الجمعة، 29 يوليو، 2011

ديمقراطية القطيع و سياسة الترويع

اشهد ان ان لا اله الا الله و ان محمد صلى الله عليه و سلم  عبده و رسوله لم اكمل سوى سويعات قليلة فى ميدان التحرير الا و عدت الى منزلى سريعا كنت قد حملت لافتتى التى تدعو الى توحيد الصفوف و الوقوف بجوار ثورة مصر و تحقيق مطالبها نزلت من منزلى مستبشر خير بما كنت قد سمعته من توحيد الصفوف و وفاق لا انشقاق توافق لا تراشق نزلت بحسن نية من محطة المترو لا تستطيع ان تحرك قدمك قيد انملة يا سبحان الله اتلك هى التحرير التى كانت هادئة استبشرت خيرا بعد اكثر من ساعة استطعت الوصول الى المنصة الاولى من المتحدث عبد المنعم الشحات اذا هى منصة السلفيين لا مانع من سماعه و معرفة وجهة نظره لكن ما هذا الذى يقوله نريد ان نثبت ان مصر اسلامية استغربت و قلت من قال ان مصر ليست اسلامية  لكن ما هو مصير الدولة المدنية التى يحكمها دستور ماذا يقول ايضا يجب ان نحاور من يخالفوننا فى الراى و نهديهم الى دين الله و هو الاسلام يا سبحان الله اصبحنا مشركون اصبحوا هم الاسلام و من يخالفهم عصاه يجب ان يتم هديهم يقول هذا وسط هتافات من الحضور دون ان يقاطعهم احد نسيت ان اقول لكم ان ساليناز كانت معى مشيت من هذا المكان و هو المكان الذى كانت تجلس فيه فاتيما روح قلب ماما طبعا لا اعرف اين ذهبت و لكنهم احتلوه بديمقراطية القطيع 
ذهبت الى المنصة الثانية لا تندهشوا وجدت من يتحدث شاب صغير جدا او بمعنى اصح طفل كبير هو ابن حازم صلاح ابو اسماعيل يهاجم امريكا و يهاجم كل الاطياف و لا يعترف الا بمن يتبعه من انت هل  لمجرد انك ابن حازم صلاح ابو اسماعيل تصعد للمنصة و تخطب هل سنصل الى نظام الخلافة من قبل ان تحكم لقد تخلصنا من ولى العهد السابق جمال مبارك بشق الانفس هل سيأتى لنا ولى عهد اخر و لكن طبقا لنظام الخلافة التى لا يستطيع احد ان يخالف ما يقولوه  و الا اصبح مرتد و يجب ان يستتاب
المنصة الثالثة فوقها احد الشيوخ وجدته يتكلم عن مولد ابو حصيرة ما علاقة مولد ابو حصيرة و ما يحدث فى الميدان و ما يحدث من احداث فى مصر مع اعترافنا بأنه يجب الغاء هذا المولد نهائيا لكن هل هذا وقته و هل هذا وقت الافتكاسات و الاشياء الجانبية
بحثت عن الاخوان وجدتهم على استحياء عن طريق بعض الفتيات التى تلبس كابات تحمل شعارهم او شماسى لكنهم كقوة مؤثرة غير موجودة
طبعا رجعت لتصريحات عبد المنعم الشحات الاسبوع الماضى و قوله انها جمعة الهوية اى هوية يتحدث عنها هل نحن بلا هوية و سيادة الشحات هو الذى يحددها لنا هل فرض الامر بالحشد بسياسة القطيع هى الديمقراطية التى يريدها اقسم بالله تعالى ان جميع من حضروا لا يعرفون لماذا حضروا هذا الاسبوع و لماذا لم يحضروا الاسبوع السابق كل ما قالوه ان شيخهم قال لهم لا تحضروا الاسبوع الماضى و احضروا هذا الاسبوع من اجل نصرة الاسلام اذا هم لم يحضروا من اجل الوفاق و من اجل مطالب الثورة و من اجل التاكيد على مطالب اهالى الشهداء كل هذا كذب و نيتهم الحقيقية اتضحت من الوهلة الاولى لكل من يدخل الميدان هم يريدون فرض رايهم بالحشد يريدون جيلا من الشباب يعمل بسياسة القطيع سمعا و طاعة دون ان يفكروا طبعا من الحوارات الجانبية ظهر كل ما لم يبطنوه للاعلام و لكنهم يظهروه لاتباعهم فى خطبهم لهم السياحة حرام لانها لا توجد فى النظام الاسلامى و الفن حرام لانه يلهى الناس و لعل عبد المنعم الشحات طلب بعد اغنية بسم الله الله و اكبر بسم الله ان يشغلها بدون موسيقى حتى تتفق مع الهوية طبعا تلك ليست طرفة لكنها حدثت
سيطرة تامة على كافة المنصات  و على كافة الاماكن اى نفق يريدون ان يدخلوا مصر له اى شباب يريدون ان يكونوا هل انتهينا من  الثورة و حققنا المطالب هل حاكمنا القتلى و اللصوص اى ديمقراطية يريدونها هل يريدون ديمقراطية الحشد و القطيع  لقد تحولوا الى الديكتاتورية باسوء صورها لا يقبلون الراى الاخر تماما لا يقبلون وجهة نظر تخالفهم هم فقط على صواب اما الباقيين فوجهة نظرهم ان  نطلب لهم من الله الهداية يريدون فرض وجهة نظرهم بحشد القطيع و الترويع  و لكنه اى ترويع و ما اقساه ترويع انه  ترويع فى العقيدة من يخالفنا لا يريد شرع الله  و من لا يريد شرع الله  الا الكافرين اعوذ با الله
لكى الله يا مصر
بلد مجانين صحيح 
   

هناك 46 تعليقًا:

مصطفى سيف يقول...

اوافقك الرأي اخي ابراهيم
كنا ننتظر مطالب مشتركة متفق عليها فوجدنا اليوم تشتتا وتفرقا ومطالب غير متفق عليها
كنا نظن انها جمعة توافق لكن هناك شعارات وهتافات تزيد الفجوة
الى متى نظل مشتتين لا تجمعنا كلمة سواء او مطالب واحدة
مصر دولة اسلامية منذ عام عشرين هجرية حين فتحها عمرو بن العاص ولا خلاف اننا جميعا لا نريد المساس بالمادة الثانية اذاَ هناك اشياء كثيرة مشتركة فلماذا نتركها لنزيد الفجوة بهتافات ليس في محلها؟
انا لا اصنع فزاعة من السلفيين او الاخوان بالعكس انا احترمهم واقدرهم ولكن اعيب عليهم خروجهم عن اتفاق تم تنسيقه قبل المظاهرة
تحياتي

كريمة سندي يقول...

لكم الله .. افق مع كلامك عزيزي إبراهيم رزق .. مازال أمام مصر الكثير جدا .. تحياتي الصادقة

أم هريرة.. lolocat يقول...

السلام عليكم

سأبدأ من حيث انتهى سيف
طبعا انا مع عدم المساس ابدا بالمادة التانية من الدستور
بالعكس انا مع تطبيق الشريعة الاسلامية اكثر واكثر

ايضا انا لست اخوانية ولاسلفية بالمعنى المتعارف عليه الان
لكنى مع السلف الصالح جميعهم واحاول التأسى بهم فى كل وقت وحين بفضل الله تعالى

لكنى ايضا مصرية وحزينة على كل مايحدث وحزينة اكثر على ان قلقى وخوفى فى اول الثورة يتحقق مع كل دقيقة


الاخوان والسلفيين لديهم الكثير من الافكار جميلة وطيبة
لكن الخطأ الذى يقعون فيه هو عدم تقديرهم للوقت ومتى يستطيعون عرض افكارهم وكيف

الان هو وقت مصر كلها
مسلم ومسيحى اخوان وسلفى
نعدى مصر بر السلامة وبعدين كل واحد يعرض افكاره


قلبى تعب من كل الاحداث لكن لازم نصبر ونصمم على الوصول لبر الامان ببلدنا
اللهم أسألك توحيد الصف ولم الشمل وانصر مصر والمصريين

وزى ماقال مصطفى انا اقول بالطبع انا احترم السلفيين يمكن اكتر من الاخوان لكن لازم الكل يحترم مصر ويقدر الوقت وايه المناسب واللى مش مناسب فيه


ربى يحميك يامصر ياحبيبتى

كل عام وانت وساليناز وزياد وامهم بكل خير وسعادة
واجمل شىء برغم كل شىء ان رمضان هذا العام بالفعل صناعة محلية

وبلد طيبين صحيح :)

تحيااااااااااااتى لاخى العزيز

وجع البنفسج يقول...

ميدان التحرير كان ياما كان .. دلوقت بقى حاجة ثانية ، كل فريق يريد ان يثبت انه الاقوى وانه الكلمة المسموعة للاسف .. بدأ عصر الديكتاتوريات الجديد ..

ربنا يرحمكم ويحفظكم يارب ..

نحن نسير بخطى وثيقة نحو الفوضى " اخف من كلمة الهاوية !"

""""
انا تركت تعليق على " الحذاء لا يزال في جيبي " ..

كل عام وانت بخير .

حفيدة عرابى يقول...

الشهادة فى أول التعليق من اكتر الحاجات اللى زعلتنى النهاردة
انى مضطرة اتكلم فى بديهيات وكل واحد اقوله ياسيدى والله مسلمة وموحدة بالله بس ايه الخطر يعنى اللى حصل للاسلام
أنا مش لاقية الصليبين احتلوا البلد وانتم نازلين تحرروها..فين طيب الثورة فى كلامك ..هى محاكمة مبارك مش اسلام ؟؟
لما البلد تحاكم اللى افسدوها دى حاجة تغضب ربنا ؟؟؟رافع لافتات حجاب ليه فى الميدان مش فاهمة ؟؟

وكمان انى لاول مرة فى حياتى اسمع هتاف اسلامية واسكت ومش اهتف معاهم وابص لهم وانا عنيا مدمعة واقول عليه العوض
ولقيت نفسى حاسة انى هانطق واقولهم لو انتم الاسلاميين فانا من الكفار


الخوف مش من النهارده ..الرعب من استغلال المجلس لليوم ده لمصلحته

محمد الجرايحى يقول...

أخى الفاضل: أ/ ابراهيم
قرأت ماكتبته ولكنى لست فى حالة تسمح لى بكتابة تعليق الآن لأنى أمر بحالة من عدم التوازن الفكرى .........

Ramy يقول...

مش عارف اقول ايه صدقنى

غير حمد الله على السلامه

و نسيت اسلم على ساليناز كتر خيرها بصراحة

ربنا يخليهالك هى و زياد يارب

فاطمه درويش يقول...

للاسف يااخي نحن امام ناس خانهم ذكائهم ولم يقرأوا التاريخ قراءه متانيه ليتعلموا من دروسه ومما حدث ويحدث الاغرب من ذلك انهم قد يكونوا قد نم تسييسهم دون وعي منهم لصالح اناس يلعبون لصالح النظام القديم ويكونوا هم اداه لتقويض الثوره ويبقي الشعب هوه اللي عمل كده مش حد تاني وكأنك يامصر لا رحتي ولا جيتي بس اللي حايطمني هو ان نحاول نمشي صح ونحاول نرسي العدل لان الله يقيم الدوله العادله ولو كانت كافره ويخسف الدوله الظالمه ولو كانت مسلمه ولذلك العدل اساس الملك وضع في اعتبارك ان الحكام من جنس عمل الشعب اما من ينادي اسلاميه فليعلم اننا كلنا لانعارض الهويه الاسلاميه لا المسلمين ولاحتي المسحيين لكن المصيبه انه لا الوقت ولا الظروف تتطلب هذا الكلام وليس هنالك اي رفض للهويه الاسلاميه من اي فصيل والرسول محمد صلي الله عليه وسلم يقول انتم اعلم بشئون دنياكم والشأن الان يتطلب وحده الصف لتحقيق مطالب الثوره ونجاحها والعبور ببلدنا لبر الامان

غير معرف يقول...

مبارك فين ايامك يامبارك ياحبيب الملايين ولسة انتم شفتم حاجة اهم شيئ ياهيمة اوعي تقول ثورة ممكن تقول الفوضي الخلاقة الامريكية الا احنا سميناها ثورة ولاتقل شهداء هم شوية مسجليين خطر ماتوا وهما بيهاجموا اقسام الشرطة فقتلهم ظباط الشرطة واحنا بنقول عليهم شهداء ( طبعا هذا لاينفي ان هناك ناس ماتوا فعلا وكان كل هدفهم مجابهة بعض الفساد في النظام ودول فعلا شهداء ) ولاقل كل اعمال مبارك سلبية وليست له ايجابيات لان دة حرام ياهيمة واحسن حاجة تعملها في شهر رمضان انك تدعي ربنا انة يولي علينا خيارنا (طبعا مش البرادعي وكل الا علي الساحة تقريبا) ويقدر بلدنا العظيمة علي افشال مخطط الفوضي الخلاقة هية والبلاد العربية وكل انسان في مصر سب مبارك او شتمة وقال علية ما ليسة فية فقط علشان قالولوة يغفر لة ويزيد من حسنات مبارك

Carmen يقول...

فعلا الكل تفرق وكل واحد بقى بيدن فى مالطة مع نفسه

كل سنه وانت طيب استاذ ابراهيم

شمس النهار يقول...

حزينة مخضوضة

مارحتش بس الحكاوي كتير والشاشة مابتكدبش (علي التليفزيون المصري بس)

وكنت مشغولة طول النهار فامعرفتش التفاصيا وكأن ربنا اراد بيه خير اني مااعرفش التفاصيل

بس برضوا عندي امل كبيييير في ربنا
وان شاء الله خير

مصر مش محتاجة يافاطة تقول انها مسلمة مصر مسلمة من 14 قرن
وهتفضل معتدلة وسطية مؤمنة مسلمة اكتر من اي بلد في العالم
مصر محتاجة وحدة الصف

Casper يقول...

كنت متوقع حدوث ده من البداية
لان اللى دعا للجمعة دي هم السلفيين ومع احترامي ليهم لكن حاسس ان فكرهم ضيق جدا يكاد يكون محدود كالوادي الضيق

دائما محسسني ان احنا عايشين في الجاهلية وعاوزين يهدموا اصنام الكفر والجو بتاع الافلام الذي حفظناه عن ظهر قلب

لكي الله يا مصر
من اشباه السياسيين واشباه المثقفين
واشباه المتدينين

reemaas يقول...

انتم ناويين تجنونى صح؟
طب ما المشهد ده موجود بقاله اكتر من جمعه

والكل بينزل متفرج وعنده امل ان هيلاقى الوضع زى مابيعلنوا وبيرجع بنفس الحاله دى
يبقى ايه لازمته النزول بس علشان يبقى فيه عدد ونرجع نقول دول اللى هيغيروا البلد
؟

Tarkieb يقول...

فكروني بالفيلم لما قالو الغازية لازم تنزل....ناس رايحة تجاوب على الامتحان من غير ما يقرو الأسئلة....لعبة حقيرة من العسكر على غزوة العباسية ......

ريبال بيهس يقول...

مساء الورد ابراهيم

للاسف عملية إقصاء الآخر يتقنها العرب

بحرفية قل نظيره كان هناك رجل واحد

فقط وحزب واحد ورجالاته هم الذين

يقومون بعملية إستبعاد وإقصاء بقية

المذاهب السياسية ولكن الآن الكل

يقف في وجه الكل ولا يرى غيره على

حق لدرجة تصل إلى استخدام الدين في

عملية الترهيب ولدرجة ترشح من ليس

بكفؤ وكل من يستطيع بدأ في تقديم

طلب إنشاء حزب سياسي حتى الفنانون

الذين لا يفقهو في السياسة شيء ..

أتمنى أن يغلب المتحزبين مصلحة

مصر وأن يضعوها فوق كل إعتبار .

تحياتي

faroukfahmy58 يقول...

متأسف حبيبى ابراهيم من وصول تعليقى متأخر
قد يكون تعليقى مختلفا بعض الشئ عن تعليق اخوانى الافاضل
انا اود ان اذكر اللى بيحصل ده هو فى حكم سير القطيع من الخرفان والجديان
اذا جرى احد منهم فى المقدمة جرى وراءه الجميع بدون هدى ووعى يجرون ورائه لا هم لهم الا التقليد الاعمى صائغين طائعين ، وقد يجدوا انفسهم جميعا وهم غرقى فى بحر الظلمات فما الفرق بيننا وبين هؤلاء القطعان ونحن نملك العقل الذى ميزنا الله به عن باقى المخلوقات وذكاء المرء محسوب عليه وسيحاسب عليه
اين الفطنه والفكر الواعى فى حب مصر اللى ظلمناهاوهى تشكو فىنزعها الاخير

zizi يقول...

ابراهيم ....انا خايفة قوي ...انا خايفة ..انا خايفة

vanilla scent يقول...

ربنا يلطف بالبلد دي ويسترها

Tears يقول...

ده كان قندهار سكوير بعيد عنك و كانت جمعه سودا و مناظر و لا قريش

الاسلام مش الليلة السودا اللى شفتها دى

.............

جيت بس اقولك كل سنة و انت طيب :)

جايدا العزيزي يقول...

• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠• ۩˙·٠• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠•

كل سنه وانت دايما بخير

تحياتى

افكار مبعثرة يقول...

لا حول ولا قوة الا بالله
هو ايه اللي حصل؟
كانوا فين دول لما الثورة قامت
و كانوا فين لما الشهداء اتقتلوا
فرقوا ايه هم عن نظام مبارك مع اختلاف الشعار
مبارك كان بيعذب و يعتقل و يلفق تهمة لكل من يعترض طريقه ولا يقبل ديمقراطية
هم ماشيين بنظام ان من يختلف معنا يبقى ضدنا
لا حول ولا قوة الا بالله
تحياتي

الاحلام يقول...

كل سنه وانتى بكل صحه وسعاده ورمضان كريم
تحياتى الاحــــــــلام

ابراهيم رزق يقول...

مصطفى سيف

صديقى

قال تعالى
واوفوا بالعهد ان العهد كان مسئولا
صدق الله العظيم
هم لم يفوا بعهدهم

متفق معك اخى تماما
كل سنة و انت طيب
نحياتى

ابراهيم رزق يقول...

كريمة سندى

متشكر لمشاعرك الكريمة

كل سنة و انت طيبة
تحياتى

ابراهيم رزق يقول...

ام هريرة

اختى العزيزة

متفق معكى تماما و ابصم بالعشرة
مع اضافة يجب ان نعترف و نحترم الاخر و من يخالفنا

كل سنة و انتى و العائلة بخير
تحياتى

ابراهيم رزق يقول...

شجن ابنفسج

مازال ميدان التحرير رمزا للحرية انها جولة واحدة و بأذن الله لن تتكرر

متشكر لمشاعرك الكريمة

قرات تعليقك و سعيد به انا كنت فاكر البوست بتاعك رد عليه
ههههههه

كل سنة و انتى طيبة

ابراهيم رزق يقول...

حفيدة عرابى

كأنك تتحدثين عنى واضح انه شعور كل ما حضروا

متفق معكى تماما

كل سنة و انتى ثورية و طيبة يا حفيدة عرابى

ابراهيم رزق يقول...

محمد الجرايحى
استاذى العزيز

اتمنى ان تكون يخير
طمنى عليك
و اسف لو فى حاجة فى كلامى ازعجتك

كل سنة و انت طيب

ابراهيم رزق يقول...

رامى
القلب الطيب

متشكر على اتصالك بى
ساليناز بتسلم عليك

كل سنة و انت بخير

ابراهيم رزق يقول...

فاطمة درويش

اولا سعيد بزيارتك الاولى و اتنى دوام التواصل

متفق معكى اختى الكريمة لدرجة توقيعى تحت كل كلمة و كل حرف سطرتيه

كل سنة و انتى طيبة

ابراهيم رزق يقول...

غير معرف

؟؟؟؟؟؟؟؟؟؟؟؟؟؟؟؟؟؟؟

كل سنة و انت طيب شرفتنى

ابراهيم رزق يقول...

كارمن

صحيح كأننا بنأذن فى مالطة

كل سنة و انتى طيبة
كل سنة و انت مبدعة و رقيقة

ابراهيم رزق يقول...

شمس النهار

انا متفق معكى تماما
و ساذكر كلمة البابا شنودة
ان مصر ليست وطن نعيش فيه بل وطن يعيش فينا

و كلمة ميلاد حنا
انا مسلم قبطى

قرات بوستك و بقول يارب يرد كيد الكائدين

كل سنة و انتى طيبة و بناتك طيبين

ابراهيم رزق يقول...

Casper

اتصدق انا كذبت قلبى و صدقتهم و قلت دول وعدوا و المسلم يجب ان يوفى بالعهد

يا ريت فى الجاهلية دول هما الفاتحين

كل سنة و انت طيب

ابراهيم رزق يقول...

reemaas

انا فعلا مش فاهم التعليق الظاهر جاتلى حالة من الغباء ههههههههه
ممكن توضحيه بالتفصيل لانى فعلا عاوز اسمع وجهة نظرك بس بالتفصيل

كل سنة و انتى طيبة

ابراهيم رزق يقول...

Tarkieb

بكرة العفريت اللى حضروه ميعرفوش يصرفوه زى امريكا و زى السادات

كل سنة و انت طيب

ابراهيم رزق يقول...

ريبال بيهس

مساء الورد و الفل

متفق معكى اخى العزيز فى كل كلمة و كل حرف و اوقع تحته

نحن العرب لا نحترم الاخر و لا نعترف به

فعلا اخى الكريم اتمنى ان يضع الجميع مصر فوقهم

كل سنة و انت طيب

ابراهيم رزق يقول...

فاروق فهمى
استاذى العزيز
ملك الزهرات

دائما تعليقك اقف صامتا امامه و لا استطيع التعليق لما به من بلاغة و الدخول فى الصميم
متفق معكى استاذى الفاضل فعلا هم يسيرون بسياسة القطيع

نورتنى
كل سنة و انت طيب
كل سنة و زهراتك يفوحون بالعطر و الرياحين و طيبين

ابراهيم رزق يقول...

zizi العزيزة الذيذة

متخافيش خالص
مصر بخير طول ما انتو فيها و امثالك من المحترمين الطيبين

كل سنة و انتى طيبة

دعاء العطار يقول...

انا مش عارفه السلفيين عايزين ايه

مش هما اللى كاوا بيقولوا الخروج على الحاكم حرام ؟

طبعا انا ضد التعميم فى اى حاجه

واكيد مش كل السلف كده

بس اللى بيتكلم بلسانهم كده

بجد حرام عليهم مصر مش ناقصه .. احسن حاجه كانت ايام الثوره ان كللللللللنا كنا عايزين عارفين ايه

لكن حاليا كل يغنى ع ليلاه

ربنا يستر عليكى يامصر

كل سنه وانت طيب يااستاذ ابراهيم وكل سنه وساليناز وزياد بخير يارب

ابراهيم رزق يقول...

vanilla scent

يارب يلطف بالبلد دى و يسترها

سعيد بزيارتك الاولى و ارجو دوام التواصل
كل سنة و انتى طيبة

ابراهيم رزق يقول...

Tears

فعلا تشبيهك سليم لتصدقى كانوا بيهتفوا لاسامة بن لادن

كل سنة و انتى طيبة و بخير

ابراهيم رزق يقول...

جايدا العزيزى

سعيد بتشريفك مدونتى لاول مرة
سعيد بزيارتك و تهنئتى و ارجو الا تكون الاخيرة

كل سنة و انتى و عائلتك طيبين و بخير
شرفتينى فعلا

ابراهيم رزق يقول...

افكار مبعثرة

كانوا ايام الثورة غير موجودين بفتوة من محمد حسان

كل سنة و انتى طيبة

ابراهيم رزق يقول...

الاحلام

كل سنة و انت طيب
كل سنة و انت و عائلتك طيبين
كل سنة و انت كما انت تشع محبة على كل من يعرفك

تحياتى

ابراهيم رزق يقول...

دعاء العطار

ايام الثورة كان اغلبهم غير موجود بفتوة من محمد حسان بعدم الخروج على الحاكم

فعلا هم استعجلوا الغنائم على معركة لم يخوضوها و لم تنتهى بعد

كل سنة و انتى طيبة انتى و العائلة
و يا ريت تبقى تقطعى الاجازة و تبقى تزورينا كل حين