الأربعاء، 17 أغسطس، 2011

عدت يا يوم زواجى

                          اهداء
هذا البوست اهداء الى اختى الغالية ريماس نافذة حلم بمناسبة عودتها بالسلامة و لانها طلبت منى ذكريات الزواج و الخطوبة و لم استطيع كتابة تلك الذكريات اثناء غيابها


سبق و حكيت لكم عن يوم كتب كتابى بعد تحديد موعد عقد القران لعب معى اتحاد الكرة لعبته و حدد موعد مباراة الاهلى و الزمالك يوم كتب كتابى تعمل ايه تعمل ايه حددت الموعد الساعة الثالثة عصرا بحجة انى عندى عمل هام لا استطيع الاعتذار و كتبت كتابى و ذهبت الى الاستاد مباشرة لكن لسوء حظى انها المرة الاولى و الاخيرة التى اظهر فيها على التلفزيون لتكون فضيحتى منقولة على الهواء مباشرة بالاقمار الصناعية لكل انحاء العالم

ارجع قليلا ليوم قراءة الفاتحة محسوبكم بقى عايز يعمل ابو على ذهبت الى محل لابالما بمصر الجديدة و حجزت الجاتوه بانواعه المختلفة الاسوبنش و المنفيه والموس و جينا للتورتة لم تعجبنى اى تورتة من الموجودة و اتفقت على تصميم تورتة وضعت تصميمها على هيئة قلب نصفها فواكه و نصفها شيكولاتة و كارت شيكولاتة مكتوب به اسمى و اسم خطيبتى وقتها و عبارة غرام انجليزى و اتفقت على موعد تسليمها ال يعنى الواد رومانسى طبعا قبل الموعد سبقت اهلى الى محل الحلوانى و قلت لهم اذهبوا فى الموعد الى اهل العروسة و ساكون موجودا قبلكم طبعا ذهبت الى المحل الشهير وجدت الجاتوه موجودا لكن التورتة فى الطريق من الورشة فى الجيزة الى المحل لان السيارة تعطلت طبعا اهلى وصلوا الى منزل العروسة لم يجدونى و خطيبتى وقتها  تتصل بى و لا ارد عليها حتى لا احرق المفاجاة فى النهاية وصلت بعد ساعة و نصف تأخير و معى التورتة لكن المفاجاة ان زوجتى لم تنظر الى التورتة و كانت على وشك ان تضربها فى وجهى

معروف عنى الدقة يوم زفافى كنت حاسب كل شىء بالدقيقة و الثانية الكوافير فى مدينة نصر قاعة الزفاف فى مصر الجديدة  التصوير فى استديوا كادو  بشبرا لان صاحب الاستديو صديقى طبعا عرض اصدقائى ان يزفونى فى سيارتهم لكنى رفضت لان سيارتهم تعبانة مش من مقامى اجرت سيارة احدث موديل دفعت بها الشىء الفلانى و زوقتها بالورود طبعا بعد خروجى من الكوافير طلبت من زملائى ان يسبقونى على النادى على ان اذهب الى الاستديو بالسيارة الحديثة اتصور بسرعة و اعود الى النادى العسكرى المقام به الفرح و امام الميرلاند تعطلت السيارة الحديثة و عجز صديقى الذى يقودها عن اصلاحها لان السيارة حديثة و لا يفهم احد فى اصلاحها و نزل العريس و هو يرتدى الببيونة و العروسة بالفستان و اوقفنا تاكسى فيات 124 طبعا من الصعب ان اذهب بالتاكسى شبرا فذهبنا الى فرع الاستديو بمدينة نصر ثم ذهبت الى النادى بالتاكسى وسط استغراب الجميع و ضحكاتهم الذين اعتقدوا انها فكرة مجنونة منى وانى اقصدها كتقليد جديد للزفاف و اعتقد انها المرة الاولى و الاخيرة التى تم زفاف عروسين الى النادى داخل تاكسى

بعد وصولى للقاعة كانت مطربة مغربية ذات صوت جميل جاءت الى مصر بدعوة من مخرجة شهيرة و حدثت بينهم خلافات و لم تكمل عملها معها تعرفت عليها و اصبحت صديقة لى عزمتها فى الفرح و بعد ان غنت الاغنية الاولى فوجئت بها تسلم على العروسة و تقبلها ثم تسلم على و تقبلنى اقسم بالله انى فوجئت مثل زوجتى و تكهرب الجو من زوجتى الى ان اقنعتها بعد صعوبة انها قبلة اخوية و ان هذه التصرفات عادية فى الوسط الفنى و تم انقاذ رقبتى من المقصلة
بلد مجانين صحيح 
الى اللقاء مع عريس و عروسة فى الحسين 

هناك 49 تعليقًا:

الذوق الرفيع يقول...

ههههههههههههه
بصراحة موقف ولا اروع افكر اسوي مثلك
انزف على سيارة تاكسي هههههه
لو أنا مكان زوجتك كان روحت
وحطيتك لحالك مع المغنية والناس بالنادي ههههههههههه
ربي يسعدك :)

Lady E يقول...

وكده يبقى يوم العمر فعلا :) ذكرياته متتنسيش

حلوة اوي فكرة التورتة وكمان التاكسي علشان كده بقيتو اول عروسة وعريس يروحوا لمكان الفرح بتاكسي

سعيدة ان اول بوست اشوفه في المدونة هنا كله فرح

ربنا يجعل كل أيامكم سعيدة وعيد زواج سعيد

د/دودى يقول...

هههههههه....كله كوم و حركه الماتش دى كوم تانى ...

و حركه التورته برضه...و موضوع المطربه بصراحه جوازه عسل و الحكايه تعمل فيلم فعلا يبقى حلو...

كل سنه و انت طيب و انت متزوج و صابر...و يصبرها عليك ...و يصبركم على بعض

reemaas يقول...

هههههههههههههههههههههه ايييييييييييه ده
لا ده كتير
ان كان موقف كتب الكتاب وفضيحتك على التى فى واحتمال الفضائيات

ولا التورتة وتاخيرها وكله كووووووووووووم والتاكسى يوم تانى
اخرتها فيات يا استاذ ابراهيم

ضحكتنى من قلبى والله

بس سيبك انتى فعلا رومانتيكى ربنا يهينيكم ويفرحكم بساليناز وزياد

مصطفى سيف يقول...

هههههههههههههههههههههه
ايه يا عم ده حرام عليك احنا مش حمل الضحك ده كله
ده احلى فرح على فكرة
ومستحيل يتنسي :)
الف مبروك تعيش وتتجوز ههههههه
قصدي تعيش وتخطب يوه بقى
قصدي تعيش وتربي ساليناز وزياد وربنا يخليهملك ويباركلك في ام زياد وتعيشوا مع بعض العمر كله

دعاء العطار يقول...

هههههههههههههههههههههههه

قليل الحظ بقى

بجد كل موقف اجمد من التانى

بس كله كوم والتاكسى والتورته كوم تانى

وطبعا طبعا موقف المطربه

بصراحه كلها مواقف تموت من الضحك

انت موعود بقى ولا اييييه ؟

D: D:

Noha Saleh يقول...

اييييييييه ده
هعلق على ايه ولا ايه

حلو اوى موضوع التاكسى ده

بجد تدوينة جميلة اوى

εïз Semsema εïз يقول...

ههههههههههههههههههههههههههههههههههههههههههههههههههههههههههه

بجد مش ممكن

مواقف لا تحسد عليها استاذ ابراهيم

لكنها ذكريات جميلة جدا

احسن من انها تكون تقليدية مفيش فيها مغامرات D:

وموقف الاستاذ دا تحفةة جدا D:

ريــــمــــاس يقول...

صباحك غاردينيا أستاذ ابراهيم
ياااه مين قدي بوست اهداء ليا احم احم البت فرحت <<<< فيس خجول :)
اولاً بشكرك لانك لبيت طلبي وبجد كنت متشوقة لذكريات الحب والزواج <<< معليش غاوية رومانسية :)
بس بجد بجد بجد بجد شوف بقى كم بجد عدهم ههههههه طلعت واد رومانسي
ياعيني على الرومانسية بتاعتك بس نيجي الاول للبث المباشر ليك عبر الاقمار الصناعية ماناخد منها حاجة حلوة ونقول العروسة فرحت اكيد قالت ياسلام على عريسى في التلفزيون :) <<<< بتلطف الجو
؛؛
؛
نيجي بقى للموقف التاني بجد تحفه ههههههههه
هههههههه
طب ماكانت اخدت التورتة وخبطت بيها على وشك برضو اهو ضرب الحبيب زي أكل التورتة :) <<<< شريرة
؛؛
؛
الموقف التالت
هو كان لازم يعني تعمل فيها رومانسي هههههههههه وكمان بتتكبر على عربية صحابك يعني عامل عريس وماحدش قدي ياسلام وانت راكب التاكسي ياسلام لو كنت شفتك ساعتها ههههههههههه <<< عماله تضحك
؛؛
؛
الموقف الرابع
زعلت منك ليه كدا ياستاذ ابراهيم وكمان جايب صاحبتك تبوسك في الفرح عيني عينك كدا لو انا مكان ام زياد كنت خليت المطربة دي ملامحها متلخبطه دا الي ناقصني تبوس عريسي قدامي وكمان بوسه اخوية معليش ماتمشيش معايا اخويا دي دنا كنت اشرشحه واشرشحها هههههههههه <<< مجرمة
هههههههه اوعى تصدق دنا اخاف من خيالي ...نيجي بقى للجد هي ام زياد بيتتك فين ليلة الفرح <<< تشك انهم باتو بخناقة من ورى المطربة :)
؛؛
؛
طبعاً مش بشكرك وبس والله مش لاقيه كلمة قد فرحتي بالبوست دا ولو كنت نزلته في غيايبي كنت اتضايقت ودلوقتي طبعاً انا بنت ذوق ومؤدبة ومش هطمع بحاجة هههههههه
طبعاً بعد ذكريات الزواج
عايزين ذكريات شهر العسل
ونخش بعدها على ذكريات الحمل
هههههه ماتفهمنيش غلط اقصد شعور الابوة وملابسات ترقب الحمل <<< بقت جريمة مش حمل هههههههه
وبعدها بقى ولادة زياد وولادة ساليناز
وربنا يديك ويدينا العمر وناخد ذكريات فرحهم <<<< بتحب الحواديت :) "
؛؛
؛
بإختصار ربنا يسعدك ويسعدها ويارب يارب يارب من كل قلبي تعيشو في تبات ونبات وتخلفو كمان صبيان وبنات ونفضل نسمع منكم اجمل حكايات :) "
؛؛
؛
لروحك عبق الغاردينيا
reemaas

Bent Men ElZaman Da !! يقول...

ههههههههههههههههههههههههههههه
مواقف تحفه بجد
والا موضوع التاكسى ده ههههههههههههههه
بس حركه التورته دى اللى حلوه اووووووووى

كل سنه وحضرتك سعيد دايما :))

فافى يقول...

ههههههههههههههههه اول مره ادخل مدونتك او بالأحرى تانى مره انما المره دى مش قادره ماعلقشى معقوله ؟؟؟؟ايه النحس ده لفت نظرى جدا انك تطلع فى التلفزيون على غير العاده عشان تتكشف والمفارقات اللى حصلت لطيفه جدا خصوصا الجزء بتاع التاكسى انا شخصيا من كتر المواقف المحرجه اللى اتعرضتلها فى حياتى بقيت اضحك ومايهمنيش ولو كنت دخلت الزفه بتاكسى كنت هابقى مبسوطه انى عملت حاجه غير تقليديه اكتر عموما تعيش وتفتكر:))

sara adel draz يقول...

ههههههههههههههههههه
هههههههههههههههههههه
بجد البوست ضحكنى جداااااااا
ومستنية البوست الجاى
عشان اعرف ايه اللى حصل
وربنا يسعد حضرتك ويكرمك
:)

فتــافيت يقول...

هههههههههههههههههههه
ههههههههههههههه،، كله كوم
واللي باستك دي كوم تاني خالص :)))

ههههههههههههههههههه
يعني اتزف في تاكسي وجوزي يبدأ حياتنا
ببوسة ومن صاحبته المغربية كمان :)))

haneen adam يقول...

تحفة بجد سلمت ايدك و ربي اسعد قلبك يارب ^_^

ياسمين يقول...

هههههه موقف بتاع المغنية دا ههههه يانهار أبيض ..الحمدلله ان حضرتك لسه بخير هههه اصل الست المصرية ف المواقف اللي زي دا بتبقي ليله العريس مش فايته هههههه
وبعدين يوم ما يختاروا حضرتك تطلع ف التليفزيون ..ههههه ايه الحظ دا..
بجد مواقف تحفة
وربنا يسعد حضرتك وزواجكم يكون دائما سعيد وهنا ويحفظ لكم أولادكم ان شاء الله

محمد الجرايحى يقول...

تقبل مرورى وتقديرى واحترامى لقلمك المبدع الرائع

شيرين سامي يقول...

مش ممكن يا أستاذ إبراهيم تُحفه بجد موتني من الضحك :)
بس بصراحة كله كوم و حكاية البوسة الأخوية دي كوم ده أنا لو حصل معايا كده كنت.....و لا بلاش خليك فاكرني طيبة :)
على فكرة عيد جوازي قريب جداً فكرتني بالذكريات دي...أجمل يوم أكيد رغم أي شئ و أي مقلب
تحياتي ليك بوست رائع
مستنية اللي جي على نار

شمس النهار يقول...

يانهاااااااااار ابيض

:))
كويس انها اتجوزتك بعد كده

:)))))))

واحد صاحبنا كان بيتجوز ومراته برضوا صحبتنا
وعند الكوافير ولسه هيحطوا لها المكياج وهوووووووبا النور اتقطع
وزمان طبعا ماكنش في كشافا الطوارء دي
وده كوافير في مصر الجديدة يعني ماعندوش لمبة جاز
:)))))
والشمع مش هينفع
رحنا مطلعين كرسي الكوافير علي باب المحل وضربنا كشافات العربية علي العروسة واتحط المكياج ولبست الطرحة
:))))))))))

لا مقالب يوم الزفاف دي مابيبقاش لها حل
بنتي كان الفرح في نادي الشرطة م نصر
علشان تنتقل من الفندق للقاعة مسافة
فامزوقين عربية عمها الفخيمة الفهيشة
السواق ركنها في اول الباركنج ونام جواها
طبعا العربية بقت محاطه بكم عربيات غير طبيعي مش عارفين نطلعها
وعربيتنا كلنا بقت متشبكة
واحنا واقفين امام الفندق والوصيفات والعروسة هتحمض الدنيا صيف
لاقينا واحد صاحبهم جاي تايه وراكب ايه بقا ؟؟؟
عربية جيلي قد البعكوكة كده ولونها اخضر فسفوري من بتاع المرور
واضحك بقا علي قد ربنا مايقدرك
ركبناها بالعافية هي وعريسها اللي اصلا طوله 190 مع الفستان والجيبونة
والوصيفات مشيوا علي رجليهم
ده غير ان الفيديو بتاع الفرح العروسة نازلة من العربية ولا اللي نازلة من خناقة
:)))))))))
ياله عقبال كل الاولاد والبنات
بس من غير مقالب

فيلسوف زمانه يقول...

انا بصراحة اتكلمت بكل حرص كذا مرة عن المناظرة بفكرك الليبرالى وفكرى الاسلامى لكن واضح ان فكرك اضعف من كدة انا اللى خلانى ادعوك لانك كتبت تعليق عنى وقلت متحجر ومعرفش ايه وقلت حاجات انا اسف للفظ يعنى ( لغو وفارغة ) فقلت اناظرك فكر لفكر وانت قلت مستعد ولكن على العموم انا عملت اللى علية ولسة دعوتى قائمة ودا لينك الجروب اللى مستنيك نتناظر فيه http://www.facebook.com/#!/groups/ahmedamer1991/?id=162312650510361&notif_t=group_activity

ومش عارف اسم مدونتك غريب اوى

وانا عملت اللى علية وحبيت اشوف انت فعلا قدرك بمقدار الكلام اللى قلته علية ولا لا لكن ....

والسلام ختام

وجع البنفسج يقول...

الله يدخل الابتسامة قلبك زي ما دخلتها على قلوبنا ..

ذكريات ولا اروع ولا اخف دم من هيك ..

ربنا يديم عليك الضحكة الصافية والقلب الطيب ..

ابراهيم رزق يقول...

الذوق الرفيع

التاكسى تحت امرك يا افندم انت تؤمرينى بس بلغينا بميعاد الفرح

هههههههههههههه
نورتينى
خالص تحياتى

ابراهيم رزق يقول...

Lady E

فعلا ذكريات لا تنسى

مش حلوة فكرة التاكسى عشان يبقى الواحد مميز
هههههههههههه

سعيد بزيارتك اهلا و مرحب و ارجو دوام التواصل
متشكر جدا

نورتينى
خالص تحياتى

ابراهيم رزق يقول...

د دودى

هى من ناحية جوازة عسل فهى جوازة عسل
ههههههههههه

حلوة قوى الدعوة بتاعة الصب يا مصبرنى و مصبرها

نورتينى
خالص تحياتى

ابراهيم رزق يقول...

reemaas

بصى يا نور فيات و 124 كمان و عربية قديمة
ههههههههههه

بالذمة مش اخوكى رومانتيكى قوى
هههههههه

ربنا يسعدك و يرزقك بواحد رومانتيكى بس ميكنش زى حالاتى

نورتينى
خالص تحياتى

ابراهيم رزق يقول...

مصطفى سيف

ايه يا عم اللخبطة فى الدعوات دى كلها
هههههههههههههههه

عقبالك يا درش و التاكسى و التورتة عليا

نورتنى
خالص تحياتى

ابراهيم رزق يقول...

دعاء العطار


فعلا يا دعاء قليل الحظ يلاقى العضم فى التورتة
هههههههههههههههه

موعود و حياتك موعود
مظلوم و الله

نورتينى
خالص تحياتى

ابراهيم رزق يقول...

Noha Saleh

علقى على الماتش
هههههههههه

متشكر لتعليقك و سعيد به جدا

نورتينى
خالص تحياتى

ابراهيم رزق يقول...

Semsema

فعلا ذكريات جميلة جدا لاتنسسسسسسسى
موقف الاستاد كان على الهواء مباشرة
هههههههههههه

نورتينى
تحياتى

ابراهيم رزق يقول...

ريماس
اختى الريماسية

ههههههههههههههههه
ايه يا بنتى اهون عليكى برضه

و الله العظيم كنت مظلوم فى كل حاجة و بعدين ضرب الحبيب زى اكل الزبيب و انا مش بحب الزبيب

عقبال فرحك يارب و نشوف فارس احلام مبدعتنا و ملكة الرومانسية اشوفك يارب فى القفص
القفص الذهبى متفهمنيش غلط
سعيد بتعليقك جدا

نورتينى
تحياتى

ابراهيم رزق يقول...

Bent Men ALZaman Da

ده انا حبيت اختصر بس
ههههههههههه

كل سنة و انتى سعيدة و فرحانة

نورتينى
تحياتى

ابراهيم رزق يقول...

فافى

اولا سعيد بمرورك و تعليقك و اتمنى دوام التواصل

موقف الاستاد ده ينطبق عليه مثل قليل الحظ يلاقى العضم فى التلفزيون
هههههههه

فعلا المواقف المحرجة ذكرياتها تدوم طويلا
ههههههههه

نورتينى
خالص تحياتى

ابراهيم رزق يقول...

sara adel draz

سعيد ان البوست ضحكك

حاضر الجزء القادم من عنيا
ههههههه

ربنا يسعدك و يوفقك

نورتينى
تحياتى

ابراهيم رزق يقول...

فتافيت

اولا فين بوست التزويغ

مظلوم يا ناس مظلوم
هههههههههههه

انا ايه ذنبى

نورتينى
تحياتى

ابراهيم رزق يقول...

haneen adam

متشكر يا افندم
سعيد بمرورك

نورتينى
تحياتى

ابراهيم رزق يقول...

ياسمين


كل المواقف مظلوم فيها الحمد لله عدت على خير
هههههههههههه

متشكر جدا جدا على دعواتك الطيبة ربنا يخليكى يارب

نورتينى
خالص تحياتى

ابراهيم رزق يقول...

محمد الجرايحى
استاذى العزيز

متشكر جدا
دمت لى دائما

نورتنى
تحياتى و تقدير

ابراهيم رزق يقول...

شرين سامى

طب و الله يا شرين كانت اخوية و انا فوجئت بها يعنى كان ذنبى ايه و اى حد مطرحى كان يعمل ايه
ههههههههههه
و بعدين الطيب احسن

كل سنة و انتى طيبة انتى و زوجك الفاضل و امن و جورى يارب يديم عليكم السعادة و الهناء و الامان

نورتينى
خالص تحياتى

ابراهيم رزق يقول...

شمس النهار


ههههههههههههه
حلوة قوى المكياج على ضوء السيارات

ضحكتينى على العربية الجيلى انتى عارفة العربيات دى صينى و كويس انها مكسرتش
ههههههههههههه

عقبال رقم 2 ربنا يتمم لها يارب بدون جيلى او مهلبية
بس اعزمينا
ههههههه

نورتينى
خالص تحياتى

ابراهيم رزق يقول...

فيلسوف زمانه

طبعا انا وافقت على المناظرة و انت حددت الموعد دون ان تقول لى
فوجئت يتعليقك هذا و بناء عليه

حكمت على بالفكر الضعيف طبعا كيف اصل لفكر سيادتك
حكمت بان فكرك هو الاسلامى اما فكر من يخالفك فهو بعيد عن الاسلام
كونك تضع الاسلام فى كفة و الليبرالية فى كفة فهذا معناه ان كمل الليبراليين غير مسلمين
ما دخلك باسم مدونتى هو حد قالك ان انت مسمى نفسك فيلسوف زمانه ليه و واضع مثل هذه الصورة ليه

فيلسوف زمانه ابحث عن حد فى مستواك تناظره
لكى الله يا مصر
تحياتى

ابراهيم رزق يقول...

شجن البنفسج
اختى العزيزة

ربنا يفرحك و يسعدك انتى و زوجك و اولادك

متشكر جدا على دعواتك الجميلة من اخت جميلة و عزيزة

نورتينى
تحياتى

بسمة الورد يقول...

مساؤك هنا وسعاده وابتسامه دائمة على وجهك ووجه من احببت من اصدقاء وزوجه ,, وغيره اكيد.

يالها من ذكريات جميله مليئة بالفرح والمفارقات اللذيذة .. دا اللى حسيته انها لذيذه,

ادام الله عليك السعاده والحب والصفاء

مودتى اخى

ريهام المرشدي يقول...

كل عام و انت و زوجتك بخير و بارك الله لكما فى اساليناز و زياد
و مهما كانت الذكريات فستظل لها معنى آخر لديكما ....
تقبل مروري.

zizi يقول...

المبهج المبهر ابراهيم ..اله عليك يا ابراهيم وانت كل مناساباتك لها كل الذكريات المبهجة دي انا فاهمة ساعتها مابتبقاش مبهجة قوي لكن بذمتك مش دلوقتي لما بتحكيها بتبقى في منتهى السعادة وانت بتحكيها وخاصة انها كلها بالصدفة البحتة وليست مقصودة ..ياللا مستنيين المزيد
تحياتي وتحياتي

ابراهيم رزق يقول...

بسمة الورد

صباحك ملىء بالفل و الورد

فعلا ذكريات مليئة بالفرح و السعادة

ادام الله عليكى الصحة و السعادة و الامان

نورتينى
تحياتى

ابراهيم رزق يقول...

ريهام المرشدى

كل سنة و انتى بخير و بكامل و موفور الصحة و السعادة

فعلا الذكريات لها معنى

نورتينى
تحياتى و تقديرى

ابراهيم رزق يقول...

zizi العزيزة الذيذة

و الله ساعتها بتبقى مبهجة لدرجة انى و اصدقائى طوال الفرح بنضحك من الموقف لدرجة انى قلت عايز اعلق فوطة صفرا على دماغى لكى تكتمل الصورة

حاضر انتى تؤمرى

تحياتى و تقديرى و حبى

ريبال بيهس يقول...

صباح الورد ابراهيم

دائماً للزواج ذكريات تبقى في

الذاكرة ولو عدنا للحظتها لعرفنا

بأن كل العرسان يكونوا في حالة

إستنفار لذلك تظهر الأخطاء والمشاكل .

الله يخليكم لبعض وتعيشوا في سعادة

دائمة ..

تحياتي

زهرة الضحا يقول...

لأ بجد كده كتييييييييييير
أنا مت من الضحك خلاص
بس دي طبعا ذكريات لا تنسي
و أكيد من احلي ذكريات حياكوا
يخليكوا لبعض دايما إنشاء الله

منيرة سوار يقول...

ههههههههههههههههههههه
والله ذكريات حلوة يا اخ ابراهيم..
بس الموقف الاخير كان كارثي بصراحة!!
وفي يوم زفافك!!!
احمد الله انك طلعت منها سليم متعافي هههههههه..
تقبل مروري اخي الفاضل..