الأحد، 17 فبراير 2013

اشمعنى شرين سامى


نعم انا منفسن اشمعنى شرين سامى
تكتب عن مطربيها المفضلين
و الكل يقولها رائع و جميل و مبدع
و انا لا اكتب عن مطربى المفضل
شعبولا
نبراسى فى الحياة
ملابسه ثقافته بحة صوته تجنن
لذا لن اتنازل عن اكتب عنه
و لن اتنازل عن تعليقات من نوعية
رائع و مبدع
و انا بموت فى كل اغانى شعبولا
وفى ايييييييه بتاعته
واهدى هذا البوست
الى شرين سامى
مصحوبا بضحكة شريرة 
و اييييييييييييييييييييييه



حبطل السجاير واكون انسان جديد 
ومن أول يناير خلاص هشيل حديد 
 ايييييييييييييييييييييييييييييييييه
قررت يارفيقتى من اجلك ان ابطل السجائر فقد ارتفعت اسعارها و صارت العلبه بسبعة جنيه ونصف والاجنبى بخمسة عشر جنيها بالاضافة الى كحتى التى اصبحت مثل سرينة قطارات الدرجه الثالثه لذا من اول يناير سابطل السجائر وساحمل اثقالا نعم ساحملك و هل يا حبيبتى توجد اثقال اكثر من وزنك

  وحقزقز لب سوبر وهشرب شاى خفيف
وهنزل الوكالة
واجيب قميص نضيف
نعم ساتسلى باللب السوبر لكن اللب الابيض سيذكرنى بك  ساتناول فنجان من الشاى الخفيف ذلك الشاى الذى يشبه فى خفته خفة دمك ساغير قميصى من اجلك سارتدى القميص الذى اهديتينى به وطالما حلمتى ان ارتديه  ذلك القميص المشجر الذى فصلتيه من ستارة حبنا

 أقوم الصبح بدرى
انط الحبل نط
وكمان هاغذي نفسي
واكل حمام وبط

 هل يوجد صباح يا حبيبتى اجمل من صباح  بنكهة مصر صباح مشدود بحبال غرامى اقفز عليها و اطير كحمام الشوق المحشى بالاحاسيس و اصبحت مثل البط المحمر باللهفة اليك اصبحت يا حبيبتى مثل الحمام ومثل البط و تقريبا على وشك ان اغذى نفسى بهم

 اشوفلي بنت حلوه
واطلبها للجواز
عليها العفش كله
وعليا انا الازاز
هانخلف واد صغير
ونقوله ننه هو
نتعشي جبنه رومي
ونحلي بالجاتوه

سارتدى تيشرت بترتر وساضع جيل على شعرى وسيكون جيل منه فيه لذا ستقعى فى غرامى لماذا لانى اضع جيل منه فيه ستعملى المستحيل من اجل ان تتزوجينى لماذا لانى اضع جيل منه فيه وستحضرى كل الاثاث لماذا لاننى اضع جيل منه فيه سنخلف واد صغير تخيلى ماذا سيكون شعره سيصبح مثلى جيل منه فيه سننسى الجبنة الاستمبولى و البراميلى و الثلاجه ستصبح حياتنا كلها جبنه رومى فى جبنة رومى و احيانا ستهفنى نفسى على الجبنة النستو طبعا تعرفيها جبنة نستو يا معفنين و لكن لن ننظر لها ابدا سنحلى بجاتوه يوما سنتناول جاتوه منفيه و يوما اسبونش و قليلا جدا موس لكن احذرى يوما ان تستبدلى الجاتوه بكيس مولتو فى لحظتها يا حبيتى ساشعر ان حبى فى مرحلة الانحدار 
 

هناك 21 تعليقًا:

yosef يقول...

والله انك مبدع
وتدويناتك رائعة

واكثر من يزرع ابتسامة هنا في هذا النكد المضني

candy يقول...

يالهووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووى

:D :D :D


أنا لو من شيرين .. هأبطل مزيكا ورومانسية .. للأبجد :))))

faroukfahmy يقول...

شعبولا يا ابراهيم شعللك خالص واخذت بوصاياه العشر وزى ما بطلت السجاير من اول يناير هتمسك المكوى ام رجل بتاعته وتوفر الكهربا اللى زادت وتركب الترمواى ابو سنجه من العباسيه يسته مليم
عالم صحيح مجانين
نفسى ترد وناخد وندى مع بعض ياهيمة ونروح التحرير انكجيه ايدينا فى ايد بعض وناخد معنا حبيبى سيف وعليه تذاكر الترام
مع السلامه حبيبى

حنين محمد يقول...

مساء الغاردينيا استاذ ابراهيم
ههههههههههههههههه
هههههههههههههههها
حرام عليك ايه دا شعبولا يااستاذ ابراهيم
انا لغاية دلوقتي بفكر هو الراجل دا بيغني ولابيعمل ايه بالزبط
ههههههههههههههه
بس عجبتني القميص الي متخيط بستارة حبنا
دلوقتي بس عرفت شعبولا بيخيط قمصانه من فين هههههه
اما شيري بقى انا لو مكانها احرم اكتب عن المطربين بعد الي حصل :)"
؛؛
؛
لروحك عبق الغاردينيا
كانت هنا
Reemaas❤

;كارولين فاروق يقول...

ايه الجمال ده مافيش احلي من
كده
ههههههههههه

هبة فاروق يقول...

بحه صوت شعبولا هههههههههه الكلمه دى ضكتنى اوى هو عنده صوت اصلا علشان يكون عنده بحه ولا تقصدمطعم بحه ده عنده شوية اكل عجب شكلك جعان يا استاذ ابراهيم

رحاب صالح يقول...

ههههههههههههههه
يا بهدلتك يا دكتورة شيرين
ههههههههه
بس بجد تحفة

موناليزا يقول...

:)

أغنية معبرة فعلاً وكلماتها وااو :)
عايزة أقولك انها الاغنية الوحيدة اللى سمعتها لشعبان
كنت وقتها لسه فى الكلية وكانت واخدة سيط جامد جداً

أما عن البوست بقى فهو fantastic :)

شمس النهار يقول...

:)))

هفطس من الضحك ياابراهيم
:))

مش ممكن انت بتحب شعبولا
:))
وريني بقا هتلبس تيشيرت بترتر ازاي بقا
:))

مصطفى سيف الدين يقول...

بص مادام قررت تاكل حمام و بط انا دايس معاك يا كبير
و طبعا الحساب عليك :P

تدوينة رهيبة
منتظر البوست الجاي بقى عن القلقشندي دبح كبشه

Unknown يقول...

ههههههههههههههههههههههههههههههههههههههه
ماشي ماشي ماشي
هههههههههههههه
مش قادره أبطل ضحك
طيب أول حاجه هعزمك عليها يا استاذ إبراهيم كيس مولتو عقاباً ليك بقى :)

هو ده الشر بعينه
بقى أنا أكتب فيروز و أنغام و منير
و إنت ترد بشعبولا

هو بصراحه البوست حلو و ضحكني و أنا متعودتش مقبلش هدية من حد
خلااااص تنزل المره دي
قبلنا البوست
:)

يا رب دايماً لاممنا حواليك بضحكه
:)

richardCatheart يقول...

ههههههههههههههههههههههههههههههههههههههههههههههههههههههههههههههههههههههههههههههههههههه ياعينى عليكى من النفسيات الكروهات ياشيرى الحقيقة الباحتة ان انا وشرين والرومانسية والجمنهور هننتحر يا مبدع مش من الطريقة المختلفة دى فى الحب ابسلوتلى من صورة شعبولا السكس ابيل بينط منها نط خطف قلوب العذرا ياخراااااااااااااااااابى

رؤى عليوة يقول...

والله روووووووووووووووعه
بوست بجد جميل ضحكت :)

بلا هم خدنا منه ايه ماله شعبولا
واييييييييييييه

عليكى يا بلد


دمت بخير

zeze يقول...

فعلا دلوقتي اقدر اقول ياللهول ههههههههههههه
هو دا كله من عمايل اللي ما يتسمي الفالنتين هههههههههه
ماشي يابو زياد
مبدع كالعادة

Bent Men ElZman Da !! يقول...

هههههههههههههههههههههههههههههههههههههههههه
مش قادره ابطل ضحك بجد
أنا قولت فى الاول الموضوع هيجى على شعبان عبد الرحيم واييييييية وبس
طلع الموضوع اكبر من كده بكتيييير
فظيع البوست ده بجد
فاكرنى بالرومانسياااات :D :D

SHARKawi يقول...

حقك طبعا مش حقك ليه .
طبعا لا يعلى على جميع مواضيعك .
ربنا يديم ابتسامتك اللي رسمتها على وشوشنا جميعا .

لك مني احترامي وكامل تقديري . لك مني تحياتي .

الازهرى يقول...

مش حلوة
بس هه

برضه شيرين أحلى :P

فافى يقول...

:D

أسماء فتحي يقول...

ههههههههههههههههههههه

شعبولا حرااااااااااام عليك

المنظارة هنا مش متوازنه خااااااااااااااااااااالص

الكفة طبعا مايله نحية شعبولا ههههههههههه

بس انا لحد دلوقتى مش مستوعبه انى في في مصر غير سواقين التكوتوك بسمع شعبولا

تحيـــــــــاتي
كانت هنا ورحلت
Asmaa Fathy

reemaas يقول...

اوباااااااااااااااااااا دى الحرب اشتغلت وانت نازل بالتقيل شعبولا مرة واحدة هههههههههههههههههههه


ابراهيم رزق يقول...

اخوتى الاعزاء

شكرا لكم جميعا على تواصلكم
و على الابتسامة التى زرعتوها على شفايفى و على قلبى
كنت اود ان ارد بتعليق مفصل على كل منكم
لكن وجدت ان تعليقى سيكون متشابها
لانه تعليق ابتسامة و ضحك
لذا ساقول لكم
ان الحرب مع شرين قد بدات
لذا انتظروا البوست القادم

نورتونى و اسعدتونى

تحياتى لكم