الخميس، 11 أغسطس، 2011

قلة لكل مواطن

ابشركم بانه بعد عمل شاق و مجهود جهيد و عدة مشاوير و اتصالات تم شراء قلة للانسة ساليناز و قلة لستها بناء على طلبها و اعرفكم ان كافة العروض السابقة لشراء قلة لساليناز مازالت سارية زيادة الخير خيرين قصدى القلة قلتين
طبعا لفت نظرى و نظركم صعوبة الموضوع و هو شراء قلة و تتمثل فى الذهاب الى مصر القديمة او السيدة زينب او المرج و ذلك لشراء شيئا بسيطا من الاستخدمات الاساسية للمصريين زمان 
فكرت و قلت ما هو المانع من وجود مجموعة من القلل توضع فى صينية جميلة فى شقة كلا مننا و يتم اخرجها ليلا فى البلكونة لكى تبرد هل ينقص منا شيئا هل القلل ضد المدنية و التحضر ماذا يضر لو وضعت فى مكتبى او عيادتى او محلى قلة للشرب هل يقلل منى او من هيبتى هل تعرضنى للسخرية  اليست القلة افضل من زجاجة المياه المعدنية و صحية فلمياه القلل فوائد صحية كثيرة 
1 تبرد المياه تبريد طبيعى مما يساعد على عدم تقلص المعدة
2 تقوم القلة بفلترة الاملاح و الشوائب الموجودة بالمياه
3 لا تتفاعل مع المياه مثل العبوات البلاستك 
4 رخيصة و عملية و سعرها لا يتعدى 3 جنية

لذا ادعو بأن يرفع الجميع شعار قلة لكل مواطن من فوائد القلة الحفاظ على الصحة و الفائدة الاخرى الحفاظ على صناعة و على مهنة من الاندثار و منها الفائدة الكبرى يمكن كسرها على راس اى شخص لا ترضون عنه او كسرها بعد رحيل شخص سمج و رزيل و لكن بعض الاشخاص لا يكفيها قلل مصر كلها حتى لو اقاموا فى شرم الشيخ او المركز الطبى العالمى ورانا ورانا
قلة لكل مواطن هو شعارنا
قلة لكل مواطن هو هدفنا
قلة لكل مواطن هومستقبلنا
قلة لكل مواطن هوصحتنا
صحتك فى القلة دى
مع تحيات الجمعية المصرية لصناعة القلل
كان معكم رئيس الجمعية
بلد مجانين صحيح    

هناك 26 تعليقًا:

zizi يقول...

بالمناسبة بقى :قللي حاجة ...

الف مبروك والله وفرحتلها هي وستها..هي دلوقتيالمشكلة ياسيد مش في القلل ولا في الصينية ولاحتي في الغطا ...المشكلة دلوقتي في البلكونة

هاتلي بلكونة مش مقفلة في اي شقة دلوقتي ؟؟؟والا بلكونة مش معمولة اوضة للعيال ..ويالتالي لو جبنا قلة نديها للبواب يحطها عنده تحت في المنور في الطراوة وكل مانعطش ننده عليه يجيبلنا نشرب ..بوست ظريف سلم ايديك ...

لـــولا وزهـــراء يقول...

مبروووووووووك حصولك على القله

على فكره عندنا فى اسكندريه فى اماكن تبيع قلل وكل اللى يبيع برام اللى هو بيتعمل فيه الارز لو تعرفه يبيع ايضا قلل وعلى فكره كمان انا اصلا كنت باشترى القلل الصغيره وباعملها اباجورات يعنى حاجه ديكور وكان فى ناس بتعشق شكلها
صحيح بلد مجنانين ^_^

تحياتى للانسه الصغيره ربنا يحفظها لك يااااااااارب


زهــــراء

بسمة الورد يقول...

مساؤك هنا وسعاده ,, وخفة دم راقية من قلمك البديع

بس تعرف القله لسه موجوده عندنا ودى طبيعية يعنى لازم ولابد اول الصيف ما يهل علينا نبتدى نشغل القلل على اساس انها احسن من الثلاجة كما ذكرت ههههههههه

كل سنة وانت بكل خير .سعيدة جدا لزيارتى هذا المساء مدونتك وجميل ما قدمت لنا من فوائد القلل ههههههههههه

تقبل مرورى واعجابى بما تقدم اخى

دعاء العطار يقول...

الفففف مبرووووووووك

اخيييييييرا

معاك قلبا وقالبا

قله لكل مواطن (: (:

ثورة وظائف الإنترنت يقول...

ههههه تقريبا كنت قربت أنسى إن فيه حاجة اسمها كدة D:
أسعدنى المرور ها هنا
وإلى الأمام ،
--------
فريق عمل ثورة وظائف الإنترنت

ريهام المرشدي يقول...

لا عيب إطلاقا في وضع قله فى اى مكان ، فهو من الفلكلور المصرى و لو ذهبنا إلى بلدان أخرى مثل الصين مثلا نجد انها متمسكة بكل تاريخها و عاداتها القديمة حتى ولو لم يتقبلها الآخرين ،
قناعاتنا بما نفعله تنعكس على الآخر فى تقبل ذلك الفعل أو رفضه .
هذا رأيي و لكم تحياتي ...

reemaas يقول...

بالعكس بقى دى هتبقى ميزة سياحيه لبلدنا

قله لكل مواطن
واهى هتبقى سلاح وقت اللزوم برده

مبروك لسالى وستها
والحمد لله انى ماتوهتكش بنصيحتى المرة اللى فاتت:)

شمس النهار يقول...

انبسطت ان ساليناز جالها قلة تانيه
:))
البنات ماحدش يزعلها ولازم تدلع
:))
بالنسبة لمعمل التحاليل مين هيحاسب الفلول ولا مين

وان شاء الله مع الرئيس الجديد ومجلس الشعب والشوري
نستحدث مركز حامل القلة
واي مسؤل يحاول يفسد الحياة تاني حامل القلة يناوله علي نفوووووخة
او ام راسه

εïз Semsema εïз يقول...

الف مبرووووك قلة ساليناز
ربنا يخليهالك يارب
..

اانا عمري ما شربت من القلة

نفسي أجرب الاحساس دا

بس مازلت مش مقتنعة ازاي الماية هتبقا ساقعة فيها منغير تلاجة

..

سؤال على جنب هو ايه معنى اسم ساليناز ؟

faroukfahmy58 يقول...

قلة لكل مواطن
انا حاسس يا ابراهيم ان وراء مسألة القلل دى انّه كبيرة
بالقطع هناك رسالة قلل صينى فى الطريق او مخزون قللى عند بعض التجار وعشان انت مدونتك عليها اقبال شديد عامل دعاية للقلل وعمال تذكر فوائدها وشعار قلة لكل مواطن انا فهمك كويس ههههههه
بالمناسبة يا ابراهيم ما سبب غياب سيف عن الكتابة عموما انا اتصلت به امس واطمأنيت عليه

norahaty يقول...

الفرنجة يازميل التدوين
الفرنجة واخذ كل ما يأتى
من الغرب بلا تفكير ولا تعقل
الى الأن الأطفال فى الصين
يتعلمون الــحساب على
العداد(بتاع زمان)!
وهنيئاً لــك ماء
القلة الرطب

ريبال بيهس يقول...

مساء الورد ابراهيم

وألف مبروك بنوتتنا ساليناز وبصراحة

هي تستاهل التعب الله يحفظها لك و

يحميها من كل شر أما القلل هذي

من تراثنا وشعب يخجل من تراثه لا

يستمر وبإذن الله أمتلك واحدة قريب

جداً ومش ضروري البلكونة وهذا جواب

على ست الكل زيزي يكفي نتركها في

الغرفة ومع التكييف تبرد زي البلكونة

وأكثر ...

تحياتي

بت خيخة وأي كلام يقول...

بس انا معنديش بلكونة علشان احط فيها القلة

وش واحدة محبطة

ابراهيم رزق يقول...

zizi العزيزة الذيذة

طبعا دى مشكلة عدم وجود البلكون لكن ممكن نتصرف بحوامل زى حوامل قصارى الزرع

و نبعد عن البواب
هههههههه

تحياتى و تقديرى و حبى

ابراهيم رزق يقول...

لولا و زهراء
زهراء

الله يبارك فيكى
انا فعلا اشتريتها من محل زى كده بس فعلا فى صعوبة فى العثور على قلة

انا بحب الحاجات دى قوى و انا حاطط فى الصالون زير كديكور
اصل انا دماغى فى الحاجات دى لاسعة شوية
هههههههه

نورتينى
تحياتى و تقديرى

ابراهيم رزق يقول...

بسمة الورد

متشكر على مجاملتك الراقية

سعيد جدا بتعليقك و باستخدامكم للقلل و ياريت ينتشر هذا الفكر

كل سنة و انتى بالف خير اختى العزيزة

نورتينى
خالص تحياتى

ابراهيم رزق يقول...

دعاء العطار

الله يبارك فيكى

اذا فليكن شعارنا
هههههههههههههه

نورتينى
خالص تحياتى

ابراهيم رزق يقول...

ثورة وظائف الانترنت

يحب ان نتذكر القلل
سعيد بمرورك

تحياتى

ابراهيم رزق يقول...

ريهام المرشدى

وصلتى الى كبد الحقيقة اختى الفاضلة
هذا ما قصدته الا نخجل من فكرنا مادام مقتنعين به و الا يهمنا نظرة الاخرين

نورتينى
خالص تحياتى

ابراهيم رزق يقول...

reemaas

فعلا ميزة سياحية كلما تمسكنا باصولنا كلما زادت السياحة

فعلا سلاح فعال و بيعور
ههههههههه
الله يبارك فيكى
دى كانت نصيحة فلة
هههههههه
نورتينى
خالص تحياتى

ابراهيم رزق يقول...

شمس النهار

ماقدرش ازعل ساليناز
هى المشكلة بالنسبة لها فى فقد شىء ارتبطت به

حساب معامل التحاليل و الفلول خليها علينا

دول عاوزين كرباج سودانى

نورتينى
خالص تحياتى

ابراهيم رزق يقول...

semsema

الله يبارك فيكى

مية القلة جميلة و بتبقى ساقعة من الهواء البارد اللى الفخار بيحتفظ بدرجة برودته

السؤال اللى على جنب
هههههههههه

لو تابعتى البوستات القديمة كنتى عرفتى الجواب اصل انا بتسأل السؤال ده كتير

بصى يا ستى ساليناز اسم فارسى من مقطعين سالى و ناز و سالى معناها زهرة و ناز الحب يبقى ساليناز زهرة الحب زى صافيناز الحب الصافى و ساهيناز ملكة الحب
و سمسمة ناز سمسة الحب
ههههههه

نورتينى
خالص تحياتى

ابراهيم رزق يقول...

فاروق فهمى
استاذى العزيز
ملك الزهرات
و ابن بطوطة المدونين

ههههههههههه
مش قلت لسيادتك برعاية الجمعية المصرية لصناعة القلل
كان معكم رئيس الجمعية
ده منصبى الجديد
ههههههه

نورتنى
خالص تحياتى و تقديرى

ابراهيم رزق يقول...

norahaty

صدقتى و الله العظيم اختى العزيزة
الفرنجة و التعلق بالغرب

ساقول لكى على شىء
زمان ايام الكتاب و الكتابة على الصفيحة بالريشة كان التلاميذ يصبحون خطهم جميل و يجيدون الكتابة

نورتينى
خالص تحياتى

ابراهيم رزق يقول...

ريبال بيهس
اخى العزيز

الله يبارك فيك

صدقت اخى العزيز فى كل كلمة
بأذن الله تزور مصر و نهديك مجموعة قلل

بالنسبة لمدام زينب الجو فى مصر غالبا لا يحتاج اجهزة تكييف و لذا هى غير منتشرة فى اغلب المنازل
هههههههههه

نورتنى
خالص تحياتى

ابراهيم رزق يقول...

بت خيخة واى كلام

ههههههههههههههه
ليه الاحباط ممكن تعملى حامل على الشباك زى حامل قصارى الزرع يعنى بسيطة

نورتينى
تحياتى