الثلاثاء، 22 مايو، 2012

مسئوليات جسيمة جدا جدا جدااااااااااااااا


و نحن فى فترة الانتخابات الرئاسية تقع على الرئيس القادم مسئوليات جسيمة جدا تنوء لحملها الجبال حلوة تنوء دى طبعا انا لا اريد ان اجعل الغد مظلم امام الرئيس القادم و لكن يجب ان يعرف ما هو مطلوب منه حتى يستطيع ان يضع خططه لتحقيق ما هو مرجو منه
اول هذه الاعباء التى تواجهه هى توفير الفواجرا الفرنسية بعد ارتفاع اسعارها العالمية و لعل اخر الاحصاءت الصادرة تقول ان حوالى 4 % من المصريين لا يستطيعون تناول الفواجرا بصفة مستمرة على الافطار يوميا


نأتى الى المشكلة التالية و هى سوء صناعة الكانبيه والسالزيون و الباتون ساليه المدعم لدرجة ان عدد كبير من المصريين لا يشتروه الا من القطاع الخاص مما يفرض اعباء اضافية على محدودى الدخل

مشكلة المشكلات التى واجهت كل الحكومات السابقة وعجزت عن حلها وهى توفير مراسى اليخوت للشعب الكادح رغم قيام الحكومات السابقة ببناء المزيد من المراسى الا ان العدد لا يستوعب يخوت المواطنين مما يتسبب فى زحام و مشاجرات يوميا 


الطريق الممهد الى الشاليهات الموجودة فى بورتو بلطيم و بورتو راس البر و بورتو جمصة هناك شكوى جماعية من عدم توافر ثلاجات المياه المعدنية المجانية بعدد كافى مما يضطر مستخدمى الطريق الى حمل زجاجات المياه بسيارتهم
ارتفاع اسعار قطع غيار السيارات الشعبية المرسيدس و ال BMW و البورش و الهمر مما يلقى باعباء اضافية على محدودى الدخل
يعانى التعليم من مشكلات كبرى و خاصة فى المرحلة الابتدائية و خاصة ارتفاع الكثافة فى الفصول الى عدد تلميذين فى كل فصل مما لا يوفر للطالب اكبر وقت للاستيعاب و ذلك لتشتت المدرس مع طالب اخر فى الفصل
مشكلة النظافة تعانى مصر مشكلة حادة فى النظافة و خاصة الشكوى الدائمة من عدم توافر كافة روائح معطر الجو الذى يرش به الشوارع بعد غسلها بالشامبو كما ان الشكوى الدائمة ايضا من عدم تعدد الزهور المزروعة بالشوارع والنقص الموجود فى زهور البانسيه
المشكلة الصحية تردى الحالة الصحية للمواطنين و حسب اخر تقرير لمنظمة الصحة العالمية ان 99.% يصابون بالبرد سنويا وان كشوف انتظار عمليات تجميل الحواجب تصل الى ثلاثة ايام مما يشكل عبء نفسى جسيم على المواطن المصرى الذى يظل ثلاثة ايام بدون اجراء عملية تجميل الحاجب
                                                   بلد مجانين صحيح


بقلم هيثم تامر هانى شريف يوسف تميم خالد زياد ابراهيم رزق
  

هناك 16 تعليقًا:

فاتيما يقول...

هههههههههههه
هههههههههههههههههه
هههههههههههههههههههههههه


تحفة يا ابراهيم

لأ بجد
يملؤنى التفاؤل
والانشكاح والفخر
بعد كراءة هذوها البوست

طاه اطشمن انا كدا على مستقبل احفاد احفاد احفادى ..
انهم هيوصولا مستوى من الرفاهية والترف وهيدعولنا بقى
ويفتكرونا بالخير
عشان عملنالهم الثورة دى

وصحيح خدت وقت طويل شويتين ..
شويتين يعنى مش كتيييييير
بس كتر خير كدا
اصلا الوقت مبقاش فيه بركة
والايام بتعدى هوا
ولا هنلحق نحس بيها
شكة دبوس يعنى
والدنيا مش هتطير
وإننننننننن الله مع الصابرين
:)

تسلم الايادى

;كارولين فاروق يقول...

معلش يا ابراهيم
انت نسيت حاجات كتير جدا
يعني مثلا
برتو باب اللوق وبورتو باب الشعريه
والشرابيه البسيم ناقص كتير والسمك البكلاي والسمون فيميه يكاد يكون مش موجود الناس خلاص قربت تفرفر مش ممكن
مشكله تانيه
التوك توك بعد وماتعمل تلفريك الناس متضايقه جدا من التكيف المتعطل جواه مش ممكن
مشكله ثالثه
الناس بردوا متضايقين من التأمين الصحي ومتغاظين من توافر الادويه وبيقولوا مش متوعودين علي كده عايزين نشتكي زي الاول ياخونا مش ممكن
بس كده
والسلام ختام
تحياتي

سواح في ملك اللــــــــــــــــــه- يقول...

ده اجليزي ده يامورسي

انت متأكد انك بتتكلم عن بلدنا

ابراهيم

انت كنت بتكتب البوست ده وانت صاحي

ههههههه

طيب بقي احنا نعمل ثورة

عشان طوابير العيش ترجع تاني

وزجمة المواصلات

ونخللي الفصل الدراسي يبقي 1200 تلميذ

عشان يبقوا عزوة كدة

اه وبالنسبة للصحة

نلغي كلية الطب

هههههههه

تحيتي ياابراهيم

Ramy يقول...

ههههههههههههههههههههههه

بتتريق يا أستاذ أبراهيم ماشى ماشى

دة كله علشان ملقتش ركنة للهمر

لازم تسيج للناس كدة خلاص قولى و اركن بل الفيرارى بتاعتى

(:


بس بجد ربنا مع اللى هيمسك

و اتمنى صباحى

بالرغم انى عارف انه هيحوطوه كلاب كتير علشان يوقعوه

بـت خـيـخـة وأي كـلام يقول...

ههههههههههههههههههههههههههههههه
هههههههههههههههههههههههههههههه
ههههههههههههههههههههههههههههه
هههههههههههههههههههههههههههههه
هههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههههه

ستيتة يقول...

ده راجل لازم نصلي من أجله
كل ده ها يلحق يعمله إمتى؟
8 سنين ميكفوش يا عالم
بس إنت نسيت حاجات اساسية كتير زي لحم الطاووس والعرعر اللي منعهم عاطف صدقي في التسعينات:)
تحياتي على المزاج العالي

فافى يقول...

هههههههههههههههههههههههههههههههههه
ده بيفكرنى بالبوستات الرومانسيه اللى قريتها لك قبل كده
درب من الخيال

candy يقول...

لو سمحت يا استاذ أبراهيم .. شوية مطالب من مواطنة كادحة ..

ياريت الميك-أب يبقى من السلع التموينية اللى عليها الدعم .. وطبعا دا هايزود الاسثمارات من فرنسا .. بلاش إيطاليا حاجاتها مش قد كدة.

والكت بقى سلعة استراتيجية زى العيش كدة .. كل الأفران تتقلب مكتبات وتحط على رفوف الفرن كتب.

والمزيكا ثم الكزيما ثم المزيكا .. سماعات فى شارع وكل حارة ..
ومسرح منصوب دائم فى كل ميدان فى بلادى..

والمدارس يقى ياريت نهتم بالتعليم شوية
عايزين الشعب كله يتعلم يرقص تانجو وتيوست وسلو .. شكلنا بقى وحش قوى فى الأفراح قدام شعوب العالم.

والأكل طبعا ياريت لو يمسك وزارة التموين مديرى شركات جالجسى وشيبسى و مولتوا وبيبسى.

والصحة ..
الجيم والسبا هايظبطوا الشعب المصرى كله .. هانقضى على السمنة والواحد يبقى ماشى كدة مرمرع ومنتعش .. دا حتى الجيم بيحسن الصحة النفسية :)

والأمن بقى حرام
ياريت لو نرجع عسكرى الدرك ولو يقف بكياس بلاستيك منفوخة يخض بيها اللى بيعاكسوا أو بيرقوا ..

ليلى الصباحى.. lolocat يقول...

ماشاء الله عليك اخى ابراهيم
ده انت كده اثبت انك حاسس بأوجاعنا
خاصة موضوع مراسى اليخوت صراحة كنت محتارة المشكلة دى تتحل ازاى هههه


تعرف استاذ ابراهيم احنا فعلا شعب صعب ومستحيل تقليده ممكن نصنع فى اشد الاحوال والمشاكل ضحكة وابتسامة ونحول الامر الصعب سهل فى ثوانى

يااااااارب يولى علينا الصالح الذى يتقى الله فينا ويحمى بلدنا وينصرها وتمر المشاكل بسلالالالالالالالالالالام علشان قلوبنا تعبت جدا

تحياتى لك اخى ابراهيم وربنا يخليك لمصر :)

زينة زيدان يقول...

هاد مصر سبقت سنغفورة

والله أخي ابراهيم واقع محزن
وحال العرب مبكي

وبجد شر البلية ما يضحك


تحيتي لأسلوبك الساخر الناقد البناء

مصطفى سيف الدين يقول...

هو لسه في ترجمة ؟
انا هاستنى الترجمة علشان اعرف اللوغاريتمات اللي بتتكلم عنها دي

ريـــمـــاس يقول...

صباح الغاردينيا أستاذ ابراهيم
هههههههههههههه
بجد ضحكت رغم انه نفسي مسدودة عن الضحك بس نقول ايه أسلوب ساخر من أستاذ ابراهيم حقيقي بفكر لو حصل الي تقول عليه يبقى انا لما اجي مصر مش حعرفها خالص ههههه
بس عارف بجد مصر صبرت كتير ويارب يكتب لها الي فيه صالحها ويحس الرئيس الجديد بمشاكل الشعب ..
والله بدعي من قلبي ويارب يارب يارب
تبتسم مصر قريب ونفرح كلنا بيها "
؛؛
؛
لروحك عبق الغاردينيا
كانت هنا
reemaas

كريمة سندي يقول...

والله شيء مفرح أنه في حد قلبه على البلد تحية ود وإعجاب بما قرأت .

نيسان يقول...

هههههههههه
والله ربنا يعينه الرئيس القادم...هو محتاج معجزات الهيه حتى يقدر يصلح و يزبط الامور...لنفرض انه اشتغل صح وكان مخلص وشريف ونزيه....اقل شيء المسكين حيطلع بعد انتهاء المده المقرره للحكم اقله بضغط وسكر و شوية جلطات على ازمات نفسيه....لكن برضو وبرغم كل الصعوبات انا متفائله ...نعم ممكن والتجربه التركيه والتجربه الماليزيه اكبر دليل .
ربنا ييسر لمصر و أهلها كل الخير ...طمنونا على الاوضاع بقى .

zeze يقول...

ههههههههه ،ياسلام فعلا مسؤليات تنوء بها الجبال بصحيح كنت فاكرة اول محدخل حلاقي مشاكل البنزين وطوابير العيش دا طاعت فيه مشاكل في بلدنا اكبر بكتيرمن كدا وانا مش حاسة خالص
وفعلا الباتون ساليه بقي مستواه مشكلة
هههههه ،تحياتي

شيرين سامي يقول...

وحشتني بلد مجانين صحيح :)
بقالي كتيييير نفسي أضحك كده
هي فعلاً مسؤليات جسيمة
إحنا أساساً شعب مرفه و مش حاسين بقيمة النعيم اللي إحنا فيه عشان كده عايزين رئيس يدلعنا أكتر ما إحنا مدلعين..ده أنا عايشه على المسكنات و قرب يجيلي الضغط من كتر الدلع :)

بس مين اللي كتبوا البوست مش عارفه غير زياد و باباه

تحياتي أستاذي العزيز