الاثنين، 19 مارس 2012

الرئيس الطرطور و برلمان بترتر

وعدتكم الا اكتب فى السياسة لان دمى بيصبح ثقيلا معكم كل الحق و لكن الاحداث التى تدور من حولنا تجبر الاصنام على التكلم ففى وسط انتخابات الرئاسة و الصراع المحتدم بين الفريق فشيق و الشيخ ابا سماعين و مرتضى سيديهات  وقف الجميع حائرون يتسائلون فى جنون الاخوان و السلفيون من ينتخبون طبعا اعلن السلفيون انهم لن يرشحوا مرشحا و سيتركوا الحرية لاعضائهم و ان لمحوا بابا سماعين اما الاخوان فلم يرسوا على بر

و فى وسط الاحداث الصاخبة و الانتخابات الحاسمة حدثت انتخابات لجنة وضع الدستور باختيار خمسون فى المائة من هذا المجلس المشكل من مجموعة من العاهات و المشكوك فى صحته و مرفوع ضده مئات من القضايا بخمسون فى المائة من اللجنة بل يخرج الينا المتحدث باسم الاخوان يخبرنا بأن حزب النور كان يريد 70% من اللجنة و لكن بعد محايلات و خليها عليك و عشان خاطرى تنازل و قبل بال 50%  بينما فى نفس التوقيت يخرج علينا الشيخ المحلاوى شاهرا منديله المحلاوى و يقول هو انتو عايزين ايه انتخبتوهم يعنى يحطوا الدستور لا و حياة روح اهلك هو انتخابك معناه اقصائى و ابعادى مثلا هل سيتغير الدستور مع كل انتخابات برلمانية طبقا لنتيجة الانتخابات اسف سيادة الشيخ المحلاوى ان اقول لك ما هذا الجهل الذى تتحدث به سيادتك تتحدث فى الدين اقول لك امين او لا اقول طبقا لقناعتى اما ان تتحدث فى دستور و سياسة فقف محلك و اعرف انت بتكلم مين الدستور فى العالم كله توافقى يشترك فيه كافة طوائف الشعب الدستور وضع لكى يحمى الجميع و يعبر عن الجميع لا لينفرد به تيار دون غيره و اى اعضاء برلمان سيضعون الدستور هل هؤلاء الاعضاء الذين قدموا قوانين من نوعية

  1. مشروع قانون لالغاء الانجليزية
  2. مشروع قانون لتنفيذ حد الحرابة
  3. مشروع قانون لاغلاق المواقع الاباحية
  4. مشروع قانون لمكافحة الشذوذ الجنسى
  5. مشروع قانون لمنع التظاهرات
هذه عينة من المشروعات التى قدمها هذه البرلمان لم نسمع عن خطوات جادة و مشروعات تهم الناس بل اغلبها مشروعات لتأديب الناس و سمعنا خلال شهرين عن نوعية من النواب لم نسمع عنهم من قبل نائب الهولز و نائب الاذان و نائب الانجليزية و نائب الانف و غيرها من المسميات طبعا انا اصدق الاخوان فى عدم ترشيحهم رئيس لانهم قرروا ان يكون الدستور برلمانى به كافة المواد التى تضمن لهم الركوب و اقصاء الجميع اما الرئيس فهو رئيس طرطور خالى من كافة الصلاحيات العبوا به و افرحوا به و البسوه افعلوا به ما يحلوا لكم اما البرلمان فهو لى اه يا برلمان راقصين بترتر
                                                     بلد بترتر صحيح
                                                      
 

هناك 30 تعليقًا:

هبة فاروق يقول...

رغم انى مليش فى السياسه
بس بجد كلامك قلقنى
ربنا يستر والرئيس ميكنش طرطور
ربنا يستر على مصر وعلينا

شمس النهار يقول...

مش الدستور ده حرام

؟؟!!
:)))

لــــ زهــــــراء ــــولا يقول...

ربنا يختار لمصر الاصلح ويدبر لمصر

لولا

faroukfahmy يقول...

مفيش فايده ياابراهيم يموت الزمار وصباعه بيلعب
صوابعك ما تعبتشى يا ابراهيم من السياسة وهمومها خللى وقت شوية لاولادك وبيتك يا اخى والكتكونه الامورة اللى بتصوصو لامها وانت ولا هنا اصل البلد بصراحة الصراحة خربت خربت عميت عميت وقابلنى يا ابراهيم فى العباسية عن الترمواى ابو سنجه اللى بقالوا سنين لم يتحرك وللآسف انا منتظر لما يتحرك
اهى بلادنا دى يا ابراهيم بقت زى هذا الترمواى والاخر احنا اللى هتزقه مش هوه اللى هيوصلنا

مصطفى سيف الدين يقول...

طيب حضرتك متوقع ايه ؟
ما ده طبيعي
يعني الاعضاء اللي هيحددوا كيفية تشكيل اللجنة يجيبوا اكتر من النص من براهم ازاي؟
يعني تعبهم ده كله و كل الفلوس اللي دفعوها و يسيبوها كده؟

reemaas يقول...

ترتر
ههههههههههههههههههههههه

ترتر صحيح

فى انتخابات الرئاسة احنا بنلعب بخطة محكمة وهى 4-2-2

اربعه اخوان واتنين سلفيين واتنين فلول متمردين

انا هرشح الحكم عن نفسى وابقى قابلنى لو فهمت حاجة يا ابو زياد

رؤى عليوة يقول...

مين قال لحضرتك متتكلمش سياسة
اتكلم سياسة :)

برلمان والله بقالى كتير حرمت اسمع اخبار بس اظبط ضغطى وارجع تانى
عارفه مهيكونش فيه اى تغيير

هما لسه بيظبطوا العنبر عشان المخلوع مش كده :)

لنا الله ولمصر

بجد حاجة تجيب ضغط وسكر
واكتررررررر


تحياتى

Hanan Elshafey يقول...

هووووووووووووف
هي البلد دي بقى فيها حاجة عدلة لما حضرتك تستغرب عالكام موقف دول
انا عجبني المقال جدا بصراحة
بس عموما يعن انا شايفة انها خلاص
باظت

محمود من الرياض يقول...

اليس هذا هو البرلمان الذي انتخبة الشعب وفي انتخابات نزيهة 00000 كنت دائما ومازلت اعرف ان طريق الديمقراطية الحقة لم يحن بعد في مصرنا وحتي يحيين لابد ان نقضي علي الجهل والامية اولا حتي يصبح المصري قادرا علي اختيار من يمثلة وفي نفس الوقت يعرف من لم يتم انتخابة ان تلك هي ارادة الشعب فيسكت ويفسح المجال لمن انتخبة الشعب ولذا انا ضد ما حدث في 25 يناير ليس فقط لتأكدي ان ما حدث هو مخطط خارجي فيما عرف بالفوضي الخلاقة الامريكية وانما ايضا لمعرفتي ان اغلب شعبنا مازال لايفهم معني الديمقراطية ولايعرف ان يختار من يمثلة وياريت لم يحدث 25 يناير ولم نري مانراة في مصرنا من فوضي وخراب ووجوة غريبة وافكار اغرب وانقسام للشعب

ريهام المرشدي يقول...

قدامنا فررصة اختيار الرئيس الصحيح الي يضع كل واحد في حجمة الطبيعي ,,, دعونا نأخذ بالأسباب و ندقق الاختيار

شمس النهار يقول...

شوفت موضوع الرئيس التفاعلي التزحلقي التفائلي اللوزعي دي
:))
الوفد كاتبه ان صباحي هو اول مرشح للرياسة تفاعلي
:))))
ونبي احناالمصريين مالناش حل

ستيتة يقول...

مصر بتتغير وده عن جد وبحج وحجيج
ومصر لمدة يعلمها الله مش ها تكون مصرنا ها تكون مصرهم..مش ناها نوها
وربنا يعديها على خير ويبعد عنا شر الضغط والسكر
تحياتي

ريري كربكه يقول...

اسعدني جدا تواجدك في مدونتي المتواضعه نورتني طبعا
وسعدت ايضا بتواجدي في مدونتك الجميله
اما عن تعليقي لا ستاذ فاروق
فكان نفسي اقول اكتر من كده بس فجاه وانا بكتب حسيت اني لازم اذكر رسول لله وعن عشقنا الحقيقي
اما عن البوست فخوفتني اكتر عن البلد لاني اساسا مش عارفه انتخب مين لاني طبعا محدش فينا عارف الناس ديه
ذي ما بيقولك تعرف فلان اه اعرفه طيب عشرته لأ يبقى متعرفهوش
بجد انا محتاره بس اذا كان فعلا هيبقى ذي قلته يبقى ربنا يستر لاني بجداتخنقت من البلد ديه
لاني لحد وقتنا هذا مش عارفين يقيموا عدل فيها ولا ياخدوا حق الشهداء
حسبنا الله ونعم الوكيل
شكرا ليك استاذ ابراهيم
تحياتي لك
واسفه طولت عليك

حسن ارابيسك يقول...

الأستاذ العزيز/ إبراهيم رزق
أشكرك على تواصلك الجميل بهذا الشكل الرائع عن وعي مرجعه بعض من الدراسة
سيدي الفاضل اسمح لي أختلف معك في بعض الجزئيات التي بدأت حضرتك بها وتفضلت
بشأن (لايصح قول قصة مستلكة وتيمة مستهلكة)..! بل يصح وهذا مصطلح فني أقرب منه لغوي وهو مستخدم لكل من ليس في جعبته وقريحته المهنية والفكرية والفنية شئ جديد يقدمه وهنا يطلق عليه النقاد ( افلاس ) عندما يقدم لنا نفس القصة كما هي بعد استخدام لغة أخرى وملابس أخرى وبيئة مغايرة دون معالجة جديدة تماماً للفكرة تناسب البعد الزمني والمكان الجديد فهو أذن لايعرف معنى كيفية معالجة روح الفكرة ( حط ميت خط تحت روح الفكرة ) وأنا قد كتبت للأخت الفاضلة كارولين تعقيب أخر فيه مساحة اكبر لهذه النقطة قبل تعقيي عليك
وكلامك سيدي الفاضل صحيح في جزئية ( والا توقفت كل قصص موليير وشكسبير) ولكن متى يحدث..؟ يحدث هذا عندما يقف ويتجمد ويتحجر العقل عن الإبداع في معالجة جديدة وهي على حد قولك ( اقتبس منها الالف المرات ) ولكن ليست كلها نجحت مع مقتبسيها فمنهم من لم يقدم لنا معالجة جديدة وأعتمد على سابقيه في نقل معالجة سابقة
وأنا ذكرت محمد صبحي في كارمن لأنه المثال الصح والأدق ولم أذكر هاملت لأنها كما ذكرت حضرتك تماماً قدمت كما هي في شكلها الكلاسيكي فلم يقدم معالجة جديدة لها على الاطلاق، فهل معنى هذا انه وفق وانها نجحت لا لم تنجح.
أما بشأن طريقة النقد فأنا لم أقل ان الناقد الفني برغم تخصصه ودراسته أن يقترح شيئاً أخر ومصطلح يقترح ده يطلق ياسيدي الفاضل لو كان متواجدا اثناء العمل فيسمى اقتراحاً وهذا بالطبع لايحدث، لكن ماتبديه انت من رأي بعد انتهاء العمل يسمى وجهة نظر فنية ناقدة عن متخصص لما كان يجب ان يكون عليه العمل والأهم من ذلك وأوضحه أن نقد العمل ياسيدي في جوانب سلبياته هو بالتأكيد يعلن على أن هناك رؤىَ أخرى كانت أصلح وأقدر لخدمة العمل الفني
وأنت اعترفت بنفسك سيدي الفاضل ان التيمة لم تكن في فيلم المرايا فقط بل في العديد من الافلام والمسلسلات وذكرت بلسانك قد يكون المكان جديد وقد يكون الحوار جديد وقد يكون سوء الحوار هو الجديد وبذلك لم ولن يعلق عمل واحد منهم مع الجمهور لأنه اعتمد على المعالجة السابقة وفقط كل ما قدمه من جديد مكان ولهجة وحوار وبالمناسبة أنا تحدثت عن الزمان والمكان كمثال لمعالجة جديدة طبقا لتغير تركيبة وعادات وثقافة الناس فما قد يؤمن به الشخص ويعتنقه من عادات في قرية او مدينة من خمسون عاما قد لايصبح موجوداً اليوم وبناءً عليه تبني معالجة جديدة تماماً وفق هذا التغيير داخل الشخصية فهل الشخصية المصرية للفتاة بتنوعها الثقافي والجغرافي مثلا في الخمسينات هي نفس الشخصية الموجوده اليوم..؟
وأخر نقطة ان سمحت كيف تتعرف على كاتب تقرأ له عمل لم يوضع أسمه عليه فتعرفه من اسلوبه وروحه ومفرداته..الا اذا كنت قد قرأت له تقريباً على الأقل عشره من كتبه بالحجم المتوسط
الأستاذ الفاضل/ ابراهيم رزق
أرجو الا أكون قد أثقلت عليك وعلى وفي نفس الوقت اشكر تلك التدوينة ( بخاطرها ) لأنها أتاحت لنا فرصة الحوار بشكل جميل ولائق وذا هو الهدف الحقيقي من التدوين وليس الفرح بكل من يصفق ويهلل لنا على كل ما نكتبه بمجاملات زائفة لمجرد وضع توقيع رابط مدونته.
والأن اتركك في رعاية الله
تحياتي
حسن أرابيسك

شمس النهار يقول...

كل سنة وانت طيب ياابراهيم

وفرحان بأحفادك كده من زياد وساليناز وسولينا

اه ياني من الاسامي

:))

ابراهيم رزق يقول...

هبة فاروق

ربنا يستر و يكون كلامى خطأ

نورتينى
تحياتى

ابراهيم رزق يقول...

شمس النهار

الله اعلم ههههههههه

نورتينى
تحياتى

ابراهيم رزق يقول...

لولا و زهراء

ربنا يختار الاصلح يا رب

نورتينى
تحياتى

ابراهيم رزق يقول...

لولا و زهراء

ربنا يختار الاصلح يا رب

نورتينى
تحياتى

ابراهيم رزق يقول...

فاروق فهمى

هههههههههههههههه
اعمل ايه يا استاذى و الله هما اللى بيجبره الزمار ان صباعه يلعب
حاضر من عينى يا استاذى
رحت العباسية ملقتش التروماى
لقيت مترو الانفاق الجديد
هههههههه
نورتنى
تحياتى

ابراهيم رزق يقول...

مصطفى سيف

يا فاهمنى انت يا مصطفى
هههههههههههههههههه
لا و بيقولوا الحق معاهم
بجد بجاحة

نورتنى
تحياتى

ابراهيم رزق يقول...

reemaas

ايه يا نوووووووووووووووور
ايه الحكم و الخطط دى
بس يا ترى الحكم من بره و لا عبد المعز اللى جايبه
هههههههههههههههه

نورتينى
تحياتى

ابراهيم رزق يقول...

امة الرحمن

الف سلامة عليكى من الضغط و السكر

بس بجد انا تقريبا هتشل منهم و من طلعتهم البهية و غبائهم السياسى

نورتينى
تحياتى

ابراهيم رزق يقول...

حنان الشافعى

اولا برحب بيكى فى الاول
و سعيد ان ما اكتبه نال اعجابك

البلد فيها حاجات عدلة كتير بس لما يمسكها ناس عدلة
نورتينى
تحياتى

ابراهيم رزق يقول...

محمود من الرياض

الوعى ليس له علاقة بتنعليم او امية
يوجد الكثير جدا من المتعلمين و لكن بلا وعى
الديمقراطية لا تتعلم الا بالممارسة لذا انا غير حزين على نتيجة انتخابات البرلمان لانى اعتقد انه فى المرة القادمة سيكون الاختيار افضل

نورتنى
تحياتى

ابراهيم رزق يقول...

ريهام المرشدى

اتمنى ان نحسن الاختيار
و ان يكون الرئيس له صلاحيات

نورتينى
تحياتى

ابراهيم رزق يقول...

شمس النهار

اللى يعيش ياما يشوف

ههههههههههههههه

نورتينى
تحياتى

ابراهيم رزق يقول...

ستيتة

بجد يا دكتورة انا خايف من اللى انتى بتقولى عليه

ربنا يخيب ظنى انا و انتى

بجد نورتينى
تحياتى

ابراهيم رزق يقول...

ريرى كربكة

اولا عجبنى الاسم و يا ريت اعرف الاسم الحقيقى
هههههههههههههه
انا اللى سعيد بزيارتك

ربنا يستر و يجى رئيس يتقى الله و يكون فاهم و واعى
و يارب نحاول نفهم

نورتينى
تحياتى

ابراهيم رزق يقول...

حسن ارابيسك

نورتنى بزيارتك
و لقد قمت بالرد عند الاخت كارولين

نورتنى مرة اخرى
تحياتى