الثلاثاء، 19 يونيو 2012

حماده


كان حلم جد حماده ان يذهب الى الملاهى ومات الجد و بقى الحلم يداعب العائلة و لكن الظروف كانت دائما اقوى من حلمهم واخيرا تجمعت عائلة حماده وتكتلت بمساعدة الجيران واستطاعت ان تقطع تذكرة لحمادة ليذهب الى الملاهى و لكن فوجىء حمادة بأن تذكرة الملاهى هى دخول للملاهى دون ان يستطيع ان يلعب اى لعبة لان عمو صاحب الملاهى يرى ان حمادة مازال صغيرا و شقى فمن الممكن ان تكون الالعاب خطرا عليه  و ان على حماده ان يقف فى الملاهى متفرجا فقط على ان يلعب عمو صاحب الملاهى بدلا منه
                                                    بلد مجانين صحيح

هناك 23 تعليقًا:

ياسمين يقول...

انا عارفة حمادة داا تقريبا هيكون كيس جوافة ...!!
رغم ان قطع التذكرة من صاحبها الأصلي لكن الاستعباط بئا

ليلى الصباحى.. lolocat يقول...

تعرف استاذ ابراهيم انت فجرت مشكلة حقيقة بجد
الملاهى والعاب الاطفال الغير مباحة ومتاحة لاطفال مساكين وفقراء كتيييييييير

وربما شعورهم بالاحتياج للعب وزيارة الملاهى وعدم قدرتهم لتحقيق هذا الحلم يصيبهم بعقدة نفسية فى بعض الاحيان ونقمة على المجتمع وفرق الطبقات الواضح


اما مشكلة الشقاوة والسن اعتقد ام امرها سهل لو الاب او الام حملت طفلها اثناء اللعب :)

تحياتى لك اخى العزيز

رؤى عليوة يقول...

ههههههههه ربنا يسترها مع حمادة
بس عموما هيجى الناس اللى فى الملاهى كلهم ويفهموا صاحب الملاهى انه مينفعش يلعب بدل حمادة

وانهم هناااااا ومش رايحين فى اى مكان تانى :)

وكلها شوية كده بس ويرموا حمادة وصاحب الملاهى بره لو فكروا يلعبوا على مزاجهم

نتفرج بقى :)
وعموما كده الحمد لله اصل لو مكنش حمادة دخل الملاهى كان هيدخل واحد تانى

دمت بخير

فاتيما يقول...

مامت حمادة
على باباه
على عيلته
ع الجيران
على صاحب الملاهى
ع اللى هيتحمل لعبهم
ودلعهم المرىء دا تاااااانى

هه

فاتيما يقول...

الفاصل السابق دا
من وحى نجاح حمادة
والقرف اللى احنا شايفينه

:)

Unknown يقول...

ربنا يستر يا أستاذ إبراهيم لحسن شكله كده إبن الجيران البلطجي هو اللي هيدخل الملاهي :(
أما صاحب الملاهي فهو بيدير كل شئ من غرفة الكونترول..
ربنا يستر بجد قلقت

ظلالي البيضاء يقول...

ههههههه .. الله عليك أخي إبراهيم ..
في وسط هموم العلم نلاقي نفسنا هنا بنضحك ..
بلد مجانين صحيح ..
وأنا صرت من البلد دي .. هههه

مصطفى سيف الدين يقول...

طيب يعني حمادة مكنش يعرف ان صاحب الملاهي بيلعب سينجل و كل رواد الملاهي واقفين نيكست؟

زينة زيدان يقول...

أخي ابراهيم

حمادة وملاهي وجده والعابه و و ....

رأيت هنا كتابة فلسفية
لا اعرف هل أجدت قرائتها ام لا
أرى انك لا تقصد شيء من ذاك إنما تقصد
المجلس العسكري الذي يريد أن يأخذ دور غيره و يسير العالم حسب رؤيته ويرى في الجميع عدم النضوج ليمارس أبسط حقوقه واحلامه باستقلالية..

هل قرأت حرفك بطريقة صحيحة ام زل فهمي ...؟؟؟!!

تحيتي

Bent Men ElZman Da !! يقول...

حلوه يلعب بدل منه دى
وحماده ده سكتله ازاى اصلا !!

كريمة سندي يقول...

المعنى المجازي في القصة رائع جدا .. لكل منا حلم قد يكتمل بمشيئة الله وقد يتأجل لنا أو يتغير لا نعرف أين الخير لنا تحياتي الصادقة

ابراهيم رزق يقول...

سندس

اتمنى الا سكون جيس جوافة
هههههههههههههههه

نورتينى
تحياتى

ابراهيم رزق يقول...

ليلى الصباحى
اختى العزيزة

انا كنت متأكد انك تملكين قلبمحمل بالفطرة والبراءة ولكن لم اكن متأكدا ان هنك قلبا يحمل هذه الحب وهذه البراءة للجميع
الكل اخذ الموضوع من الجهة السياسية وهذا ما اقصده اما انتى فاخذتيه للحب والاطفال
بجد بجد انتى مدهشة

نورتينى
تحياتى

ابراهيم رزق يقول...

رؤى عليوة

صاحب الملاهى مخه زى البيادة
نعمل معاه ايه
ههههههههههههههههه

نورتينى
تحياتى

فتــافيت (رحاب الخضري) يقول...

هو اللي فات حمــادة
واللي جاي حمـــادة تاني خااااااالص

ربنا يستر بس من حمادة
ابو طقية حمرا،، ده أحنا هانشوف ايام
حماااااااااادة اخر حاجة !

تحياتي لحضرتك
ولحمادة :)

ابراهيم رزق يقول...

فاتيما
روح قلب الملائكة

احنا لسه شفنا حاجة
ربنا يستر

نورتينى

تحياتى

ابراهيم رزق يقول...

شرين سامى

هههههههههههه
على رقبتنا ابن الجيران ده
ده حماده مستحملينه بالعافية

نورتينى
تحياتى

ابراهيم رزق يقول...

ظلالى البيضاء
اخى العزيز

سعيد انك ابتسمت
و متستغربش
مش بيقولوا شر البلية ما يضحك

نورتنى
تحياتى

ابراهيم رزق يقول...

مصطفى سيف
اخى العزيز

للاسف حماده تعود الا ينظر الا اسفل قدميه

نورتنى
تحياتى

ابراهيم رزق يقول...

زينة زيدان
اختى العزيزة
اخت الشهيد

نعم هذا ما اقصده بالظبط
احسنتى القراءة جيدا
وان كنت لا امنع ان يقراها الجميع كما يريد

نورتينى
تحياتى

ابراهيم رزق يقول...

بنت من الزمن ده

ادينا بنتفرج حماده هيعمل ايه
وان كنا متاكدين ان مش هيعمل حاجة
اصله حماده

لازم حد يساعده
نورتينى

ابراهيم رزق يقول...

كريمة سندى
الاخت العزيزة

جميلة جدا قراتك للموضوع

نورتيى
تحياتى

ابراهيم رزق يقول...

فتافيت

هههههههههههه
ربنا يستر من الحمر و الحمير
هههههههههههههه

نورتينى
تحياتى