الخميس، 28 يونيو 2012

يوم الامتحان يصم المرء او يهان


مع الامتحان و فوبيا الامتحانات تداعت لى ذكريات الامتحانات فانا كنت طالب غير مصاب بهذه الفوبيا و لكنى كنت ممثل للفوبيا وذلك لتحقيق اقصى استفادة من الاهل و ذلك للدلع لذا فان دموع الطلبة و الطالبات فى الثانوية العامة تثير ضحكى و لا تثير عاطفتى قد تكون نوع من السادية و لكنها الحقيقة و اتذكر انه فى ليلة امتحان الرياضة كان عناك مدرس شهير اسمه عادل ذكى كان يجمع مهاويس الثانوية العامة فى سرادق باحدى المدارس برمسيس لما يسمى بالمراجعة النهائية و عندما ذهبت وجدت الاف من المهاويس هناك قررت انا و صديق هو حاليا مهندس ان نذهب الى السينما فى شارع عماد الدين ذهبنا السينما و اكلنا كشرى عند صبحى و شربنا اتنين عصير قصب ثم رجعنا البيت بعقل هادىء و رجعت البيت ذاكرت انا و هو و اعتقد انى حصلت على درجة عالية فى هذه المادة بفضل كثر الشطة على الكشرى
عندما ذهبت الى الكلية وجدت 95 % من الموجودين فى الكلية من المحبطين  يدرسون دراسة فرضت عليهم و انا واحد منهم لذا تعاملت بمنتهى اللامبالاه مع الدراسة و مع ذلك كنت انجح بتقدير عالى مقبول جدا مع مرتبة القرف فانا كنت فى كلية يتخرج منها خمسة الاف طالب على العقل و لكى تحجزمقعدا فى المدرج عليك بالزحام مثل الزحام على فراخ توزع مجانا فى جمعية استهلاكية لذا كنت انا و شلتى ما يسمى شلة الشباك نجلس على الشباك نراقب ما يحدث فى الخارج و ليس لنا علاقة بما يقوله الدكتور و هذا فى المرات القليلة التى نحضرها .  ففى اغلب الاوقات نذهب الى كلية الاداب حيث الناس الريقة اللى بتضحك على طول كلية فاضية و اغلب اصدقائى تعرفت عليهم هناك و هكذا كانت تسير الايام حتى افاجىء بموعد الامتحان فلا يهمنى اتصل بالناس الدحيحة واغلبهم بنات اصور كشكول محاضرتهم اشترى بعض المذكرات اقراهم وادخل عملية بسيطة و كنت بنجح 
مرة من المرات كانت هناك مبارة للاهلى فى موعد الامتحان و لعب الشيطان فى راسى ما سوء التخطيط هذا و اخيرا استعذت بالله من الشيطان الرجيم و ذهبت الى المباراة اما المادة فهناك دور تانى هى الدنيا هتطير 
العملية التعلمية مثل اغنية فيلم رشة جريئة
عيل صغير عمل صباعه قال مسدس طريخ طراخ
قام صاحبه طاوعه و ساقله فيها و عمله ميت
و اهله قالوا ده طخه طخ
الكل بيلعب و الكل بيمثل و قال ايه امتحان المسئولين والاهالى و الطلبة
  • امتحان ايه فى مرحلة جماعية يعتمد على المذكرات
  • امتحان ايه  فى مرحلة جماعية بمجرد خروجك من الامتحان تنسى المادة التى امتحنت فيها
  • امتحان ايه الذى يقوم الدكتور بالغاء ابواب من الكتاب فى نهاية العام وذلك لانه لم يسعفه الوقت لتدريسه او تملق للطلبة وسط تهليلهم
الاسباب كثيرة لكن فى النهاية انا سعيد جدا بتقديرى الذى تخرجت به  مقبول جدا مع مرتبة القرف لانه تعبير صادق عن التعليم و لعلمكم ما ذاكرته اثناء فترة تعليمى انتهى و خرج من ذاكرتى بمجرد خروجى من الامتحان اما ما بقى معى فهى الافلام التى زوغت و شاهدتها بالسينما بالاضافة لطعم الكشرى الجميل 
                                     
                                                بلد مجانين صحيح
 
 
 

هناك 13 تعليقًا:

مصطفى سيف الدين يقول...

التعليم و الجيش و كل منظومة في مصر متقدرش تعلق عليها غير بجملة واحدة (تهريج منظم) كلنا بنهرج و نصدق نفسنا
تحياتي

نسرين شرباتي "أم سما" يقول...

اه من الامتحانات
بينفع أضحك ضحكة كبيرة
لا بس عيب خلي الضحكة بالسر
:) :) :)
حلو البوست خيي ابراهيم
أغلب بوستاتك بيجي فيها ذكر لل"كشري"
شكلك مغرم يا ليل يا عين بال"كشري"
،،،،،،،،،،،،،،،،

بس أنا كنت أنقهر من الطالب اللي بيطنش لكلشي وفي النهاية يجي ياخد مني الكشكول ويصوره،، يعني أنا أتعب وهو ع البارد المستريح ويروح يحضر مباراة كمان!!!!!!!
،،،،،،،،،

ذكريات الدراسة جميلة جداً
ليتها تعود
والأجمل في تلك الذكريات هو من شاركونا بها :)

rona ali يقول...

البلد دى مش مقدارك والله يا استاذنا ههههههههههههههههههههههه

ضحكتنى بتقدير مقبول جدا مع مرتبه القرف ودى بياخدوها من جامعه التغليس الاولى ههههههههه :))

انا كمان كنت في كليه الالف كليه الحقوق تيرار بس كنت من اللى بيقعده قدام
لذلك انا كده من الاشخاص اللى اكيد مكنتش بطقها ههههههههه

بلد مجانين فعلا

كريمة سندي يقول...

إن جذور التعليم العربي كما قرأت في أحد الكتب سابقا ترجع إلى يهودي مغربي وضع منهجا وطريقة للتدريس تفضي إلى البطالة بعد 100 عام وقد أخذت الدول العربية هذا المنهج السقيم مع الأسف وطورته كما هو .. فماذا أنتجت!! بلد مجانين

ياسمين يقول...

التعليم عندنا بايظ دي أقل كلمة ممكن أقولها اعرف ناس مش بتعرف كتب الكلام صح من التعليم الغلط ابسط حاجة اهو !

رؤى عليوة يقول...

ام دى نصيحة للى عندهم امتحانات
:)
وعلى كده لو ان امتحانات الكلية ده جنون يبقى انا خدت مرتبه اعلى واعلى من الجنون كان عليا بإيه من التعليم وسنينه اصلا ماله الكروشيه والنبى كان زمان عندى مشروع زى الفل مش كده ؟؟

بس هى اقدار نعمل اييييه بقى

البوست جميل لان له فلسفة بس ان شاء الله زياد وساليناز يكون عندهم رأى تانى بعد ما يخلصوا تعليم



دمت بخير

ظلالي البيضاء يقول...

الله عليك يا أستاذ إبراهيم ..
فعلاً ذكريات أيام الدراسة جميلة ..
وأنا كانت إبداعاتي واختراعاتي كلها بتظهر أيام الامتحانات ..
الخروج في نزهة .. الزيارات .. اللعب ..
حتى إنني عمدت إلى كتبي أصنع لها تجليداً يحفظها أيام الامتحانات .. وقد جلدت وقتها قريباً من 200 كتاب ..
قصص شقاوة ..
دمت بألف خير ..

ليلى الصباحى.. lolocat يقول...

عن نفسى لم امر بتلك الوعكات ابدا ههههه طبعا هتقول انى ببالغ.ههههه الحمد لله استمتع كثيرا وانا اقرأ مغامرات الاصدقاء مع الدراسة بس انا كنت من الناس اللى محددة هدفها من صغرها ( الفنون الجميلة ) لاتقولى اداب وروقان ولا الكلام ده
كانت ايام رائعة وهادية وذكريات لاتنسى لا اعتقد ان فيه كليه رايقة زى الفنون الجميلة رغم العمل المتواصل فيها
اما الثانوية العامة هى كانت كابوس بس فى انتظار النتيجة لانى مش بحب اخسر درجة ( دح بنات بقى ) هههههه

كم اتمنى ان يتطور اسلوب التعليم بمصر واغير جدا( واتغاظ ) كلما سمعت او قرأت عن طالب عمره صغير وبيدرس فى كلية كذا او كذا لانه متفوق فى الغرب

لو تركنا الطلبة تختار مايناسبها وميولها اعتقد اننا ممكن يكون فيه عباقرة كتير بينا

اليوم قرأت خبر اختيار مجدى يعقوب للقب ( عبقرى الطب ) بالعالم كنت فخورة جدا وسعيدة

لكن باسلوب التعليم اللى حضرتك قلته ملايين البشر دخلوا كلياتهم لمجرد انهم يكونوا من اصحاب الشهادات مش تحقيق لرغباتهم واهدافهم

اتمنى يكون فى بلدى مليون عبقرى فى الطب والهندسة والاداب والفنون وكل مجال

اسأل الله تعالى ان تكون المرحلة القادمة فى مصر تحمل لنا الخير الكثير وان ييسر لنا الله الحال ونسعى كلناااااااا جاهدين لتحقيق امالنا


كم اعشق((( بلد مجانين))) حين تكون محملة بهموم ومشكلات البلد لكن باسلوبك الساخر الذى يخفف الكثير من آلامنا

تحياتى لك وباقات ياسمين تعطر يومك

ليلى الصباحى.. lolocat يقول...

عجبنى اوى تعليق مصطفى سيف :)

هبة فاروق يقول...

امتحان ايه فى مرحلة جماعية بمجرد خروجك من الامتحان تنسى المادة التى امتحنت فيها
والله معاك حق فى كل اللى قولته وجعنا قلبنا على الفاضى والكل فى الاخر أتساوى وقعد فى البيت
بوست واقعى بالشطه

شمس النهار يقول...

:))

التعليم باظ اصلا

حنين محمد يقول...

صباح الغاردينيا استاذ ابراهيم
هههههههههه انت حتى في دراستك بتهرج بس عارف نفسي في طبق كشري وبالشطة اممممم لسى قبل كم يوم كنت بكلم موني طبعاً موني دي حبيبتي منى ابو السعود بقولها انا بعمل كشري ضحكت لما قلت لها بتعملي الدقه ازاي قالت مش بحبها :)
اممم نرجع للتعليم عشان عصافير بطني بيتخانقو على طبق كشري هههههه
انا دلوقتي بدرس إدارة أعمال والحمدلله دخلت المجال دا بحب ومش حقول بزوغ زيك لكن بجد بدايق اوي لو اخدت درجة نازله شويا لكن للأسف بسمع من خواتي الوحدة خلصت تعليم ودلوقتي موظفة ولله الحمد كل واحدة ناجحة في مجال عملها لكن بجد في ناس تقولك الي ندرسه حاجة والي بنشتغله حاجة ويبقى أسمه تعليم :)
زي الناس الي ناسية الدراسة وفاكرة الافلام ههههه
؛؛
؛
لروحك عبق الغاردينيا
كانت هنا
Reemaas

نيسآان يقول...

ههههههههه....آه من التعليم وبلاويه !!!

مرات بيكون نفسي اقول لولادي بلاش دراسه و بلاش تمقيق عيون على الفاضي ...لكن التخلف اللي جواي بيوقفني عند حدّي ههههههههههه
منظومة التعليم في كل بلادنا العربيه فاشله ابتداء من الاعداديه وهلم جرا....الابتدائي هو بس اللي بيستفيدوا منه لما يتعلموا القراءه والكتابه والحساب وشوية معلومات عن الارض والشمس والقمر وبعدها كل المعلومات والكتب اللي بيدرسوها بتبقى حشو فاضي مالوش لازمه....وانما مضطرين بقى ندح ونصم عشان المسميات والرتب والمظاهر والشغل المحترم اللي عاوز شهادات صوريه وفوقيها عشر واسطات :)