الخميس، 25 أغسطس، 2011

لا يعجبنى

لا يعجبنى برنامج مصطفى حسنى احبك ربى فهو يشرح المواضيع الاجتماعية من منظور اسلامى بكل سلاسة اين التشدد و اين المشقة فى التحصيل اليس الثواب على قدر المشقة كيف نفهم دون ان نبذل اى مجهود و كيف لا يتحدث عن عذاب القبر و يتحدث فقط عن نعيم الجنة و كيف يرتدى قميص و بنطلون اين الجلباب و اين اللحية كفانا مثل هؤلاء الدعاة الذين يساعدون فى تبسيط الدين و سرعة فهمه كما انهم لا يراعون المظهر اللائق لرجل الدين لدرجة انه فى احدى الحلقات ارتدى تشيرت عليه بعض الرسومات اين الوقار

الشىء بالشىء يذكر لا يعجبنى برنامج فتنة لدينا فاروق كيف تناقش مذيعة غير محجبة مواضيع دينية و تتحدث بلغة عربية سليمة و تبحث و تجتهد فى الكتب لتخرج لنا بمعلومة مفيدة اين القدوة و هى متبرجة هى لا تبذل مجهودا فى ربطة الطرح و لا تفيد البرنامج باعلانات من نوعية ملابس المذيعة من محلات كذا و مصممة الطرح فلانة الفلانية اليست تلك خسائر للبرنامج ماذا نستفيد من ثقافة و علم المذيعة بينما ستستفيد كل الفتيات من شياكة المذيعة و ربطات الطرح وتقلدها لانها قدوة

لا يعجبنى برنامج ماجد الكدوانى حلاوة شمسنا كيف يقدم مذيع مسيحى برنامج فى رمضان اهو من قلة المذيعين المسلمين و ايضا الضيوف الذين يستضيفهم البرنامج هم ناس بسيطة مثلنا زهقنا منهم و زهقوا مننا نوعية نقابلهم يوميا بملابسهم و نتعامل معهم موجودين فى الشقة المقابلة لنا و فى الميكروباص و فى طابور العيش و الشارع ملىء بهم اين الجديد اين الضيوف من بورتو السخنة و بورتو مارينا اين رواد اليخوت و الملابس السنيه و الكاش مايوه اين حفلات البوب و الهيب هوب لليدى جاجا و بيونسيه نريد ان نرى شاكيرا نريد ان ننسى و نرى الجديد لكن ان تستضيف ناس مثلنا ما هو الجديد نريد ان ننسى نريد ان نبهر انه افلاس فى الفكر
بلد مجانين صحيح   

هناك 37 تعليقًا:

محمد الجرايحى يقول...

ماشاء الله عليك ....
تقديرى واحترامى

آخر أيام الخريف يقول...

حلوة قوىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى كالعادة :)

بسمة الورد يقول...

الله عليك .. تصدق انا بقى فهمت كلامك كله بالعكس دا احساسى موش اكتر يعنى تدوينتك هنا نوع من السخرية المباحه هههههههه بمفهومى يمكن

لكن بجد تقبل مرورى واعجابى برايك الراقى دائما

zizi يقول...

يا ناس يا عسل ..ابراهيم وصل ..منتهى الرشاقة في الأسلوب واللذاذة في الحكي ..انا اول ما قريت اول كلمتين قلت الراجل ده ايه اللي حصله مش عاجبه مصطفى حسني..معقولة ؟؟؟؟وبعدين لما كملت عرفت انها لعبة من الاعيبك ..بلد براهيم صحيح ...تحياتي

شيرين سامي يقول...

هههههههه و الله عندك حق يا أستاذ إبراهيم المحترم في البلد دي بيتظلم إحنا بنحب اللي يستغفلنا.
مبدع كعادتك يا أستاذي العزيز :)

تحياتي ليك

re7ab.sale7 يقول...

مممممممممممم
معاك حق
بس لسة كتير تقول معجبنيش
انا حاسة كتير ان مافي ولا برنامج حلو

بسنت يقول...

هى البلد دى كدا مش يعجبها العجب

شمس النهار يقول...

:)))

صحيح ايه الكلام الفارغ ده

لا لا لا
كده ماينفعش خالص
كده هنبوظ الناس

:))))))

FAW يقول...

والله العالم دي بتهرج فعلا . . ليه نستفيد لما ممكن يستغفلونا :))

..... آرثـر رامبـو ..... يقول...

صباح الخير اخوي

بالنسبة لمصطفى حسنـي احسبه والله حسيبه ولا نزكي على الله أحد إنسان خلوق جدا ودين ومحترم أنا احترم رأيك لا يجب أن نأخذ الدين دائما ببساطة فلا بد أن نجتهد خاصة في هذا الشهر الفضيل .. ولكن لا ارى ان تبسيطه للدين قد حلل الحرام وحرم الحلال ...هو يخاطب العوام ايضا ..

انا احبه وارتاح له .. فهو لا ينفر من الدين كبعض الدعاه هداهم الله الذين يطلبون منا العيش في صومعة بلا عمل وإعمار ..

والبقية لم اتابعهم

بارك الله فيك

زينة زيدان يقول...

أسلوب ناقد ساخر للوضع الواقعي الموجود
ولرأي الناس الذين ينظرون للتفاصيل ويدققون في كل شيء حتى انك تشعر بان هدفهم النقد لأجل النقد وإخراج العيوب والجانب السلبي لكل ما هو موجود ووضع غيمة من الضباب لتغطي الهدف المنشود...

تحيتي لأسلوبك الساخر الغير مباشر
ولوصفك الواقعي للأمر

تحيتي

ياسمين يقول...

بصراحة مش متفقة مع حضرتك..
مش معني ان الشيخ بيلبس جلباية انه كدا تشدد..شايفة ان دا عادي ..ومصطفي حسني ..فعلا متميز وجذب ناس حواليه..
ومصطفي ملتحي بس مهندم...

برنامج فتنة برنامج صراحة متخلف اوووي ..وسخيف جداا...وملوش اي معني سوي التشكيك ف الدين وخلاص...!!
وهل معناه دا ان المذيع تخرج غير محجبة..!!دا ميمنعش ع اعتراضي الشديد ع فرح العمدة ف المذيعات المحجبات ف وشهم ولبسهم المأفور أووي...

ريــــمــــاس يقول...

صباح الغاردينيا أستاذ ابراهيم
امممم انت مش حتبطل انا كم مرة اقولك ماتقفل التلفزيون وتريح دماغك هو الايام دي بقى في حاجة نطلع بيها بفايدة ..
بالنسبة لإرتداء رجل الدين ثوب او بنطلون أو لحية او دون لحية لا أرى فيها غلط بالنسبة لي من خلال مجتمعنا للأسف هناك من لحاهم في وجوههم ولايمتون للدين بصلة العبرة في القلب والنية ..اما المذيعات فلك عين ثاقبة جداً هههههه صراحة لم أشاهد أي من البرامج المذكورة ولكن أدرك حين يكتب ابراهيم رزق فلابد أن أمراً ما أستفزه بقوة :) "
؛؛
؛
لروحك عبق الغاردينيا
كانت هنا
reemaas

د/دودى يقول...

اول صلى عالنبى و زيد النبى صلاه

هههههههه ضحكتنى و انا تعبانه و الله ...حلو علم النفس العكسى ده

للاسف مشفتش برنامج مصطفى حسنى لكن برنامج "ثوره على النفس" مشابه و اظنه نفس المستوى و اعجبت بيه كفكره عامه ..

للاسف برضه مشفتش برنامج "فتنه" بس اى مذيعه مش بتلبس زى بتوع قناه الحياه بالشراشيب و القصاصيص و القطع المتفرقه و بتتكلم صح تعجبنى فورا ..و عموما دينا مش محتاجه وصيه

انت عارف انا معجبه قد ايه ب "حلاوه شمسنا" بجد برنامج عامل زى الزبادى ملطف سهل الهضم و لذيذ...

ريبال بيهس يقول...

مساء الورد ابراهيم

للحظة توقفت عند كلامك وحدثتني نفسي

بغرابة ولماذا هو متذمر من برامج أو

بالأصح أفكار نحتاجها وعندما وصلت

آخر سطر عرفت المغزى من كل هذا وصحيح

بلدنا بلد مجانين لأننا نحارب الدعاة

الجدد مثلما تم تلقيبهم من بعض

المعارضين وكأن لا يعرف الدين إلا

صاحب الثوب أو الجلباب وصاحب اللحية

ولا أدل على ذلك من الحرب الشرسة التي

يواجهها الداعية عمرو خالد من الكثير

ليس من مصر ولكن من كل مكان متناسين

أنه حل المعادلة الصعبة بأن لم

الشباب حوله وحببهم في الدين ...

سخرية في محلها ونقد مبطن وجميل

تحياتي وإحترامي

Heba Salem Youssef يقول...

السلام عليكم

فعلا حضرتك عندك حق

هو انا لم اتابع سوى احبك ربى ومنه سأحكم

انا فى رمضان ذاك تابعت معظم البرامج الدينية وسبحان الله للداعية من الشباب

كمصطفى حسنى احبك ربى
ومعز مسعود وبرنامجه ثورة على النفس

الحقيقى ارتحت لاسلوبهم فى الحوار جدا

لين ووسطية وهذا هو التسامح الدينى

جزاكم الله خيرا على الطرح الممتاز

وجع البنفسج يقول...

تصدق اني مابحبوش " عن جد باحكي " اشعر انه عمرو خالد كرهني في كل الدعاة من أمثاله .. كنت احبهم زمان لكن الان لا اخذ العلم إلا على يد المشايخ الحقيقيين وليس أمثاله او أمثال غيره ..

"""

بالنسبة لدينا فاروق .. بصراحة ماحضرتش برنامجها فما قدرش افتي فيها !!

"""

ولا برنامج ماجد الكدواني حضرته بس مافيش مانع انه مسيحي يقدم برنامج في رمضان " هو في فتوى تمنع هيك ؟؟ " بل على العكس عنده خفة دم وحضوره جميل ..

"""

بلد نهفات صحيح @َ@

دعاء العطار يقول...

أيون أيوون عندك حق

ده انا حتى برنامج مصطفى حسنى ده من كتر ماانا مش بطيقه بسمعه تقريباً مرتين فى اليوم D: D:

انا نفسى افهم ايه المشكله لما نبقى ملتزمين ومتدينين وبنلبس مودرن

والله فعلاً يااستاذ ابراهيم بلد مجانين صحيح

ابراهيم رزق يقول...

محمد الجرايحى
استاذى العزيز

كل التقدير و الاحترام لك

نورتنى
تحياتى

ابراهيم رزق يقول...

اخر ايام الخريف
اختى العزيزة نوران

انتى اللى حلوة و جميلة و مبدعة و نقية

نورتينى
تحياتى

ابراهيم رزق يقول...

zizi العزيزة الذيذة

الراجل ده لسه بمخه
ههههههههه

دائما تعطينى اكثر من حقى
شهادتك وسام فى عنقى

نورتينى
تحياتى و تقديرى و حبى

ابراهيم رزق يقول...

شرين سامى

للأسف هذا هو واقعنا
متشكر يا شرين و اوافقك الراى
سعيد بتعليقك

نورتينى
تحياتى

ابراهيم رزق يقول...

rehab saleh

فعلا لسه كثير ميعجبنيش انتظرى الجزء الثانى

نورتينى
خالص تحياتى

ابراهيم رزق يقول...

بسنت

هههههههه
فعلا لا يعجبها العجب

نورتينى
خالص تحياتى

ابراهيم رزق يقول...

شمس النهار

فعلا كده الناس هتبوظ

ههههههههههه

نورتينى
تحياتى

ابراهيم رزق يقول...

FAW

فعلا هم يستفلونا و يستكردونا

نورتنى
تحياتى

ابراهيم رزق يقول...

ارثر رامبو

و انا ايضا احب مصطفى حسنى و احب تبسيطه للدين

نورتنى
خالص تحياتى

ابراهيم رزق يقول...

زينة زيدان
اختى العزيزة

متشكر لمجاملتك الرقيقة

و يارب نصلى فى القدس جميعا قريبا بأذن الله

نورتينى
تحياتى

ابراهيم رزق يقول...

ياسمين

اولا سعيد برايك و الاختلاف فى الراى لا يفسد للود قضية

انا لم اقل ان معنى ان الشيخ ملتحى و يرتدى جلباب يصبح متشدد بالعكس كل شيوخنا الافاضل كانوا يرتدوا جلباب و ذو لحية و انا احب الشيوخ متولى الشعراوى و عبد الحليم محمود و شلتوت و عطيه صقر و المسير و غيرهم و جميعهم يرتدون جلاليب و ذو لحية
انا اعترض على موجة الكفير و التشدد اللى ماشية اليومين دول و تكفير الاخرين انا ادعو الى التسامح الذى هو من اساسيات الدين و قبول الاخر

رايك فى برنامج فتنة وجهة نظرك احترمها تماما لكن هذا لا يمنع من ثقافة المذيعة و اجتهادها فى القراءة و البحث فى الكتب و الاحاديث و من يخالفها فى الراى عليه الرد و البحث بمثل هذه الطريقة
ما اريده ان نهتم بالجوهر لا المظهر و ان نقبل الاخر

نورتينى
تحياتى

ابراهيم رزق يقول...

ريماس
صباح الفل و الورد

هههههههههههههههه
مش عارف يا ريمسو هواية بقى و لسه الباقى كمان

متفق معكى تماما و سعيد برايك الذى يتفق معى تماما

انتظرى لا يعجبنى 2 بالعند فى الناس اللى بتضايقن

نورتينى
تحيات معطرة بالمسك و العنبر

ابراهيم رزق يقول...

بسمة الورد

اسف و اعتذر بشدة عن الخطأ فى الترتيب اعزرينى الدنيا صيام
اسف مرة اخرى

فعلا احساسك سليم تماما
سعيد بتعليقك و رايك الذى اعتز به دائما

دمتى دائما لى
منورانى

خالص تحياتى و تقديرى

ابراهيم رزق يقول...

د دودى

عليه الصلاه و السلام
كمان عليه افضل صلاه و سلام

هههههههه
يا ريت تحاولى تتابعيهم حقيقى لن تندمى

برنامج ماجد الكدوانى عامل زى طبق الفول رخيص و موجود و يملى المعدة
الذبادى غلى يا دودى
هههههههه

نورتينى
تحياتى

ابراهيم رزق يقول...

ريبال بيهس
اخى العزيز

اتفق معك تماما فى كل ما تقول و ابصم عليه

سعيد برايك جدا و مدى رقيه و احترامه للجميع و تقبل الجميع

نورتنى
تحياتى

ابراهيم رزق يقول...

Heba Salem Youssef

متفق معكى فى كل ما قلتيه
سعيد بتعليقك

نورتينى
خالص تحياتى

ابراهيم رزق يقول...

شجن البنفسج
اختى الغالية

من الظلم ان نحكم على شخص دون ان نراه
ما المانع ان نأخذ العلم من الشيوخ الحقيقين المعتدلين و ان نستفيد من الشباب فى التبسيط
احيانا يكون الشيخ ذو علم كبير لكنه عاجز عن الوصول الى مستوى و تفكير الشباب و الاطفال انا اريد ان نقبل الاخر فقط
يا ريت تشاهدى البرنامجان

نورتينى
تمنياتى لكى و لكل غزة و فلسطين بالحرية و النصر

ابراهيم رزق يقول...

دعاء العطار

ههههههههههه
ما هى المشكلة فعلا فى ذلك
و ما هى المشكلة ان نقبل الاخر بملابسه و افكاره حتى لو اختلفنا معه
نريد ان ننسى نظرية
من ليس معنا فهو ضدنا

نورتينى
تحياتى

Mohammad Mamdouh يقول...

احمم .. يارب ياساتر

السلام عليكم يا اهل المدونه

استاذ ابراهيم رزق :

ف البدايه احب ابدي اعجابي بكتابات حضرتك بصفه عامه

واعجابي الشديد بالبوست ده بصفه خاصه

وبتفق مع حضرتك تماما ف اللي قلته

كنت بحس دايما ان الشيوخ التقال عاملين زي اساتذة الجامعه ; عندهم علم غزير بس معندهمش القدره او الموهبه على توصيله

على عكس المعيدين .. صحيح معندهمش نفس القدر من العلم
بس بحسهم قريبين مننا شبهنا وبيعرفونا اللي ينفعنا بس مش بيثقلوا كاهلنا بحاجات كتيييييييييير توقعنا من تقلها وتثبط عزيمتنا

تجديد الخطاب الديني .. قد ايه الكلمه دي كانت مستهلكه من الشيوخ الكبار واصحاب الشهره .. لكن محدش فيهم بدأ بنفسه وحاول يقرب م الناس ويفهم نفسيتهم ويخاطبهم على قدر عقلهم

الشباب من امثال مصطفى حسني ومعز مسعود وقبلهم عمرو خالد عملوا ده وماشاء الله نجحوا فيه .. ربنا يكرمهم ويكتر منهم



اما عن دينا فاروق وبرنامج فتنه
فالصراحه انا سمعت حلقه واحده بالصدفه ولا اخفيك سرا انا ذهلت

مكنتش مصدق هي دي دينا فاروق بتاعت القناه التانيه والبرامج التافهه السطحيه

واستغربت جدا من بلاغتها وحصافتها ف ادارة الحوار مع فطاحل علم ; الواحد لا يجرؤ انه يقعد معاهم اصلا مش يحاورهم ويناقشهم

اللي لفت انتباهي فعلا مش شكلها ولا ازيائها

اسلوبها ولغتها الصحيحه واجتهادها
وتغيير جلدها تماما هم اللي خلوني اسيب القناه ومغيرهاش

برنامج ماجد الكدواني ماتابعتوش الصراحه.


للمره التانيه ابدي اعجابي بكتابات حضرتك وخصوصا البوست ده

وعذرا للاطاله