الأربعاء، 14 مارس 2012

نداء للى عنده دم

زمان فى الخمسينات او الستينات مش فاكر كنت رايح الاستاد و كان ماتش للاهلى و كانت الفلوس على قدها طالب فى ثانوى يا دوبك تذكرة الماتش و تذكرة الاتوبيس و ممكن اجى من الاستاد مشى وجدت سيارة للتبرع بالدم و يعطوك تذكرة للمباراة طبعا تقدمت و انا اقدم رجل و اؤخر رجل و تبرعت و اعطونى التذكرة و هدية اعتقد تابلوه صغير و من يومها تعودت على التبرع بالدم لن اقول لكم فوائد التبرع بالدم للجسم و لكن من يذهب الى المستشفيات يعرف اهمية نقطة الدم و اقرب مثال ان زوجتى تأجلت ولادتها لعدم وجود دم و تأجلت يومين و من اكثر المهتمين بالتبرع بالدم نوران الشاملى ام شريف الجدعة و موعد حملتها الجمعة القادم فنداء لكل من عنده دم ان يتبرع و هذا هو  لينك المدونة استمتعوا بالمدونة و حملة ام شريف الجدعة للتبرع بالدم

و دلوقتى لكل المتبرعين سوفنير صغير اغنية الصوت الدافىء محمد قنديل سحب رمشه
ملحوظة هذه اول مرة اعلن عن شىء بالمدونة و ذلك لاهمية الموضوع جدا و ثانيا بحاول اتعلم شىء من ام شريف الجدعة 


هناك 14 تعليقًا:

مصطفى سيف الدين يقول...

ربنا يوفقكم لفعل الخير دايما

حَنيّـن نِضال يقول...

جعله الله في ميزان حسناتك و يوفقكم انت و الاخت نوران لفعل الخير و يجازيكم عليه خييير

زينة زيدان يقول...

لك الأجر والثواب إن شا الله

بالتوفيق

فاتيما يقول...

ايه دا ؟؟؟

مفيش انا جاى ف وسط الكلام ليه ؟؟
اوعى تكون مش جاى ؟؟؟

هدور فيهم الضرب كلهم
بس بعد التبرع عشان محدش يبقى فيه نفس يكااااوم

:)

اشوفك على ألف خير
ان شاء الله انتا وسالى حبيبتى

استنى ...
نسيت اقول
حلو الأسم الجديد للمدونة قوى
زى ما يكون كلمة أيطالى كدا
:)

عقبال المقطع الرابع بقى
:)))

شمس النهار يقول...

اعتثقد ان اليوم ده ويوم البؤجه من اهم ايام المدونين

ربنا يكرمكم جميعا

اما الاغنية دي
جمييييييييلة
ام كلثوم قالت علي صوت قنديل
زي اللي معاه قروش وعمال يحنسنا بيهاويشخلل من غير مايديهالنا

حنين محمد يقول...

مساء الغاردينيا أستاذ ابراهيم
لن أتعجب إعلان كـ هذا في مدونتك وكيف لا وهي مدونة أستاذ ابراهيم وماأجمله من إحساس حين تتبرع بـ الدم صدقني أدرك ذلك جيداً وأنا من تزور المستشفيات أكثر من منزلها :) والحمدلله على كل حال ..
أستاذي الله يجزاك خير ويجعله في موازين حسناتك أنت والرائعة نوران ..
ربنا يحفظ لك أبنائك ويهبك الصحة والعافية "
؛؛
؛
لروحك عبق الغاردينيا
كانت هنا
reemaas

الـسـيـدة نـون يقول...

يااااااااااادى النيلة

هو احنا كنا عرفنا نحفظ اسم المدونة الاولانى
لما تغيره تانى يا ابراهيم

ارسيلك على بر بقى
سوسالزياد
ولا سالزيادسو؟

المهم
انا جاية اشكرك جداااااا
على البوست ده
رغم ان من عنوانه انا كنت متوقعة حاجة تانية خالص


الف شكر يا ابراهيم

ودايما يارب مشارك معانا


اشوفك على خير ان شاء الله انت وساليناز


شكرا بجد


سلام

اختك خيخة

نسرين شرباتي "أم سما" يقول...

جزاك الله كل الخير :)

Bent Men ElZman Da !! يقول...

ربنا يوفقكم للخير دايماً
نفسى اجى معاكم والله :(

ليلى الصباحى.. lolocat يقول...

بارك الله فى الجهد الطيب وجعل عملكم بميزان حسناتكم

موفقين دايما يارب


******************
وجميل اسم المدونة الجديد :)

تحياتى وتقديرى لك اخى ابراهيم

faroukfahmy يقول...

دائما انت يا ابراهيم سباق فى فعل الخير
هذا التبرع اهم من التبرع بالمال المال ممكن تدبيره انما الدم ليس له بديل

فافى يقول...

طبعا هى حاجه انسانيه جدا بس انا عندى استعداد اعمل حاجات انسانيه كتير لكن دايما بتوجس خيفه من حكاية التبرع بالدم دى
دايما بخاف لاحسن يكون فى حاجه ملوثه تجيبلى مرض ما ومقتنعه فى قرارة نفسى انى كده هارمى نفسى فى التهلكه يعنى بصراحه خبرة التبرع بالدم دى مش حلوه عندى لو تقدر تغيرهالى انا على استعداد اتبرع من بكره لو فعلا انا غلطانه

بسمة الورد عطر المشاعر يقول...

تذكرة تحمل فى طياتها الوفاء والمسؤليه

جوزيت خيرا استاذ ابراهيم

هبة فاروق يقول...

ربنا يباركلك يا استاذ ابراهيم ويجعله فى ميزان حساناتك

سلملى اوى على الكتاكيت وبالاخص سولى الصغيره
تحياتى