الخميس، 29 مارس 2012

غواص فى ترعة النغم 3

                              احمد سامى

قررت الابتعاد هذه الايام عن السياسة و ان اتابعها من بعيد و الان اغطس لكم مع مطرب اعتقد انه مظلوم جدا مع انه قدم اكثر من 350 اغنية اتمنى ان يهتم احد بتراثه انه صديقى المطرب احمد سامى لا تستغربوا كان صديقى الذى اخذه الطرب من الهندسة لانه مهندس  لقد صاحبته اكثر من عشر سنوات قبل رحيله عن طريق صديق لى مطرب فى فرقة الموسيقى العربية هذا المطرب ظلم مثله مثل كثيرين حاولوا ان يقتربوا من قامات و هذا المطرب حورب ليس من عبد الوهاب و لكن من دراويشه فاحيانا يكون البعض ملكيا اكثر من الملك تتلمذ على يد محمد القصبجى و معجزة التلحين فؤاد الظاهرى الذى استسمحكم ان اغوص فى بوست كامل عنه قريبا قدم للسينما فيلم واحد هو حرامى الورقة اخراج على رضا لحن له كبار الملحنين مثل محمد الموجى و بليغ حمدى و عبد العظيم محمد عاش بهدوء و رحل بهدوء يوم 12/6/2006



 




وشك حلو عليا
كلمات  عبد الوهاب محمد
الحان عبد العظيم محمد


 

بنت مين الحلوة دية
كلمات سيد عتمان
الحان احمد سامى

  
                                  


                                                        
                            زهر البساتين
                         كلمات فتحى قورة
                          الحان خالد الامير

لم اعلق على الاغانى لانى اردت ان اعرفكم على عدد كبير من اغانيه لو اعجبكم اغوص معكم فى حلقة اخرى لان له اغانى تقيلة فعلا و لكنى اردت ان اعرفكم على الاغانى الخفيفة له 
                                                            


هناك 12 تعليقًا:

مصطفى سيف الدين يقول...

كلمات الاغاني جميلة جدا
و الصوت و الموسيقى يحسسوك انك في الخمسينات نفس الغنا الاصيل
تحياتي ليك

هبة فاروق يقول...

اولا صوره سالى القمر رائعه ربنا يحميها حبيبه ابوها وحبيبه الكل بوسه على خدها الجميل وهى نايمه ابعتلها سلامى اووى
ثانيا الفنان ده فعلا مغمور ومعرفش حاجه عن اغانيه غير وشك حلو عليا
وكنت دايما بغنيها وانا صغيره واقول وشك حلو عليا لو شوفته الصبحيه أتنكد فى العصريه هههه
ربنا يكرمك استاذ ابراهيم
تحياتى

فاتيما يقول...

حلوة قوووووووى صورة سالى حبيبتى
وحلو البروفايل ..
:)

الترعة المرة دى مليانة تقايل
هسمعها براحتى لما أروح بقى ..

ان شاء الله جاية السبت فى ارابيسك
وأشوفك على ألف خير يا رب

منحرمش م السؤال

;كارولين فاروق يقول...

ههههههههههه
فاكره يا هبه وانتي صغيره
كنتي بتغني علي طول وشك حلو عليا
جمييييييييله يا اب راهيم
انت فنان حقيقي
صباحك جميله وبنتك الله يحميها بس
عايزاك تضع صوره الفلق او صوره الناس
علشان العين ربنها يحميها
تحياتي

لــــ زهــــــراء ــــولا يقول...

حلو قوي يا استاذ ابراهيم اخر اغنية
زهر البساتين
لولا

شمس النهار يقول...

نيو لوك وصورة لسالي القمر وكمان صورة بروفيل
لأ كده كتير خالص

:))))

اول ماقريت احمد سامي
علي طول جه علي دماغي وشك حلو علي
:))

كان صوت جميل هادي في قوة رقيقة
الله يرحمه

رحاب صالح يقول...

انا اعرف الاغاني دي كلها
بس الغريبة اني كنت بعتقد انها لمحرم فؤاد مش احمد سامي مع اني اصلا اعرف قليل عن احمد سامي
بس يمكن عشان الاغاني دي كنتب بتابعها ف الراديو فمش عارفة
او انا ثقافتي الغنائية طبعا مش تمام
بس حلو البوست والاغاني
وحلو اووي صورة ساليناز

الاحلام يقول...

احمد سامى من الاصوات الجميله وانا اعرفه واعرف فنه جيدا فهو حقا من المطربين المظلومين جدا فى الشهره فهو احسن من مطربين كثير فى الوسط الفنى
تحياتى ابوداود

reemaas يقول...

عجبتنى المزيكا اكتر حاجة


مبروووك النيو لوك دى صورةساليناز؟

الـسـيـدة نـون يقول...

جميلة الاغانى يا ابراهيم

انا اول مرة اسمع اغنية زهر البساتين دى

كنت اعرف الاغنيتين التانيين بس مكونتش اعرف لمين


تسلم ذوقك


سلام

اختك خيخة

faroukfahmy يقول...

سامحنى يا ابراهيم لتعليقى المتأخر لات لوحة تحكمى لو نظهر هذا البوست
المطرب احمد سامى بالرغم من عدم كثرة انتاجه الا ان له اغانى معمرة والتى تفضلت بذكرها
وشك حلو عليا
بنت مين الحلوة ديا
زهرة البساتين
الظاهر بجلاء اتك يا ابراهيم ناوى تنزل فى السوق شريط باسمك وانا اول المشجعين حيث لا حظت بجلاء صوتك عند مقابلاتنا المتعدده مبروك مقدما بس انا اول من تهديه الشريط

entrümpelung wien يقول...

موفق :)