الأحد، 19 فبراير 2012

خطاريف ابراهيم رزق 4

كثيرون هم من يعرفون قصتى مع التدوين فانا فى بلوجر من قديم الازل و لكنى كنت ارفض ان ادخله اشاهده و انقده و لكن ارفض العوم فى بحوره و لقد طلب منى الكثيرون العوم به و لكنى كنت ارفض حتى حدث النصيب و دخلته مر عام على المدونة و اشعر انها العمر كله كثيرون يتهمونى بانى غزير فى الكتابة ساحاول ان اقلل  و كثيرون لا يحبونى ان اكتب فى السياسة ساحاول ان ابتعد عنها ان لم تقترب هى منى لكن اهم شىء هى محبتكم لى و حبى لكم ارجوكم انقدونى قولى لى ما لا يعجبكم فى المدونة بكل صراحة و وضوح انها هايد بارك سالزياد  و الان مع الخطاريف

                            خطاريف ابراهيم رزق

مازالت فاتيما لم تتعلم من خطاريفى شىء و لم تفهم ان ما تكتبه ليست خطاريف و بما ان رامى مختفى قليلا بخطاريفه فلا امامى الا فاتيما ناموا جيدا و كلوا جيدا لتستمتعوا بالخطاريف  


دعك عنك لومى فان اللوم اغراء ....و داونى بالتى كانت هى الداء
صفراء لا تنزل الاحزان ساحتها  ....لو مسها حجر مسته سراء
 شعر ابو نواس

غاب القمر يا ابن عمى يلا روحنى 
دى النسمة اخر الليل بتفوت و تجرحنى
شادية
لكن غاب عنها ان غياب القمر معناه ان الفجر اوشك

جرحونى و قفلوا الاجزخانات 
لا قالوا لى ازيك و لا سلامات
محمود شكوكو

بنبون سيما
مش غريب عليا
الفريق احمد شفيق

احلى من الشرف مفيش
توفيق الدقن

   

 اللى عايزنى يجينى يجينى انا مبرحش لحد
اللى عايزنى يجينى  يجينى انا مبرحش لحد
انت معاك عنوانى عارف فين تلاقنى
لو هتوه فى مكانى جرب تسأل حد
المطرب الشعبى مجدى طلعت


مال عليا مال هل كأنه هلال
و انا قاعدة حيرانة لوحدى
و فى عنيا سؤال
مال على توبى
قلت اه يا توبى
قالى سلامة توبك ده انتى وردة فى البستان
فايزة احمد  

بان عليا حبه 
من اول ما بان
ياما كان فى نفسى و الله اعشق من زمان
كان الحب حبة
بان طرحت محبة
و عيون الحليوة يا عينى بحر من الحنان
نجاة و صلاح جاهين

الحب اعمى
افلاطون 


انا واد خلاصة لاصة و مية مية
و عم عم كل الدنيا دية
يا بونبوناية يا الماظية
يا بغاشا باشا فوق الصينية
تعالى ما تجينى ما يتلا
انا قلت لا و هى لا عايز تخطبنى باى حق
المطرب الكبير حمدى بتشان


سلوك المراة دون استثناء تتحرك على محورين هم الحب و الانتقام
مثل اسبانى


قد تغفر لك المراة القسوة و الظلم لكنها لا تغفر لك عدم الاهتمام بها
جان جاك روسو (محدش يسألنى هو مين ده عشان مش عارف) طبعا الفيلسوف السويسرى الكبير

اقوال ابراهمية

تستطيع ان تكشف من يخدعك بسهولة اذا نظرت الى ابتسامته وجدت اسنان الاسد و اذا نظرت الى عينيه وجدت نظرة الثعلب و اذا لمسته وجدت جلد الثعبان

المراة مثل الفخار تسخن ببطء و تفقد حرارتها ببطء

بما ان الشيخ محمد حسان سلفى فى ايام الهجرة النبوية كان الانصارى المتزوج من زوجتان يتنازل للمهاجر بواحدة ايثارا هل من الممكن ان يتنازل حسان عن ثلاثة من زوجاته لشباب الفقراء

تعتقد المراة بزواجها انها ملكت زوجها لكنها لا تعلم انها وقعت بالمصيدة بينما ينظر لها الصياد هل يقف بجانبها ام يبحث عن صيد اخر

الزواج مثل من يسير بالشارع و يقع عليه حجر 
ادعو الله ان يقع الحجر على اربعة اشخاص يعرفون انفسهم

تخفى المراة وراء عنفها ثلاث اشياء حب او كره او خوف
 

هناك 51 تعليقًا:

لــــ زهــــــراء ــــولا يقول...

غاب القمر يا ابن عمى يلا روحنى
دى النسمة اخر الليل بتفوت و تجرحنى
شادية
لكن غاب عنها ان غياب القمر معناه ان الفجر اوشك
........................
اختلف المقام فأختلف المقال (:



بنبون سيما
مش غريب عليا
الفريق احمد شفيق
...........................
شفيق يا راااااااااااااجل هههه

لولا

ظلالي البيضاء يقول...

أستاذ إبراهيم ..
كل سنة ومدونة حضرتك بألف خير وإنت كمان بألف خير ..
أنا ليا رجاء عند حضرتك ..
إحنا ممكن نحب أشخاص ونكره آخرين أو بكلمة أدق ما نحبهومش .. زيي ما قال النبي صلى الله عليه وسلم : "الأرواح جنود مجندة ماتعارف منها ائتلف وما تناكر منها اختلف "
بس وربنا إنت لو فيه أشخاص مش بتحبهم بلاش النقد اللاذع ليهم علشان فيه ناس تانية بتحبهم .. ويمكن كلامك اللاذع يغيظهم فيروحوا يرموا الكلام بدون حسبان ويكون فيه قلة أدب منهم مع حضرتك ..

بالنسبة للشيخ محمد حسان علشان أكون واضح تماماً .. هو شخصية شبه عامة ليه أحباب زي ما كان ليه منتقدين ومش حقول أعداء ..

وأنا شخصياً رغم إني ماليش في السلفية وليا نقد كبير عليهم .. لأسباب مبررة علمياً ما ليش فيها دي الوقت .. وكمان ما كنت يوماً إخوانياً وإن كنت أحب الإخوان ولم أتعرف عليهم جيداً .. ولا أعرف من الإخوان إلا الأستاذ ماجد القاضي .. وربما قرأت قليلاً للشيخ سيد قطب وغيره .. إلا انني أحب الشيخ حسان لأنني أجده إنساناً مخلصاً لدين الله ومحباً لرسول الله صل الله عليه وسلم .. أما الأمور التانية اللي ممكن تكون محل نقد صحيح ومبرر فأنا ما ليش بيها .. آخذ ما صفا وأدع ما كدر ..
وكل بني آدم خطاء .. هكذا قال عليه الصلاة والسلام ولفظ "كل" تعني "كل" يعني بمن فيهم أنا نفسي والناس من حولي والحكومات والمجلس العسكري و .. و.. وحتى ممكن حضرتك ..

الخلاصة .. لو إحنا وحدنا الجهود لبناء مصر والبلاد كلها بدل النقد اللي ما يجيش من وراه إلا الخلافات والمشاحنات وممكن يعمل عداوات وحقد وكلام فيه قلة أدب .. ممكن تكون النتايج أفضل لينا ولمصر ..
وكل واحد فينا يبني بلده بالمنهج اللي هو شايفه صح علشان في الاختلاف والأضداد تتباين الأشياء .. ولولا الظلام لما عرفنا معنى النور .. بس مش كويس أبداً إني اقعد أنظر على الناس اللي بتحاول على الأقل تبني .. وأنا مش بقدم أي حاجة ابني بيها البلد .. وطبعاً مش باتهم حضرتك بكده أبداً والله ..
مع العلم أنني لست مصرياً وكما قلت لا إخوانياً ولا سلفياً وربما بحكم دراستي للشريعة الإسلامية لي عتب كبير جداً على الكثير جداً من المشايخ وطلاب العلم والخطباء والمدرسين والإئمة وربما العلماء .. لأنني أراهم أحياناً يحيدون عن الحق ويقدمون لذلك المبررات التي لا أرضاها .. والتي منها مثلاً فتوى جواز دفع الرشاوي لدفع البلاء والأذى .. حيث أرى أن هذه الفتوى هي ما ساهم في دفع بلادنا للفساد الذي هي عليه اليوم .. ولله الحمد لم أدفع حتى اليوم رشوةً أبداً .. بالإضافة إلى أشياء أخرى كثيرة لا مجال لذكرها الآن ..

بكل محبة ولأنني أرى فيك حرية الكلمة وصدق التوجه فأنا أتوجه إليك برجائي هذا لأن النقد اللاذع لم يكن يوماً أسلوب بناء .. ونفسي الكلام ده أقوله لأختي العزيزة فاتيما أم يوسف .. ولكل من ينتقد في مدونته بطريقة لاذعة ..
صدقني محبتي لمصر وأهلها ورقي شعبها الذي استطاع أن يقوم بثورته فقط بثمانية عشر يوماً .. رغم أنه لم يستثمر هذه الثورة حتى الآن بطريقة إيجابية .. ومحبتي للإخوة والأخوات المدونين والمدونات أكتب هذا الرجاء ...

كما أنني أرى أن لا ينشر هذا التعليق لأن النصيحة لا ينبغي أن تكون في ملأ ..
لكن لو رأيت حضرتك من المصلحة نشره فلا بأس ..

تحيتي الطيبة ومحبتي الخالصة لك ولجميع إخواني وأخواتي في مصر الحبيبة الغالية أمنا وأم الدنيا وكنانة الله في أرضه ولكل المدونين والمدونات .. مع السلاام الخالص ..
ودمت بألف خير وكل عام وأنتم بخير وثورتكم ومدونتكم كذلك ..
محمد الذهبي

ظلالي البيضاء يقول...

أعتذر لأنني أطلت الحديث وأشكر لكم حسن استماعكم ..

مصطفى سيف الدين يقول...

هو حكاية احلى من الشرف مفيش دي استيفان روستي و لا توفيق الدقن
اوعى تكون بتدعي عليا يا ابراهيم في الاخر و اكون ضمن الاربعة اللي بتقصدهم
طيب ليه الاذية دي يا عم
بالنسبة للشيخ محمد حسان و رغم اختلافي معاه الا اني مش متفق معاك مادام زوجاته موافقين يكونوا ضراير فمن حقه ثانيا الزمن دلوقت مختلف عن زمن الهجرة و حين آخى النبي صلى الله عليه وسلم بينهما و آثر الانصار زوجاتهم فكانت الزوجة تترك صحابيا خيرا انصاريا الى صحابيا خيرا مهاجرا لذا كان كلاهما خير اما الآن فتختلط الاوراق و الوجوه و لا تدري من هم الاخيار كم أن الاسلام بعد ذلك حدد حقوق المرأة و من حقها ان ترفض هذا و تقبل ذلك اعتقد ان ايثار الزوجات بين الصحابة قبل نزول سورة النساء حيث ان سورة النساء مدنية (فان خفتم الا تعدلوا فواحدة)
رايي ليس على سبيل التنطع لكن هو لاحقاق حق و توضيح مدى تقدير الاسلام للمرأة و الايثار لا يكون على حساب مخلوق آخر اسمه مرأة
تحياتي لك

ابراهيم رزق يقول...

لولا و زهراء
لولا


اختلف المقام فاختلف المقال نعم

شفيق يا راجل
هههههههههههههه

نورتينى
تحياتى

ريهام المرشدي يقول...

السلام عليكم
أضحكتنى هذه المقولات و خصوصا نسبها إلى أصحابها الحقيقين ...


شكرا لك أ/ابراهيم ...

شمس النهار يقول...

مش احلي من الشرف مافيش دي توفيق الدقن؟

وبعدين انا سمعت اسمي جيت اشوف في ايه

نجاة دي رقة ورومانسية

اما فايزة رقة بقوة وسيطرة

ابراهيم رزق يقول...

ظلالى البيضاء
اخى العزيز محمد

كل سنة و انت طيب

مرحب اخى باى نقد و اى اختلاف على الرحب و السعة

اقدر لك حبك لمحمد حسان و لكن كل ياخذ منه و يرد الا ساكن هذا القبر النبى عليه الصلاة و السلام

خلافى ان سمح لى مع محمد حسان ليس خلاف كره او حب او له علاقة به كرجل دين
خلافى معه فى مواقفه و تصريحاته و بما انه شخصية عامة فمن الجائز الخلاف معه و النقد اللازع له طالما لم اتعرض لشكله او خلقته او اسبه بالفاظ بذيئة
كون محمد حسان له محبين لا يعفيه من النقد فانا مثلا احب و اعشق جمال عبد الناصر و مع ذلك لا امنع احد من انتقاده لانى اعلم فى الاول و الاخر ان جمال عبد الناصر بشر و له اخطائه

ما كتبته عن محمد حسان يندرج تحت بند المواقف مع احترامى لرجل الدين فى ان يعيش عيشة كريمة لكنى اعرف ان رجل الدين يجب ان يكون قدوة
و الا لتقل لى ما المبرر ان يركب رجل دين سيارة بمليون و نصف و ان يكون له اربع قصور بالمريوطية كل قصر لزوجة
و يتزوج حوالى عشرون مرة
ثم يطلب من الغلابة التبرع
مواقفه السلبية من وجهة نظرى كثيرة قد تراها انت ايجابية هذا من حقك و احترمه
و لعلم سيادتك رغم ان خلافى مع الاستاذ ماجد القاضى واضح ايدلوجيا الا ان هذا لا يمنعنى من احترامى الشديد له لانه قد اكون على خطأ و يصحح لى ما اخطأت
هذه هى فائدة الخلاف المحترم
اذا كنت ترى ما اكتبه عن محمد حسان خطأ فى هذه النقطة فمرحبا بك بشدة و بتعليقك
و بالنيابة عن اختى فاتيما اقول لك مرحبا بها فى مدونتها ايضا فهى تقبل الاختلاف و تقبل النقد

لا ارى اى مبرر لعدم نشر تعليقك فجميع الاراء يجب ان تعرض و على المتلقى ان يختار او يكون له وجهة نظر ثالثة

تحيتى الطيبة لسوريا الحرة و اتمنى ان تنعم بالهدوء و الحرية و ان يتم وضعها على الطريق الصحيح
دمت لى اخى العزيز
تحياتى

ابراهيم رزق يقول...

مصطفى سيف
اخى العزيز

اه هو توفيق الدقن لان الامر التبس على لانى كنت اريد وضع عبارة لاستفان روستى

هههههههههههههه
اه انتى واحد منهم اشمعنى انت تنعم بنعيم العزوبية و احنا لا

طبعا بخصوص محمد حسان انا اعرف ما قلته و لكن تقدر تعتبره نقد لانى ارى ان المراة اكبر من تكون مجرد محظورية فى قصر يتزوج هذه و يطلق هذه كل هذا باسم الشرع و الشرع منه براء
اى شرع ان يعيش عيشة الملوك بينما الشباب لا يجد حتى قوت يومه
و اى تكريم للمراة ان تحبسها فى قصر كجارية
الاسلام كرم المراة و هو يريد ان يعود بالمراة لعصر و ما ملكت ايمانكم
اما ذكرى للمثال فهو لبيان اى مدى كان المسلم يسعى الى الايثار و لو بزوجته و الى اى مدى وصل شيوخ الفضائيات الى الغنى الفاحش على حساب الفقراء

و فى النهاية يا رب تخبطك الطوبة اياها
ههههههههه
نورتنى
تحياتى

ابراهيم رزق يقول...

ريهام المرشدى

الجميل جدا هو مرورك الذى اسعدنى حقيقى
سعيد ان اضحكتك

نورتينى
تحياتى لكى

ابراهيم رزق يقول...

شمس النهار

يا شمس الشموس

و الله الشمس نورت عندى بليل يا مرحبا

تم التصحيح يا افندم و اصبح توفيق الدقن

شادية و نجاة و فايزة

دول حبايبى من ايام ابن خلدون
هههههههههههه

نورتينى بجد
تحياتى

faroukfahmy يقول...

مادام يا ابراهيم بقيت ترد سوف احهز لك رد ساخن لسه حطه على البوتاجاز
انتظرنى حبيبى

Unknown يقول...

أستاذ إبراهيم المدونة وحشتني أوي بجد بعتذر عن غيابي و كسلي الفترة اللي فاتت.
و رجعت و لقيتك لسه مستقصد الزوجات برضو :) و إيه حكاية الحجر دي قصدك ساعات بيقع عليه حجر ألماظ مش كده و لا إيه :))
النقطه الأخيره صحيحه و جداً

بعتذر مره تانيه و يا رب ماتكون زعلان مني
أرق تحية لك

ظلالي البيضاء يقول...

أستاذ إبراهيم ..
لا إشكال في الاختلاف كما لا إشكال في النقد .. لكن وجهة نظري ألا يكون النقد بطريقة مستفزة لمشاعر المحبين .. فبعضهم كما تعلمون لجأ إلى السباب والشتم بطريقة مؤذية لجميع المدونين والقارئين .. وشخصياً قد تأذيت من الكلام الذي توجه إلى فاتيما وماما زيزي كما استأت من الكلام الذي وجه للدكتور مصطفى ولحضرتك رغم أني لم أقرأه أو أطلع عليه ..
وأنا أحب أن أربأ بكم وبكل المدونين عن التعرض لمثل هذا الأذى مستقبلاً .. رغم أن هذا المريض قد تكون له دوافع أخرى .. لكن عسى أن يخفف النقد الموضوعي الذي لا ينال من الأشخاص بشخصهم من التعرض لهذا الأذى ..

دمتم بألف خير ..

;كارولين فاروق يقول...

دي منافسه خواطر بقي
انت حتهاجم يا ابراهيم
والظاهر انا حدافع هههههه
والعكس
خواطر جميله قاسيه
ماله الزواج
بقي يا ابراهيم مش نعمه برده ولا ايه
انت حر بقي انت اللي ابتديت
سلامي للاسره كلها
وتحياتي وتقديري

بسمة الورد عطر المشاعر يقول...

جميله هى اطروحاتك وافكارك استاذ ابراهيم

دايما ما اجد الراحه والاستمتاع بالوقت فى مدونتك الراقية

كل الاحترام لما تقدم

جارة القمر يقول...

ههههههههههههههههههههههههههه
عجتنى اوى اغنية حمدى بتشان
كان عندنا شريط من زمان كدا متجمع فيه اغانى كتير من النوعية دى اسمه طرطاير بترتر تقريبا وحتى الان معرفش ايه علاقة الاسم بالاغانى

ــــــــــــــــــــــــــــــــ

كل سنة ومدونتك بخير و انت كمان و اسرتك بخير دايام يارب ويبارك لك فيهم

ــــــــــــــــــــــــــــــ

تستطيع ان تكشف من يخدعك بسهولة اذا نظرت الى ابتسامته وجدت اسنان الاسد و اذا نظرت الى عينيه وجدت نظرة الثعلب و اذا لمسته وجدت جلد الثعبان


دا انا ع بال م ااعمل كل دا هايكون خدعنى واللى كان كان .. شوفلنا وصفة اسهل شوية

ــــــــــــــــــــــــــــــ

قد تغفر لك المراة القسوة و الظلم لكنها لا تغفر لك عدم الاهتمام بها
جان جاك روسو


عدم الاهتمام تعتبره المرأة من القسوة ع فكرة

ــــــــــــــــــــــــــ

تخفى المراة وراء عنفها ثلاث اشياء حب او كره او خوف

متفقة معاك فى دى جدا

حنين محمد يقول...

صباح الغاردينيا أستاذ ابراهيم
ونعود من جديد مع خطاريف إبراهيمية ..
؛؛
؛
تستطيع ان تكشف من يخدعك بسهولة اذا نظرت الى ابتسامته وجدت اسنان الاسد و اذا نظرت الى عينيه وجدت نظرة الثعلب و اذا لمسته وجدت جلد الثعبان

؛؛
؛
وأحيان كثيرة لانرى كل هذا حين نمنحه أبتسامة من قلوبنا وصدق من أرواحنا البعض قد يخدع بـ إبتسامة مزيفة ونظرة بريئة وجلد ناعم وقد يخفي خلفه الكثير "
_____________________

المراة مثل الفخار تسخن ببطء و تفقد حرارتها ببطء

؛؛
؛
والمرأة مشتعلة المشاعر تشتعل بجنون ولا تنطفئ بـ سهولة "
________________________
بما ان الشيخ محمد حسان سلفى فى ايام الهجرة النبوية كان الانصارى المتزوج من زوجتان يتنازل للمهاجر بواحدة ايثارا هل من الممكن ان يتنازل حسان عن ثلاثة من زوجاته لشباب الفقراء

؛؛
؛
للأسف البعض يتزوج من مثى وثلاث ورباع بأسم الدين إن تقبلت الزوجات ذلك فلابأس ولكن إن لم يستطع العدل بينهن فـ أعتقد أنه ظلم أكثر منه زواج
_____________________
تعتقد المراة بزواجها انها ملكت زوجها لكنها لا تعلم انها وقعت بالمصيدة بينما ينظر لها الصياد هل يقف بجانبها ام يبحث عن صيد اخر

؛؛
؛
أذا كانت له زوجه كاملة وأحتوته بدفئها وحنانها وأصبحت له حبيبة و زوجة وأم صدقني لن يبحث عن صيد آخر
_______________________
الزواج مثل من يسير بالشارع و يقع عليه حجر
ادعو الله ان يقع الحجر على اربعة اشخاص يعرفون انفسهم

؛؛
؛
:)
وقد يكون مثل من يسير بالشارع ويبلله المطر ..
ههههههه دعواتي لأصدقائك الأربعه بـ البلل ..
_______________________
تخفى المراة وراء عنفها ثلاث اشياء حب او كره او خوف
؛؛
؛
بل تخفي وراء عنفها غيرة مجنونة"
؛؛
؛
ولازالت خطاريفك رائعة وعذراً على حروفي حين تعاكس حروفك فلا زلت كاتب ضد المرأه ومن حقوقي الدفاع عنها :) "
؛؛
؛
لروحك عبق الغاردينيا
كانت هنا
reemaas

Unknown يقول...

هههههه
حلو البوست كالعادة .. =))

وعقبال 100 سنة في بلوجر ،
لتثرينا بآرائك وتضحكنا بخطاريفك ..

دمت بخير ..

J. F. M. M. يقول...

Hi
I am an amateur photographer and public blogs. The site where he had closed and now I'm redoing. The photo of my people is:
http://zorita01.blogspot.com/
Those of my travels in Spain and abroad want to start redo and put a link on this blog.
Greetings from Spain.

دعاء العطار يقول...

" بما ان الشيخ محمد حسان سلفى فى ايام الهجرة النبوية كان الانصارى المتزوج من زوجتان يتنازل للمهاجر بواحدة ايثارا هل من الممكن ان يتنازل حسان عن ثلاثة من زوجاته لشباب الفقراء "

كان دايما يااستاذ ابراهيم تلاقى ناس كده بتبرر التعددف الزوجات عشان نسبة العنوسه ويقولولك عشان ناخد ثواب بنت هنتجوزها

طب لما هما عايزين ياخدوا ثواب مايتيرعوا للشباب مثلا ويبقوا كده جوزوا ولد وبنت اشمعنى البنات يعنى وبذلك قضوا ع العنوسه

لكن تقول اييييه

جميله طخاريفك اووى

وعجبتنى نجاة مع جاهين عشان بحبهم الاتنيبن :)

الازهرى يقول...

سلوك المراة دون استثناء تتحرك على محورين هم الحب و الانتقام

مثل اسبانى

تخفى المراة وراء عنفها ثلاث اشياء حب او كره او خوف

تخفى المراة وراء عنفها أربع اشياء حب و كره و خوف و تملك


وبرضه الحجر مش هيقع

richardCatheart يقول...

انا جيت لانى عرفت بالصدفة انطك كنت نااااااااااوى تقفل الدكان بردو دا اسمة كلام !!!!!!!! هو انا وش السعد ولا اييييييييييه ههههههههههههههه

مش حته غير معرف معفن هيزهقنا اوماااااااااال هانعمل ايه فى المشير اللى مقاسة 75 دا خلى نفسك طويييييييييييييييييييييييل ~:)

نيجى للبوست



انا مابحبكش تكتب فى السياسه بردو ايوان بطل :)



قد تغفر لك المراة القسوة و الظلم لكنها لا تغفر لك عدم الاهتمام بها
جان جاك روسو (محدش يسألنى هو مين ده عشان مش عارف) طبعا الفيلسوف السويسرى الكبير


تخفى المراة وراء عنفها ثلاث اشياء حب او كره او خوف



خلينا فى الحاجات الناعمه دى بلا سياسة بلا بتاع


عجبنى البوست كله بس دول بتوعى

يارب ديما بخير ويارب ديما مبتسم

افكار مبعثرة يقول...

هههههههه كله كوم و المطرب الكبير حمدي بشتان دي كوم تاني
الا مين حمدي بشتان ده و النبي يا خويا و هل بشتان دي لقب ولا اسمه فعلا :)))))

اعجبني جدا ان المرأة تخفي وراء عنفها حب او كره او عنف
صدقت والله :))))
رائعة كعادتك :)
تحياتي

رحاب صالح يقول...

هههههههههههههه
مساء الورد يا ابو ساليناز
بجد وحشتني ساليناز اووي
المدونة والبنوتة طبعا
عايزة اقولك ان كل منا بيقصد بكلامه حاجة غير اللي يقراها الشخص التاني
وبجد بجد كل السطور الاخيرة ضحكتني اووي وخصوصا الحجر اللي عايز توقعه علي اربعه احنا منعرفهومش
طيب مش ممكن تدعي لي انا كمان ...؟
بس والنبي اقولك علي الشخص اللي نفسي يقع عليه الحجر التاني عشان النصين يكملوا
تحياتي
ومعلش للتقصير بس ظروف قهرية

Bent Men ElZman Da !! يقول...

ههههههههههههههههههههه
فظيعه اغنيه حمدى باتشان ومجدى طلعت دى

بس الحكم الابراهيمه تحفه بجد :)

zizi يقول...

ابراهيم العزيز ..ماهو بقى يا ابراهيم مش معقول حاتقوله الفجر قرب يابن عمي ياللا روحني ...حايقولها وحياة ابوكي ياختي ماتستني شوية لما الفجر يطلع والنهار يشقشق وتروحي لوحدك ...شوفت انت بقى لؤم البنات ..وبعدين أنا مع محمد الذهبي في إن النقد لايكون جراحاً لأن من تكرهه أنت قد يحبه آخرين والعكس صحيح ..وربما تفنيد بنود النقد بإسلوب النقاط المحددة يجعل من النقد نقداً بناءً ..وربما اختلط على ابني الذهبي أن يكون الشخص الذي ننقده شخصية عامة أو خاصة فالشخصية العامة عندما نتحدث عنها فأمرها يهم المجتمع بأثره ..أما الشخصية الخاصة فأمرها لايخص إلا صاحب المدونة ومن حقه أن يرد كما يقتضيه الموقف وقد يكون إنسان في منتهى السلام النفسي مع نفسه ومع الآخرين ثم ينزل عليه غراب أسود من السماء فماذا يفعل حينئذٍ غير أن يهش مثل هذا الغراب حتى ولو أطلق عليه النار وسط ذهول الناس فلقد افتقد سلامه الإجتماعي لثواني ثم بعد ذلك يعود ليغني :غاب القمر يابن عمي ياللا روحني ..تحياتي لك يا ابراهيم وكل سنة وانت ومدونتك بخير وتمتعنا دائماً بكل ماهو جميل ..

فافى يقول...

كل سنه ومدونتك طيبه
عايزاك دايما تزورنى وتدينى رأيك انا لسه فى سنه تانيه تدوين

دعاء العطار يقول...

اول مره حضرتك تتاخر علينا كده يااستاذ ابراهيم .. متعودين دايما ع انك بتنزل بوستات دايما :)

يارب يكون المانع خييييير

ابراهيم رزق يقول...

فاروقى العزيز
ملك الزهرات
وابن بطوطة االمدونين

فى انتظار الرد الساخن لكن باين كده اتحرق يا استاذى
هههههههههههه

نورتنى
تحياتى

ابراهيم رزق يقول...

شرين سامى

هههههههههههههه

و الله مش مستقصد و لا حاجة انا بحب انكش بس

طبعا حجر بربلنت و الماظ انا اقدر اقول حاجة

تحياتى

ابراهيم رزق يقول...

ظلالى البيضاء

اشكرك جداو دائما احاول ان اكون موضوعى

تحياتى و تقديرى

ابراهيم رزق يقول...

كارولين فاروق
كلارينيت الفاروق

انا اقدر انافسك فى حاجة دى حاجة كده مش قد المقام
هههههههههههه

انا اقدر اتكلم على الزواج مش ممكن ابدا
ده نعمة و اللى يكرهها يعمى
هههههههههه

اتمنى ان تفتحى التعليقات

نورتينى
تحياتى

ابراهيم رزق يقول...

بسمة الورد

الجميل هو تعليقك بلون الور و بسمته

نورتينى
تحياتى

ابراهيم رزق يقول...

جارة القمر

هههههههههههههههه
ايوة الشريط ده انا فاكره

ايه الاستوك ده
ايه اللى ماشى يتوك ده

سعيد جدا بتعليقك و تفاعلك و زيارتك

نورتينى
خالص تحياتى

ابراهيم رزق يقول...

ريماس

ريمسو المبدعة

طالما ريماس تكلمت اروح انا فين
ههههههههههههههههه
طبعا مليش تعليق بعد رايك

لكن و الله انا مش ضد المراة انا بحب انكش بس عشان اجيب اخركو
ههههههههههههه

بجد سعيد بتعليقك اللى ينفع بوست لوحده

دايما منورانى
تحيات معطرة ببرفن فرنسى

ابراهيم رزق يقول...

منة الله سامى

الاجمل فعلا هو مرورك و تعليقك
بجد منوراتى

تحياتى

ابراهيم رزق يقول...

J.F.M.M

Very happy with your visit to my bolg
and God willing Satpeke

Withe best wishes

مها البنا يقول...

وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!
طبعا حضرتك أدرى الناس بالكاتب العبقرى صلاح جاهين

كل سنه وحضرتك والمدونه بألف خير .. عقبال أعوام عديده فى فكر حر وإبداع راق بغير سفه

عجبنى أوى فى الخطاريف .. الخطاريف اللى بقلم حضرتك .. خاصة الأخيره والتى تتحدث عن عنف المرأه .. أكاد أجزم بصحتها ودقتها ان جاز التعبير :)


تحياتى

ابراهيم رزق يقول...

دعاء العطار

اسعدنى تعليقك جدا و موافق و ابصم عليه

سعيد ان الخطاريف اعجبتك و متشكر لمجاملتك الرقيقة

نورتينى
تحياتى

ابراهيم رزق يقول...

الازهرى

ازيك يا اس عامل ايه

التملك هو جزء من الحب و ايضا الغيرة

الحجر هيقع هيقع كان غيرك اشطر
نحن السابقون و انتم الاحقون

نورتنى
تحياتى

ابراهيم رزق يقول...

ريتشارد

ههههههههههههههه
اولا متشكر على تعليقك
طبعا هو مش هيقدر عليا و لا عشرة زيه
لكن المشكلة عندما يخرج مع ناس عزيزة على

حاضر مش هكتب فى السياسة
علم و سينفذ و ساحاول
هههههههههههههه

سعيد ان الخطاريف عجبتك

نورتينى جدا

تحياتى

ابراهيم رزق يقول...

افكار مبعثرة

بقى مش عارفة المطرب الكبير
حمدى بتشان
صاحب ايه الاستوك ده اللى ماشى يتك ده
و مصاحب الراقصة دينا

و صلحب اعلان مزهزه سا سافو
ههههههههههههههههههههه
راجعى معلوماتك ايه عدم الثقافة دى
ههههههههههههه

بجد نورتنى
تحياتى

ابراهيم رزق يقول...

رحاب صالح

ههههههههههههههههه
بس كده انتى تؤمرى
شاوريلى عليه بس و انا اخلى زياد و ساليناز بكيس اندومى و شيكولاتة جالاكسى يغرقوه طوب
يا رب بجد يوفقك للى فيه الخير ليكى يا رب

ربنا يسعدك
نورتينا
تحياتى

ابراهيم رزق يقول...

بنت من الزمن ده

هههههههههههههههههههه
اى خدمة

بجد نورتينى
تحياتى

ابراهيم رزق يقول...

zizi العزيزة الذيذة

انا مش هرد على غربان تانى يا رب اقد

اما اغنية شادية فلن اعلق اجمل من تعليقك

يا رب يخليكى لينا و لا يحرمك من لاب توبك تانى قادر يا كريم و يخليه بحالته و لا يصيب هارد ديسكه و متشفيش فيه حاجة وحشو

بجد بجد بجد منورانى
تحياتى و تقديرى و حبى

ابراهيم رزق يقول...

فافى

ههههههه
بجد بتسعدينى بزيارتك
و الله العظيم انا متابع مدونتك جدا و من المدونات اللى معجب بهم
حاضر من عينى
بس الاسبوع الكبيس ده يعدى و افضى
نورتينى
تحياتى

ابراهيم رزق يقول...

دعاء العطار

اولا متشكر جدا على سؤالك

بس اليومين دول مشغول شوية
بأذن الله الاسبوع ده يعدى و ابقى تمام

هحاول اكتب بوست جديد

نورتينى
تحياتى و متشكر جدا

ابراهيم رزق يقول...

مها البنا

احسن ما فيها العشق و المعشقة
و شويتين الضحك و التريقة
شفت الحياة لقيت لقيت الالذ
تغيرها و ده يعنى التعب و الشقا
عجبى ؟؟

سعيد جدا بزيارتك لى و تشريفك

كل سنة و انتى طيبة

رايك يسعدنى و يشرفنى
اما عن جاهين فهو حبيبى و فيلسوفى

نورتينى
تحياتى

rona ali يقول...

واستعين بقولك مع اضافه تعديل لكلمه الوسطانيه واقول
بلد خطاريف بصحيح

هو انا من كتر حبي هنا وافتقادى لي الايام اللى فاتت عامله اقرأ حاجات فاتتنى ومعرفش ليه
انا مزهقش ابدأ من كلام حضرتك سواء سياسي او اجتماعى او ساخر او اى شئ

مش عارفه ادعوك بابي ام بعمو ابراهيم
في الحالتين انا كسبانه :))

اللى عايزنى يجينى يجينى انا مبرحش لحد
اللى عايزنى يجينى يجينى انا مبرحش لحد
انت معاك عنوانى عارف فين تلاقنى
لو هتوه فى مكانى جرب تسأل حد
المطرب الشعبى مجدى طلعت

مكنتش اعرف انها لمطرب شعبي وكنت فاكرها مقوله فيلم قديم ههههههههههههههههه
بعرف من حضرتك حاجات جديده بيجد
زى ماشي في نور الله كدة
:)

مستمتعه جدآ وبيجد انا بقي من اللى مبسوطين انك ابحرت في عالم بلوجر متاخر علشان انا جايه من فترة قريبه فلحقت حضرتك هههههههههه
كل واحد يشتهى ما يتماشي معاه بقي :)

الفاطِمَة يقول...

تعتقد المراة بزواجها انها ملكت زوجها لكنها لا تعلم انها وقعت بالمصيدة بينما ينظر لها الصياد هل يقف بجانبها ام يبحث عن صيد اخر

الزواج مثل من يسير بالشارع و يقع عليه حجر

تخفى المراة وراء عنفها ثلاث اشياء حب او كره او خوف

عجبتني جدا وعجبني أكتر انها طلعت من رجل

تحياتي يا كبير ولو انها جت متأخرة 3 سنين :)