الأحد، 27 فبراير، 2011

طلعت...يا ما احلى خيبتها

هو ممثل ذو امكانيات فنية محدودة بدء حياته الفنية من مدة طويلة تكاد لا تلمحه او بمعنى دقيق لا تلمحه فى الاعمال العديدة التى مثل به
رغم كثرتها ثم بدء يظهر قليلا كسنيد او مساعد سنيد فى بعض الاعمال حتى وقع فى منتج جرىء يعمل قى تجارة اللحوم يمتاز باكتشاف المواهب فى اللحمة اقصد فى المدبح اقصد فى الطين و اعطاه بطولة فيلم نجح نجاحا محدودا والفضل طبعا ليس له و لكن لان الصراحة راحة  و هو  مبيعرفش و المطرب العاطفى مطرب الانابيب ثم اتبعه بفيلم مسلوق شاهده عدد كبير من المشاهدين لا يتعدى مشاهدى مبارة تمهيدية  فى دورى الدومينو بقهوة المعلم حنكش  ملحوظة هاجم عدد كبير من النقاد فيلمه مما افقده اعصابه لدرجة قوله اللى هيهاجم فيلمى من النقاد هاشتمه و اضربه طبعا لان مؤهلاته عضلية

قرر ان يبدء فيلمه الثالث و اختار له اسم منافق الرئيس و فيه ظهر رئيس الجمهورية ملاك من السماء يطير بجناحين  يركب الاتوبيس و ياكل طواجن فى المناطق الشعبية و يصلى بالمسجد و يحضر افراح شعبية و ياكل عدس و بصارة و فول و يدخل الحمام زيه زينا بالظبط و كان ناقص يوقفه فى طابور عيش ويعالجه فى مستشفيات الحكومة و يحمل الانبوبة و يمون بنزين  80  و ممكن ولاده  يغرقوا فى مركب بالبحر يا حرام  او عبارة  و تم حذف هذه  المشاهد فى المونتاج ملحوظة تباهى البعض بمناخ الحرية الذى سمح به الرئيس لدرجة التصريح بهذا الفيلم الذى يهاجم النظام بل يضرب النظام بعصا غليظة اشبه بالشاليمو


اثناء الانتهاء من الفيلم اصيب بمرض خطير فى المخ  و على الفور نظرا لتاريخه الكبير و دوره المميز فى الفن المصرى بداية من حاحا مرورا بتفاحة الى يا ست يا ام ذكى زكى بيعيط  و تقديره للفن و الفنانين امر الرئيس السابق بسفره بطائرة خاصه و علاجه على نفقة الدولة ملحوظة معروف عن الرئيس قلبه الطيب لدرجة تخصيصه مطار فى كل مستشفى لنقل المرضى بطائرات خاصة بالخارج بداية من مستشفى القصر العينى مرورا بام المصريين نهاية بمستشفى كفر مصلحى النموذجى الدولى و لكن المشكلة فى التاشيرات الشينجل لان التاشيرات المتوفرة للشعب فنجل  و جرجير


اثناء الثورة خرج  يتهم شباب الثورة بأن التحرير اصبح بؤرة للمخدرات و الجنس و كأن الشباب كان يقيم بموتيلات فاخرة ملحوظة انت اول من تعرف من يتعاطى المخدرات و يتناول المشروبات الكحولية بكثرة و يمارس ؟؟؟؟؟ و حياة ؟؟؟؟؟ ولا اللهم لا شماتة

بعد الثورة بدلا من الاعتذار او حتى يختفى من وجوهنا , و يدارى خائبته حتى ننسى خرج بفيلم من تاليفه و صرح لليوم السابع  بانه راى بنفسه الشباب يدخن البانجو بنفسه اصله خبير فى المخدرات و بيفهم جيدا  و يستطبع التفريق بين البانجو و الحشيش و عرف ان السيجارة دى فيها ايه فيها  فيل لا بانجو و ان الشباب بيمارس ايه الجنس لا حول و لا قوة الا بالله كأن ميدان التحرير اصبح ملهى من ملاهى باريس او يمكن افتكرها منطقة خمسة باب فى الاربيعينات  و عندما سالوه كيف ذهبت الى التحرير قال انا كنت متخفى اى يرتدى طاقية  الاخفاء اقصد  طرطور الاخفاء ملحوظة اشهد ان طلعت زكريا يستطيع ان يذهب الى ميدان التحرير نظرا للحالة الصحية التى وصل لها كما افهم انه يدين بالفضل لمبارك لامره بعلاجه بالخارج و لكن فى حالة واحدة و هى لو دفع  مبارك مصاريف العلاج من جيبه او من فلوس امه او فلوس سوزان لكن مصر ليست امه و ليست سوزان  لكنه دفعها من قوت الشعب الذى اتهمه باقذر الافعال
ملحوظة هامة
تصريحه عن سبب تخفيه و تنكره فى التحرير هو خوفه من الشباب و محاولة الفتك به كما فعلوا بتامر حسنى اذا كان شاهدهم قبل التصريح فلماذا التخفى و الخوف منهم و هو لم يصرح بعد و اذا شاهدهم بعد التصريح فمعناه انه حلم و نزل فشاهد حلمه اصله راجل مبروك اقصدى مبارك

يستعد الان لبطولة فيلم اسمه سعيد حركات من تاليقه ملحوظة ابشره بفشل الفيلم لان حركاته كلها فشلت و اصبحت خائبة
 

لو عرفته رجاء ان تدلى بما تعرفه عنه او تنشر ولك قبلة من ورد الجناين


 

هناك 22 تعليقًا:

هبة فاروق يقول...

على فكرة طلعت زكريا قفد شعبيتة وضيع نفسة
وللاسف معندوش لباقة فى الكلام واتهماتة باطلة وحتى متطلعش يعتذر زى سماح انور ما اعتذرت على قناة العربية
انا عايزة اعرف مين حيدخل فيلمة الجديد ومعظم جمهورة من الشباب انا بيتهيقلى اللى حيدخل الفيلم حينضرب من الناس اللى برة حتى لو كانت التذاكر ببلاش
وعلى فكرة كل فنان كان بيدور على مصالحة الشخصية فى وجود الرئيس وليس حب فية
تحياتى على بوستك الجميل

فاتيما يقول...

انا جييييييييييت

اولا
أزيك واسفة ع التأخير

ثانيا
انا عاجبنى جدااااااااا
عنوان البوست


وثالثاً
هوه ماشى على نهج استاذه عادل امام
فى تملق السلطان و الدخول ف حاشية السلطان عشان ينفعوه وقت الزنقة
مش فاهم ان الحصانة الحقيقة
حب الناس
ودا اللى باقى
ف العادة المفروض الفنان يكون مثقف او حتى بلاش يا سيدى الثقافة
الوعى طيب
يبقى فيه شوية وعى باللى حاصل حواليه ويبقى عنده شوية ارتباط بالواقع واحوال الدنيا حواليه

لكن للأسف
هذه النوعية من الناس ..
يطلق عليهم فنانين اكل العيش وبس
الحكاية وظيفة وسبوبة وفرصة تفتحلهم ابواب و مسالك
لكن يستشعرواها كنعمة و سكة لقلوب ملايين ؟
لأ للأسف


الحمدلله ان فيه ناس محترمة كتير
وانهم قلة برضو ..بالمقارنة بالباقى


تحياتى يا فندم
وسلامنا للعيال والأسرة كلها

:)


مش

;كارولين فاروق يقول...

ابراهيم تذكرني بطارق الشناوي
عندما ينقد الفنانين بشده ويكرههم
في نفسهم
ابراهيم دعنا لا نتوقف عند محاسبه
الاخريين فكل انسان حر في رأيه
نحن ننادي بديمقراطيه الرأي
واحترام الرأي الاخر
فالثوره لابد ان تحدث تغييرا
في كل شئ وتقدمنا سيأتي عندما
تكون هناك حريه في كل شئ

re7ab.sale7 يقول...

والله معاك حق
تعرف كمان الثورة كشفت ناس كتير علي حقيقتهم
ممثلين ومطربين ووصحفين ومذيعين
وناس عادين كمان
للأسف ....كل واحد بيبقي فاكر نفسه الالفا
وانه مفيش غيره
ويا ريت حتي بنستفيد منه
انا بتحسر علي حال السينما والتليفزيون او الاعلام بوجه عام عندنا ...يا سلام لما تشوف فيلم اجنبي والا دراما سورية
انت فاكر حملة اعلانات مولدي المستفزة اللي بتقارن فيلم اجنبي شهير بفيلم عربي سخيف ....
تخيل تيتانك اللي حقق مليارات يقارن بفيلم حقق مش عارفة كام الف جنية...؟
هي دي مصر الفاسدة للأسف
يا ريت بجد كل شييء يتغير للأحسن
اتمني هذا بشدة
تحياتي

ابراهيم رزق يقول...

هبة فاروق
ده لو كان عنده شعبية
ربنا انشاء الله هيحاسبه على افتراءه
متفق معكى تماما
خالص تحياتى و نورتينى

ابراهيم رزق يقول...

فاتيما
روح القلب الملائكية

نورتى البيت ههههههه
مش هتنازل على تعليقك على بقية البوستات لان انا اخرت نفسى عشانك هههه
مبسوط ان عجبك عنوان البوست

اولا استاذه طلع اذكى منه و اول واحد نط من المركب بينما خانه ذكائه
فى العادة الفنان يجب ان يكون صادقا قبل الثقافة حتى لو كان الفن اكل عيش و سبوبة

انتظرى بعد ما افوق الفنانين المحترمين

العيال و امهم بيسلموا عليكى
خالص تحياتى

ابراهيم رزق يقول...

العزيزة كارولين فاروق

اولا اختلاف الراى لا يفسد للود قضية

انا لم انتقد الفنانيين لانى مهتم بالفن و مسيرك هتعرفى قد ايه انا بحب الفنانيين

قال تعالى
اتامرون الناس با لبر و تنسون انفسكم
صدق الله العظيم

حاشا لله نعم نحن ننادى بالديمقراطية و احترام الراى الاخر و على ذلك لم اهاجم يسرا و شذا و الهام شاهين و اشرف ذكى و غيرهم تلك هى حرية الراى اما اطلاق الشائعات و الكذب و التضليل فهم من اقصدهم تخيلى نفسك فى التحرير و واحد من هؤلاء يطلق اكاذبيه بانهم يتلقوا اموالا و يتناولون كنتاكى و الزغلول الاخير اتهامات اخلاقية و اتهامات بتناول المخدرات لاحظى انا لم انتقدهم فنيا مع انى بعون الله قادر على ذلك و لكنى اضعهم فى قائمة المفسدين لو تابعتى المدونة من اولها ستجدى بها كافة الطوائف و ليست حكرا على الفنانيين هؤلاء هم المفسدين الذين افسدوا من قبلهم و سيفسدوا من بعدهم وهم اشد خطر
مثال ثانى ساذكره لكى و عزرا على الاطالة
عمرو واكد رغم اختلافى الشخصى معه فى مهرجان القاهرة السينمائى و الكل يعرفه قابلته غى التحرير و اخذته بالاحضان و كلما قابلته احتضنته و ساكتب بوست عنه خلافى مع المنافقين و ليس الفنانيين
اتمنى منك الرد فانا ارحب بالنقد
شرفتينى و نورتينى و سعيد جدا بمتابعتك

ابراهيم رزق يقول...

رحاب صالح

معكى حق فى كل كلمة لو انصلح حال البلد انصلح الفن و التعليم والصناعة و كافة المجالات
يجب كشف المنافقين و الفاسدين سيقل عددهم لانهم لا يعيشوا فى جو نقى و لكنهم سيظلوا موجودين

سعيد جدا بتشريفك و تعليقك
خالص تحياتى

أبو حسام الدين يقول...

أول زيارة لي هنا.
حقا الفنان طلعت زكرياء وغيره من الممثلين الذين كانت لهم شعبية قوية ليس في مصر وحدها بل في العالم العربي قد يفقدون شعبيتهم بتلك التصريحات التي أدلو بها أيام الثورة، وأظن أن إعتذارهم الأن يعتبر موقفا حرجا.

حياك الله.

موناليزا يقول...

الطريف انه قبل الثورة كان هيعمل جزء تانى لفيلم طباخ الريس!!!

وطبيعى بعد الفيلم الملائكى الكوميدى ان الريس السابق يقابله ويتصل بيه فى مرضه وسيساعد فى علاجه كمان

ده عمل اللى محدش عمله:)

آخر أيام الخريف يقول...

هاهاهاهاهاهاها صديقى شريف نجيب كان كاتب ع تويتر إن الرئيس السابق إذا كان لابد إنه يحاكم ع حاجة فهى إنه ادى ساعتين من وقته لطلعت زكريا :)))

جميلة جدا استاذ ابراهيم كالعادة :))على فكرة أنا رديت على حضرتك على الإيميل يا ترى وصل؟

شيرين سامي يقول...

هههههه ده حضرتك هايل قلت كل اللي نفسي أقوله و أكتر هو مين طلحت ده عشان يتعالج على حساب الشعب العظيم الفقير المريض دون مساعد سوى من الله هو مين عشان يتهم الشرفاء في أعراضهم لأنه ميعرفش يتهم غير في الجزءيه دي أنا سعيده ان كل انسان بيبان على أصله من خلال الثوره و كل كلمه اتقالت مش هتتنسي و لا بعد ميت اعتذار و كل منافق استمر ينافق الشباب الأمور اللي قام بالثوره أكيد هيبان
تحياتي لحضرتك سعيده بالموضوع و الطرح

Tears يقول...

فنان الشعب يبقى كما بقى سيد درويش و فنان السلطة يزول بزوالها و هو ما يحدث لعادل امام و طلعت و كل اللى طالبوا بحرق المتظاهرين و اتهموهم بالكنتاكى زى هالة صدقى و الهام شاهين و يسرا و غادة و كل الشلة اللى ماحدش طايقهم

carmen يقول...

ههههههه والله بحس انك بتفش غلي في الناس اللي منرفزاني

ابراهيم رزق يقول...

ابو حسام

معك فيما قلت و اعتذارهم نوع من النفاق
سعيد بزيارتك و ارجو ان تتكرر كثيرا
خالص تحيانى

ابراهيم رزق يقول...

موناليزا
متفق معكى تماما
اى طاغية يسعد بمن ينافقه و يثور على من ينتقده
سعيد جدا بمرورك و تعليقك
خالص تحياتى

ابراهيم رزق يقول...

اخر ايام الخريف
اختى العزيزة نوران

انا و الله سعيد جدا جداااااا
سعيد بوجود بوست جديد لكى من بتوع زمان و سعيد بزيارتك
صديقك معه كل الحق الطغاه يحبوا من ينافقهم تلاقيه كان مضايق شوية فحب يجيب واحد يسليه تماما مثل الملوك و السلاطين زمان كان اقرب ناس لهم المهرجين و شعراء المدح
سعيد للمرة الثانية و الثالثة
خالص تحياتى

ابراهيم رزق يقول...

شرين سامى

متشكر على مجاملتك الرقيقة
معكى كل الحق مين طلحت ده مش كفاية سايبينوه يمثل عامله زعيم سياسى و بعدين بيتهم الناس باقذر الافعال مع ان كل اناء بنضح بما فيه
هو لم يعتذر لكن بغبائه اكد تصريحاته
هو ده المقصود يا شرين انا لااهاجم كل من ساند مبارك و لكن اهاجم كل من نافق و كذب و هاجم

سعيد جدا بزيارتك و تعليقك القيم

ابراهيم رزق يقول...

العزيزة Tears

معكى كل الحق سنظل نتذكر يوسف شاهين و اسامة عكاشة و سيد درويش و كل المبدعين
اما فنان السلطة فليس لكى حق فيه فهو مش فنان و خسارة فيه كلمة فنان

سعيد جدا بمرورك و تعليقك
خالص تحياتى

ابراهيم رزق يقول...

كارمن

اختى الصغرى الرقيقة
اى خدمة انا عارف مدى رقتك و مش هتقدى تفشى غلك فانا اقوم بالواجب ههههههه
والله فكرة متفكرى تفشى غلك فى واحد ونشوف النتيجة ايه انا خايف يبقى الموضوع رومانسى خالص ههههه

سعيد جدا بمرورك

وجع البنفسج يقول...

المشكلة انه في ناس كثير اختارت غلط في اثناء الثورة وبعد هيك ندموا على اختيارهم .. لكن توصل فيه الجرأة بأنه يقول ان التحرير اللي كان على عينك ياتاجر .. وكر للمخدرات وخلافه ،، هذا الاشي لا يقبل بتاتاً ، عموما كل واحد ح ياخذ جزائه ، واللي زيه اكيد خسر حب واحترام الشعب له ..
تقبل مروري ومعلش اجت متأخرة شوي ..

ابراهيم رزق يقول...

وجع البنفسج
اختى الغالية
كل اناء ينضح بما فيه

فيلمه الجديد انتهى من تصويره لكن المنتج خائف من نزوله السينمات
خالص تحياتى