المشاركات
هو
انا بس اللى بتجينى رسائل الموبايل المستفزة دى تبقى قاعد فى حالك و تبص
تلاقى الرسالة دى انت من المحظوظين لقد اخترتك موبنيل للدخول على السحب
للفوز بكيلو دهب سعر الرسالة 5 جنية يا ولاد النصابة ده انتو لو بعتوا
الرسالة دى لاتنين مليون شخص و ربعهم بس بعت رسالة لميتوا اتنين مليون و
نصف لحلوح لميتو محل صايغ بحالهم ده لو فى كيلو دهب اصلا
لكن بقى اللى يستفز مجموعة الرسايل دى شوفوا عينة منها
لو نافخة شفايفك و بتصحى من النوم شفايفك مهوية شوية او فردة شفايف منها مهوية ابعتى رسالة الى خبيرة نفخ الشفايف عزيزة تيوبلس سعر الرسالة 30 قرش و تصلك يوميا اخر نصائح النفخ .
لو مزنوق و عايز تدخل التواليت و الشطاف بيحدف منك شمال و بينزل مية ساقعة ابعت رسالة لخبير الشطافات العالمى مصيلحى المظبوط و هو هيرسل لك احدث نصائح ظبط الشطاف و مش بس كده الاستاذ مصيلحى هيبعتلك رسالة كل ما تدخل التواليت يقولك شفيتم سعر الرسالة 30 قرش
لو ابنك مطلع عينك و عين ابوه و كل اللى يعرفوه و بيصحى بليل يعيط و مش حافظ اغنية تغنيهاله عشان ينام ابعت رسالة تصلك الاغانى اللى هتنوموا من اول نام يا حبيبى نام و ادبحلك جوزين حمام الى اغنية يا سارق من عينى النوم انتهاء بروح منك لله سعر الرسالة 30 قرش
لو قاعد فى البيت مضايق و مش لاقى حاجة تعملها و عايز تتسلى ابعت رسالة الى خبيرة التسالى عنايات جنايات و هى هتسليك باخر الاخبار و بكل انواع النميمة نميمة على الممثلين على جيرانك على قرايبك و مش بس كده هتبعتلك كل يوم لب سوبر و سودانى سعر الرسالة 30 قرش
تهت بين الابراج و مش عارف برج المنوفية من برج السرطان اتصل بخبير الابراج الدكتور دلو الحوت و هو هيدلك على كل الابراج سعر الرسالة 30 قرش
جالك ضيوف رخمين و كابس عليك النوم احسن النصائح لتطفيش الضيوف سعر الرسالة 30 قرش
مضايقاك الرسايل اللى بتجيلك على الموبايل اتصل بدكتور مستشفى الامراض العقلية سعر الرسالة 30 قرش
لكن بقى اللى يستفز مجموعة الرسايل دى شوفوا عينة منها
لو نافخة شفايفك و بتصحى من النوم شفايفك مهوية شوية او فردة شفايف منها مهوية ابعتى رسالة الى خبيرة نفخ الشفايف عزيزة تيوبلس سعر الرسالة 30 قرش و تصلك يوميا اخر نصائح النفخ .
لو مزنوق و عايز تدخل التواليت و الشطاف بيحدف منك شمال و بينزل مية ساقعة ابعت رسالة لخبير الشطافات العالمى مصيلحى المظبوط و هو هيرسل لك احدث نصائح ظبط الشطاف و مش بس كده الاستاذ مصيلحى هيبعتلك رسالة كل ما تدخل التواليت يقولك شفيتم سعر الرسالة 30 قرش
لو ابنك مطلع عينك و عين ابوه و كل اللى يعرفوه و بيصحى بليل يعيط و مش حافظ اغنية تغنيهاله عشان ينام ابعت رسالة تصلك الاغانى اللى هتنوموا من اول نام يا حبيبى نام و ادبحلك جوزين حمام الى اغنية يا سارق من عينى النوم انتهاء بروح منك لله سعر الرسالة 30 قرش
لو قاعد فى البيت مضايق و مش لاقى حاجة تعملها و عايز تتسلى ابعت رسالة الى خبيرة التسالى عنايات جنايات و هى هتسليك باخر الاخبار و بكل انواع النميمة نميمة على الممثلين على جيرانك على قرايبك و مش بس كده هتبعتلك كل يوم لب سوبر و سودانى سعر الرسالة 30 قرش
تهت بين الابراج و مش عارف برج المنوفية من برج السرطان اتصل بخبير الابراج الدكتور دلو الحوت و هو هيدلك على كل الابراج سعر الرسالة 30 قرش
جالك ضيوف رخمين و كابس عليك النوم احسن النصائح لتطفيش الضيوف سعر الرسالة 30 قرش
مضايقاك الرسايل اللى بتجيلك على الموبايل اتصل بدكتور مستشفى الامراض العقلية سعر الرسالة 30 قرش
بلد مجانين صحيح
هناك 7 تعليقات:
انا عملت مرة مشكلة مع خدمة العملاء بسبب الرسايل دي، وكانت حجتهم: السيستم هو اللي بيبعت، والسيستم ما بيفكرش يا فندم!
..
تدوينة جميلة يا أستاذ إبراهيم، وعلى فكرة شركات "رسائل النصب" لو شافت التدوينة دي هتاخد الافكار اللي فيها وتطبقها في رسايل!
ما أكثر الرسائل المزعجة واللي حاولت اكلم شركة الاتصالات علشان يوقفوها وبعد وين ووين لما وقفوها .. طلعوا عينينا بصراحة ،وغالبيتها رسائل مستفزة.
بس رسائلك هذه حلوة وبتفطس من الضحك بصراحة.
ههههههههههههههههههههههههههههههههه
ابدان بتتسلط علينا وثقافة الاحتيال فى صورها
هههههههههههههههههه يا أستاذي اللي يلاقي شعب يشتري الهوا وما يبيعلوش الهوا يبقى أهبل ..
كلنا بتجيلنا رسايل زي دي بس خلاص أنا بقيت بمجرد ما أشوف الرسالة جاية من شركة الاتصالات أيا كانت هي ايه بمسحها من غير حتى ما أبص فيها
أصلي بصراحة مش فاضل فيا غير المرارة
وهي واحدة بس عايزة أحافظ عليها على قد ما أقدر :) :) :)
تحياتي
ههههههههههه
يجد صح اوي كلام حضرتك
مسدجات تنرفز ومش فيها أي شئ حقيقي ولا منطقي
تدوينة جميلة استاذ ابراهيم :)
هههههههههههههه عندك حق والله يا استاذ ابراهيم بس همل لو مكنوش لاقو ناس هبله بتستجيب معاهم مكنوش استمرو يبعتو :D
فعلاً بقى موضوع مستفز الرسايل دي ، بس مش عارف ده خاص بمصر بس ولا حالة عامة في العالم كله :)
إرسال تعليق