الثلاثاء، 26 فبراير 2013

روح الفؤاد تكتسح نجاة

مازالت شرين مصرة على التحدى
بل قالت بكل جراءة
هتشوف هتعمل ايه مع نجاة
وها انا اقدم المطربة العالمية
روح الفؤاد
التى تحدثت عنها الجرائد و المجلات الاجنبية
و انا فى انتظار رايكم 
وللسادة الفرافير
اليهم هذا الفيديو





سوق بينا يا اسطى على الكورنيش
ناكل درة و نشرب مانجا
و واحدة واحدة انشاء الله تعيش
مشى الحلوين دنجا دنجا
 على مهلك واحدة واحدة
يافللى
مشيها واحده واحده
يافللى
طبعا دى مش محتاجة تعليق
قالوا الولا مش من توبى
قلت امانة عليك يا عينى توبى
راضية بنصيبى و مكتوبى 
على مهلك واحدة واحدة
يافللى
على مهلك واحدة واحدة
يافللى
مشيها واحده واحده
يافللى
اما دى مش محتاجة تعليق برضه
 
اه يا ليمونى يا ليمونى
كترت عوازلك و لمونى
 يا واد بحبك ظلمونى
متخدنى دنجا دنجا

على مهلك واحدة واحدة
يافللى
مشيها واحده واحده
يافللى
لكن دى برضه مش محتاجة تعليق

ودى اهداء لنور ريماس ورؤى وموناليزا وكل بنات المنصورة



ركن السلطنة
قلبى السليم اتجرح

هناك 24 تعليقًا:

gogo!sf يقول...

والله انت عسوله خالص يا استاذ ابراهيم
صباحك جميل كتييييييييييير

richardCatheart يقول...

يالهوووووووووووووووووووووى بحبهاااااااااااااااااااااااا اووووووووووووووووووووووووووووووى ههههههههههههههههههههه احية عليك يا ابراهيمممممممممممممممممممممممممممممممممم هههههههههههههههههههههههههههههههههههههههه الست دى ماحصلتش وسمعة اغنيه يالمونى من الست شفيقة وتقريبا بدرية السيد بردو غنتها المهم ابن بحبهم فحتتتتتتتتتتتتتتتتتتتتتتتت


صباحك ممتتتتتتتتتتتتتتتتتتتتتع

richardCatheart يقول...

والبت تموت فى الولالالالالالالالالالالا والهوا ميااااااااااااااااال احيييييييييييية سكررررررررررررررررررررررررررررررررررررررررررررررررررررررررررررر انت دمااااااااااااااااغ فى العالى يا ابراهيم وربنا هههههههههههههههههه

هبة فاروق يقول...

تصدق باية انا اول مرة اعرف ان فى مطربة اسمها روح الفؤاد ههههههههههه وتطلع هى صاحبة الاغنية اللى بحبها دنجه دنجه قال وانا كنت فاكرة انها بتاعة فيفى عبدو
جارى تحميل الاغنيةرغب ان صوتهاما يعلم به الا ربنا لكن عملتلى بهجة
دايما تأتينا بالغرائب والعجائب الموسيقية

مصطفى سيف الدين يقول...

تصدق ؟
البوست ده برضه مش محتاج تعليق هههههههههه

;كارولين فاروق يقول...

يا دين النبي
عشره علي عشره علي عشره علي خمستاشر
علي ميه واحد عليه وعلي اعدائي
طب تصدق بالله
قول لا اله الا الله
والله العظيم صوتها في منتهي الروعه
بإذن الله لو لي عمر حاعمل حلقه عن الشعبي
علشان بموت فيه
ماغوركش اني بحب الكلاسيك انا بحب كل انواع الطرب
احسنت يا هيما
تحياتي وسلامي لأسرتك

رؤى عليوة يقول...

لا دى جدييييييييييدة

شكرا عل الاهداء :)

بجد وفعلا ومش عايزة كلام
الكلمات مش محتاجة اى تعليق :)


دمت بخير
وحلوة جدااا النفسنه دى

L.G. يقول...

:) عمري ما سمعت عنها وسالت والدتي واحنا من المنصورة عمرنا ما سمعنا عنها بس سمعت الاغنية في فرح :))) المدونات قلبت اغاني خالص

Unknown يقول...

الضحك على الأغنية كوم
و على البوست كوم
و على التعليقات كوم تاااااني خالص :)
هههههههههههههههههههه

تجيبلي روح الفؤاد تجيبلي الروح لوحده و الفؤاد نفسه برضو مش هستسلم :)

Mahmoud Bahgat يقول...

المرة دى يا أستاذ انت تفوقت على نفسك و سيبتنا مع المانجة و الدنجا و حاجة الصراحة مش محتاجة تعليق
الأغنية دى بقى بجد الوحيدة اللى بحبها و سمعتها فى كل التراث اللى حضرتك عرضته و على طول فى بالى أول ما ببقى على الكورنيش بتلاقيها نطت فى ودانى من غير أى مجهود.
طالما السباق أشتد يا ريت تنزل حضرتك بقى بالأوزان الثقيلة منيرة المهدية و أسمر ملك روحى
أو التونسى الغرباوى أو أحمد عدوية
و ربنا يوفقك و احنا المستمتعين بهذا السباق الفنى

رحاب صالح يقول...

يا لهوي ي ي ي
هههههههههه هموت بجد بس انا تقريبا سمعت الاغنية الاولي بتاعت دنجا دنجا دي قبل كدة ف برنامج قديم اصل انا قديمة اووي يظهر
بس بجد يا استاذنا انت تفوقت تفوقت يعني

موناليزا يقول...

هههههههههه
فى كل فقرة أقول يا ترى أنا سمعتها فين قبل كده ..قلت يمكن أشرف عبدالباقى قالها فى إيفيه ف برنامج كوميدى ليه ولا حاجة :)

ضحكنى أوى تعليقك "دى مش محتاجة تعليق" :)

بالنسبة للأغنية إهداء لبنات المنصورة أول مرة اسمعها

كان فى أغنية كنا- بنات المنصورة- بنغنيها دايما فى الرحلات توقعت إنها هى

كلماتها كانت بتقول
" ست البنات الأمورة
الأصل أحلى من الصورة
سألتها الحلوة منين
قالت أنا من المنصورة"

وطبعا مابنحبش نتكلم عن نفسنا كتير ^_^

ابراهيم رزق يقول...

gogo!sf

و الله انتوا كلكم اللى عسل

صباحك رز بلبن من عند ابو حمامة يعنى عليه قشطة و مكسرات و حتتين بسبوسة و كنافة
ههههههههههههههه

تحياتى

ابراهيم رزق يقول...

richardCatheart

هههههههههههههههههههههههههههههههه
و الله العظيم يا مارو تعليقك بيخلينى فى مود تانى خالص

بيخلينى اضحك و ابتسم و المدام و العيال بيقولوا الراجل ده اتجنن

نفسك معانا و انا كل دول حططهم فى اللستة

سلام طاير حاير لبنات بحرى و على راسهم

مارو قلب الاسد

تحياتى

ابراهيم رزق يقول...

هبة فاروق

و الله العظيم صوتها حلو يا هبة

اسمعيها مرة تانية بمود تانى

دايما فى بهجة يارب
هههههههههههههههههه

تحياتى

ابراهيم رزق يقول...

مصطفى سيف

ماشى يا درش
ههههههههههههههه

تحياتى

ابراهيم رزق يقول...

كارولين فاروق
كلارينت الفاروق

لا اله الا الله

هههههههههههههه
لما الشهادة دى تيجى منك
يبقى صوتها فعلا يستاهل

فى انتظار حلقة الاغانى الشعبية

تحياتى

ابراهيم رزق يقول...

رؤى عليوة

العفو دى حاجة بسيطة

شفتى بقى انها مش محتاجة نعليق
هههههههههههههههه

تحياتى

ابراهيم رزق يقول...

L.G

اى خدمة
بنعمل محو امية اهو
ههههههههههههههه

انتى من المنصورة يبقى انتى فى الاهداء
هو فى احلى من الاغانى خدنا ايه من الحاجات التانية

تحياتى

ابراهيم رزق يقول...

Mahmoud Bahgat

حاول تسمعهم يا محمود هيعجبوك و يخرجوك بره الصندوق
يمكن نستقطب حد من الطابور التالت
هههههههههههههههه

نورتنى
تحياتى

ابراهيم رزق يقول...

شرين سامى

مبسوط انك ضحكتى

ههههههههههههههههه

انتظرى ؟؟؟؟؟؟؟؟؟؟؟؟؟؟؟
و مازال التحدى مستمر

نورتينى
تحياتى

ابراهيم رزق يقول...

re7ab.sale7

ههههههههههههههههه
متقوليش كده
قديمة ايه

تلاقى بس الاغنية فى ودانك

تحياتى

ابراهيم رزق يقول...

موناليزا

هههههههههههههههه
سعيد ان الاغانى عجبتك
و بعدين روح الفؤاد دى بنت المنصورة

معلش يا منى نسيت فى الاهداء انك من المنصورة
يخرب بيت الزهايمر
معلش صححته

" ست البنات الأمورة
الأصل أحلى من الصورة
سألتها الحلوة منين
قالت أنا من المنصورة"

حلوة الاغنية مع ان بنات المنصورة مش محتاجين دعاية
هههههههههههههههه

تحياتى

reemaas يقول...

هههههههههههههههههههههههههههه


طب وربنا انا بحب الاغنية دى اوى بس ماعرفش ان المطربة اسمها كده هههههههههههه
احلى حاجة الاهداء من زماااااااااان ماحدش جابلى هدية