الجمعة، 27 أبريل 2012

فشيق جدا

كنت قد بدات بعد الثورة كتابة سلسلة مفشخونيا احاول ان ارصد ما يحدث فى ولاية مفشخونيا كنت اظن ان عصرا انتهى و بدء عصر جديد لكنى كنت واهم واكتشفت ان العصر البائد لم ينتهى بعد لذا توقفت عن كتابته و الان اجد نفسى لا استطيع ان اقف وساحاول ان ارصد و لكن ليس من خلال عصر انتهى و لكن من خلال عصر يحاول ان يعصرنا و ينهينا
 
مفشخونيا
فشيق جدا



وضع معارك كوب قهوته بطعم الموز يترقب زنزان وهى جالسة مرتاحة امام حمام السباحة كالاراجوز اتى ذلك العجوز اذية رسمى مسرعا فبادره معارك فى ايه يا اذية قال له اللواء زيان المسئول عن  مطار مفشخونيا مات رد معارك طب و ايه يعنى يا اذية دى مش مشكلة حقيقية ابعت هاتلى الواد فشيق حالا




بينما كان معارك مع زنزان جالس سعيد ظهر فشيق من بعيد يرتدى بلوفره الجديد فبادره معارك بالخبر السعيد هتبقى مسئول  عن مطار مفشخونيا لم يصدق فشيق نفسه من السعادة و طار على اقرب سجادة لقد اوصلته سعادته الى الجنون و صار يوزع البنبون

امتلأت جيوب فشيق بالبنبون و دخل الى القصر الميمون فوجد بلاء و سمج ال يلعبون اقترب منهم فشيق و بكلام رقيق قال لهم تاخدوا بنبون فما كان من الاثنان ان قالوا  فى نفس واحد انت مجنون صباح الخير لينا تساوى من الجنيهات مليون فقال لهم فشيق يعنى ايه يا بهوات فقالوا له هو انت مش مسئول عن المطارات اجاب نعم قالوا له بسيطة نحن نهدم المبانى و كل هذا العك و نأتى بقروض هائلة من البنك نبنى المبنى بقرض صغير و نضع فى جيوبنا الكثير من الدنانير و مش هننساك نحن لا ننسى الحبايب هينبهم من الحب جانب

و بدأت تتوالى العروض ثم يتبعها القروض و بدات الاموال فى السلب كل هذا تحت مسمى مبنى الطائرات و تلمع  اسم فشيق و بدء يتودد الى زنزان بصنية هدية من القرع و البتنجان فاستخدمت نفوذها والصولجان كما استخدمته مرارا و ضغطت على معارك ليصدر  قرارا بتعين فشيق وزيرا و توطدت علاقة فشيق ببلاء و سمج ال و اصبحت مشاريع الوزارة عائلية بينما الشعب المفشخونى مش لاقى تمن الطعمية

دخل اذية رسمى الى مكتب معارك و قاله العيال عاملين مؤامرة قال و بيسموها ثورة قال له فين هبيب الظالمى وزير العسس قالوا فشل قال بسيطة هاتولى فشيق ده ناعم و رقيق هو اللى هيخلصنى من كل هذا الجنون فحضر مرتدى بلوفره و معه  البونبون و مازال حتى الان يوزع ذلك البونبون فهل يستطيع فشيق ان ينقذ معارك من المهالك و يذهب به الى الطريق السالك الاجابة ليست معى و اعذورنى  لكن عند الشعب المفشخونى     

هناك 21 تعليقًا:

سواح في ملك اللــــــــــــــــــه- يقول...

((وضع معارك كوب قهوته بطعم الموز يترقب زنزان وهى جالسة مرتاحة امام حمام السباحة كالاراجوز ))

كده ياابراهيم انت بتهزأ الاراجوز

مش حرام عليك ياابراهيم هههههه

وبعدين ايه الاوشاعات دي انا مخدتش بونبوني

تحيتي ياابراهيم

مصطفى سيف الدين يقول...

اكيد يقدر
ده قتل و انقتل قبل كده مليون مرة
وما زال بيوزع بونبون
يبقى يقدر

ليلى الصباحى.. lolocat يقول...

والله استاذ ابراهيم لما سمعت خبر (( فشيق )) انه دخل الانتخابات تانى حزنت جدا


وعلى رأى مصطفى يقدر يقدر :)

ربنا يعدى الايام اللى باقية على خيييير

افتكرت قصة الف ليلة وليلة وانا اقرأ البوست :) رائع اسلوبك اضحك الله سنك واسعد قلبك

تحياتى لك اخى العزيز

rona ali يقول...

نياهاهاها هاهاهاها هاهاها

بوست شرير شر هههههههههههه

والله انا خايفه شويه ويخلي مصر هى كمان شركه قابضه يديها للاجانب زى المطار كدة وكل واحد ياخدله حته ^_^

بس حلوة البدايه اوى ومفشخويا دى عجبتنى ههههههههههههههههههههههههههههههههههههههه

candy يقول...

المشكلة دلوقتى أن مصر بقيت بتشتغل نفسها ...

وبتحرق كل ورقها ..

أنا مثلا كنت بتحرم عمرو سليمان وقت ما كان مدير المخايرات ايام مبارك ، وكنت شايفة شفيق النموذج الألمانى للعمل فى صمت وإنجاز ..

دلوقتى الاتنين بالنسبة لى اتحروققوا :((

مش عارفة ..

طب إيه ؟؟

خلاص كدة مصر مافهاش بنى أدم محترم ؟؟
:((((

بسمة الورد عطر المشاعر يقول...

ووالله يااستاذ ابراهيم الشعب المفشخونى مسكين

وعمنا معارك ربنا يبتليه بالمعارك علشان نرتاح منه

دعواتنا بالرحمه والسلامه لفشخونيا العظمى نقول امين ونستنى ههههههه

كل الود والاحترام لارائك اخى

zeze يقول...

والله فعلا حالة تحزن،انا خايفة انه ينجح ،يارب يصلح احوالنا ويولي علينا من يتقي الله فينا
اسلوبك جمييل وممتع بارك الله فيك يا استاذ ابراهيم

Bent Men ElZman Da !! يقول...

والله الشعب اللى فى النص ده بقى غلبان اساسا

Räumung wien يقول...

شكراً لكم ع الموضوعات المتنوعة .

شمس النهار يقول...

ضحكتني علي الصبح ياابراهيم

خاللي البلوفر والبونبون ينفعه بقا

:))
بس قهوة وبطعم الموز
:))
نشربها سادة علي الظالم قادر ياكريم

ابراهيم رزق يقول...

سواح فى ملك

ههههههههههه
البونبونى بتاعك مع اونكل فشيق


بجد سعيد جدا بتعليقك

نورتنى
تحياتى

ابراهيم رزق يقول...

مصطفى سيف

هههههههههههههههه
طالما انت قلت يقدر يبقى يقدر

نورتنى
تحياتى

ابراهيم رزق يقول...

ليلى الصباحى
اختى العزيزة

اطمنى فى النهاية لن يصح الا الصحيح
وفى دم وشهداء ربنا مش هيضيع حقهم

مبسوط ان الاسلوب عجبك
نورتينى
تحياتى

ابراهيم رزق يقول...

رونا على

ههههههههههههههه
فى حد برده يقول على خالو شرير

دى مش البداية ده الجزء السابع
يا ريت تعصرى ليمونة و تقريه من الاول
هههههههههههههه

طبعا انتى مشفتيش الاهداء فى البوست السابق

نورتينى
تحياتى

ابراهيم رزق يقول...

كاندى

ههههههههههههههه

كويس انهم اتحرقوا
ربنا يحرقهم بكيروسين من اللى فيه ازمة

نورتينى
تحياتى

ابراهيم رزق يقول...

بسمة الورد

ههههههههههههههههها
اميييييييييييييييييييييين
دايما تثيرى البسمة بزيارتك

نورتينى
تحياتى

ابراهيم رزق يقول...

zeze

يارب يولى الاصلح

الاجمل هومرورك

نورتينى
تحياتى

ابراهيم رزق يقول...

بنت من الزمن ده

بجد و الله يا دينا انتى جبتى من الاخر

نورتينى
تحياتى

ابراهيم رزق يقول...

Raumung wien

الشكر لمرورك الجميل

نورتينى
تحياتى

ابراهيم رزق يقول...

شمس النهار
شمس الشموس

هههههههههههههه
سعيد انها ضحكتك

يارب نشربها

نورتينى
تحياتى

رحاب صالح يقول...

ههههههههههههههه
والله انت تجنن
بجد عجتني كتيييييييييييييير
ومش زي ما انت قلت اني كدة يعني
اهو
مش مجاملة
والا الاسماء بجد موزونه صح الصح
تحياتي