الجمعة، 20 أبريل 2012

يا حلاوة ام اسماعيل

شافية احمد

شافية احمد مطربة كفيفة ولدت بحوش ادم بالقاهرة تحمل صوت دافىء جميل سهل التشكل و قادر على غناء كافة انواع الاغانى شاركت بصوتها فى عدد كبير جدا من الاعمال 

 دى اغنية يا حلاوة ام اسماعيل و محدش يفهمنى غلط انا بقول اهو ههههههههه دى صدفة بحتة عشان عارف الناس اللى نيتها وحشة عارف يا سيف انا بقولك صدفة بجد شكلك مش مصدقنى على العموم استمتعوا بالاغنية

يا حلاوة ام اسماعيل
شاركها الغناء اسماعيل شبانة
تلحين سيد درويش
كلمات بديع خيرى


و دى اغنية يا عاشقين الورد اهديها لكلارينت الفاروق و لهبة الفاروق و اتركهم يستمتعوا باللحن العبقرى لعلى فرج ابن طنطا المظلوم  الذى درس الموسيقى بايطاليا و رجع و عمل مدرسا للموسيقى انظروا الجمال و تخيلوا اجيال تتلمذ على يديه ماذا تكون بعد ذلك يحتاج قريبا لغطسة له وحده و نلاحظ الانتقال بين المقامات و تطويع النغمات الشرقية فى قالب عالمى كل هذا فى الاربعينات 

يا عاشقين الورد
تلحين على فرج
كلمات احمد فؤاد شومان

و دى اغنية طلعت يا محلى نورها اهديها الى نور بنوتة مصرية و اقولها عيشى مع نفسك

طلعت يا محلى نورها
تلحين سيد درويش
كلمات بديع خيرى


و دى اغنية سلام منى حاير طاير منى لريماس و فارس و اهديهم هذه الاغنية الجميلة اه لو تدوقوا الهوا

 اه لو تدوقوا الهوا
الحان شفيق محمود
كلمات ظريف السويفى


و دى اغنية الجوز الخيل اهديها الى اختى ليلى الصباحى لتستمتع بها و دليل على ان الكفيف يستمتع بالطبيعة وقادر ان ينقل لنا البهجة
نزهة
شاركها الغناء
كارم محمود
سيد مصطفى
الحان سيد مصطفى
كلمات عبد الفتاح مصطفى

اقترح عليكم التوقف عن الغطس حاليا لانه واضح ان الملل اصابكم رغم ان الترعة مليئة بخيرات الله


هناك 20 تعليقًا:

هيام يقول...

ياحلاوة ام اسماعيل في وسط عيالها وسلام حاير وكل الباقة التي اهديتنا - رائعة
غواصنا سلمت دوما منقبا في بحور المعنى
تحياتي

زينة زيدان يقول...

احم احم

ام اسماعيل
يبدو إني من الناس الي تفكيرها وحش

دورت على اهداء يحمل اسمي أو حتى حرف منه........
بس يا خسارة مليش نصيب


على كلاً اغاني جميلة جدا
ومعانيها قريبة من القلب

أشكرك اخي ابراهيم

faroukfahmy يقول...

ماشاء الله عليك يا ابراهيم يا خويا
فى اهدائك الى هبه وكارولين اغنية يا عاشقين الورد
( نلاحظ الانتقال بين المقامات وتطويع النغمات الشرقية فى قالب عالمى كل هذا فى الأربعينات )
وصف فنى لا يمكن الا ان يصدر من شخص دارس هارمونى وناقد رفيع الدرجات
الا !!!! يا ابراهيم مفيش حد فى الترعه غنى للترومواى .. اغمل معروف دور وبعدها اهدهالى بالآسم مع ما يطلبه المستمعون( فاروق فهمى من القاهرة ويهديها الى عائلة سالزيادسو )

;كارولين فاروق يقول...

اهداء جميل من انسان جميل
جميله الاغنيه جدا
وسمعتها وغطست في الترعه معها
اشكرك يا ابراهيم علي اهداءك الراقي
وتحياتي لزياد وساليناز وسولينا القمر

ليلى الصباحى.. lolocat يقول...

ياااااااااه يا استاذ ابراهيم

تصور طول عمرى احب صوت الفنانة دى ومش اعرف هى مين

الجوز الخيل اغنية جميلة ههههه بس كنت اتمنى يكونوا جوز قطط

لما يجتمع اصوات رائعة زى شافية احمد
كارم محمود
سيد مصطفى
الحان سيد مصطفى
كلمات عبد الفتاح مصطفى
اكيد النتيجة تكون رائعة من روائع الفن المصرى

انا من عشاق عبد الفتاح مصطفى وكلماته الراقية الجميلة

اشكرك استاذ ابراهيم على اهداءك الجمييييييييييل الراقى المتميز
انا بحب الكارتون ده كتير :) خاصة السواق ( الأصلع ) ههههه دمه زى السكر

وكل الاهداءات جميلة ورائعة
اشكرك بحجم السماء اخى ابراهيم

تحياتى الدائمة لك وباقات ياسمين تعطر يومك

ستيتة يقول...

من كل دول تعجبت انها بتاعة الجوز الخيل...بنسمعها من زمان وعمرنا ما عرفنا مين بيغنيها
غلبتني يا باشا
ست صوتها روعة ومغمورة فعلا
الشهرة في مصر مش بكم الإبداع
الله يرحم نجيب سرور هو الي حلل اهل الفن صح

تحياتي

مصطفى سيف الدين يقول...

لا طبعا مش فاهمك غلط بالعكس انا اللي فاهمك صح يا كبير
شكلي هابلغ فيك 152 الف واحد عملوا توكيلات و انت بقى تشوف شغلك معاهم :)
اختياراتك النهاردة مذهلة
انا بحب اللون ده من الاغاني
و اول مرة اعرف ان في مطربة اسمها شافية احمد
تسلم يا عم

Tarkieb يقول...

أول مرة اعرف انها كانت ضريرة...انا كنت باحسبها ماغنيتش الا الجوز الخيل والعربية بس..بس كل الاغاني التانيين برضه مش بتوعها يعني اغاني لناس تانية وبتغنيها هي كمان....بس ايه سر ان معظم اغانيك اللي عامل الفيديو لها الدكتور راض حامد؟

شمس النهار يقول...

حوش ادم ده في دار محفوظ فيه مخطوطات والرسم التفصيلي لكل مساجد قاهرة المعز

والبيت اللي فيه الكلام ده من اجمل ماتشوف عينك هي حارة من جوه حارة بس مش اي حارة :)

نزلت تعليق غير معرف عندي اصله زعلان اني عملت بوست مخصوص لغير معرف
:)))

بسمة الورد عطر المشاعر يقول...

جميل هو ذوق اغنياتك استاذ ابراهيم

ولا اجد امامى غير انى احسد

(حسد برىء والله )كل من اهديتهم غنوة

ادام الله عليك الحس الراقى وادام عليك محبة اخوانك
مودتى واحترامى

على فكرة انا حب اغنيه ام اسماعيل لله فى لله من غير اى حاجه هههههههههه

هبة فاروق يقول...

فى البدايه اشكرك على الاهداء الرقيق ده
كلك ذوق يا استاذ ابراهيم
بالنسبه للغوص انا غوصت المره دى زياده شويه علشان الاهداء كان لى ولاختى الحبيبه كارولين نشكرك شكرا جزيلا لانك عرفتنا على مطربه مغموره نوعا ما واصبحت من خلال معلوماتك وطرحك لاغانيها معروفه
سلامى لسالى وسولى وزياد
تحياتى

لــــ زهــــــراء ــــولا يقول...

ياسلاااااااام ع الفن الجميل والصوت الرائع لشافية احمد اول مرة اعرف اسمها رائعة وكمان اول مرة اسمع صوت اخو عبد الحليم اسماعيل شبانة
تلم اختياراتك

لولا

amiraali يقول...

زوقك حلو جدا بقي...
انا هستني بقي منك اعنيه ليا.....
بس مش تطلعني مفتريه...

رحاب صالح يقول...

اية ده
وانا ماليش حاجة
طيب
اروح ادور ف حته تانية بقي
هههه
منك نستفيد ياا استاذ
وبجد انا بستتمتع بكل المعلومات والاغاني
شكرا

reemaas يقول...

:)


تصدق بالله

انا بقالى كتيييييير ماحدش جابلى هديه ولذلك من موقعى هذا انا فرحانة ااوووووى بهديتك :)


بالموووووووناسبة فى الخباثة كده بالنسبة لاغنيه ام اسماعيل اعترف انى فهمتك غلط هههههههههههههههه

rona ali يقول...

وانا عايزة اغنيه اشمعنا بقي اهئ واااااااااااااااء

وانا من البنات اللي مش بيتكسفوا بقي وبيكلبوا حقهم لذلك اطالب بحقي في اغنيه :)))

بس ايه الاغانى العبقريه دى بيجد يعنى
حتى البوست اللى قبله انا كفايا عليا اقرأ الاغانى انما افتح اسمع لاء هههههههههه

غير معرف يقول...

الجبلة
النطع
الرمة
الغبى
الجلياط
الجبان
التافه
الامعة
الدلول
المقرف
كل فكرة كل اللى فات دى صفات ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه سلاما ياابراهيم وغدا ستعرف

حنين محمد يقول...

صباح الغاردينيا أستاذ ابراهيم
:)
بص انا مبتسمة بقى وسعيدة وفرحانة اهداء ليا انا وحبيبي مين قدنا بقى من أستاذنا الغالي علينا أستاذ ابراهيم بس عارف انا وحشه لما شفت الاهداءات قلت في نفسي يعني مافيش اهداء ليا هههههههههه وبس قريت اسمي واسم فارس بجد ابتسمت :)
أغنية حلوة لو تدوقو الهوا والكليب رومانسي كتير لا خلاص بعد الاهداء دا مش حقول حاجة في رومانسيات ابراهيم :) بشكرك بجد على الاهداء الجميل وعلى الغطسات الي بتبللنا جمال وإحساس "
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

اخوتى جميعا
طبعا انا لا ارد على تعليقات الغواص الا اذا كانت اسئلة استفسارية
زينة زيدان
بسمة الورد
اميرة على
رونا على
لو صبر القاتل على المقتول
ههههههههههههههه

تركيب
كل الاغانى خاصة بها ماعدا اغانى سيد درويش

موضوع الدكتور حامد رضوان هو صدفة بحتة
لعلم سيادتك يوجد فيديو للجوز الخيل من اخراجه لكن فى الغالب اسلوبه لا يعجبنى

تحياتى لكم جميعا

ابراهيم رزق يقول...

الغير معرف

مرحبا بك
و سعيد انك تركت شمس النها و اتيت الى
ها انا وعدتك عند شمس النهار ان احسن استقبالك
و انا اهو بنشر تعليقك و اوعدك انى انشر كل تعليقاتك طالما البذاءة و قلة الادب بها معقولة
ههههههههههههههههههههههههه
على فكرة بذاءة و قلة الادب دى صفة