السبت، 19 فبراير، 2011

اللا حسن يوسفى

هو ممثل عادى جدا انتشر فى نهاية الخمسينات والستينات فى ادوار الولد الشقى و التى لم يخرج من اطارها الا فيما ندر


للحقيقة حاول الخروج من ادوار الولد الشقى بمجموعة من الافلام و لكنه للاسف لم ينجح وبطولة مسلسل حقق بعض النجاح وينسب الفضل لنجاحه لعملاق مثل معه اسمه محمود مرسى  اعتزل السينما و لحق بزوجته التى اعتزلت الاضواء و تحجبت

مع نهاية التسعينات ظهر بوجه اخر التحى و اتجه الى تجارة الكتب الدينية 

عام 2002 وجد ضالة عمره و مثل مسلسل يحكى السيرة الذاتية لداعية اسلامى شهير ثم اتبعه باكثر من عمل دينى عاد بهم قليلا الى الاضواء


عندما خفت عنه الاضواء نظرا لعدم انتاج اعمال دينية  جلس يفكر و يفكر و هداه تفكيره الى قبول دور رجل مسن مزواج يقع فى غرام  صاروخ الاثارة القادم المؤيدة لمبارك التى نزلت ميدان مصطفى محمود تعلن تاييدها لمبارك عن طريق رسم تاتو على زراعها بشعار الحزب الوطنى حسنى و عصابته الخمسة و نجح الدور نجاحا فظيعا بفضل هوبا و محرم و زلازل الهز القادمة من قاعدة الصواريخ ملحوظة اول من هاجمه على دوره كانت زوجته الفنانة المعتزلة

عندما خفت الاضواء عليه وجد ضالته فى ثورة 25 يناير لدرجة ظهوره فى كل القنوات الارضية و الفضائيات بتصريحات كان ينقصها الصاجات و فرقة حسب الله و الدى جيهات واصفا الشباب بهذه الصفات


وصف المعتصمين فى ميدان التحرير بناكرى الجميل للرئيس ملحوظة واضح انه من حافظى الجميل للرئيس صاحب الضربة القوية لمجموعة الريان مما اتاح له الاستيلاء على دار الريان للتراث اما الشباب الناكر للجميل فقد وفر لهم مبارك تعليم مميز ثم و فر لهم فرص عمل مجزية و شاليهات فى مارينا فى قرية مراسى اللى اشتراها برخص التراب شفيق جبر

ظهر فى قناة اخرى يصف الشباب بالرعاع و الجبناء ملحوظة اعتقد ان الرعاع او الجبناء هم من جلسوا فى حضن بابا تحت الباطنية او انه تذكر فيلمه القديم الجبان والحب

كرر ظهوره مطالبا الشباب الموجود بالذهاب الى غزة و الجهاد هناك ملحوظة اعتقد ان الاولى بالذهاب الى غزة حبيب بابا و ماما ابنه عمورة ابو شعر طويل و مسبسب  

ثم وصل به الحال الى البكاء و العويل  ملحوظة لم يظهر و يبكى على خالد سعيد او ضحايا كنيسة القديسين او بلال و اعتقد انها دموع مخلوق كاد ان يختفى من النيل و لكنه ظهر على شاشات التلفزيون


ثم اخذ كورس فى الحزب الوطنى متهما الشباب بانهم ينفذون اجندة ايرانية وانهم يتناولون كنتاكى وياخذون اموال ملحوظة اهديه وجبة من وجبات كنتاكى بس انا اسف انها ليست كومبو لان المياه الغازية التى مع الوجبات استخدموها فى غسيل عيونهم من الفتابل المسيلة للدموع التى كان يمزح بها حبيبك مبارك مع الشباب 

لو عرفته رجاء ان تدلى بما تعرفه عنه او تنشر ولك قبلة من الشهداء ورد الجناين



 
 
 

 

 

هناك 22 تعليقًا:

Tears يقول...

ده مش الوحيد غيره كتير و منهم من كنت احترمهم و اظنهم افضل كثيرا

دى مش حرية راى لان ما فعلوه هو سب و بث اشاعات و تحريض على عنف و القاء تهم جزافا...الشبكة العربية لمعلومات حقوق الانسان رصدت ده هنا

http://el3ar.info/

carmen يقول...

فعلا الراجل ده كنت بحترمه جداااا وبعدين فجأة سقط من نظري
تحياتي لك علي فكرك الراقي واسلوبك المميز

ابراهيم رزق يقول...

العزيزةTears

القائمة التى رصدتها الشبكة ينقصها الكثير وده سبب المدونة دى تعرفى انا من زمان مكنتش عايز اعمل مدونة لكن الظلم الذى تعرض له شباب التحرير و شهداء التحرير لم يترك لى مجال للتردد
لم انتقد مؤيدى مبارك حتى لو له مصلحة شخصية بعيدة عن الفساد لكنى انتقد من ايد و هاجم و اطلق شائعات
تحياتى و سعيد بمتابعتك

ابراهيم رزق يقول...

الرقيقة الغالية اختى الصغرى كارمن

انتظرى باقى القائمة
سعيد بمرورك و متابعتك

بت خيخة وأي كلام يقول...

ابراهيم
انا بعتلك ايميل وجالى ايميل من ياهو بيقول ان الايميل اللى انا بعته مش هايوصل لان فيه حاجة غلط

لو ايميلى وصلك رد عليه علشان اتاكد انى بعته صح
لو ما وصلكش ياريت تبعتلى ايميلك تانى يمكن اكون انا نقلته غلط

سلام
اختك خيخة

بت خيخة وأي كلام يقول...

ابراهيم

التاريخ عندك فيه حاجة غلط

ياريت تصلح التاريخ
لان النهاردة 20 فبراير مش 19
والساعة كمان عندك مش مظبوطة
الساعة دلوقتى سبعة الصبح مش تمانية

معلش على الملاحظات التافهة دى

بس انا مابحبش الحاجة اللى مش مظبوطة وبتوتر منها

غير معرف يقول...

خدت فيه مقلب

غير معرف يقول...

يجب كشفهم وقضحهم

IBN BAHYA - إبــن بهيـــــــــــــة يقول...

جمعــــة الحســاب 25 فـــبرايـــــر
مظاهرات مليونية في ميدان التحرير وكل المدن المصرية
الشعب يريد
مجلـــس رئاســـــي
حكومـــة إنقــــــــاذ
محاكمــة مبــــارك
سيتبع ذلك الدعوة إلى إضراب عام وعصيان مدني شامل حتى تتحقق مطالب الثورة
النظام كما هو لم يتغير ، لم تتم محاسبة الفاسدين .. تم حبس أربع أغبياء كباش فداء فقط ، أين زعماء العصابة الكبار؟
أين عمر سليمان الذي هرب أموال مصر للفاسدين حينما كان رئيسا للمخابرات؟
أين صفوت الشريف؟
أين زكريا عزمي؟
أين فتحي سرور؟
أين أين أين عشرات الفاسدين؟

النظام مازال موجوداً بكل قوته في الحكومة ، المحافظات ، المحليات ، الأحياء ، وزارة العار الداخلية وأمن الدولة القذر مازال يمسك بالمعارضين حتى اللحظة ؟ إذن اين هو التغيير ؟ بل أين الثورة التي تدعي أنك تحميها يا جيشنا العظيم؟

الجيش في كل بقاع الدنيا لم ولن يهزم شعباً مهما أوتي من قوة .. مستحيل مستحيل .. وهذا هو السبب الرئيسي في حسن تعامل الجيش مع المتظاهرين لأنه ليس لديه أكثر من هذا أمام ملايين المتظاهرين ، إن فعل غير هذا سوف يخسر خسارة رهيبة لا يطيقها ، فقد هرب قبله جيش البوليس الذي يفوقه عشرات المرات فماذا عساه أن يفعل الجيش مع شعب ثائر؟ لقد رأينا جميعنا على الفضائيات تعامل الجيش وضرب المتظاهرين الذين تبقوا في ميدان التحرير منذ أيام لأنهم قلة.

جيشنا العظيم يحمي الفساد .. يحمي مبارك وأعوانه في شرم الشيخ .. يمارسون حياتهم بشكل طبيعي كأن شيئاً لم يكن .. وكأن النظام لم يسقط .. يسعون إلى امتصاص الثورة وتطويقها .. ولكن لن نترك لهم هذه الفرصة أبدا .. نازلين نحقق أهداف ثورتنا بنفسنا بالمظاهرات المليونية والإضرابات والعصيان المدني.
http://ibnbahya.blogspot.com/

http://www.facebook.com/event.php?eid=185218911516253

IBN BAHYA - إبــن بهيـــــــــــــة يقول...

جمعــــة الحســاب 25 فـــبرايـــــر
مظاهرات مليونية في ميدان التحرير وكل المدن المصرية
الشعب يريد
مجلـــس رئاســـــي
حكومـــة إنقــــــــاذ
محاكمــة مبــــارك
سيتبع ذلك الدعوة إلى إضراب عام وعصيان مدني شامل حتى تتحقق مطالب الثورة
النظام كما هو لم يتغير ، لم تتم محاسبة الفاسدين .. تم حبس أربع أغبياء كباش فداء فقط ، أين زعماء العصابة الكبار؟
أين عمر سليمان الذي هرب أموال مصر للفاسدين حينما كان رئيسا للمخابرات؟
أين صفوت الشريف؟
أين زكريا عزمي؟
أين فتحي سرور؟
أين أين أين عشرات الفاسدين؟

النظام مازال موجوداً بكل قوته في الحكومة ، المحافظات ، المحليات ، الأحياء ، وزارة العار الداخلية وأمن الدولة القذر مازال يمسك بالمعارضين حتى اللحظة ؟ إذن اين هو التغيير ؟ بل أين الثورة التي تدعي أنك تحميها يا جيشنا العظيم؟

الجيش في كل بقاع الدنيا لم ولن يهزم شعباً مهما أوتي من قوة .. مستحيل مستحيل .. وهذا هو السبب الرئيسي في حسن تعامل الجيش مع المتظاهرين لأنه ليس لديه أكثر من هذا أمام ملايين المتظاهرين ، إن فعل غير هذا سوف يخسر خسارة رهيبة لا يطيقها ، فقد هرب قبله جيش البوليس الذي يفوقه عشرات المرات فماذا عساه أن يفعل الجيش مع شعب ثائر؟ لقد رأينا جميعنا على الفضائيات تعامل الجيش وضرب المتظاهرين الذين تبقوا في ميدان التحرير منذ أيام لأنهم قلة.

جيشنا العظيم يحمي الفساد .. يحمي مبارك وأعوانه في شرم الشيخ .. يمارسون حياتهم بشكل طبيعي كأن شيئاً لم يكن .. وكأن النظام لم يسقط .. يسعون إلى امتصاص الثورة وتطويقها .. ولكن لن نترك لهم هذه الفرصة أبدا .. نازلين نحقق أهداف ثورتنا بنفسنا بالمظاهرات المليونية والإضرابات والعصيان المدني.
http://ibnbahya.blogspot.com/

http://www.facebook.com/event.php?eid=185218911516253

ابراهيم رزق يقول...

ابن بهية

العصابة موجودة لكن لا اعتقد انهم يستطيعون العودة قد يحاولوا و لكنهم اكيد سيفشلوا لان الشعب فاق و شم نسيم الحرية
تحياتى

ابراهيم رزق يقول...

بت خيخة و اى كلام

كل التعليمات نقذت و تم تصحيح التاريخ و الساعة انتى عارفة الرجالة لا يهتموا ابدا بالتفاصيل
سلامى لعريس بنتى شريف

فاتيما يقول...

الف مبرووووووووك المدونة يا إبراهيم

انا اسفة ع التأخير وعدم التعليق ف اول بوست والتانى
بس والله الجمعة كنت ف الفرح الكبير
والسبت ف اسكنكرية المارية
والنهاردة يا دوووب فقت شوية

الف مبروك علينا احنا يا عم المدونة
اولا
موضوعاتك مهمة
قوايم العار دى لازم نفكر الناس بيها
والأسامى كتييييير
وبيحاولوا دلوقتى يغسلوا وشهم من العار وفاكرينا هننسى بينما العار مكلل جبينهم زى الوشم


ثانياً بقى
يا ريت تكمل وف موضوعات تانية كمان مش كدا بس
لأن ماشاء الله اسلوبك حلو
ويشد من اول سطر للآخر
يعنى اخواتك ف الإنسانية والوطن والتحرير والتدوين ..عاوزينك تفضل علطول هنا ومتقفلهاش لأى أسباب قد ينتهى بها الغرض


ثالثاً
حضرتك مدعو للتبرع الخيخى للدم
ربنا يجمعنا دايما على خير


رابعا
سلامى للعيال الحلوة

:)

Casper يقول...

اي كان هو مؤيد للثورة او معارض لها
مش هنسيب الفاسدين الكبار ونمسك في الناس اللى عارضت الثورة

هذا رأيي قد أصيب وقد أخطئ

تحياتي ,,,

Casper

ابراهيم رزق يقول...

فاتيما

العزيزة ذات الروح الملائكية فاتيما
متشكر لمجاملتك الرقيقة والله انا من زمان بيحاولوا معى لكنى مش قد المسئولية لكن الدماء اللى سالت فى التحرير مقدرتش غير انا اتكلم لانى حسيت انها امانة لان هؤلاء مفسدون و هم اشد خطر من الفاسد

هاحاول اكتب فى موضوعات تانية عشان ميبقاش دمى تقيل
انشاء الله هاكون موجود يوم التبرع بالدم
سلامى لكى و الى العزيز يوسف
نورتينى وسعيد بمرورك

ابراهيم رزق يقول...

كاسبر

لن نطالب بالدكتتورية و نحن من عانينا منها من حقك ان تؤيد او تعارض و لكن ليس من حقك ان تهاجم و تتهم بالكذب و تنافق وتركب الموجة

الفاسدون الكبار تم كشفهم وباذن الله سيحاسبوا ولااعتقد انهم يستطيعوا العودة لان اوراقهم قد كشفت و احترقوا اما المفسدين فهم الخطر الحقيقى على الثورة لان هؤلاء افسدوا من جاء من قبل وسيتلونوا و يفسدوا من جاء بعدهم
نورت وسعيد بتعليقك
تحياتى

فاتيما يقول...

لأ لأ مش قصدى ان المواضيه الحالية دمها تقيل
بالعكس

انا بقولك لما تخلص القايمة السودا دى وهيجيلها وقت اكيد

متوقفش على كدا
وخليك مستمر ..
انتا ان شاء الله هتكون اضافة يا إبراهيم للتدوين

من اول تعليقاتك عند الناس
اصل اختك بقالها تلات سسنين وعارفة
الناس الحلوة بتبان من تعليقاتها عند الآخرين ... وتلاقى الكل بيسالهم فين مدونتك وليه مبتعملش واحدة ..الخ
وف الآخر يرضخ لمحبة الغير زى انتا ما عملت ويقرر بدل ما يسكن قلوبهم وصفحات تعليقاتتهم بس ..
يجيبله بيت ملك ف حى البلوجر ويسكن بصفة دايمة والمحبين ييجوا يزوره ويسألوا عليه و كدا

:)

ربنا يديم الود
وانتا منور البلوجر كلاته

انا فرحانة قوى
انك جاى ان شاء الله
يوم التبرع
اشوفك على الف خير يا رب

ابراهيم رزق يقول...

فاتيما

روح الفلب الطيبة انتى عارفة انا كنت ابتديت اكتب موضوع مختلف لانى اعتفدت ان الناس هتزهق من الموضوعات دى لكن كان ضميرى بيوجعنى لانى حاسس ان ده رسالة متواضعة وعايز الكل يقراها و تتنشر لان الموضوع فى دم وفى ناس بتقول عفا الله عما سلف وده احنا منملكوش اللى يملك ده امهات واباء الضحايا الشهداء اللى قلبهم بينزف دما واللى انا فتحت ملفاتهم هم اخطر على الثورة لان هؤلاء اثنين فى واحد
تحياتى والنبى لما تكلمى يوسف امانة تقولى له ان فى واحد غلبان اسمه ابراهيم بيحبك قوى وبيسلم عليك

وجع البنفسج يقول...

هو اصلا نزل من عيني بعد مسلسله زهرة وازواجها اللي مش عارفة قديش عددهم بالضبط .. عموما وقت الشدائد بتبان معادن الرجال .. وهو معدنه بين على أصوله . وعلى قولة سعاد .. بانوا بانوا على اصلكم بانوا ..

سكن الليل يقول...

للأسف عمري ما احترمته
حسيت بتفاهة شديدة ووصولية
وأنا مابحبش اللي مالهمش قضية
ولو بسيطة
يعني حتى لما تدين
حسيت انه ماعملش حاجة عشان تدينه
ولما ما لقاش في الدين اللي هو عايزه
رجع لنفس شخصيته اللي ما انفصلتش عنه
رغم اللحية ،،
للأسف آخر مسلسل ليه كان صورة سيئة
وياريته كان جا في صورة واحد عادي
أحسن ما ييجي في صورة واحد بسبحة
وحاج بيت الله
هي دي صورة المتدينين عندكو؟؟
ماشيين ورا هواهم ومنافقين؟؟
ليه ماحدش صور الناس المتدينة
مثال القدوة الحسنة
اللي ياريت شبابنا يقتدوا بيهم
عشان يفلحوا في دنيتهم وآخرتهم
ويعمروا بلدهم

للأسف في أمثلة كتير زي الأستاذ دة
ومكشوفين أوي لنا
وساقطين أوي من نظرنا
من قبل الثورة
وكانت الثورة القشة التي قسمت ظهر البعير

**

بردو مقال استفزني
تسلم الأيادي ^_^

ابراهيم رزق يقول...

وجع البنفسج

الاخت الغالية

حمد الله على السلامة
و متتاخريش علينا عشان بنقلق عليكى
انا لما لقيتك كاتبه بوست جديد اطمنت
نعم سقطت اوراق التوت عنهم

خالص تحياتى

ابراهيم رزق يقول...

سكن الليل

هذا هو السبب فى سلسلة المقالات هذه

لست ضد من ايدوا مبارك هذا حقهم و لكن ضد من تلون و ركب الموجة و اتهم الاخرين

مسلسله الاخير كان سىء بشهادة زوجته و لا تنتظرى خير من مؤلف مسلسلات اسمه مصطفى محرم

سعيد بتشريفك و ارجو ان تتكرر