الثلاثاء، 22 يناير 2013

ست الحسن والجمال

ايات يوسف او ايه مثل ما اناديها بنت مصرية جميلة يمكن فى نظرى . اول مرة شاهدتها كان لقاء لا يتعدى عشر ثوانى لكن احسست وقتها ان شيئا ما يبربطنى بها لن اكذب واقول احببتها فانا حتى بعد ان خطبتها لم اكن اشعر بالحب تجاهها مجرد احساس غريب تجاه تلك الانسانة لم اكن فى فترة الخطوبة ذلك العاشق الملهوف اما هى فبعد قليل من الخطوبة صرحت لاختها انها لن تكمل الخطوبة لن تستطيع ان تتحمل ذلك الكائن الصامت تقصدنى بالطبع وفى تلك الاثناء جاءت رحلة الى احد الشواطىء ليوم واحد مع مجموعة من اصدقائى المتزوجين بالطبع لانى اخر من تزوجت منهم وفى هذه الرحلة كما صرحت لى وجدت شخصا اخر يضحك ويتكلم فعرفت جانب اخر من شخصيتى غير الصمت الذى لم اكن اعرف سببا له وقررت  تكمل الخطوبة بالزواج
تلك كانت مقدمة لحكايتى مع ايه مجرد زواج تقليدى من وجهة نظرى رغم اضرابى عن الزواج فترة طويلة ولم يكن الزواج مجرد حلم صغير من احلامى حتى المؤجلة منها تزوجتها من ايام الخطوبة عرفت كل عيوبى فانا انسان صعب العشرة انسان مصرى اصيل تربية امه تعود الاعتماد على امه فى كل شىء وطبعا امى ست مصرية على اكمل وجه اى تقوم بالواجب نحو ابنها على اكمل وجه شخص تمنى ان يكون صعلوكا ولكن الدنيا لم تحقق له امنيته وتحول الى نصف صعلوك فقط  . شخصية معقدة بهذه الطريقة تحملتها بكل شجاعة من لحظة عقد القران فمن تلك التى تتحمل ان بتركها خطيبها يوم كتب كتابها و بعده مباشرة لحضور مباراة الاهلى و الزمالك و من تتحمل بعد شهر العسل مباشرة ان ياتى مهرجان القاهرة السينمائى و من يعرفنى يعرف انى احضر جميع فعاليات المهرجان اى اذهب من الثامنة صباحا حتى الثانية ليلا واحيان اخرى حتى الفجر رغم لوم ونصائح المقربين منها الا انها لم تبدى اى اعتراض بل كانت تجهز لى ملابسى وبالذات اذا كانت هناك حفلة من حفلات المهرجان وغيره كثير جدا فتحول ذلك الشعور الغريب الذى شعرت به عندما شاهدتها بضع ثوانى الى حب شديد جدا تعرف ان محب لامى حب مرضى تتحمله ولكنها تعرف انها المعشوقة رقم اثنين فى حياتى وكيف لا احبها و هى تغمرنى بكثير من الحب والحنان فبالتالى من لا يبادل هذا الطوفان من الحب بحب يكون شخصا مريضا وانا والحمد لله غير مريض كيف لا احبها و هى من اهدتنى زياد وساليناز و سولينا كيف لا احبها و هى من تصل الى مرحلة البكاء اذا مسنى اى شىء كيف لا تحبنى وهى من تتحمل تمردى وصعلكتى واطوارى الغريبة كيف لا احبها وهى من تحتوى لحظات ضعفى وبكائى و تحاول ان تمسح دمعتى فانا لا اخجل من البكاء و لا اخجل من البكاء امامها فالبكاء صفة انسانية خلقنا الله بها لا تفرق بين رجل وامراة فلما نفرق نحن
اذكر من عدة سنوات تعرضت ايه لتجربة صحية حرجة لم استطع ان اذهب وحدى الى المستشفى لاحضر نتيجة التحليل الانثر بيولجى المتوقف عليه كثير حادثت صديقا لى تليفونيا وغلبنى الدموع فحضر معى اخذنا نتيجة التحاليل لكن الدكتور المختص بالتحاليل لم يكن موجودا طمنى فنى التحاليل ولكن قلبى لم يطمئن الا بعد ان بحثت فى كل مستشفى كليوباترا عن استشارى مختص ودخلت له بالتحاليل فطمنى اتذكر يوم دخولها غرفة العمليات لاجراء العملية التى اطمئنا الى نتيجة التحاليل ولكن الورم كان موجودا فى مكان حساس ربما يؤثر على عملية المشى كلها كانت العملية بمستشفى الزهيرى على نيل المنيل وبمجرد دخولها غرفة العمليات لم استطع الانتظار وخرجت الى النيل تسبقنى دموعى وبمجرد جلوسى على النيل سمعت اذان العصر نظرت الى السماء ودعوت ثم وجدت صيادا عجوزا يتوضىء ويستعد للصلاه استأذنته ان اصلى بجانبه ابتسم وقال طبعا يابنى فتوضاءت بجانبه من ماء النيل وانا امسح بالوضوء دموعى وصليت بجانبه ثم عزم على بشاى وانا من لا يشرب الشاى فوافقت و شربت معه شاى وتحدثت معه طويلا وتركته شاكرا الى المستشفى فوجدتها تخرج من غرفة العمليات والحمد لله نجحت العملية
هذا البوست ليس له مناسبة فاليوم ليس عيد ميلادها وليس عيد زواجنا ولكن شعرت ان كلمة احبك ليس لها مواعيد ان تقال فيها وانا رغم انى احمل جينات المصرى الاصيل اى لا اقول لها احبك كثيرا ولكنها تشعرها وتدركها ومتأكده منها فانا شخص لا اخون ابدا من يضع ثقته فى وهى وضعت كل ثقتها فى فكيف اخونها هى متأكده اننى رغم صعلكتى اعود لها فى نهاية اليوم انام بجانبها لذا اقول لها فى النهاية
بحبك يا ايه ونفسى اعرف مفترى مين اللى زقنى على الوقوع فى حفرة الزواج يقطع الزواج وسنينه  

هناك 31 تعليقًا:

faroukfahmy يقول...

ابراهيم حبيب قلبى وروحى التى اخاف عليها ان تتركنى وتلبد عنك
لا اعرف سر جاذبية حرفك هل لاننا نشترك فى صفات كثيرة اهمها صراحة الكلمة بدون تزويق ولا ترويق اللى على لساننا نقوله
فمثلا فى مسألة العشرة الزوجيه كيف نخون ونلعب بديلنا والذى يبيع عشرة السنين من السهل عليه ان يبيع عشرة الايام
الله يباركلك فى آيةوفى اولادك كما اثنى على مفاجآتك فى نهاية كل بوست مما تضع معها لنا البسمة شأنك شأنى ودأبك دأبى
الفاروق

;كارولين فاروق يقول...

هههههههههههههههه
ههههههههه
ههههه
يعني كنت ماشي كويس وقولت
يا سلام الله اكبر ولله الحمد
لزمه ايه بقي مين اللي زقني
ع الجواز هههههههه
انت عامل زيي لما اتكلم بجد
اتخنق واهرج بعد كده والناس تفتكرني
مجنونه بس بيضحكوا بعد كده
عموما ربنا يحفظم ويحفظ اولادكم من كل سوء
ويضلل عليكم بالحب والود يا رب العالمين
تحياتي استاذ ابراهيم

هبة فاروق يقول...

أخيرا ظهر ابراهيم الرومانسى بجد فرحانة جدا بالبوست ده ربنايخليكم لبعض ويحلى ايامكم كلها يارب
بس يعنى انت كنت ماشى صح جدا ورومانسية مفيش كدة عملت تورتة جميلة لكن رشيت عليها شوية ملح فى الآخر ههههههه مفيش فايدة لازم تختمها الخاتمة دى حرام عليك يا استاذ ابراهيم لازم تصحينا على صدمة فى الاخر الزواج شىء جميل طالما فى حب وعشرة طيبة بين الزوجين سلامى لعائلتك الكريمة وربنا يديم عليكم الحب

رحاب صالح يقول...

هههههههههههه
ربنا يقكع من هنا ويوصل من هنا ههههههههه
حلو البوست
وحتي نكره الزواج
بس برضه بنقع ف شراكه وبنموت فيه

Whisper يقول...

الله يخليكم لبعض و ربنا يديم المحبه

بدون مبالغه من اجمل ما قرأت
تسلم ﺍﻳﺪﻳﻚ

سواح في ملك اللــــــــــــــــــه- يقول...

حفظكما الله لاولادكما ياابراهيم

وحفظ لكما السيدة الفاضلة والدتك

تحيتي لك ولزوجتك الطيبة

وللفاضلة والدتك

موناليزا يقول...

ايه الجمال ده :)
ربنا يخليكوا لبعض

aya mohamed يقول...

ههههههه كنت قولتلى ان ده سر وضحكت عليا
ربنا يخليهالك يارب ويباركلك فيها ويباركلها فيك يارب
هما اساسا كل الآيات حلوين ويستاهلوا يتحبوا كل الحب ده
يارب دايما فى سعادة وحب

candy يقول...

التدوينة لمست أعماقى .. مش برومانسيتها قد ما بصدقها !

روح الامتنان اللى ريحتها فايحة منها .. اللحظة اللى مش متوقعة تتقال فيها كلمة لامجال لذكرها .. قلما تتقال بتوقف الكوم كله وتعيد تشغيله.


ربنا يخليكم لبعض ويخليلكم ملايكتكم يكبروا يبنكم فى حب ودفا ^_^

مصطفى سيف الدين يقول...

طيب ايه طيب؟
نصدق البوست و لا آخر سطر ؟
و بعدين ايه الرومانسية دي كلها؟
يا سيدي منقدرش على كده
ربنا يخليكم لبعض و يبارك في اولادكم و يحفظكم من كل شر

مصطفى سيف الدين يقول...

اه صحيح كلمة في سرك
متأكد ان النهاردة مش عيد ميلادها و لا عيد جوازها؟
بصراحة شاكك انك فاكر التواريخ دي
فبحاول افكرك يعني علشان ممكن يطلع النهاردة تاريخ مهم عندك و انت ناسي تقوم هي تدخل المدونة وتقرا كلامك و تعرف انك ناسي و يتقلب البوست الرومانسي ده لبعد الشر بعد الشر يعني
ركز يا هيما و افتكر تواريخك
و لا اقولك احذف الفقرة دي اضمن :)

حَنيّـن نِضال يقول...

الله يخليكم لبعض يارب و يحميلكم عصفيركم و يجعلهم ذرية صالحه بارة يارب و يفرحكم في عيال عيال عيالهم :)

rona ali يقول...

اخرابي يا ناس
والله انا حبيتها من كلام حضرتك دة كفايا انها مرات خالى

بس حضرتك تقول يقطع الزواج وسنينه وماشي في كل مكان تدعيلي بالفستان الابيض تقصدايه يا خاااال

ريهام المرشدي يقول...

السلام عليكم و رحمة الله و بركاته
دمعت عيناي عندما دخلت زوجتك المستشفى :( .. حمدا لله على سلامتها ، أتمنى من الله أن يدوم ما بينكما و و كم جميل ما فعلته هنا بالإعتراف لها بذلك :) ... و بصراحة حضرتك مصري أصيل فعلا فبعد كل الكلام في البوست ختمته مسك الختام :D ...
بارك الله لكم في أولادكم و تحياتي لها كثيراااا .

faroukfahmy يقول...

ما الخبر حبيبى اراهيم ارسلت تعليقا اعزازا لحرمكم المصون ام الاولاد الجمال لما ذا لم ينشر ؟؟؟؟؟؟؟؟؟؟؟؟؟؟؟؟؟؟؟

شمس النهار يقول...

مش هينفع اعلق علي هذا الشلال الناعم من المشاعر المكتوبه
بس هقولك ربنا يخليكم لبعض :)

Bent Men ElZman Da !! يقول...

ياسلام على الحب يا سلام
ربنا يهنيكم يارب ويسعدكم دايماً ويباركلكم فى بعض :)
بس انا نفسى اعرف ايه علاقة جملة يقطع الجواز وسنينة بالرومانسية اللى فى البوست

Unknown يقول...

أنا مش لاقيه كلام أقوله غير ربنا يخليكم لبعض و يسعدك ببعض و يحفظكم لبعض
ساعات الإنسان بيحس في لحظات صدقه مع نفسه مين اللي قريب منه بجد..مين شريانه اللي ميقدرش يعيش من غيره..حتى لو كان نسي ده في زحمة الدنيا..لأن الأصدق هو الأبقى..

و هكرر اللي قولتهولك تاني
إرفع التدوينه يا أستاذ إبراهيم
أنا بخاف...من الإعترافات دي

لك مني كل الإحترام
و لها مني كل الود و التقدير

أسماء فتحي يقول...

ههههههههههه

ربنا يديم بينكم المودة ويألف بين قلوبكم
ويسعدكم يارب

بس نفسي اعرف معنى اسامى بناتك ومين اختارهم

وانا بضم صوتى لصوتك يقطع الجواز وسنينه
ههههههههههههه

دمت بسعادة

تحيـــاتى
Asmaa Fathy

Do3aa El_attar يقول...

أخيييييييييييرًا عيشت لحد ماشوفت بوست رومانسي بحق وحقيق لأستاذ إبراهيم :D

أهو بجد البوست ده في نظري هو اختصار معنى الرومانسية الحقيقية، لأن الرومانسية مش كلام حلو دي مشاعر بتتحس من غير كلام وأفعال

ربنا يخليكم لبعض ويحفظكم ياااارب :)

zeze يقول...

يا سلالام بصراحة عندها حق
دا انا كنت هصدق انك ملكش علاقة بالرومانسية خالص هههههه،بس الحمد لله طلع فيه
ولالالازم السطر الاخير دا اه منكماكيد علشان الحسد
بس مش مهم المهم انه ربنا يحفظكم انتم واولادكم امين

Baskouta يقول...

الكلام ده أروع من ان كلمات بسيطة تعلق عليه
ربنا يحفظكم ويسعد أوقاتكم
:)

ليلى الصباحى.. lolocat يقول...

مش هقول غير كلمة واحدة وبس

لأ لأ هما كلمتين وبس

الله عليك


على الهامش /
احيانا اسأل نفسى فيه ناس كده بتحس انك بتحبهم وبتحب مشاعرهم الانسانية ومش بتعرف ليه لكن الايام بتثبت لك صدق مشاعرك

الحمد لله انى دايما مشاعرى مش بتخدعنى ابدا فى اصدقائى :)

تحياتى لك ولاية بحجم السمااااااء
وحفظها الله لك ولابنائها ومن عليكم بالستر والصحة والعافية والصلاح وكل حاجة حلوة

رؤى عليوة يقول...

ايه البوست الجميييييييل ده
بجد ربنا يخليكوا لبعض
وهو ده مثال الست المصرية والأصيله بجد

ربنا يفرحكوا وتشوفوا أفراح ولادكوا وتبقوا تعزمونا :)

وبالمناسبه بقى انا بعزم حضرتك ومدام آيه كمان وده بجد تحضروا حفلة توقيع كتابى يوم الاربع 30 يناير فى معرض الكتاب " جناج كيان كورب الساعه 12 الضهر وهبقى موجوده بعدها كمان

اتمنى تلبى دعوتى

تحياتى

eng_semsem يقول...

ربنا يديم عليكم الحب والموده
ويجعل حياتكم كلها سعاده
تحياتي لقلب مخلص

Unknown يقول...

الحب لا يعرف وقتاً ولا يوماً
هو في كل لحظة من حياتنا
ولكننا نحن لا نستطيع البوح إلا في المناسبات..

اتمنى لكم حياة جميلة يارب


افكار مبعثرة يقول...

ربنا يخليكوا لبعض و يسعدكو ويبارك لك فيها و ف اولادك يارب و يديم عليك محبتها
احببتها من غير ما اشوفها من حكيك عنها ماشاء الله
بس لازم تختمها الختام ده يعني لازم تحط التاتش بتاعك؟ هههههههههه
تحياتي :)

ابراهيم رزق يقول...

اعزائى تسمحوا لى ان ايه هى اللى هترد عليكم جميعا و هى على فكرة عارفاكو كلكم و متابعاكم

غير معرف يقول...

اشكركم جميعا و ربنا يخليكم ليا

كنت عايزة ارد على كل واحد فيكم رد منفصل و اشكركم لكنى لا اجيد التعبير عن مشاعرى
لكن اوعدكم انى هحاول و يمكن اعمل مدونة كمان
ابراهيم فعلا رومانسى لكن ممكن ميبنش عليه هو طفل كبير

Asmaa Fathy

ابراهيم فى موضوع الاسماء دكتاتور هو اللى بيختار الاسماء بس انا طبعا لازم اوافق عليها
ساليناز
من مقطعين سالى و ناز
اسم فارسى مهناه زهرة الحب
مثل شاهيناز ملكمة الحب
و صافيناز الحب الصافى

سولينا
اسم نرويجى مشتق من كلمة سولاج ومعناه المناضلة الثائرة

متشكرة ليكم كلكم
ايه يوسف


ليلى الصباحى.. lolocat يقول...

اجمل مافى البوست ده انه خلانا نسمعك ونشوفك يا اية من خلال كلماتك الرقيقة

اسعدك الله حبيبة قلبى بالدارين ومن عليك بالستر والصحة والعافية وراحة الحال والبال

وان شاء الله تعملى المدونة ونزورك ( ونطنش ) ابو ساليناز :)

تحياتى لك ولاخى ابراهيم بحجم السماء

richardCatheart يقول...

عارف يا ابراهيم انت بكتنى من قلبى :) حالة كدا انبساط على شجن على حب ليكم انتم الاتنين على حاجات زحمة ولا المنشية عز الضهر سيبك انت من خفة دمك المعتادة فى الاخر بس المضمون شطة وكريمة حاجة حلوة ودسمة كدهون الست دى ست الستات وانا تلاته بس اللى بلقبهم ياللقب دا ستيتة وفاتيما وامى هى بقت الرابعة وعندى اسبابى الحقيقة ربنا يحفظهالك ويكرمك بيها طول العمر هى ايات واسمها ايات :)