الاثنين، 27 مايو 2013

غواص فى ترعة النغم (سيد مكاوى)

اهدى هذا البوست الى شمس المدونينن
و بقول لها بالنيابة عن بلوجر 
متزعليش مننا



ولد سيد مكاوي في أسرة شعبية بسيطة في حى الناصرية في السيدة  في 8 مايو 1926. وكان كفيف البصر حفظ القران و كان يقرأ القرآن ويؤذن للصلاة . ثم اتجه للانشاد الديني من خلال متابعته لكبار المقرئين والمنشدين آنذاك كالشيخ إسماعيل سكر والشيخ مصطفى عبد الرحيم بداية الشهرة له عندما لحن لشريفة فاضل  (مبروك عليك يا معجباني يا غالي) واللحن الأشهر  وهو (إسأل مرة عليّا) لمحمد عبد المطلب الكبيرة لحن لليلى مراد (حكايتنا إحنا الاتنين) وللمطربة شادية (هوى يا هوي ياللي إنت طاير) و(همس الحب يا أحلى كلام) ولصباح (أنا هنا يا ابن الحلال). و لوردة
مجموعة كبيرة من الأغاني الناجحة مثل أوقاتي بتحلو وقلبى سعيد وشعورى نحيتك وياماليالى وبحبك صدقنى
    و لحن الشيخ سيد مكاوى لفايزة احمد أول لحن تقدمه للإذاعة المصرية من ألحان سيد مكاوي وهو أغنية (يا نسيم الفجر صبح). ولحن سيد مكاوي أيضا لكوكب الشرق اغانى وكان من أهمها أغنية (يامسهرنى)
    تعاون مع صلاح جاهين و من اهم اعمالهم الليلة الكبيرة و عمل اخر اعتقد افضل منه وان لم يحقق النجاح والشهرة و هو حمار شهاب الدين
    قدم الكثير من الصور الغنائية الاذاعية و كذلك قدم من خلالها عشرات المقدمات الغنائية لمسلسلات شهيرة لامين الهنيدى و محمد رضا و صفاء ابو السعود مثل مسلسل شنطة حمزة واشجع رجل فى العالم ورضا بوند وبسطويسى مسافر فين وحكايات حارتنا و للاسف بحثت عنهم و لم اجدهم 


    ابو زعيزع
    فواد حداد
     
    قبل المغرب
    صورة غنائية تعبر عن مصر القديمة فى رمضان
    تضم عمالقة مثل شفيق جلال و محمد رشدى و شكوكو و ثريا حلمى و حورية حسن



    ازرع كل الارض مقاومة
    فواد حداد

    و هذه مفاجاة
    شاهدوا عظمة صلاح جاهين
    يلقى بصوته شعر لفواد حداد
    مع صوت محمد قنديل
    و عبد الحميد الشريف
    عظمة على عظمة يا مصر


    هناك 10 تعليقات:

    richardCatheart يقول...

    صباح الفل يا ابراهيم يارب تكون وانت وجميع الاسرة بالف خير اللهم امين كنت عايزة اطمن على ماما الحاجة من فضلك يارب تكون احسن ربنا يطمنك عليها يارب ويشفى عنها

    ابراهيم رزق يقول...

    richardCatheart

    صباح الفل و القشطة يا مارو

    هى بخير عملت العملية امس و هى بخير و الحمد لله

    متشكر ليكى جدا و يارب تكونى بخير انتى و زوجك و الاولاد

    تحياتى

    richardCatheart يقول...

    الحمد لله رب العالمين يارب يكمل شفاها بالف خير يارب شفاء لا يغادر سقما ويطمنك عليها يارب الحمد لله ماشى الحال فضل ونعمة ربنا معاكم يارب

    مصطفى سيف الدين يقول...

    هو مال شموسة؟
    مين مزعلها؟
    معلش انا بعيد و مش عارف اي حاجة

    مصطفى سيف الدين يقول...

    الف سلامة يا ابراهيم على الحاجة اتمنى تكون بخير

    شمس النهار يقول...

    صباح الفل ياابراهيم
    شكرا ليك :)
    وشكرا علي مجاملتك اللطيفة

    :)
    سيد مكتوي هو صوت مصر من طين ارضها وابداعه
    وعلي فكرة اغنية اوقاتي بتحلو كانت لأم كلثوم ولما توفت اداها لوردة
    وهو الملحن الوحيد اللي قدر يفرض طريقته واسلوبه الفريد علي ام كلثوم وكان واضح ده في كلمة يامسهرني في اخر المقطع الغنائي
    سيد مكاوي محتاج كتب كتييييير تتكلم عنه وعن عبقريته وخفة ظله
    وزي ماقلت لك امبارح في التليفون ان فيلم الكتكات حتت ان محمود عبد العزيز لما ركب الموتوسيكل دي من سيد مكاوي بس سيد مكاوي ساق عربية وفي شارع الازهر :)
    بس طبعا ماكانش ينفع ان في فيلم الكتكات يركب يركب عربيه
    رحم الله مبدعين مصر
    وشكرا علي الاهداء:)

    faroukfahmy يقول...

    قبل كل شئ والله اننا لا نعلم بمرض الست الا من مورا والحمد لله على سلامتها
    اما بالنسبه لسيد مكاوى فكان دائما ما يجلس فى احد المقاهى فى حى عابدين وكان هناك نادل اسمه احمد وكان يدلله ويناديه
    يا اححححححححححححححححمد
    رحم الله الفقيد وعشت لنا يا ابراهيم بمعلوماتك الفنيه الغنيه

    رحاب صالح يقول...

    الف سلامة علي ماما الحاجة الاول
    وان شاء الله تقوم بالسلامة وتكون بالف خير وصحة
    البوست بجد يجننن
    بحب انا سيد درويش
    بحب كل الناس الي بجد
    هما الناس الي بجد ليهم طعم تاني

    رؤى عليوة يقول...

    الله الله على الحكايات والمعلومات الحلوة

    شكرا لك استاذ ابراهيم
    بحسدك على معلوماتك


    بس ليه شمس زعلانه ؟؟



    دمت بخير

    بسمة الورد عطر المشاعر يقول...

    دايما مدونتك وكتاباتك لها عبق جميل وطعم خاص لا يختلف عليه اتين

    جميل ما تقدمة لنا ونستمتع به اكيد

    مودتى واحترامى استاذ ابراهيم