السبت، 26 مايو، 2012

كفرت بالشعب

لكل اللى ميعرفنيش احب اقولهم انا ابراهيم رزق مواطن مصرى يمكن ان تطلق عليه مواطن صعلوك بنى ادم غلبان و كاغلب المواطنين الصعاليك الغلابة يميلون لليسار  وانا كيسارى اميل للشعب الفقير اللى انا منه و الشعب ده هو ايمانى الاول و هو اللى دايما اراهن عليه
حصل ايه يا شعب ناس استشهدت فى ثورة و ناس فقدت عيونها و ارجلها واذرعها من اجل حرية هذا الشعب من اجل ان تعيش بكرامة من اجل ان تتنفس هواء الحرية
ايه الحكاية يا شعب نفسى اسالك انت عندما تصوت لشفيق ايه اللى فى هذا الشفيق عجبك مسمعناش ابدا انه عمل انجاز غير موقعة الجمل ذيل من ذيول نظام مبارك ايه يا شعب ايه هل ادمنت القمع و البطش هل تعودت على ضرب الكرابيج هل تعودت على المهانة ما يؤسف له ان هذا الحذاء الذى يسمى شفيق اقول حذاء و هذا ليس سبا بل وصفا لانه حذاء للمجلس العسكرى ونظام مبارك لم يحقق اى اغلبية فى المدن الحضرية التى كان من المتوقع ان تعطى شفيق لكن اصوات شفيق جاءت من القرى و الريف لماذا توضع امامك ماسة الحرية فتلقيها على الارض و تدوس عليها و تبحث عن الزجاج المكسور 
زوجتى تقول لى هذا اختيارهم و يتحملوه واولادك وبيتك فى حاجة لك اذا حدث لك شىء و انت ليس لك ذنب فيما يحدث
لاول مرة فى حياتى اشعر بالحيرة هل اميل الى شفيق واكون خائن للثورة او اميل للاخوان واكون خائن لايدلوجاتى التى عشت وتربيت وامنت بها ماذا اقول للشيخ عماد عفت صديقى فى ميدان التحرير الذى تعرفت عليه فى الميدان وصاحبته ولم اعرف اسمه الا عندما استشهد هل لاول مرة فى حياتى اكون مضطرا ان انتخب مرسى لمجرد انى اقول للشهداء والشيخ عماد ان الثورة نجحت وان خلافنا مع الاخوان فى الحكم هو مجرد خلاف فكرى

ايها الشعب انا فى طريقى للكفر بك او فلتقل انى كفرت بك  

هناك 19 تعليقًا:

Tarkieb يقول...

الموضوع في تزوير واضح مش ممكن الاعداد دي يحصل عليها يونس شلبي

زينة زيدان يقول...

اخي ابراهيم

هذا رجائي فلا تردني خائبة
دم عماد وكل الشهداء في أعناقكم
لن نسامحكم لو خذلتونا

أنت اليوم تقرر مصيرنا معكم
أنت اليوم مسئول أمامي

اقرأ ما نشرت هنا

http://zena-zidan.blogspot.com/2012/05/blog-post_26.html

تحيتي لك أخي العربي

AhMeD RaDy يقول...

استاذ ابراهيم

سعد زغلول قال مافيش فايدة !

بس كدا

رؤى عليوة يقول...

اللى شفته وانا من الريف والموضوع بيكون واضح
اللى ادوا شفيق طبعا بتوع الحزب الوطنى القديم والفلوس اللى اندفعت للناس فى السر
حركات من بعض الاخوان خلت ناس تعند عليهم وتدى عدوهم الاول
والنور اللى انقطع اول يوم انتخاب بالليل فى معظم الانحاء الله اعلم كان ليه وايه اللى حصل

وبعدين تفتت مرشحى الثورة كان له دور مهم لو كانوا اتحدوا كنا خلصنا لكن قدر الله وماشاء فعل

موضوع الكفر بالشعب كنا غلط لما توقعنا ان غسيل مخ استمر لمدة 30 سنه هنغيره فى سنة ونص كان لازم ناخد ده فى الحسبان مش سهل الفلول يستسلموا
ودلوقتى ربنا يستر اما نتحد وننسى الخلافات السياسية ونختار اقل الضررين واحسن الوحشين او ان الثورة وحق الشهدا ودمهم ضاع للابد وساعتها نستاهل اللى يجرالنا
والمقاطعه تعنى شفيق


تحياتى

ريـــمـــاس يقول...

مساء الغاردينيا أستاذ ابراهيم
رغم بعدي دائماً عن السياسة لكن حباً في مصر كنت أتابع أخبارها وكنت أترقب بقلب محب أن تمر بسلام وأن تنجح ثورة مصر ولاتهدر دماء الشهداء ولكن ماحدث للأسف كان عكس ماتوقعت أو حلمت وماأراه اليوم يؤسفني جداً أن أقول أنه خذلني لن أقول سوى ..
اللهم أني أستودعتك شعب مصر وآمنها وآمانها وكتب الله لكم مافيه الخير والأصلح للبلد فـ أم الدنيا آمانة في أعناقكم أتمنى فعلاً أن لاتخذلوها ..
أستاذ ابراهيم كما قالت ام زياد كن بخير لأجلها ولأجل أبنائك ولأجل مصرلأجل أحبتك هنا ايضاً "
؛؛
؛
لروحك عبق الغاردينيا
كانت هنا
reemaas

;كارولين فاروق يقول...

المشكله تكمن في اليأس
اليأس الذي تغلب علي كل شئ
ونتج عنه السلبيه

مصطفى سيف الدين يقول...

لما تقولي ان الشرقية و المنوفية و الغربية و الدقهلية كلهم اتفقوا ان شفيق ينجح اقولك احنا كصعيد معقل الفلول و معملنهاش
اقولك احنا كقنا عندنا معتز محمد محمود و الغول و الشعيني و فؤاد ابوزيد و كل اللي قلبك يحبهم و ربك يغضب عليهم معملنهاش
اقولك احنا اللي عندنا الآلي و الجورينوف و غيره و غيره و مقر حزب الحرية معملنهاش
اقولك الانتخابات مزورة مليون في المية بس ازاي بقى ده اللي محتاج ادلة و اثباتات
لازم كلنا ندور و نفكر الانتخابات اتزورت ازاي
بيع اصوات؟
ماشي بس دول خمسة مليون صوت في 100 جنيه يعني بتاع نص مليار جنيه و ده مستحيل و لا حتى ربع المبلغ ده
الحكاية فيها لعبة و ده بقى اللي لازم نعرفه الفترة الجاية
عن نفسي انا راضي عن ضميري و حاسس اني عملت اللي عليا و صوتت للي شايف انه افضل و ده دوري كمواطن مصري اختار اللي يرضي ضميري
سعيد ان الثورة قدرت تثبت قوتها حوالي تسعة مليون صوت يعني حوالي 37% من الشعب ده مش قليل ابدا حتى لو فيهم سلفيين فهم انحازوا للتوافق الوطني و الاختيار الثوري و ده مؤشر كويس
شايف في حاجات كتير كويسة ممكن تديلنا امل رغم الاحباط
و اتوقع في الايام الجاية يتم اثبات التزوير على شفيق

rona ali يقول...

والله انا توقعت اننا هنصفي مابينهم بس بين التوقع وان دة يحصل فعلا يحسسك بشعور الشخص اللي فاقد الوعى

شفشق معرفش الناس اللى رشحوه وحتى لو مسيحين ازاى مفكروش في احداث الماسبيرو ومفكروش في اللى ماتو من عندهم ازاى كده بيجد
محافظه زى المنوفيه خلاص المرشحين خلصوا كلهم ملقوش غيره

وبعدين في تشبيه عجبنى من دكتوره لما شبهت ان الخلايا الجزعيه الصغيره اللى ملهاش لازمه بس مهمه لو حطيتها فاي حته هتكتر تكتر تبقي نفس المكان اللى حطتيه فيها ومبارك هو الخلايا وشفيق جزء منها تخيل بقي دة لو مسكنا هيعتقلنا كلنا :)

بس انا عارفه والله ان اراء الناس ان الاخوان اهون عندهم حق ويتقدر عليهم ايوة يتقدر لانهم طلعوا نزلوا منجحوش وعادوا ومجبوش غير الربع انما اللى طلع برة الاعاده النص يعنى هما ميقدروش ينجحوا الا بينا بس مش قادرة اروح اعلم علي شخص انا نفسي اتريقت عليه كتير ومش متفقه مع افكاره
بيجد انا احترت وبعدين انا عملتها مرة ساعات اعاده مجلس الشعب وادينا شوفنا المجلس الفكاهى اهو هكررها تانى ياربي :((

yosef يقول...

السبت، مايو 26، 2012
حقائق حول نتائج الانتخابات المصريّة

نتائج الانتخابات المصريّة اثبتت العديد من الحقائق :
1- الشعب المصري شعب عظيم يتوق للحريّة وينتمي للامة الاسلاميّة والعربيّة ...رغم كل ما حصل معه
2-احمد شفيق هو مرشح مؤسسة النظام المخلوع بكل مكوناته وهيّ مؤسسة لا زالت تملك القدرة على العمل المنظم .
3- قصر نظر كل القوى السيّاسيّة وعدم فهمها للعمل المشترك واهميّته في بناء مصر الحديثة
4-الاخوان وحزب الحريّة والعدالة يتحملوا المسؤوليّة الكاملة عن وصول احمد شفيق للمرحلة النهائيّة
5-عمرو موسى لم يكن الا ( ارنب السباق ) الذي استغل للتمويه واستحوذ على جهد الكثيرين لاعطاء الفرصة لاحمد شفيق للوصول الى المرحلة النهائيّة .
6-عبد المنعم ابو الفتوح ساهم في اضاعة فرصة حمدين صباحي للمرحلة النهائيّة .
7-نتيجة حمدين صباحي اكدت ان شباب الثورة قد استعادوا شبابهم واصبح لديهم القدرة على ان يكون لهم دور مؤثر في الحيّاة السيّاسيّة المصريّة .
8-نتيجة الاخوان وحزب الحريّة اكدت تراجع قوتهم خلال فترة قليلة وانهم لم يعودوا الا 25% من اصوات من مارسوا حقهم الانتخابيّ و10% فقط من اصوات من يحق لهم التصويت .
9-غيّاب 50% ممن يحق لهم الانتخاب تحت مبرر ( ما فيش فايّدة ) هو عمل سلبيّ وممارسة 10% منهم كانت كفيلة بتغيّير النتائج .
10-الاعلام الرسميّ واستطلاعات الراي التي قام بها لم تكن الا محاولة للتأثير على الناخبين وتضليل مرشحي الشباب والثورة.

الآن وقد اصبح الخيّار الوحيد المتاح امام المصريّين هو اما التصويت للدكتور محمد مرسي او للفريق احمد شفيق فلم يعد امام القوى السيّاسيّة الوطنيّة وشباب الثورة الا خيار واحد ..
ارسال رسالة واضحة للاخوان وحزب الحريّة والعدالة مضمونها اما ان تجلسوا معنا لنتفق على تفاصيل المرحلة المقبلة وضمن برنامج عمل واضح يتضمن المشاركة الكاملة في الحيّاة السيّاسيّة وضمن شروط واضحة ليس اهمها منصب نائب الرئيس ...وقد يكون اهمها منصب رئيس الوزراء واعتقد انه من المناسب ان يّرشح له السيد حمدين صباحي على ان تضم الوزارة معظم مرشحي الرئاسة من حملة لواء التغيّير والاصلاح ...
وعلى الجميع ان يُّدرك ان موافقة الاخوان على ذلك ليس هبة او منحة منهم ولا حتى تنازلا انما حق لقوى الثورة عليّهم وهم بحاجة لتلك القوى اكثر من حاجة تلك القوى لهم .
ان عدم موافقة الاخوان على مشاركة قوى الثورة في الحيّاة السيّاسيّة سيؤدي الى فشل مرشحهم امام مرشح النظام السابق وبالتالي ستكون تلك النتيجة هيّ شرارة استكمال الثورة وسقوط فلول النظام والاخوان معاً .
رغم كل شيء انا مُتفائل وارى مُستقبل مصر ونهضتها بيد شبابها ولا خوف لان الله والايّام والزمن معهم وفي صالحهم .

يوسف
26/5/2012

نيسان يقول...

لا الومك على حيرتك اخي ابراهيم
الموقف مش سهل ابدا فيوم امس كان مهما ومصيري للامه العربيه كافه وليس لمصر وحسب
.....
على قد فرحتي في الفتره اللي فاتت وانا اتابع التحضيرات للانتخابات على قد ما احبطت امس وانا اتابع النتائج أولا بأول.
انا كالاغلبيه التي ضربت كفاً بكف و صوّتت بأعلى صوتها استنكاراً وهي تتابع تقدم شفيق في الاصوات !!!
مصيبه اذا كان هناك من لا يزال يبيع صوته!
ومصيبه اذا تم تزوير الاصوات عمداً!
والمصيبه الاعظم ان يكون هناك من صوّت لشفيق بكل ارادته الحره بالرغم من كل مما حدث ولمجرد النكايه في الاخوان !!!
بعد هذا الكف الحامي الذي نزل علينا كلنا من غامض علمه يوم أمس....اعتقد ان الاغلبيه التي لا زالت تعتقد ان الانتخابات ((نزيهه)) بحق و لا زالت مقتنعه بجدوى صوتها ستنتخب محمد مرسي في الاعاده حتى اللي مش مقتنع به ولا بسياسة حزب الحريه والعداله.
والله يستر برضو ..

ليلى الصباحى.. lolocat يقول...

السلام عليكم اخى ابراهيم

اولادك واولادنا واولاد مصر كلها اكيد مش من مصلحتهم ان يتولى عليهم هذا ( الشفيق ) ازااااااااااااااى اخد كل الاصوات دى ؟؟؟؟؟؟؟؟؟

صدقت لما انت قلت بلد مجانين صحيح

والله اخى كل من صوت لهذا الشفيق مجنون ومش فاهم اى حاجة فى اى حاجة
حسبنا الله ونعم الوكيل

ربنا يستر على البلد

منجي باكير يقول...

حالة الاحتقان دوما تصاحب كل حدث و تغيير جديد و لكم الحق ،،،

أرى ان المستقبل خير ممّا مضى

دعواتنا لمصر و أهلها بالفلاح


صاحب الزمن الجميل

فافى يقول...

قاطع
المقاطعه فى الانتخابات الاولى فى رأى تخاذل ولكن فى الاعاده اضطرار

سواح في ملك اللــــــــــــــــــه- يقول...

ابراهيم رزق

صديقي الغالي واخي العزيز

يامن اثرت ان تترك بيتك واولادك الكرام

وتمكث في التحرير ولاتعلم ان كنت ستعود لهم ام لا

المشكلة يااخي مش في الشعب

المشكلة في اللي عرف يلعب كويس علي

علي اوجاعه والامه

المشكلة في حاجات كتيير اوي

في ثوار اضاعوا ثورتهم في مشاكل

ايدلوجية وخلافات لاترقي لمستوي الثورة

وهناك من استغل هذه الخلافات

علشان يقوللهم اهو شفتوا مافيش حد متفق مع التاني

والبلد بتتاخر

الثوار اوسعوا البلد طلبات واحتجاجات

حتي اصبح الناس يمقتون هذه الطريقة طريقة لي الاذرع

فقد كان من الثوار اخوان ومسيحيين وايدلوجيات مختلفة

بعد الثورة كل واحد تفرغ لمحاربة الاخر

سالت واحد ممن انتخبوا شفيق

ليه انتخبته

قاللي كلمتين بساط

عايزين ناكل عيش زهقنا من الفوضي

عمرو يسرى يقول...

انتخاب شفيق او مرسى الاثنين خيانه للثوره والثوار والشهد اساسا لو عرفوا ان شفيق كسب او مرسى كسب هيخرجوا من قبورهم يسبوا
لان الاخوان والنظام وجهان لعمله واحد ومرسى لوكسب يبقى كل اللى عملناه تحديث لنظام مبارك فقط نفس النظام مجلس ورئاسه وحكومه ونقابات ومحافظين ايه فى ايه هنعيدوه تانى
ومرسى دا نفسه هو اللى فى انتخابات 2010 فى المصرى اليوم قالك انه بيحترم زكريا عزمى وبطرس غالى وفايزه ابو النجاه وعشان كده مانزلش امامهم حد فى الانتخابات
بنجاح شفيق الشهداء هتحزن على الثوره وبنجاح مرسى الشهداء هتسب للثوره
الاثنين واحد

ستيتة يقول...

في طريقك؟
انت جدع
انا كنت باستلقي على قفايا من الضحك لما حمدين يقول
شعب مصر العظيم المعلم الأكبر
أتاريه طلع المعلم باختلاف التشكيل
لبسنا في الحيط
بس معلش
ها يتعلموا فينا وحياتنا كده كده مش فارقة وعيالنا ها يكونوا اوعى واحسن
ثقتي في الله
بكرة احلى بس هو بعيد حبتين
تحياتي

لـــولا وزهـــراء يقول...

مين قال ان الشعب انتخب شفيق؟ احنا عملنا زي مسرحية وجهة نظر كلنا عميان وسط عصابة مفتحة بتوقعنا في بعض ان كان الف ولا اتنين انتخبوا شفيق يبقى جاب منين باقي الاصوات وعدد الجزم اللي نزلت عليه اكتر من الاصوات اللي اخدها


لولا

دعاء العطار يقول...

عارف يااستاذ ابراهيم اللى ماتله ميت ومش قادر يصدق انه مات

اهو انا الى الان مش قادره اصدق

حسبى الله ونعم الوكيل

ابراهيم رزق يقول...

اشكركم جميعا على التعليقات

بجد بجد نورتونى و شرفتونى

تحياتى لكم