الجمعة، 7 ديسمبر 2012

رباعيات

كنت قد كتبت بوست عن المسيرة الى قصر الاتحادية وقررت نشره فى حملة التدوين الاسبوعية ولكن البوست اصبح مثل تورتة جميلة تم دهسها بغباء والقاء التراب عليها
  
 سؤال بسيط للتلاميذ الصغيرين
صلى العصر واعتدى على مسالمين
خرج من كباريه ولم يروع امنين
مين فيهم احسن عند رب الدين
عجبى ؟؟؟؟؟؟
احبها

بصيت لبنتى بتشد الشاش من عنيها
بتحاول تشوف الدنيا من حواليها
بصيت لقيت بحور دم وتعصب تحتيها
انا قلت احسن كده بالشاش خليها
عجبى ؟؟؟؟؟؟

بحيرى ولا صعيدى ما احلاك بالجلابية
متعايق بعمامتك اوطاقيتك الشبيكية
ليه بدلت توبك وجلدك بالغريبة دى
اصلك وفصلك يعديك من غير معدية
عجبى ؟؟؟؟؟؟
 كلام عبيط جدا
 لو عندك موظف عائلته كبيرة وكلما اردت محاسبته او تصويب خطئه تخرج لك عائلته لتقف لك هل هذا الموظف يمكن ان ينجز فى عمله او يتقدم

هل من الممكن ان تعيش ويدا فوق رقبتك مع تعهد من يضع يده بأنه لن يستخدم يده ويخنقك 

منعتنى ظروفى من حضور فعاليات مهرجان القاهرة السينمائى هذا العام وعندما اتت لى دعوة الختام هذا العام اقتصرت الحفلة بسبب الظروف على مؤتمر صحفى لاعلان الجوائز اصريت على الحضور مرتديا قميص وبنطلون وكان المؤتمر فى نظرى من اجمل حفلات الختام التى حضرتها
 مصر يا ام الدنيا

هناك 12 تعليقًا:

شمس النهار يقول...

لانملك لمصر الا الدعاء

هو صحيح توفيق ده راح فين
ده من الاصوات الخطيررررررره

;كارولين فاروق يقول...

انا جيه اسلم
واسأل عن سولينا
يا رب تكون بخير
اما عن تحليلك يا ابراهيم
والله مظبوط جدا
اتمني الخير لمصر
وربنا يستر
تحياتي

Tears يقول...

الاخوان ظهروا امام العالم كله على اصلهم كارهابيين و جماعات ذات ميليشيات..

الاخوان تورطت فى انهاء اسطورتها و مرسى موضوعه مسألة وقت لان الرئيس اللى يجيب بلطجية تقتل شعبه يبقى فقد شرعيته

مهما زورا لن يستقيم الوضع... شعبنا لسه حي

مصطفى سيف الدين يقول...

ايام سودة في تاريخ مصر
عمرنا ما قتلنا بعش بالطريقة دي
المهم اخبار سولي ايه؟

حنين محمد يقول...

صباح الغاردينيا أستاذ ابراهيم
دعها تنزع الشاش عن عينيها وترى الدنيا من نافذة حلمها الطفولي قل لها ياصغيرتي مصر تتألم وتبكي وتصرخ وعقد على عينيها فلم تعد ترى من حولها ولاتدرك من يمسك بيديها لتخبطها ولكن بوماً ما سيشرق النور لترى ونرى معها ام الدنيا أخرى "
؛؛
؛
ربنا يحفظ مصر وشعبها وآمنها وآمانها
وربنا يشفي لك سولي يارب "
؛؛
؛
لروحك عبق الغاردينيا
كانت هنا
Reemaas

Unknown يقول...

بوست حزين
أنا مكتئبه جداً

طمنا على سولينا أتمنى تكون بخير
و إن شاء الله تفتح عينيها على دنيا أفضل من دنيتنا.

تحياتي الدائمه لك و لأسرتك الجميله

ابراهيم رزق يقول...

شمس الشموس
شمس النهار

ربنا يحفظ مصر

توفيق فريد اختفى هو وسوزان عطية واشياء جميلة كتير اختفت من مصر

تحياتى

ابراهيم رزق يقول...

كارولين فاروق
كلارينت الفاروق

الله يسلمك ويخليكى يا ام عمر
بابا عامل ايه والله العظيم واحشنى جدا

سولينا بخير فكت السلك وفى مرحلة ما بعد العملية

تحياتى

ابراهيم رزق يقول...

Tears

معاكى حق والله العظيم
فى النهاية لا يصح الا الصحيح

تحياتى

ابراهيم رزق يقول...

مصطفى سيف

اخى العزيز

ربنا يعدى الايام دى

سولى بخير والحمد لله

تحياتى

ابراهيم رزق يقول...

ريماس

صباح الفل والقشطة

لو على سولينا انا حكيلها
المشكلة اكبر من سولينا

بجد بجد سعيد بتعليقك جدا

ربنا يحفظ مصر والسعودية وكل الدول العربية

تحياتى

ابراهيم رزق يقول...

شرين سامى

البوست فعلا حزين
لكن مليان بالتفاؤل
يكفى اننا كلنا عارفين المرض وحطينا ادينا عليه
المسألة مسألة وقت

سولينا بخير وفكت السلك

تحياتى