الخميس، 12 أبريل، 2012

غواص فى ترعة النغم 5

مقدمة صغيرة
                          كلام مجانين
ليس معنى خروج تاجر المخدرات براءة انه برىء
ليس دائما الحكم عنوان الحقيقة
دستور 54 الذى وضعه اباطرة الدستور حرم الاسرة المالكة من تولى اى مناصب 
بعض الثورات تتحول لحركة ترقيات
وضح ان غزوة الصناديق شبيهة بغزوة احد حيث تفرغ الجميع لجمع الغنائم فانقض عليهم الكفار و هزموهم

                                                          ليلى مراد

طلب منى ملكنا الفاروق ان اغوص و اخرج بعضا من جواهر ليلى مراد و طلبات الفاروق اوامر و ليسمح لى فاروقى ان اهدى انا و انت هذه الغطسة لروح القلب الملائكية لاطيب قلب موجود فى الكون ام الجميع بحنانها و رقتها فاتيما هانم على سن و رمح ام جو 


 
انتهينا

مش انتهينا و اللى كان اهو كان .... و كل واحد منا راح لمكان
لكن بقولك انت ظالمنى .... و مش بقولهالك عشان ترحمنى
ده امبارح انت ... و بكره انت ... و بعده انت
انت حبيبى حبيبى حبيبى
حس بقى يا اخى تلاتة حبيبى عايز ايه بقى

عينى فى عينك ياللى عنيا مشفتش راحة
بينى و بينك ليه نستنى و ازاى تفوتنى قول بصراحة
مورينى معاك الويل ... منسينا انام الليل
مسهر البنية و موريها الويل حس يا جبلة بقى

و ان كان حد يبقى قلبه عليك يبقى انا يا حبيبى
و ان كان حد روحه فيك برضوا انا يا حبيبى
و حبيت اقولك انك ظالمنى و مش بقولها عشان ترحمنى
ده امبارح انت ... و بكره انت ... و بعده انت
شفت بقة البنية متشحتفة عليك قد ايه و بتحبك ازاى


جراح قلبى بتبكى عليك
و بايدك انجرح قلبى
و راح عمرى و انا حواليك ... دموع تبكى على حبى
لا فى ليلى انور اتونس بيه ... و لا فى النهار ظل ترتاح فيه
يعنى ليل و نهار مغلبها يا عم

الكلمات للشاعر المبدع مامون الشناوى
و الالحان للعبقرى المظلوم رؤوف زهنى

و دى اغنية جميلة جدا كلمات بسيطة و عبقرية و لحن فى غاية الروعة و بترد على اغنية انتهينا اى دويتو


العيش و الملح
كلمات مامون الشناوى
 و الحان رؤوف ذهنى
من هو روؤف ذهنى
عبد الرؤوف ذهنى احمد ذهنى
مواليد 1924 و توفى سنة 1985
كان عبد الوهاب يرى انه مطرب جيد و لحن له اغنيتان
لحن لليلى مراد عدد من الاغانى منها سنتين و انا احايل فيك 
لحن لعبد الحليم حافظ و شريفة فاضل و مها صبرى و شهر زاد و محمد قنديل و اغلب مطربى عصره كما لحن لبليغ حمدى فى بداية حياته اغنيتان عندما كان مطربا
له قصة شخصية مع عبد الوهاب لو ارادتوا ان احكيها لكم فى بوست قادم



هناك 17 تعليقًا:

شمس النهار يقول...

البوست ده دماغ عالية جدا
:)))

السطرين الجامدين الاولانين

والاغاني بتاعة الجميلة ليلي مراد

:)

الاحلام يقول...

ياله من زمن جميل زمن فيه مطرب وملحن ومؤلف على مستوى عالى فلابد ان تكون النتيجه رائعه النتيجه هى امتاع للمستمع والمشاهد
تحياتى لاختياراتك الرائعه وتحيه للفاروق صاحب الفكره الجميله
تحياتى ابوداود

re7ab.sale7 يقول...

بموت في ليلي مراد ودايما ليها اغاني عالقة معايا
يعني مثلا النهاردة كانت معلقة معايا علي اغنية اطلب عنية
وبحب دايما يا مسافر وناسي هواك
اما الاغنيتين دول
بجد فروعة
تسلم ايدك
ومستنين الحكاية
مساء البنفسج

faroukfahmy58 يقول...

يا اعز من عيتى قلبى لقلبك مال يا ايها الخليل خليلى ابراهيم
نعتنى بالملك وانت احق منى بالملك
يا ملك الــذوق
يا ملك الجمايل
يا ملك النقـــد
يا ملك الابـــداع
با ملك الوسامة والهيبه
يا ملك الكلمةاللآذعة
يا ملك الكلمة الحانية
يا ملك الرومانسيـــــة
يامالك قلوب عاشقى النخوة الرجولية رجالا ونساءا
اذكر اننى فى اول لقاء معك فى ميدان التحرير ولم نكن قد رأينا بعض من بعد او قبل ووجدتك خلفى تحجب يدك على عيتى لافاجأ بوجه فنان امتلك كل ادوات الوسامة وحسن المظهر بين الطللة والطلعة
امامى وجه رشدى اباظة وانا اول من اكتشفت من اهل المدونين هذا الشبه وان كانت الملائكية فاتيما قد استبعدت هذا الشبه فى يوم البؤجه وقالت ليس هناك شبيها لرشدى اباظة وانا على يقين انها تقصد انك لست شبيها به بل انت احلى منه وسامة ونخوة ورجولة وفخامة
وفضل الملائكية علينا كثيرافى حضورها وتواجدها الدائم ومشاركتهالنا فى كل ما يهمنا ويشغلنا ونريده ونبتغيه ونسعى اليه وصولا للكمال الملائكى
ونصبح على خير ياراكب الترومواى ابوسنجه من الشمال هروبا من دفع التذاكر
الا اننى استبدل عبارة الغطسة مع ليلى مراد يعبارة الطفيع الحانية لام جـــــــــو

لجين الغيوم يقول...

لاادري اعتقد ان اسم مدونتك هو حروف من أغلى ماعندك ولكنني أهفوا كثيرا لاطلاق لقب عليك اتمنى ان تسمح لي أن القبك به (غواص في بحر المعاني) أراك هكذا تضرب قلب العتيق لتخرج لنا درر وفرائد وتاتي لنا باروع الألحان وتذكرنا كيف يكون الوفاء ردا جميلا على ماوهبنا هؤلاء من معنى ونغم.... سيدي ابقى حيث بحور المعنى غواصا ... ولقلب هذا الزمن أمينا ساردا ... ولنا صديقا لانمله أبدا
تحياتي ايها الغواص

faroukfahmy58 يقول...

اعتذر للخطأ الاملائى واستبدل بدلا من الغطسة الى الطفية الملائكية فمثلها لا يغطس بل يطفوا الى عنان السماء

ريهام المرشدي يقول...

أنا فوقت فجأه لقيت البوست خلص :)
شكرا جزيلاً لك

فافى يقول...

زى ماقالت شموسه
بوست دماغ عاليه واغانى ليلى مراد تحفه فعلا وكمان انا من عشاقها
تحياتى لقلمك وذوقك :)

faroukfahmy58 يقول...

انا نسيت اقوللك ياابراهيم
احكى احكى يا شهر الابراهيم عن رؤوف ذهتى الذى لم ياخذ حقه حيا او ميتا واما اكثر فنانينا امثاله
شكرا لك مقدما

مصطفى سيف الدين يقول...

مش حابب اتكلم في السياسة
علشان كده مش هاتكلم عن السطور الاولى و هاقولك اختيارك لاغاني القيثارة ليلى مراد في منتهى الروعة
هانتظر قصة رؤوف ذهني
تحياتي

;كارولين فاروق يقول...

الترعه المره دي
مليانه خيرات كثيره
الظاهر ان الترعه دي مليئه
بالفن الماضي الجميل
سوف اكرر كلمه فنان دائما في مدونتك
دائما يا ابراهيم وسلامي لساليناز
وزياد وسولينا الاموره
وتحياتي لك ولابي ولام جو

مها البنا يقول...

بعض الثورات تتحول لحركة ترقياتوضح ان غزوة الصناديق شبيهة بغزوة احد حيث تفرغ الجميع لجمع الغنائم فانقض عليهم الكفار و هزموهم

موافقه :)

على جنب .. كلمات الأغنيه راااائعه

تحياتى

ريـــمـــاس يقول...

مساء الغاردينيا أستاذ ابراهيم
في البدء غصت بنا في ترعة الهم " السياسة " :(
ولكن سرعان ماأنتشلتنا من ذلك الهم إلى صوت عملاق في الطرب الأصيل فـ الشكر موصول أيضاً لـ بابا فاروق الذي جعلك تخرج لنا درر الرائعة ليلى مراد "
؛؛
؛
لروحك عبق الغاردينيا
كانت هنا
reemaas

نهر الحب يقول...

:))

ليلي مراد

انا بحبها اوووي
بيستغربوني في الشغل لما الراديو يجيب اغانيها واعليه ساعتها عشان اسمعها
يقولولي انتي ازاي يعني بتسمعي ليل مراد
"عشان لسه صغنونة يعني"
:DD

بس هي رقيقة ورائعة

حلو البوست ده

ليلى الصباحى.. lolocat يقول...

السلام عليكم
بالطبع علشان اسمها ليلى لازم تكون رقيقة ورائعة هههههه

اختيار رقيييييييييق جدا ورائع
وايضا اشكرك على تعريفنا على رؤوف ذهنى دى اول مرة اسمع عنه رغم انه كان اكثر اصدقائى من كلية التربية الموسيقية وكنت ازورها كتير وحضرت ندوات هناك لكن فعلا دى اول مرة اسمع عن رؤوف ذهنى اشكرك اخى ابراهيم على المعلومة الطيبة

واحييك على (قفشاتك ) المتميزة ههههه على الاغنية

دمت بخير وسعادة اخى العزيز

ابراهيم رزق يقول...

اخوتى الاعزاء

طلبتم منى ان اكتب بوست عن رؤوف ذهنى
و لا اخفى عليكم الامر انه لقى هوى فى نفسى
حتى نعرف سويا فنانيين عاشوا و ماتوا و لم ياخذوا حقهم
اعدكم ببوست قادم عن روؤف ذهنى
طبعا معروف ان التعليقات على الغواص هى خاصة بالمبدعين لذا ليس لى الحق فى الرد على تعليقاتكم الثرية و لكن احيانا اوضح فقط

تحياتى لكم جميعا

ستيتة يقول...

الله الله
طب والله كنت محتاجة فعلا البوست ده والأغنية دي
ليلى مراد بالنسبة لي صوتا وكلماتا والحانا هي جنة من جنان الأرض
وفعلا معرفش مين رؤوف ذهني
بوست حلو جدا سلمت يداك