الأربعاء، 6 يونيو 2012

امثال ابراهيمية

هذه مجموعة امثال مجرد امثال حول موضوع او شخص  فكرة  جديدة احاول بها ان اجدد قليلا و لم اجد خير من ان ابدء بحبيب قلبى الذى تعرفونه كلكم الفشيق


الفشيق



بلد اشاعات صحيح



اللى ميشفش من الغربال يبقى هينتخب شفيق

سكتناله دخل بمشيره

الشفيق يحلم يبقى رئيس

ايش تاخد الماشطة من وش شفيق

ياما جاب شفيق لامه 

مسكوا شفيق مفتاح الكرار

شفيق اللى ليه ودنين يشيلوه اتنين

قاله لشفيق احلف قال جالك الفرج

لا تصاحب شفيق و لاتخلى شفيق يصاحبك

الورع
تلاحقه الكاميرات حتى و هو يتوضىء
طبعا لم يتوضىء بمنزله لانه كان راجع من سهرة صباحى

قالو لشفيق احلف قال جالك الفرج

خلينا وراء شفيق لحد باب الدار

جالك شفيق يا تارك الصلاه

عشم شفيق فى الجنة

هناك 25 تعليقًا:

ليلى الصباحى.. lolocat يقول...

ياخوفى لتكون حياتنا بعد كام يوم كلها شفيق فى شفيق ههههه

يارب سلم يارب سلم واجعل كلامنا خفيف عليهم

تحياتى لك اخى ابراهيم :)

شمس النهار يقول...

المشكلة انك مش عايز شفيق
ومش عايز مرسي
طيب هتقاطع ولا هتبطل صوتك
ايه العمل بقاااااااااا

لــــ زهــــــراء ــــولا يقول...

دي قرأتها حالاً وعجبتني
" عزيزي البلوفر جيم اوفر "

روووووووووعة هذه الامثال العصرية
دي


لولا

ظلالي البيضاء يقول...

هههههه
رغم كل اللي حوالينا من المصائب المتلتلة ... اضحكت جداً ....
تحيتب لأمثالك أخي إبراهيم

;كارولين فاروق يقول...

هههههههههههه
ايه حكايه الامثال اليومين دول
بص يا ابراهيم
مافيش فايده
خلاص الموضوع خرج من ايدينا
والعمليه بقت في الكليتش
وحسنين ومحمدين يعني الموضوع محصل بعده
تحياتي

مصطفى سيف الدين يقول...

انا باعاتبك على الجملة دي (طبعا لم يتوضىء بمنزله لانه كان راجع من سهرة صباحى) مهما ان كان منتدخلش في علاقة الراجل مع ربه علشان مش بتاعتنا ان كان وضوءه رياء و لا لاء ربنا هيحاسبه عليه
و على راي المثل شفيق شاف ولاده على الخيط قال ترتر و ملضومين في خيط

كريمة سندي يقول...

والله أمثال رائعة وتناسب وضعه .. بس ليه هو بيتوضاء حكمتك يارب إنك لا تهدي من أحببت ولمن الله يهدي من يشاء

دعاء العطار يقول...

يافتاح ياعليم يارزاق ياكريم اول ماتبتدى تبتدى بشفشق كده يااستاذ ابراهيم طب لو مش خايف ع نفسك خاف ع بلوجتك الغلبانة دى .. ده سره باتع وممكن تلاقى البلوج مقفوله ومفتوحه ف نفس ذات الوقت :D

غير معرف يقول...

هههههههههههه

صباحك ورد ابراهيم

شفيق حديث الساعة ويارب ما يكون حديث

الشهور والسنين القادمة لأن اي شخص لن

يكون اسوء من شفيق ...

أمثال رائعة بصياغة كوميدية ولكن

ماخلفها هو مؤلم حقيقة ...

مازلت تتحفنا بروعة

تحياتي وإحترامي

حنين محمد يقول...

صباح الغاردينيا استاذ ابراهيم
هو حتى شفيق ماسلمش من اقوالك الابراهيمية
طيب والنبي الا الرومانسيات اوعى تدخل شفيق فيها
عشان مش بحب الراجل ده واعوذ بالله خايفة تتسد نفسي للرومانسية
لو بقى فيها شفيق :( "
؛؛
؛
لروحك عبق الغاردينيا
كانت هنا
Reemaas

غير معرف يقول...

أقل وصف ليك انك عديم الفهم وقليل ادب

ابراهيم رزق يقول...

ليلى الصباحى
اختى العزيزة

هههههههههه
يا خوفى يا بدران

نورتينى
تحياتى

ابراهيم رزق يقول...

شمس النهار
شمس الشموس

بجد شفيق امامنا
و مرسى خلفنا
اين المفر

هههههههههههه

نورتينى
تحياتى

ابراهيم رزق يقول...

لولا وزهرا

يا ريت يبقى جيم اوفر
هههههههههههه

دايما بتسعدينى بزيارتك يا لولا

نورتينى
تحياتى

ابراهيم رزق يقول...

كارولين فاروق
كلارنيت الفاروق

هههههههههههههه
لا و الله لسه فى ايدينا خيط ماسكينه اتمنى الا ينقطع

نورتينى
تحياتى

ابراهيم رزق يقول...

مصطفى سيف
اخى العزيز

هو انا اتدخلت فى علاقته بربنا و لا قلت اى كلمة
انا بس بوضح للناس اللى بتقول متوضاش فى بيتهم ليه ممكن يكونوا فاكرين المية مقطوعة و لا حاجة
ههههههههههههههه

انا بوضح لكن علاقته بربنا انا لم اتدخل فيها

نورتنى
تحياتى

ابراهيم رزق يقول...

كريمة سندى

الاروع و الله العظيم زيارتك و تعليقك

بجد منورانى

تحياتى

ابراهيم رزق يقول...

دعاء العطار


هههههههههههههههه
انتى بتقولى فيها
اولا كل شوية بتوع شفيق يعملوا هاك على الاكاونت بتاعى على تويتر و تقريبا لى كل اسبوع اكاونت جديد

اما فى بلوجر فهم بيحاولوا لكن الحمد لله حتى الان
انظرى لتعليق غير المعرف
هذه عينة من زوقهم و ادبهم
نورتينى
تحياتى

ابراهيم رزق يقول...

ريبال بيهس
اخى الفارس


هههههههههههههههه
فعلا يا اخى حديث الساعة
اتمنى ان يختفى نهائيا

الاروع يا اخى هى زيارتك و تشريفك و تعليقك

نورتنى
تحياتى

ابراهيم رزق يقول...

ريماس
ريمسو


لا و النبى
اوعى نفسك تتسد عن الرومانسية
ابعد يا شفيق ابعد يا شفيق

هههههههههههههههههه
خلاص اهو شفيق بعد

نورتينى
تحيات معطرة بالمسك و العنبر

ابراهيم رزق يقول...

الغير معرف

اولا باشكرك على ادبك الجم
وزوقك العالى

اولا بتقول انى عديم الفهم
موافك انى عديم الفهم
لكن من يتخطى عديم الفهم
من يضيع وقته مع شخص عديم الفهم
يجب الا تضيع وقتك الثمين و تتابعنى
اما قلة ادبى فلا دخل لك بها
هذه خاصة باهلى الا معرفوش يربونى
يا متربى يا متعلم يا بتاع المدارس
بس
خلاص

ظلالي البيضاء يقول...

أخي إبراهيم ..
ضاع قمر تعليقي بين شمسين لولا والزهراء وكارولين ..
لذلك أعذرك لأنك لم تعط بالك لتعليقي السابق بينهما .. هههههه

ابراهيم رزق يقول...

اخى محمد

اسف جدا جدا جدا جداااااااااااااااااا

و الله العظيم بعانى اليومين دول من عدم التركيز
و تلاحظ اخطائى فى البوست السابق من عدم الترتيب فى الرد على التعليقات
بجد بجد سعيد بتعليق
و تقبل اسفى و تقديرى لك
و دائما نور تعليقاتك لها ظلال عندى

نورتنى
تحياتى

Unknown يقول...

هههههههههههههههه

أمثال في الجون
بس غريبه صورة الوضوء دي بتفكرني بصورة مبارك و هو بيصلي..بجد مفيش فايده في الناس دي..

بس حضر نفسك على شفيق يا أستاذ إبراهيم

تحياتي ليك يا أستاذي العزيز المحترم الرائع يا من نتعلم منه الأدب و نزور مدونته المتميزه لنستمتع و نفهم بكلماته القليله ما تعجز وسائل الإعلام عن القيام به.

نسرين شرباتي "أم سما" يقول...

أولاً أعتذر لتقصيري معاك أ. أبراهيم
ثانياً موضوع جميل جداً للقراءة بعد الغياب،، خلاني أتنفس من جديد
الله يستر ع مصر وأهل مصر يا رب