الاثنين، 24 سبتمبر، 2012

مسقعة على الطريقة المرسية

مع تصريح رئيس الجمهورية بانخفاض اسعار الفاكهة فى عهده الميمون مقابل ارتفاع اسعار الخضار اقدم لكم طبق اليوم


طاجن المسقعة
المقادير
كيلو فراولة
كيلو جوافة نصف
              نصف كيلو كنتالوب
تعصر الفراولة فى الخلاط
تقطع الجوافة ترنشات وتحمر فى الزيت
يحمر الكنتالوب فى الزيت
نضع الجوافة المحمرة فى طاجن ونضيف عليها الكنتالوب ثم عصير الفراولة ونضع الطاجن فى الفرن درجة حرارة 120 درجة مئوية
نخرج الطاجن من الفرن ويقدم مع طبق سلطة مانجو وطبق من العنب المخلل وبالهنا والشفا 
                                               بلد مجانين صحيح


هناك 15 تعليقًا:

Tarkieb يقول...

بصراحة الراجل ما يستاهلش كل التريقة عشان المانجة ....واكيد مش قاصد لان المانجة محتاجة لسنيين عشان تكبر بس كشجرة واكيد الحر سبب رخصها ....بس بجد هو طيب واجدع من الاخوان ومن ناس كتيرة عامليين ليبراليين واشتراكييين ولوزعيين

مصطفى سيف الدين يقول...

واضح كده ان الاكلة الرسمية في مصر هتبقى الفروت سالاد :)
حاجة تفرس الطماطم بتمانية جنيه

reemaas يقول...

هههههههههههههههههههههه
ماعرفش ليه افتكرت الاخت اللى قالت والشعب جعان ليه مايكلوا جاتوه

Ramy يقول...

ما هوا دة الهم اللى يضحك

.
.
.
.
.

faroukfahmy58 يقول...

عرفنا يا ابراهيم يا خويا كيقية عمل طاجن المسقعة المفكهة طب مفيش حبة ملح نحلّلى بيها والا الملح بقى غالى يا غالى

ريـــمـــاس يقول...

صباح الغاردينيا أستاذ آبراهيم
هي المسقعة المرسية دي مش بتتعمل في السعودية بردو؟؟
ولا أقولك هعملها أنا وأسميها مسقعه آبراهيميه ههههه
حرام عليك الصورة حاجة وطريقة عملها حاجة تانية بس معاك حق لو الفاكهه بترخص والخضار بتغلى يبقى المسقعه هتبقى كدا :) ربنا يكون في العون نعمل آيه مش بلد مجانين بردو :)"
؛؛
؛
تسلم آيديك
لروحك عبق الغاردينيا
كانت هنا
reemaas

amina يقول...

ههههههههههههههه انا بحاول اتخيل الطبق...
وربنااا شكلك رايق ...
وابقى اعملها وقولي رايك ..

gogo!sf يقول...

ههههههههههههههههه
حلوة اوى تسلم ايدك بجد طريقه رائعه وسهله وفى متناول الجميع
ربنا يعمر بيته ويخرب بيوتنا عشان يكون سعيد اكتر

نهر الحب يقول...

معلش سوري يعني
ايه العك ده
:DD

طيب الفروت سالاد اسهل والله

واحشنا استاذ ابراهيم

بسمة الورد يقول...

اسعد الله مساؤكم شيفنا العزيز

بس فين اخبار المنجه انا عاوزة مسقعه بالمانجه موش ينفع كده

والله لاتعليق غير اننا نسخر من حالنا عسى الله ان يريحنا من هموم المسقعه ههههههه


تقبل مرورى واعجابى بما تقدم

entrümpelung يقول...

موضوع ممتاز جدا.. شكرا لكم :)

entrümpelung wien
entrümpelung wien

كريمة سندي يقول...

صبرك بالله ستهدأ الأوضاع وستخفض كل الأسعار والله المستعان

زينة زيدان يقول...

أستاذ ابراهيم
اشتقنا لنهفات السخرية والنقد هنا
مستنين كل يوم طبق
مسقعة طول الأسبوع صعب


شمس النهار يقول...

:))
ونبي فكرة

بس نفسي اعرف جاب منين المنجة ام تلاتة جنيه دي؟؟

لـــولا وزهـــراء يقول...

هههه وده يعتبر صنف حلو ولا حادق؟


لولا