الاثنين، 27 أغسطس 2012

خطاريف ابراهيم رزق

يقول الرجل فى المراة ما يشاء
و تفعل المراة فى الرجل ما تشاء
( الكاتبة الاسترالية سيدنى )

انتى ست انتى 
انتى ست اشهر
(الفيلسوف عبد الفتاح القصرى) 

الزوج المثالى ورجل كريم شهم رقيق متسامح وفى بعيد النظر هو شخص لا وجود له
(الرئيس الامريكى بيل كلينتون)

  قد تنمو الصداقة لتصبح حبا ولكن الحب لا يتراجع ليصبح صداقة
(الشاعر الامريكى بيرون)

تمثلية تمثلية
الحب عندك عندك تمثلية
جم حبايبك و لا راحو
هى هى تمثلية
(المطرب العاطفى حسن الاسمر) 

  تقلق المرأة على المستقبل حتى تجد زوجا فى حين لا يقلق الرجل على المستقبل إلا بعد ان يجد زوجة 
(برنارد شو)

سحب رمشه ورد الباب 
كحيل الاهداب
نسيت اعمل لقلبى حجاب
وقلبى داب داب
 (محمد قنديل)

اقوال ابراهيمية
  • المراة مثل الموزة من الممكن ان تاكل منها و تستمتع بها لكن اذا اهملتها والقيت قشرتها فمؤكد ستقع على رقبتك
  • الرجل مثل علبة التونة غالبا سهل الفتح و احيانا لا
  • اذا وجدت رجلا متزوجا مبتسما فاعرف ان العقلاء نقصوا واحدا
  • اذا خجلت من تساقط الامطار فاخجل من تساقط دموعك فكلاهما ظواهر كونية 
  • المراة كالقمر لا تقترب منها و لا تشاهدها الا حين تكتمل



هناك 39 تعليقًا:

سواح في ملك اللــــــــــــــــــه- يقول...

ايه ده ياابراهيم

كل سنة وانت طيب

ده انت مقهور من المرأة اوي ههههههههه

اومال فين جمعية حقوق الرجل اللي انت انشأتها

هبة فاروق يقول...

اللى ياكل حته من الموزه ويرميها يستاهل كسر رقبته هو اللى جابه لنفسه
اما علبه التونه فاحيانا بيبقى الرجل زيها بس البنت الشاطره هى اللى تعرف تفتح العلبه كويس وبسهوله حتى لو كانت صعبه
اذا رايت رجل متزوجا مبتسمافالعقلاء نقصوا واحد ..يا نهار ابيض ليه هما الستات نكديين اوى كده حرااااام عليك ده حتى الستات مفيش الطف من كده
دموع الرجل غاليه عزيزه فاذا سقطت فتعنى الكثير
الست مثل القمر رائعه وهى مكتمله ورائعه وهى هلال
طبعا الخطاريف اللى فوق جذبتنى لاخر حرف وخصوصا أغنيه تمثيليه الحب عندك تمثليه من روائع الفن الشرقى
تحياتى لابو ساليناز

ليلى الصباحى.. lolocat يقول...

السلام عليكم

ايه يااستاذ ابراهيم مالك بس مين مزعلك ههههه


فى النهاية الرجل والمرأة بكل مافيهم من ايجابيات وسلبيات هيفضلوا المنظومة الحقيقية للحياة سيبك بقى من التونة والموز وسوق الخضار ده كله ههههه
ويارب يسعد كل الازواج يااااااااارب

تحياتى لك ولخطاريفك :)
دمت بسعادة وسرور

مصطفى سيف الدين يقول...

شوف بقى يا عم الفيلسوف انا حاولت افهم دي بصراحة مفهمتش
الرجل مثل علبة التونة غالبا سهل الفتح و احيانا لا

يعني ده كويس و لا وحش؟ هههههههههه

faroukfahmy58 يقول...

عندما اقرأ لك يا ابراهيم لا اعرف اذا كنت اتنت الشاكى او المشكو فى حقه
هذا يتوقف على التونه اذا كانت مفتته والا ملمومه وتعرف الست تفتحها
وتعرف اللى جواها

ريبال بيهس يقول...

مساء الورد ابراهيم

العلاقة بين الرجل والمرأة تكاد تكون

لغز صعب الحل وفي كل الأحوال لن يعيش

سعيد إلا من يشترى دماغه ..

تحياتي

ياسمين يقول...

المرأة نص المجتمع وتربي النصف الآخر
بس حلو الوصفات موز وتونة شكل حضرتك جعان

amiraali يقول...

المراة مثل الموزة من الممكن ان تاكل منها و تستمتع بها لكن اذا اهملتها والقيت قشرتها فمؤكد ستقع على رقبتك
الرجل مثل علبة التونة غالبا سهل الفتح و احيانا لا
اذا وجدت رجلا متزوجا مبتسما فاعرف ان العقلاء نقصوا واحدا
اذا خجلت من تساقط الامطار فاخجل من تساقط دموعك فكلاهما ظواهر كونية
المراة كالقمر لا تقترب منها و لا تشاهدها الا حين تكتمل

سيبك انت من ايلي فوق دول...الاقوال الابراهيميه مفيش زيها

reemaas يقول...

ابو زيااااااااد
وحشتنى كتاباتك ورومانسيتك:)


بالنوسبة لعلبةالتونة فانا عندى مشكلة ازليه فى فتحها لاااااااااااااازم الزيت يفط فى وشى

Ramy يقول...

(:
(:

خلينى ابتسم منغير ما أعلق

ممكن

(:

لـــولا وزهـــراء يقول...

اقوال ابراهيمية
المراة مثل الموزة من الممكن ان تاكل منها و تستمتع بها لكن اذا اهملتها والقيت قشرتها فمؤكد ستقع على رقبتك
..................

ههههههه هي فمن المؤكد ان رقبتك ستكسر مش بس هيقع عليها ونجيبله احنا بقى في المستشفى 3 ك قشر موز ههههه




الرجل مثل علبة التونة غالبا سهل الفتح و احيانا لا
.......................
دائماً لا يفتح




قمة الرومانسة انت وعم عبد الفتاح

* اعتذر عن عدم متابعتي الايام السابقة .

لولا

شمس النهار يقول...

شوف ابا الحاج قنديل هو اللي فهم صح
:))

ولاء يقول...

السلام عليكم

تظل تلك الكلمات تعبر عن ما يراه أصحابها..
غير أنني أرى في المرأة والرجل غير ذلك :)

ريـــمـــاس يقول...

صباح الغاردينيا أستاذ ابراهيم
مش حتبطل ابداً ياسيدي طالما الست زي الموزة ماتاكلها وانت ساكت اهو احسن من قطم رقبتك هههههههه وانت تهملها ليه يعني رجاله عينيها فارغة
<<<<< فينك ياام زياد
افهم انا علبة التونة ازاي سهلة الفتح وغالباً لا
اااه يمكن قصدك لما تتعامل مع العلبة برقة قصدي الراجل :)
وليه يعني العقلاء ينقصوا واحد طيب المجنون أسعد من العاقل :)
الاولى كوني والثانية شعورية
وكمان القمر في السماء وصعب توصله الا لما تسهر له :) "
؛؛
؛
بجد بجد وحشتنا خطاريفك الرائعة
لروحك عبق الغاردينيا
كانت هنا
Reemaas

;كارولين فاروق يقول...

هههههههه
اذا وجدت رجلا متزوجا مبتسما فاعرف ان العقلاء نقصوا واحدا
كده يا ابراهيم
انت اعلنت الحرب
الي الجهاااااااااد
انت اللي ابتديت بقي ههههههه
صباحك طيب دائما
واسعدك الله
تحياتي وسلامي للكتاكيت اولادك

شيرين سامي يقول...

وحشتني مدونتك و خطاريفك و رومانسياتك كمان :)
بس متحامل على المرأة شوية..
لما باجي هنا بحس إن الرجاله غلبانين و الستات مفتريين..مع إن الواقع بيقول العكس..أو يمكن واقعي مختلف :)

تحياتي الدائمه لك

ابراهيم رزق يقول...

سواح فى ملك الله

هههههههههه
لا يا خالد ده مجرد هزار

نورتنى
تحياتى

ابراهيم رزق يقول...

صبة فاروق
هبة الفاروق

ههههههههههههههههههه
متفق معاكى فى وجهة نظرك
مبسوط ان الخطارف عجبتك

نورتينى
تحياتى

ابراهيم رزق يقول...

رؤى عليوة

انا مش بحزر
انا بقول وجهة نظرى
بس اطمنى
محدش بيسمع الكلام غير مصطفى سيف
ههههههههههههههههههههه

نورتينى
تحياتى

ابراهيم رزق يقول...

رؤى عليوة

اعتذر جدا جدا
على ازالة التعليق دون قصد منى
تحياتى

ابراهيم رزق يقول...

ليلى الصباحى
اختى العزيزة

ههههههههههههههههههههه
لا محدش يقدر يزعلنى

فعلا هيفضلوا المنظومة
ناكل التونة
ونحلى بالموز
ههههههههه

يارب يسعد الجميع

نورتينى
تحياتى

ابراهيم رزق يقول...

مصطفى سيف

يعنى كويس ليهم وحش علينا
سهل صعب هتتفتح هتتفتح
هههههههههههههههه

نورتنى
تحياتى

ابراهيم رزق يقول...

فاروق فهمى
ملك الزهرات
وابن بطوطة المدونين

انا الاثنين يا استاذى
ههههههههههههههههه

باين عليك جعان يا استاذى
ابعت ليك علبة تونة
هههههههههههههههه

نورتنى بجد
تحياتى

amina يقول...

هههههههههههههههههههههه تحفة جملة اذا شفت احد المتزوجين مبتسم ...الخ
حبيت جو الروقان اللي انت عايش فيه وانت بتكتب ..نفسي اعرف السر !!!
جميلة فكرة الموزة..
تحياتي

ابراهيم رزق يقول...

ريبال بيهس
اخى العزيز

هو احنا لو مش مكبرين
كان بقى ده حالنا
ههههههههههههههه

نورتنى
تحياتى

ابراهيم رزق يقول...

ياسمين

هههههههههههه
كل احترامى للمراة
المراة نصف المجتمع
وتربى المجتمع بكامله

نورتينى
تحياتى

ابراهيم رزق يقول...

اميرة على

هههههههههههههههه
مبسوط وسعيد ان الاقوال الابراهمية عجبتك

نورتينى
تحياتى

ابراهيم رزق يقول...

reemaas

انتى بجد وحشتنى تعليقات

نعمل ايه بقى فى الراجل المزيت بتاعك
هاتى تونى بمحلول ملحى
ههههههههههههههههههههههه

نورتينى
تحياتى

رؤى عليوة يقول...

اممممم طب الكلام تاه منى دلوقتى
بس المهم حضرتك شوفته وادى الغرض منه هههههههههه

دمت بخير

ابراهيم رزق يقول...

رامى
الفلب الطيب

ههههههههههههههههه
ابتسامتك عندى بالدنيا

نورتنى
تحياتى

ابراهيم رزق يقول...

لولا و زهرا
لولا


هههههههههه
وعم عبد الفتاح بيشكرك وانا كمان

لا تعتذرى
تحياتى

ابراهيم رزق يقول...

لولا و زهرا
لولا


هههههههههه
وعم عبد الفتاح بيشكرك وانا كمان

لا تعتذرى
تحياتى

ابراهيم رزق يقول...

شمس النهار
شمس الشموس

هههههههههههههه
نروح لابا الحاج قنديل ونسأله

نورتينى
تحياتى

ابراهيم رزق يقول...

ولاء

طبعا هى خطاريف
اى بين الحقيقة والخيال
طبعا من حق كل واحد ان يكون له وجهة نظره المختلفة

شرفتينى ياافندم
نورتينى
تحياتى

ابراهيم رزق يقول...

ريماس

ازيك يا ريمسو
واحنا يهمنا
بس بينى وبينك ربنا يبعد عنا ام زياد
ههههههههههههههه
موضوع الموزة ده انا معاكو فيه
اما التونة معناه سهل الفتح
او صعب الفتح
هيتفتح
هيتفتح

ربنا يديم علينا الجنون
اما موضوع القمر
فكلنا سهرانين
هههههههههههههههه

اسعدتينى بتعليقك
تحيات معطرة بعطر ابداعك

ابراهيم رزق يقول...

كارولين فاروق
كلارنيت


كده بقى تعلنى الحرب
اذا كتبت علينا الحرب ونحن كره لها
ههههههههههههههههه

بجد اسعدتينى بتعليقك
نورتينى
تحياتى

ابراهيم رزق يقول...

شرين سامى

مش متحامل و لا حاجة
ده مجرد هزار
هههههههههههههههه
ايوه الرجالة غلابة و نسمة

انتظرى البوست القادم

نورتينى
تحياتى

ابراهيم رزق يقول...

amina

الاجمل هو زيارتك وتعليقك

نفسى انا اعرف جو الرقان ده
ربنا يديم علينا كلنا الروقان
ههههههههههههههههههه

متفتكريش ان الجو ده بيدوم

نورتينى
تحياتى

ابراهيم رزق يقول...

رؤى عليوة

اشكرك على التعليق
أسف مرة اخرى
طبعا انا التعليق فاكره
ورديت عليه
هههههههههههه

نورتينى
تحياتى