الثلاثاء، 11 سبتمبر، 2012

مصنع تصنيع سلمان رشدى

النكرة سلمان رشدى
 
هل تتذكرون سلمان رشدى لمن لا يتذكره هو مؤلف هندى فاشل كتب كتاب مسىء لسيدنا محمد عليه الصلاة والسلام فقامت الدنيا ولم تقعد وتلقى تهديدات بالقتل بل اصدر الزعيم الايرانى اية الله خومينى فتوة بقتله ورصد مكافاة لمن يقوم بقتله فماذا كانت النتيجة 
  • انتشر الكتاب فى كل انحاء العالم و توالت طبعاته وتم ترجمته الى اكثر من لغة
  • تحول النكرة سلمان رشدى الى مؤلف شهير يشار له بالبنان بل وتفرض عليه الحكومة الانجليزية حراسة مشددة حتى الان
  • اخذ العالم فكرة مشوهة عن الاسلام
تكرر هذا مع رسام كاركتير دينماركى وقامت الدنيا ولم تقعد وانتشرت الرسوم المسيئة فى مختلف الصحف
والان انتج مجموعة من التافهين فيلم تافه يقال انه مسىء للرسول صلى الله عليه وسلم لن يتجاوز عدد مشاهديه عدد صناعه فقامت الدنيا مرة اخرى فتحول الفيلم التافه الى فيلم شهير يبحث عنه الامريكان ليشاهدوه واشتهر شهرة كبيرة
يجب ان نغلق مصانع تحويل التافهين الى مشاهير وان نفهم ان الصوت العالى والضجيج لن يأتى بنتيجة وان الفكر يقابله فكر والفيلم يقابله فيلم اخر اما الصوت العالى و الضجيج فسرعان ما يخفت و لا يبقى منه الا اثاره الملوثة للبيئة 

هناك 31 تعليقًا:

re7ab.sale7 يقول...

انا معاك جدا يا استاذ ابراهيم
الصوت العالي مش بيجيب نتيجة غير عكسية غالبا
عمرو خالد قال قبل كدة ف احد البرامج ان افضل شيء اننا نرد بالاثبات والدليل
مش بالمظاهرات ولا الشتايم ولا انتهاك السفارات
انا ضد كل ده ومش هخرج اعمل كدة برغم اني اغير جدا علي ديني وعلي رسولي الكريم اكتر من اللي خرجوا للمظاهرات ....بس انا بفكر بعقل ....
دلوقت في واحد بيقولي ان رسولي الكريم كذا وكذا .... المفروض اني ارد عليه بالدليل القاطع انه مستحيل انه يكون كذا وانه يعلو فوق الجميع لانه افضل البشر ...وبرضه بالدليل مش بالكلام ولا بالعصبية

ليلى الصباحى.. lolocat يقول...

اوافقك الرأى جدا اخى ابراهيم
فمجرد ان نقيم لهم وزناً فهذا تقدير لهم
واعتقد ان هناك تصرفات واتخاذ اجراءات اشد من هذه الاحتجاجات الجوفاء التى لن تجد اى صدى سوى انها ستخبر من لايعرف بالفيلم وربما يبحث عنه ويكثر مشاهديه للعلم بالشىء فقط

حسبنا الله ونعم الوكيل قاتلهم الله ودمرهم وشتت جمعهم وجعل كيدهم فى نحورهم

تحياتى وتقديرى

موناليزا يقول...

متفقة معاك جداً
وكنت لسه هكتب على الفيس بوك كلاماً شبيهاً وبعد قراءتى لما كتبت سأكتفى بوضع لينك موضوعك على صفحتى وصفحة جروب المدونين

رؤى عليوة يقول...

والله صح \
وعن نفسى لا التفت لمثل هذه التفاهات
واللى بتاخده الحميه اوى يبقى ياخد رسوله قدوة الاول ويتمسك بدينه

ربنا يهدينا ونبطل منقومش الا لما حد ..

دمت بخير

عمرو يسرى يقول...

اتفق معاك تماما

لـــولا وزهـــراء يقول...

عندك كل الحق ... نحن من نقيم لمثل هؤلاء وزن ونحن من نعمل لاصواتهم الخافتة صدى


لولا

Ramy يقول...

عندك حق يا أستاذ أبراهيم

احنا بغبائنا بندى قيمة للى ملوش قيمة و لا سعر

للأسف

نسرين شرباتي "أم سما" يقول...

معك في كل حرف قلته :)

ظلالي البيضاء يقول...

أخي إبراهيم ..
ما قلتهُ عين الصواب بالفعل ..
لو أهملنا هذه التفاهات لما اشتهرت شهرتها الحالية ..

طبتَ وطاب قلمك الطيبة ..
مع التحية ..

شمس النهار يقول...

امبارح كنت في مناقشة علي تويتر وقلت نفس كلامك
اي حد فاشل بيدور علي الشهرة العالمية
اسهل شئ يدور علي زرار المسلمين
مع ان بابا الفاتيكان والمسيح بيتشتموا كل يوم وماحدش بيلتفت
لكن احنا فوريرة نشهر التفهين علي حساب سماحة دينا
ولورجعنا لأيام الرسول هتلاق انه اتعمل فيه كتير
وماردش باي تجاوز

أحمد أحمد صالح يقول...

اتفق معك في كل ما قلته أستاذ إبراهيم،فبدلا من ان تحارب السفيه والكذاب و المدعي بالسب و الشتم وإهدار الدم،فلتتجاهله كي لا تصنع منه قيمة،ولتنشر الحقيقة والصدق لمن حوله ودعهم هم يقولون له يا كاذب،بدلا من أن تهاجمه وتسبه فيكسب عطفهم ومساندتهم وتثبت كذبه وإدعاءه عليك!
..كل التحية أستاذ إبراهيم.

richardCatheart يقول...

صباح الخير :)

انا اتفلقت كلام فى الموضوع دا واتفقعت واتنفخت وغلبت الناس نخخها وسخه ومش بتفهم ولا هتفهم انا بنعملهم سوبر استار وهيفضل المصنع شغال طول ما الاغلبيه مخخها كدا للاسف


الاهم الف حمد الله على سلامتك ويارب تكون الظروف عدت والدنيا احسن وبخير ويارب ديما بخير يا ابراهيم ربنا يطمنا عليك ديما :)

نيسآان يقول...

اهو اشتهر واللي كان كان ... وللاسف اثبتنا همجيتنا وقلة وعينا وسوء تصرفنا .....وبجداره

مصطفى سيف الدين يقول...

انا كفيناك المستهزئين

المشكلة ان اللي عند السفارة اللي بيقولوا انهم بيدافعوا عن الاسلام هم ابعد ما يكونوا عن الاسلام

ابراهيم رزق يقول...

رحاب صالح

فعلا
لو كنت فظا غليظ القلب لانفضوا من حولك
صدق الله العظيم

نورتينى
تحياتى

ابراهيم رزق يقول...

ليلى الصباحى

حسبنا الله ونعم الوكيل فى كل تافه مدعى
سعيد برائيك هذا

نورتينى
تحياتى

ابراهيم رزق يقول...

موناليزا

يشرفنى و يسعدنى هذا

نورتينى
تحياتى

ابراهيم رزق يقول...

رؤى عليوة

معاكى كل الحق
يجب ان نأخذ المصطفى صلى الله عليه وسلم قدوة لنا

نورتينى
تحياتى

ابراهيم رزق يقول...

عمرو يسرى

اشكرك

نورتنى
تحياتى

ابراهيم رزق يقول...

لولا و زهرا
لولا

فعلا نحن نصنع لهم قيمة

نورتينى
تحياتى

ابراهيم رزق يقول...

رامى
القلب الطيب

معاك حق
سعيد جدا جدا بتعليقك

نورتنى
تحياتى

ابراهيم رزق يقول...

نسرين ام سما

متشكر لرايك
زهراتك عاملين ايه
يارب يكونوا بخير

نورتينى
تحياتى

ابراهيم رزق يقول...

ظلالى البيضاء

متشكر لمرورك

دمت لى وحفظ الله سوريا سالمة

نورتنى
تحياتى

ابراهيم رزق يقول...

شمس النهار
شمس الشموس

الله ينور

كل شهر مئات من الافلام فى اوربا تهاجم المسيحية ولكنهم تعودوا عليها و على تجاهلها

نورتينى
تحياتى

ابراهيم رزق يقول...

احمد صالح

والله العظيم معاك حق
فالفيلم التافه يفضحهم دون رد
متفق معك تماما

نورتنى
تحياتى

ابراهيم رزق يقول...

مارو

صباح القشطة

هما خلاص اصبحوا من المشاهير
وكالات الانباء الامريكية تبحث عنهم
حتى الكومبارس الذى اشترك فى الفيلم

فعلا دماغ وسخة

نورتينى
تحياتى

ابراهيم رزق يقول...

نبسان

دول اشتهروا شهرة
الكومبارس بيستضيفوهم فى اشهر المحطات التليفزيونية

نورتينى
تحياتى

ابراهيم رزق يقول...

مصطفى سيف

والله لو قلتلك نوعيتهم والفاظهم مش هتصدق هما بيقولوا ايه

نورتنى
تحياتى

reemaas يقول...

وانا متفقة مع ده وشايفة ان حتى لو طلع قرار تجت ضغط الدول الاسلامية لو كان ليها ضغط يعنى فده هيحث الفضوليين على البحث عن الفيلم اكتر
حلها تجاهلهم ووجعهم اقتصاديا واننا نوقر رسولنا الكريم عملا وليس بالصوت

Tears يقول...

انا ح اغرد خارج السرب

لسه شايفةالفيلم على يوتيوب وفهمت ليه متعصبيين اوى كده..ده المصيبة ان كل حاجة سيئة بتتقال بيجيبوا مقطع من القرآن يثبتها

اللى عمل الفيلم المسىء احنا بقنوات المجد واقرأ والحكمة واللى مش مصدق يشوف الفيلم كل مشهد بعده مقطع من القنوات دى يثبته

http://www.youtube.com/verify_controversy?next_url=/watch%3Fv%3DZF1frTz7JNA%26bpctr%3D1347598149

الحل مش دفن راسنا فى الرمل و اللطم و الشتيمة ورفع اعلام القاعدة وقتل السفير بعدها نقول احنا مش ارهابيين ولا همج

محتاجين للتخلص من الارهابيين اللى عندنا وتنقية التفسير

احنا اللى صدرنا الصورة دى عننا ومازلنا و همه معتمدين على مقاطع قنواتنا الارهابية

العدو الحقيقى للاسلام هم التنظيمات الارهابيية والقنوات الهباب اللى عندها هاجس جنسى..الفيلم نقل عن المتخلفين بتوعنا مش اكتر

Bent Men ElZman Da !! يقول...


افصل حل فى المواقف دى
ان يبقى الرد بأسلوب مضاد
كأن الفيلم مش موجود اصلا
بس احنا نحاول نوصل دينا واسلامنا واخلاق رسولنا عليه الصلاه والسلام بالطريقه الصح للغرب
وقتها هنكون حاربنا بطريقتنا