الخميس، 17 مايو، 2012

بلال سيديهات " فضل سابقا "


الانسان موقف و مواقف الانسان و عمله لا يختلف عما بداخله و حكايتنا عن واحد اسمه بلال فضل صدق نفسه انه من الثوار لمجرد انه كان يزور الميدان و عقب رحيل المخلوع ركب الثورة و تحول الى مقدم برامج و ارتمى فى حضن المجلس العسكرى و قال فيهم ما قاله قيس لليلى و ما قاله انطونيو لكليوباترا و فاق شعره شعر عنتر العبسى فى عبلة و مع انشغال مرتضى منصور بقضيته تحول سى بلال فضل الى بلال سيدهات و دخل فى فاصل من الردح لا يليق بمن يمتهن مهنة الصحافة 
ففاقد الشىء لا يعطيه الم يكن انت اول من هاجم الالتراس فى فترة شهر العسل مع العسكرى و فتحت الباب للهجوم عليهم و النيل منهم بحجة ان الفاظهم بذيئة تخدش حياء اذنك الكريمة بينما ما كان من الفاظ فى افلامك بداية من خالتى فرنسا وحاحا و تفاحا اشعارعمر الخيام وخاصة البيت الخالد كثر الشطة يجيب بواسير
 
 و تقمص شخصية خالتى فرنسا و جمع حوله صياع البحر و نشر بذاءته متخيلا انه سينجح فى النيل من الاخرين و لكنه خسر الكثير خسر احترام من كان يحترمه متناسيا معجزاته السينمائية بداية من حاحا و تفاحة مع ملك الفلول طلعت زكريا الذى قلب  عليه لزيادة ركوب الموجة
لم نسمع انك رفضت اى شىء  من النظام السابق بل انك كنت سعيد جدا و انت تصافح فاروق حسنى وزير الثقافة السابق و هو يعطيك الجائزة المالية فى مهرجان السينما
بلال فضل اترك الكلام فى السياسة لمن يفهم فيها و ارتمى فى احضان السبكى فهو من سيبقى لك بعد ان سقط عنك القناع و  ظهرت بذاءت خالتى فرنسا و تذكر طلعت زكريا و حاول ان تصالحه فهو الذى سيبقى لك فى المستقبل  واعلم ان ما اسهل الافتراءت 
 قال تعالى 
" فاما الزبد فيذهب جفاء و اما ما ينفع الناس فيمكث فى الارض "
صدق الله العظيم

هناك 17 تعليقًا:

Ramy يقول...

أزيك يا استاذ ابراهيم

انا يمكن علشان مش متابع بلال فضل

فمش هقدر احكم عليه

بس زى ما حضرتك بتقول تقويمنا للناس من مواقفهم

.....................

بالنسبة لفيديو ساليناز على ما اعتقد هى كانت ورا الدخان فمكنتش باينة اوى (:

ليلى الصباحى.. lolocat يقول...

انا أيضا مثل رامى مش هعرف احكم اوى على الامر لانى تابعت بلال فترة اثناء الثورة وبصراحة كان بيعجبنى فى بعض الامور لكن بعد كده تركت السياسة ( وغباءها ) وما بقيت اهتم الايام دى لان الموضوع اصبح زى الكوكتيل مالوش طعم محدد مميز ...

الكل بيلعب على الكل والكل عايز يركب الموجة والمسكينة الصابرة ام التوب الاخضر ( مصر حبيبتى ) هى اللى بتدفع التمن

الله غالب برحمته وقوته


ملحوظة اخى ابراهيم ارجو تعديل الاية الكريمة ( الزبد ) بالــ ز



تحياتى لك وباقات ياسمين تعطر يومك وتبعدك شويتين عن وجع دماغ السياسة :)

ابراهيم رزق يقول...

الغير معرف

اولا اشكرك و اعترف بخطئى لانى لم اراجع
ثانيا لماذا غير معرف
يسعدنى و يشرفنى ان اعرف من انت
نورتنى
تحياتى

ابراهيم رزق يقول...

رامى
القلب الطيب

للاسف يا رامى
بعض الناس بتنسى نفسها و بتركب موجة ليست له
و لا تتفق معه فى الحقيقة
و راجع اعماله السينمائية لتعرف من هو
شرفتنى ونورتنى
تحياتى

ابراهيم رزق يقول...

ليلى الصباحى
اختى العزيزة

اولا متشكر على التصحيح
و انا اسف لانى كتبت البوست و لم اراجعه
و هناك خطأ اخر فى كلمة من كلمتى زكريا
فى البوست و كلمة ثالثة اكتشفتها
هههههه

فعلا اختلط الحابل با انابل
و من لم نرضى به رئيس وزراء يأتى لنا وزيرا

بجد حاجة بقت صعبة
ههههههههههههههه
و الله حاولت ابعد عن السياسة و اغطس فى الاغانى لكن يظهر انها ورائى ورائى

نورتينى و شرفتينى
تحياتى

مصطفى سيف الدين يقول...

اختلف معك يا ابراهيم ليس لأنني اختلف مع بلال فضل اشوه تاريخه
بالعكس بلال فضل كان معارض للنظام السابق في اوجه و عمود قلمين يشهد و جريدة الدستور تشهد
كونه دلوقت مع ابو الفتوح و بيهاجم حمدين في نفس الطريق علاء الاسواني و ابراهيم عيسى مع حمدين و بيهاجموا ابو الفتوح
عايز رايي كل الكتاب دول الاسواني و عيسى و بلال فضل مبيهمهمش غير مصلحتهم الشخصية
علشان كده بلاش تشوه تاريخ الراجل او تقزم منه علشان انتهج سياسة سبقه ابراهيم عيسى بيها

عمرو يسرى يقول...

زى رامى بالظبط

سواح في ملك اللــــــــــــــــــه- يقول...

مش بلال فضل لوحده

ابراهيم عيسي

وخالد يوسف

شمس النهار يقول...

مالك بس ياابراهيم
متعصب علي بلال فضل ليه :))

rona ali يقول...

احم جري ايه يا خال
اغيب ارجع الاقيك مشوه الراجل كده
يا عينى عليك يا بلال والله صعبان عليا يكفي بس ان حضرتك متكنش راضي عنه زمان الراجل متبهدل :)))

والله انا من متابعين بلال ومن قراءه من اول ما كتب في الجرائد مكنتش بقرأ جرنان المصري غير علشان مجموعه معينه منها هو وعمر طاهر ونواره وحسن نافعه وعمرو الشوبكى
وبعدين اول ما بدات الثوره ولقيت الكل بيقرأ ويتفلسف والاخبار بقت محبطه والمقالات بطبل علي مزاجها بطلت اتابع ^_^
وبلال فضل رغم حبي ليه هو فاشل كمذيع وبيحب يتمنظر كتير اوى معرفش ليه
بس حسب معرفتى به هو شخصيه ثوريه وله مقالات جباره في مقاومه النظام السابق
وابرهيم عيسي كان افضل قبل الثورة بعدها متفهمش اتجهاته اساسا وقل من نظرى جدا

نعود لبلال للاسف انا متابعتش الفترة الاخيره لي خالص ومعرفش هبل وعمل ايه بس علي كلا لو تعاملنا مع من علي الساحه كلهم فليس بلال وحده من اصبح غريبا هوجه الاعلام كلها والصحافه عايزين الحرق الا القله المحترمين طبعا ودوال شبه منعدمين حاليا

وتحياتى وسلام وكفايا رغي بقي يا رنا صدعتى خالك :))))

ريـــمـــاس يقول...

صباح الغاردينيا استاذ ابراهيم
انا ماليش في السياسة والانتخابات
بس ليا في حاجة وحدة بحبها من قلبي هي مصر يارب يكتب لها الي فيه الخير ويتولى الرئاسة من هو قادر على النهوض بمصر الحبيبة .."
؛؛
؛
لروحك عبق الغاردينيا
كانت هنا
reemaas

كريمة سندي يقول...

الله المستعان .. البلد عايزة اللي ينتشلها بجد وقلبه عليها

ريري كربكه يقول...

في ناس كتير اوي يا استاذ ابراهيم
ما صدقوا يعملوا شغل في اي حاجه وخلاص
سواء كانوا من الصحافه او الاعلام عامه
ذي ما يكون عايزين جنازه ويشبعوا فيها لطم
الواحد لو على الكلام هيقول كتير بس احيانا بيكون الصمت هوالعلاج
\والله يستر على الايام اللي جايه
اهم حاجه البلد تقف على رجليها ونحقق مطالب الثوره
ومنتخلصش من ظالم يجي لينا ظالم تاني
مش هقول غير
اللهم اضرب الظالمين بالظالمين واخرجنا منهم سالمين
تحياتي لك استاذ ابراهيم

Bent Men ElZman Da !! يقول...

رغم انى مش متابعه لقائاته او كتبه
لكن اوقات بستغرب ازاى اللى بيكتب الافلام دى هو اللى المفروض بيتكلم وشايف انه "فاهم" فى السياسه كده!

لـــولا وزهـــراء يقول...

انا كنت متابعة بلال فضل قبل واثناء الثورة لكن بعد ذلك لم اهتم فلا استطيع ان احكم بس لي ملحوظة
يجب ان نحترم الاخرين حين ينضموا معنا في وجهة نظرنا وبعد ان يتحولوا لوجهة نظر اخرى فكلاً منا له وجهة نظره في الاحداث فليس معنى انه ليس معنى انه اصبح ضدي


لولا

بسمة الورد يقول...

والله يااستاذ ابراهيم

الثورة بينت ناس كتير على حقيقتها وبجد انا من المصدومين فى بلال فضل مع انى كنت بحترمة جدا وبنتظر كلماته انما سبحان مغير الاحوال

دمت بكل خير اخى

ابراهيم رزق يقول...

اخوتى الاعزاء

سارد على كافة التعليقات لاحقا

تحياتى