لطيف

Dr Ibrahim يقول...

ربنا يخليها وتتربى فى عزك ان شاء الله :)

هبة فاروق يقول...

اسم سولينا جميل اوى
ربنا يبارك فيها وتتربى فى عزك
الف مبروك

richardCatheart يقول...

لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووولى


يالف نهار ابيض ويالف نهار مبرك يا ابو زياد بما انى بموووووووووووووت فى البيبهات ونفسى فى بيبى موت ومستحيل اعملها تانى فانا فرحنه بعبط هههههههههههههههههههه ومشفقه عليكم من سهر الليالى وسولينا وجعورتها الانن ( الصغنونه ) اللى هتغزف اجمل السيمفو نيات على دماغ بابا ابراهيم هههههههههههه ربنا يديك الصحة وطوله العمر انت وماماتها وتفرحوا بيها ويارب يجعلها زريه صالحة ياااااااااااااااارب

اعتقد البوست الجاى هايكون مغامرات هيمة والبيبروانه ههههههههههه

يارب يحلى ايامكم والبنوته تبقى الحلى البنات على فكره اسمها فى منتهى الجماااااااااااااااااااااااااااااااااااااااااااااااااااااااال

صباحك ورد وفل يا شيخ القبيله

مصطفى سيف الدين يقول...

على فكرة ايهاب بيقولك الف مبروك و تتربى في عزك ان شاء الله

رؤى عليوة يقول...

مبرووووووووووووووك وحمدالله على سلامتها

وكده مش اكس لارج ده عدى 4 اكس بس جميله كل المعانى

معلش كان نفسى ابارك اول ما عرفت لكن ظروف الغربه بقى واوقات محدوده بدخل هنا

ربنا يبارك فيها ومبروك كمان تغيير اسم المدونه ربنا يزيد ويبارك يارب

دعواتى بكل الخير ويارب تشوفهم عرايس

افكار مبعثرة يقول...

ما شاء الله الف مبروووووووووووووووووووك ربنا يبارك فيها يا رب و تفرح بيها
بس ايه الاسماء الجامده دي:)
و حلو اسم اكس لارج دي هههههههه
ممممم اناديها سولا :)
تحياتي ليك يا ابو سولا

غير معرف يقول...

الف مليون مبروك .... وان شاء الله تتربى في عزك ... وربنا يبارك فيها وفي اخواتها ان شاء الله

وبصراحة الاسم جميل ....

انا عارف انه مصطفى وصلك رسالتي .... بس حبيت برضه ااكد عليها واتشرف بالمرور هنا واباركلك
ايهاب سيف :)

Mona Hekal يقول...

الف الف مبروك يا استاذ ابراهيم علي الثائرة الصغيرة و يارب البنوتة تكون وش خير و سعادة و فرح عليكم يا رب و اسفة علي التأخير و يا رب تكون مامتها بخير سلامي ليها وباركلها

ابراهيم رزق يقول...

Baskouta

الاجمل مرورك و اسمك
يارب نفرح لكى يارب

نورتينى
تحياتى

ابراهيم رزق يقول...

وصف الاحساس

فعلا المهم نورت و جت
ههههههههه

من العين و من الحسد
ههههههههههههههههههه
نورتينى
تحياتى

ابراهيم رزق يقول...

بتت خيخة
ام شريف الجدعة

بجد سعيد جدا ان الاسم عجبك
و لما الشهادة دى تيجى من نوران الشاملى تبقى حاجة كبيرة
بسيطة يا نوران
ضيفى سو الى سالزياد سوسالزياد
هههههههههههههههه

يارب يارب نفرح بشريف و نشوفه عريس و انت عارفة بقى العروسة تبقى مين

ههههههههههههههه

نورتينى
تحياتى

ابراهيم رزق يقول...

ريماس
ريماس ريمسو رموسة
يارب اشوفك عروسة

ههههههههههههههههه
حلو قوى اسم الدلع ده
ايه يابنتى الهدايا دى كلها
مكلفة نسك تورتة شوكلت و فستان سواريه بنك زى العسل
و فستان تانى
بجد ذوقهم يجنن
ههههههههههههههه

ايه انتى هتضحكى علينا بهدايا كده لا اخوكى مادى جدا
عايزين حاجة نمسكها فى ايدينا
و عايزين حاجة ناكلها مش تجوعنا
ههههههههههههههه

سعيد ان اسمها عجبك
بجد يا ريماس يارب اشوفك بالفستان الابيض

نهارك معطر ببرفن فرنسى

ابراهيم رزق يقول...

مصطفى سيف

بنعمل تطوير للصعايدة اهو و بنجدد فى الاسامى
هههههههههههههههههه
يا رب برده الطوبة تقع على دماغك
هههههههههههههههههه

نورتنى يا بلديات
تحياتى

ابراهيم رزق يقول...

كاسبر

ده نورك بجد و الله العظيم

نورتنى
تحياتى

ابراهيم رزق يقول...

يوسف

اشكر سولينا لانها جعلتك تشرف و تزورنى

دائما ما تحمل استاذى اجمل المشاعر لكل من حولك

نورتنى
تحياتى و تقديرى

ابراهيم رزق يقول...

نيسان

اختى الغالية


هههههههههههههههههه
السو و السا و الذى بيسلموا عليكوا

بسيبطة و الله اكنك بتقولى اسم و بتسبقيه ب سو
هههههههههههههههههه

نورتينى بجد
تحياتى

ابراهيم رزق يقول...

كاندى

كويس ان الاسم عجبك
لا قويلى لصاحبتك تراجع معلوماتها
هههههههههههههه

ههههههههههههه
طبعا اسم كارولين اجمل و تتعوض فى الجاية
انا مستعد لكن هل ام زياد مستعدة مفتكرش

نورتينى
تحياتى

ابراهيم رزق يقول...

جارة القمر

متشكر جدا و ربنا يبارك فيكى و يخليكى
نورتينى و اسعدتينى بدعائك و تعليقك

نورتينى
تحياتى

ابراهيم رزق يقول...

الموجى

ههههههههههه
حرام عليك مرة تانية لا حرام
عقبالك انت و نختار لك اسماء احلى

نورتنى
تحياتى

ابراهيم رزق يقول...

شمس النهار

شمس الشموس

بجد دايما بتسطعى بشمسك و و تسعدينا تنورينا

خطيبة نور الدين
ههههههههههههههههه

دايما منورة
تحياتى

ابراهيم رزق يقول...

موناليزا

ربنا يبارك فيها و يخليكى

ههههههههههههههه
حاضر من عينى انتى تؤمرى

ابراهيم رزق يقول...

دعاء العطار

الله يبارك فيكى و يخليكى

هههههههههههههههههه
مناضلة و ثائرة
طب حاضر

دايما منورانى
تحياتى

ابراهيم رزق يقول...

محمد الجرايحى

جميلة جدا دعواتك الكريمة

يارب نفرح باولادك و نشوفهم عرايس و عرسان
شرفتنى استاذى
نورتنى حقيقى
تحياتى

ابراهيم رزق يقول...

rona ali

ههههههههههههههههههههههههههه
اه مرة واحدة

يالله دلعيها زى ما هى عاوزة

يارب اشوفك عروسة و افرح فيكى و بيكى
هههههههههههه

نورتينى
تحياتى

ابراهيم رزق يقول...

soma

اللطيف هو زيارتك و تعليقك و مجاملتك و دعائك الجميلين

نورتينى
تحياتى

ابراهيم رزق يقول...

Dr Ibrahim

تشريفك و دعوتك لى هى الاجمل
ربنا يخليك لنا

نورتنى
تحياتى

ابراهيم رزق يقول...

هبة فاروق

ههههههههههههه
ينفع يتلحن ع العود

ربنا يخلى لكى نيروز
يارب تفرحى بيها
دائما ما تسعدنا عائلة الفاروق

نورتينى
تحياتى

ابراهيم رزق يقول...

richardCatheart

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

اجمل زغروطة شفتها

ليه مستحيل انا كنت بقول كده لكن ربك لما يريد
ههههههههههههه
على العموم اتفضليها متغلاش عليكى

اكنك كنتى موجودة بدء ترددى ع الصيدليات بعد ما كنت نسيت

سعيد جدا جدا جدا بتعليقك
نورتينى و ربنا يخليكى لولادك و زوجك

نورتينى
تحياتى

ابراهيم رزق يقول...

مصطفى سيف

اجدع سلام صعيد شحط محط للعزيز ايهاب

ابراهيم رزق يقول...

امة الرحمن

ههههههههههههههههههههههههه
الاجمل هو مرورك و تعليقك
تعليقك هو الاكس لارج بجماله

و لا يهمك بس متنسناش بفستان و من قدم شىء ييداه التقاه
ههههههههههههههه

نورتينى
تحياتى

ابراهيم رزق يقول...

افكار مبعثرة

هههههههههههههه

الاسم اللى يعجبك ناديها بيه

مبسوط ان الاسم عجبك و متشكر لمجاملتك الجميلة

نورتينى
تحياتى

ابراهيم رزق يقول...

ايهاب سيف

بجد متشكر قوى قوى يا ايهاب و مش عارف اقول ليك ايه

عقبال يا ايهاب و نروح ليك جنا
هههههههههههههههه
نورتنى
تحياتى

ابراهيم رزق يقول...

منى ابو السعود

ربنا يخلى ليكى على و سلمى
هى بخير و الحمد لله
متشكر جدا على تعليقك و سلامى الى عهائلتك جميعا

نورتينى
تحياتى

نسرين شرباتي "أم سما" يقول...

معلش أنا لايصة حبتين
مشفتش البوست ده إلا دلوئتي :)
فاعذرني يا أخي على التقصير
ألف ألف مبروك الاسم الجميل ده
لما أجيب المرة الجاية الطقم الثاني "كمان ثلاث بنات" حستشيرك في الأسامي الغريبة الجميلة
ألف ألف مبروك على البنت
وربنا يبعتلك برزقتها أصل البنات مرزوقات من عند الله :)
وألف الحمد على سلامة أم زياد
:)
بلد سين صحيح :) :)

ليلى الصباحى.. lolocat يقول...

السلام عليكم
ماشاء الله لاقوة الا بالله

مبرووووووووك اخى ابراهيم واسفة جدا للتاخير ما عرفت الخبر الا الان سامحنى

http://forum.makkawi.com/imgcache/54772.imgcache.gif

http://www.al-wed.com/pic/5391.gif

http://al-khattabi-up.com/up//uploads/images/al-khattabi-fd17692157.gif



جعلها الله خير وسعادة للاسرة كلها ورزقها الصلاح والتقوى و جعل جمالها فى قلبها وخلقتها وخلقها

الف مبرررررررررروك وانبتها الله نبات حسن وجعلها صالحة طيبة
تحياتى لك وباقات ياسمين تعطر يومك